ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

စိတ်ထားပြုပြင်နည်း ခုနှစ်သွယ်



(၁) ငြိမ်းချမ်းစိတ်၊ ကျန်းမာရေးစိတ်၊ မျှော်လင့်သည့်စိတ်၊ သတ္တိရှိသောစိတ်တို့ဖြင့် ပြည့်လျှမ်းနေပါစေ.. . အဘယ့်ကြောင့်ဆိုသော် လူတို့၏ ဘ၀သည် မိမိတို့စိတ်က ပြုပြင်သမျှ ဖြစ်ရပါသည်.

(၂) ရန်သူကို ဂရုမပြုပါနှင့်၊ ဂရုပြုလျှင် ရန်သူကို ထိခိုက်သည်ထက် ကိုယ့်ကိုယ်ကို ပိုထိခိုက်စေပါသည်. .

(၃) သူတစ်ပါးက ကျေးဇူးမဲ့မှုနှင့် ပတ်သက်၍ သောက ဖြစ်နေမည့်အစား ကျေးဇူးမဲ့မည်ကို ကြိုတင်၍ မျှော်လင့်သင့်သည်. . ကျေးဇူးအတင်ခံဖို့ မမျှော်လင့်မှ စိတ်ချမ်းမြေ့ဖွယ် ရမည် ဖြစ်ပါသည်. . . . . မိမိသားသမီးတို့ကို ကျေးဇူးသိတတ်သည့် အလေ့ရှိစေလိုလျှင် ကျေးဇူးသိတတ်မှုကို အားပေးကာ သင်ကြားပေးရပါသည်. .

(၄)ကိုယ့်မှာ ခံစားရသည့် အကျိုးကျေးဇူးတို့ကိုသာပွားများပါ. . . ချို့တဲ့မှုကို နှလုံး မသွင်းပါနှင့်. . .

(၅) သူတစ်ပါးကို မတုပါနှင့်. . . နဂိုအနေအတိုင်း ပြုပါ. . .သူတစ်ပါးကို မနာလိုခြင်းသည် အလွန်ဆိုးရွားခြင်းပင်ဖြစ်သည်. . တုပခြင်းသည်. . မိမိ၏ နဂို အရည်အချင်းများကို ချိုးနှိမ်လိုက်ခြင်း ဖြစ်သည်. . ကိုယ့်ကိုယ် ကိုသတ်ခြင်းနှင့် တူသည်. .

(၆) ကံဆိုးတည်းဟူသော သံပရာကို ရရှိလျှင် ကံကောင်းတည်း ဟူသော သံပရာဖျော်ရည် ဖြစ်အောင် ကြိုးပမ်းပါ. . .

(၇) သူတစ်ပါး အကျိုးဆောင်နိုင်သလောက် ဆောင်ခြင်းဖြင့် ကိုယ့်သောကကို ဖျောက်ပစ်ပါ. . . "သူတပါး အကျိုးဆောင် ကိုယ့်အကျိုးအောင်သည် "

နှစ်သစ်သစ်မှာ စာဖတ်သူ ညီအကိုမောင်နှမများ အားလုံးအထက်ပါ နည်းလမ်း (၇) သွယ်ဖြင့် စိတ်ငြိမ်းချမ်း သာယာမှုရပါစေလို့ ဆုမွန်ကောင်းတောင်းလျှက်. .

တက်တိုး (သောကကင်းဝေးနေနိုင်ရေး)

အားလုံးကိုချစ်ခင်လေးစားလျှက်...


သတိ



"သတိ"

သတိလွတ်၍
ရေရွတ်ဆိုဆဲ၊ သူ့ကိုမဲစဉ်
မီးစွဲသို့လျှင်၊ သူ၏ရင်မှ
နာကျင်စီးကျ၊ မျက်ရည်စကို
နှိုင်းဆစိတ်တွင် မမြင်မိ။

သတိလစ်၍
အပြစ်ဖော်ပြ ၊ ဆိုဆုံးမ၏
ဆုံးမသည်ထား၊ နှုတ်စကားလျှင်
တုတ်ဓားနှယ်ပင်၊ သူ၏ရင်ဝယ်
နာကျင်ဖိုလှိုက်၊ အသည်းခိုက်မည်
ငါ၏စိတ်တွင် မမြင်မိ။

သြော်. . . စိတ်လိုက်မာန်ပါ၊ အခါခါတည့်
ကာလဒေသ၊ ပယောဂနှင့်
နှိုင်းဆအပ်သည့် ၊ ထိုသတိလျှင်
မရှိလွတ်လစ်၊ ကင်းသည်ဖြစ်၍
ချစ်ခြင်းအမှန်၊ အရင်းခံလည်း
မုန်းမာန် စူးရှ၊ ဆူးတို့ခသည့်
ဘ၀ဒဏ်ရာ၊ ရှည်ကြာခဲ့ကြောင်း
ကျောင်းကျိုး ဆိုးပြစ်၊ ပြန်ဆန်းစစ်မှ
မြူညစ်မထင်၊ အပြစ်စင်သည့်
သစ်လွင်သောကိုယ်၊ ငါဖြစ်လိုသည်
စိတ်ကို အနိုင်ရစေသော်။ ။

မြင်းမူမောင်နိုင်မိုး
အားလုံးကိုချစ်ခင်လေးစားလျှက်...





အနီးကပ်ရန်သူ


ရှေးတုန်းက ဗာရာဏသီ ပြည်မှာ ဗြဟ္မဒတ်မင်းကြီး အုပ်ချုပ်တယ်. . . ပြည်သူတွေရဲ့ ဘ၀မှန်ကို သိလိုတဲ့အတွ့် မင်းကြီးဟာ သူဆင်းရဲ အသွင် ရုပ်ဖျက်ပြီး စနည်းနာ ထွက်တော်မူပါတယ်.. . ပထမ နေပြည်တော်တွင်း စနည်းနာ ပြီး ထို့နောက် နေပြည်တော် ပြင်ပ ကျေးရွာများသို့ သွားလေသည်. . . .

ကျေးရွာ အပြင်ဘက် ယာတောတစ်ခုသို့ ရောက်တဲ့အခါ. . . အသက်အရွယ် အိုမင်းပြီဖြစ်သော အဘိုးအို အဘွားအို ဇနီးမောင်နှံကို တွေ့ရပါသည်. . . အလုပ်နှင့်လက် မပြတ်အောင်လုပ်နေသော အဘိုးအိုတို့ ဇနီးမောင်နှံကို ကြည့်ကာ "ဘကြီးတို့က အသက်ကြီးလှပြီ တရားဘာဝနာနဲ့ နေသင့်တဲ့ အရွယ်မှာ ဘာ့ကြောင့် ဒီလောက် အပင်ပန်းခံပြီး လုပ်နေရပါသလဲ. . သားထောက်သမီးခံမရှိလို့လား ဒါမှမဟုတ် လောဘမသတ်နိုင်လို့လား ". . . ဟုမေးလေသည်.. .

ထိုအခါ အဘိုးအိုက "တို့များမှာ ကုန်ကျစရိတ်များလှတာကို မောင်ရင်မှ မသိဘဲကွယ်. . . . . တို့များမှာ
(၁) ခိုမှူးကြီးကို အခွန်ဆက်သရတယ်..
(၂) ဧည့်သည်ကိုလဲ ကြာရှည်ကျွေးရတယ်
(၃) သမုဒ္ဒရာထဲကိုလဲ ပစ်ရတယ်
(၄) အနီးကပ်ရန်သူကိုလဲ ကြည်ဖြူစွာကျွေးရတယ်.. . . " ဟုပြောလေသည်. . .
မင်းကြီးက ဘကြီး စကားလေးခွန်း က ထူးဆန်းလှပါပေတယ် ရှင်းပါဦး . . . . ဟုပြောသောအခါ. .

"ခိုမှူးကြီးကို အခွန်ဆက်သရတယ်ဆိုတာ တိုင်းပြည်ကို စောင့်ရှောက်ကာကွယ်ပေးတဲ့ ဘုရင် မင်းမြတ်ကို အခွန်ဆက်သရတယ် လို့ ဆိုလိုတာပါ. . .

"ဧည့်သည်ကို ကြာရှည်ကျွေးမွေးရတယ်ဆိုတာ က မိမိမွေးထားတဲ့ သားသမီးတွေကို အရွယ်ရောက်ပြီး အိမ်ထောင်ကျတဲ့ အထိ စောင့်ရှောက်ကျွေးမွေးရတာကို ပြောတာပါ. ."

"သမုဒ္ဒရာထဲကို ပစ်ရတယ်ဆိုတာကတော့ မိမိ ခန္ဓာ အာဟာရပြည့်အောင် စားသောက်ရတယ်. . . ဒါပေမယ့် ဒီဝမ်းဗိုက် က ပြည့်နိုင်တယ် မရှိဘူးလေ . . ရေတွေ့ ဘယ်လောက်ပဲ စီးဝင် စီးဝင် မပြည့်နိုင်တဲ့ သမုဒ္ဒရာလိုပါ ပဲ. "

အနီးကပ်ရန်သူကိုလည်း ကြည်ြဖူစွာကျွေးရတယ် ဆိုတာက မိမိရဲ့ မယားကို ဆိုလိုရင်း ဖြစ်ပါတယ်. . " ဟု ပြန်လည် ပြောပါတယ်. . . .

အဘိုးအိုရဲ့ ပုစ္ဆာနှင့် အဖြေကို မင်းကြီးသည် အလွန်သဘောကျသွားသည်. . . နန်းတွင်း ပညာရှိများကိုလည်း မေးမည် ဟုမှတ်သားထားလိုက်သည်. . . အဖြေမပေါက်ကြားအောင်လည်း တားမြစ်ထားမည် ဟု စဉ်းစားပြီး "ဒီမှာ ဘကြီး ကျုပ်ဟာ ဟောဒီ ဗာရာဏသီပြည့်ရှင် ဗြဟ္မဒတ်မင်းကြီး ဖြစ်တယ်. . . " ခုပြောခဲ့တဲ့ ပုစ္ဆာရဲ့ အဖြေတွေကို မပေါက်ကြားပါစေနဲ့. . . ပေါက်ကြားခဲ့ရင် . . သေဒဏ် စီရင်ရလိမ့်မယ်. . . . " လို့ ပြောပြီး မင်းကြီးလည်း နန်းတော်သို့ ပြန်ပြီး ပုစ္ဆာလေးရပ်ကို နန်းတွင်းပညာရှိများကို မေးလေသည်. . . .

မှူးမတ်တို့မှာ မင်းကြီး၏ ပုစ္ဆာလေးရပ်၏ အဖြေကို မပေးနိုင်၊ မကြံနိုင်ဖြစ်နေကြပါတယ်. . . . ဒါနဲ့ အမတ်ကြီး တစ်ဦးကတော့ ပုစ္ဆာရဲ့ သဲလွန်စကို စဉ်းစားပြီး မင်းကြီးရဲ့ နည်းအတိုင်း ရုပ်ဖျက်ပြီး မင်းကြီးသွားခဲ့တဲ့ လမ်းကြောင်းအတိုင်း ခရီးထွက်ခဲ့လေသည်. . . . တွက်ချက်မိသည့်အတိုင်းပင် အမတ်ကြီး လည်း မင်းကြီးတည်းခဲ့သည့် ယာတဲနေ အဘိုးကြီးဆီသို့ ရောက်ခဲ့လေသည်. . . အမတ်ကြီး က အဘိုးအိုထံ ချည်းကပ်၍ ပုစ္ဆာ၏ အဖြေကို မေးလေသည်. . အဘိုးအိုက မဖြေပေ. . . . မင်းတရားကြီး အမိန့်ကို မလွန်ဆန်ရဲ၍ တံစိုး လက်ဆောင်ပေးသော်လည်း မရပေ. . .

သို့နှင့် အမတ်ကြီး က အဘွားအိုကို ချည်းကပ်၍ အသပြာ တစ်ထောင် ပေးသော အခါ အဘွားအိုက အဖြေကို ပြောပြလိုက်လေသည်. . . . အမတ်ကြီးလည်း ပုစ္ဆာလေးရပ်၏ အဖြေကို သိလျှင် နန်းတော်သို့ ပြန်၍ မင်းကြီးအား လျှောက်တင်လေသည်. . . အဖြေကို ကြားရလျှင် မင်းကြီး က လွန်စွာ အံ့သြ သဖြင့် အဖြေကို ဘယ်က ဘယ်ပုံရလာသနည်း သေသေချာချာ လျှောက်တင်ပေတော့ မလျှောက်တင်နိုင်ရင် အမတ်ကြီးကို ရာထူးက ထုတ်ပယ် ရလိမ့်မည် ဟု မိန့်တော်မူလေသည်. . . .

ထိုအခါ အမတ်ကြီး က အမှန်ကို မကွယ်မလျက် လျှောက်တင်လေသည်. . . . နောက်တစ်နေ့ ညီလာခံတွင် မင်းကြီး က အဘိုးအိုအား စစ်မေးတော်မူလေသည်. . . .ထိုအခါ အဘိုးအိုက "ဒီအဖြေကို ကျွန်တော်မျိုး ပြောရခြင်း မဟုတ်ပါ ဘုရား . . . . ကျွန်တော်မျိုးရဲ့ ပုစ္ဆာ နောက်ဆုံး အဖြေမှာ အနီးကပ်ရန်သူကို လည်း ကြည်ဖြူစွာကျွေးမွေးရတယ် လို့ ပါပါတယ် ဘုရား . . . အနီးကပ်ရန်သူဆိုတာ မိမိရဲ့ မယားပင် ဖြစ်ကြောင်း " လျှောက်တင်လေသည်. . . . . . .


ဗန်းမော်ဆရာတော် ပုံပြင်များ

အားလုံးကိုချစ်ခင်လေးစားလျှက်...


အိမ်လွမ်းသူ….



"မေမေ ဒီနေ့ ဘာချက်လည်း . . . . ဒီနေ့ တော့ ငါ့သမီးကြိုက်တဲ့ ဒန့်ဒလွန်သီးကို ခရမ်းချဉ်သီးနဲ့ သတ်သတ်လွတ်ချက်တယ်. . . . ပြီးတော့ ၀က်သား အချိုချက်တယ်.. . . မုန်ညင်းကြော် . . . တယ် "
"မိုက်တယ် . . . . ဒီနေ့ သမီးကြိုက်တာတွေကြီးပဲ ကောင်းမှကောင်း . . . . ၀ါးမယ်. . ."
"မေမေရော စားပြီးပြီလား . . . စားလို့ကောင်းလား . . "

ဒါကတော့ ကျွန်မ ကျောင်းတက်စဉ်ကနေ အလုပ်ရသည်အထိ အိမ်ရောက်ချိန်မှာ ကျွန်မတို့ သားအမိ ပြောဆိုနေကျပဲ ဖြစ်ပါတယ်. . . . ကျောင်းတက်တုန်းကလည်း ကျွန်မက မူလတန်းကနေ ဘွဲ့တစ်ခုရတဲ့ အထိ အိမ်နဲ့ မကွာတက်ခဲ့ရပါတယ်. . . . ဒါကလည်း ကုသိုလ်တစ်မျိုးပါပဲ သူများတွေလို မိဘအိမ်နဲ့ ခွဲနေရတဲ့ ဒုက္ခရယ် စားရေး ၊သောက်ရေး က အစ မပူပင်ရတော့ပါဘူး. . . . ဒီတော့ အိမ်နဲ့ခွဲရတဲ့ ဒုက္ခကို မသိသေးဘူးပေါ့. . . .

ဒီလိုနဲ့ ကျောင်းပြီးတော့ လုပ်ငန်းခွင် ၀င်ဖို့ ပြင်ဆင်ပါတယ် . . ဒါပေမယ့် မေမေက ကျွန်မကို အိမ်နဲ့ ခွဲပြီး ဘယ်အလုပ်မှ မလုပ်စေချင်ပါဘူး . . . အကြောင်းပြချက်ကတော့ ကျွန်မက ကျန်းမာရေး မကောင်းဘူး ပြီးတော့ စိတ်ပျော့တဲ့ အတွက် နေရာတကာမှာ သူများတွေလို ခံနိုင်ရည်မရှိဘူး လို့ မေမေက ပြောပါတယ်. . . ဒါနဲ့ ပဲ အလုပ်လုပ်ဖို့ အခွင့်မရခဲ့ပါဘူး . .

တစ်နေ့တော့ အိမ်နဲ့ ခွဲနေရဖို့ အကြောင်းကဖန်လာပါတယ် . . ရန်ကုန်မှာ ကျောင်းတက်ဖို့ ကျွန်မ ၀င်ခွင့်စာမေးပွဲဖြေထားတာ ၀င်ခွင့်အောင်ပါတယ် . . . မေမေက သ်ိပ်သဘောမကျဘူး . . ကျွန်မ အကိုနဲ့ ကျွန်မနဲ့ အတိုက် အခံ ပြောတော့မှ ပဲ ကျောင်းသွားတက်ဖို့ ခွင့်ပြုပါတယ်. . အဲဒီတော့ မှ ကျွန်မ အိမ်နဲ့ စခွဲဘူးတာပါ. . . အဲဒီအချိန်မှာ ကျွန်မပျော်တယ် အိမ်နဲ့ မတူတဲ့ ပတ်ဝန်းကျင် အသစ်မှာ နေရမှာ ဒါပထမဆုံးပါ. . . . ဒီတော့ အတွေးတွေနဲ့ ပျော်မဆုံးပေါ့.. . .ကျောင်းတက်တာ.ရန်ကုန်မှာ ၃ နှစ်ကြာပါတယ် .. အဲဒါ က အိမ်နဲ့ ခွဲဘူးတဲ့ သက်တမ်းက အကြာဆုံးပါ ပဲ. . .

ကျောင်းတက်တော့ ရန်ကုန်က အဒေါ်အိမ်မှာ အားလုံး အဆင်ပြေပါတယ်. . . ကိုယ့်အိမ်လိုတော့ ဘယ်ဟုတ်ပါ့မလည်း. . . . . . . ဒါပေမယ့် မရဘူးလေ သူများအိမ်မှာတော့ ဂျေးများလို့မရတော့ဘူး . . . အဲဒီအချိန်မှာ အိမ်ကို အရမ်းသတိရတယ်. . . အိမ်ဆိုတာထက် နွေးထွေးတဲ့ မေမေရဲ့ မေတ္တာအပြည့်ရှိတဲ့ အမေ့အိမ်ကို လွမ်းတာပါ..

အဲလိုနဲ့ ပထမ ၁ နှစ်ပြီးသွားပါတယ်. . . . ဒုတိယနှစ်ကျတော့ ကျောင်းနဲ့ နီးတဲ့သူငယ်ချင်း အိမ်မှာပြောင်းနေပါတယ်. . . . အဲဒီမှာ သူငယ်ချင်းနဲ့ ၃ ယောက်နေတော့ ကိုယ့်ဘာကိုယ် ချက်စားရတယ် . . . . အားလုံး အစစကိုယ့်ဘာကို စီစဉ်ရတယ် . . . ကိုယ်တိုင်ဦးဆောင်ရတယ် အဲဒီတော့ မှ ခေါင်း စားတာပဲ ဈေးသွားရင် ဘာဝယ်ရမှန်းမသိ ဘူး သူငယ်ချင်း ၂ ယောက် ခေါင်းချင်းရိုက်နေတာပါပဲ. . . .ဒီတော့မိဘဦးဆောင်မှုရှိတဲ့ မိဘအိမ်က ဘယ်လောက်နွေးထွေးလည်းဆိုတာ ပိုသိလာခဲ့ပါတယ်. . .

ဒီတော့ မေမေ့ကို ကိုယ်ချင်းစာပါတယ် . . . သနားလည်းသနားတယ် ပြီးတော့ မိဘကျေးဇူးကို ပိုနားလည်လာပါတယ်. . . .တစ်ခါတစ်လေ. ဟင်းဂျီးများ တဲ့ ကျွန်မကို မေမေက "နင်ကိုယ်တိုင် ဈေးသွား ဆို ပြီး.. . . " အမြဲပြောတယ် ဈေးသွားလည်း ကျွန်က အန်မတန်ပျင်း ဆိုတော့ မေမေ စိတ်တို တာ မဆန်းပါဘူး . . . . . ဘာလေးဖြစ်ဖြစ် ကျွန်မကို ဦးစားပေးတတ်တဲ့ မေမေ့ကို ကျေးဇူးတင်မဆုံးပါ . . .

ကျောင်းလည်း ပြီးလို့ အလုပ်ပြန်ရတော့ လည်း ကိုယ့်မြို့မှာပဲ ဆိုတော့ ဘာပြောကောင်း မလဲ အိမ်နဲ့ မခွဲရတော့ဘူး ပေါ့. . . .နေ့တိုင်း မေမေထည့်ပေးတဲ့ ထမင်းဘူးကို ယူ ရုံးသွား ရုံးပြန်ရင် မေမေ အဆင်သင့်ပြင်ပေးတဲ့ ထမင်းဝိုင်းကို စား ပြီး ဇိမ်ကျခဲ့တာပေ့ါ. . . .

ခုတော့ အဲဒီဇိမ်တွေ မကျတော့ပါဘူး ကျွန်မထမင်းဘူးကို ကျွန်မကြိုက်တတ်တဲ့ ဟင်းတွေ နဲ့ ထည့်ပေးပြီး ရုံးပြန်အလာ ကို ထမင်းဝိုင်း အဆင်သင့် စောင့်ကြိုနေတဲ့ ကျွန်မ အမေ က ကျွန်မကို ခွဲခွာသွားပါပြီ. . .

အိမ်နဲ့ ခွဲနေရခဲ့ရတဲ့ အချိန် က ကျွန်မရဲ့ လက်ရှိ အသက်အရွယ် နဲ့ ဆို တော်တော်ကို နည်းပါတယ်. . . . ခွဲနေတဲ့ အချိန်ကလည်း နည်းတော့ အိမ်ကိုလွမ်းတာ ထက် ကျွန်မ အမေရှိတဲ့နေရာကို ပိုသတိရတယ်ဆိုတာက ပိုမှန်ပါတယ်. . . . ခုလည်း အိမ်နဲ့ ခွဲပြီး ဘယ်မှာ မှ ရက် အကြာကြီး မနေဘူးပါဘူး . . .

ကျွန်မအတွက်တော့ အိမ်မှာ ရုပ်ဝတ္တုပစ္စည်းတွေ ဘယ်လောက်ပဲ ပြည့်စုံပြည့်စုံ အိမ်ကြီးဘယ်လောက်ပဲ ကောင်းကောင်း ကျွန်မအတွက် မပြည့်စုံပါဘူး . . . ခု အိမ်မှာ နေပေမယ့် လည်း ကျွန်မအတွက်တော့ အိမ်လွမ်းသူ ဖြစ်မှန်းမသိ ဖြစ်နေသလိုပဲ အမြဲ ခံစားနေရပါတယ်. . . . အိမ်မှာ တစ်ခုခု လိုနေသလိုဖြစ်ပြီး ရင်ထဲမှာ ဟာတာတာနဲ့ . . . . အဲဒီတော့ အိမ်မှာနေပြီး အိမ်လွမ်းသူ ဖြစ်လာရင် ခရီးထွက်တယ်. . သူငယ်ချင်းတွေနဲ့ လျှောက်လည်တယ် . . အလုပ်တွေဆက်တိုက် လုပ်ဖြစ်ပါတယ်. . .

ဘယ်လောက်ကောင်းတဲ့ ပစ္စည်းတွေနဲ့ တည်ဆောက်ထားတဲ့ အိမ်ဖြစ်ပါစေ. . . . အိမ်ထဲက အဖိုးတန်ပစ္စည်းတွေ ဘယ်လောက်များပါစေ . . . မေတ္တာ၊ စေတနာတွေ မရှိရင် ဒီအိမ်ဘယ်လောက်ကောင်းကောင်း အလကားပါပဲ. . . . . ဒီလိုပါပဲ ကျွန်မအတွက်တော့ မေမေနဲ့ အတူရှိနေခဲ့တဲ့ ကျွန်မတို့ မိသားစုရဲ့ မေတ္တာအိမ်လေးကို အမြဲလွမ်းနေလျှက်ပါ. . . . .

လောကရဲ့လမ်းများပေါ် လျှောက်သွားရင်းနဲ့ မောပန်းနွမ်းနယ်
နှလုံးသားက လွမ်းဆွတ်လို့ တမ်းတမိခဲ့ အမေ့ရဲ့အိမ်ကို
အေးမြတဲ့ အမေ့ရဲ့ မေတ္တာရိပ်နဲ့ ဝေးခဲ့သူမို့
တစ်ခါတစ်လေ ပြန်လည်တွေးရင်
ရင်မှာကိုယ်ကြေကွဲ

ခြောက်သွေ့တဲ့ အိမ်မက်ရှည်တွေကြားထဲမှာ အရိပ်တစ်ခုလွင့်ပြယ်
ရက်စက်တဲ့နေ့ရက်များ တိုက်ခိုက်ကြလို့ အားနည်းနေပြီဆို
တင်းထားတဲ့ စိတ်ဓါတ်များ ပြိုကွဲသွားမလား စိုးရိမ်လို့
ရင်မှာ ဒါဏ်ရာများနဲ့ နာကြင်နေပြီပဲ

အိမ်ပြန်ချင်တယ် … ဟူး … အငြိမ်းချမ်းဆုံးအမေ့အိမ်
အိမ်ပြန်ချင်တယ် … ဟူး … အနွေးထွေးဆုံးအမေ့အိမ်
အိပ်မရတဲ့ညများစွာထဲ .. အိုး…
ရထားဥသြသံလေးများကြားရင်
အိမ်ပြန်ချင်တဲ့စိတ်ကလေး တားမရဘူး

မွန်းကြပ်တဲ့ မြို့ပြလူနေမှုစနစ်မှာ စီးမြောရင်းလေ
မပြီးသေးတဲ့ခရီးတစ်ခု အဆုံးထိရောက်ဖို့ ကြိုးစားနေသူမှာ
ရိုးသားတဲ့ ကျေးလက်က အမေ့အိမ်ကလေးအကြောင်း တွေးမိနေလို့
မြင်ယောင်ကာ အိပ်မက်ရင်
အလိုလိုငိုချင်တယ်

အားလုံးထက် နွေးထွေးလုံခြုံတဲ့နေရာဟာ အမေ့အိမ်ပဲလို့ သိလိုက်ရတဲ့အချိန်ကြတော့ . . . . . . .

ကို ZOX တဂ်တဲ့ အိမ်လွမ်းသူဆို တဲ့ ခေါင်းစဉ် နဲ့ တတ်နိုင်သလောက် ကြိုးစားရေးလိုက် ပါတယ်. . ရေးခွင့်ရအောင် တဂ်တဲ့ ကို ZOX ကိုလည်း ကျေးဇူးတင်ပါတယ်..

အားလုံးကိုချစ်ခင်လေးစားလျှက်...





မေ၁၆ရဲ့ ငယ်ဘ၀အမှတ်တရ

ငယ်ဘ၀အမှတ်တရ... ကိုအိမ် ရဲ့ တက်ဂ်ပို့စ်လေးပါ... မပန်ကဗျာကို ရေးခိုင်းတာပါ...ဒါပေမဲ့ တက်ဂ်ကြွေးက ၂ခုဆိုတော့ တစ်ခုကူရေးရတော့ တာပေါ့..။ကိုအိမ်ရေ...ကျေနပ်လားမသိဘူး....မကျေနပ်ရင် မုန့်ဝယ်ကျွေး.. .အဟတ်..:P ငယ်စဉ်ဘ၀ဆိုတော့ လွတ်လပ်ပေါ့ပါးစွာ ပျော်ရွှင်မှုတွေနဲ့ပေါ့...ငယ်ဘ၀အမှတ်တရဆိုတာ ဘယ်သူမဆို အမှတ်ရစွာ လွမ်းနေတတ်တာမျိုးပါ။ ကိုအိမ်ရဲ့စိတ်ကူးလေးကောင်းပါတယ်။

မမေ ငယ်ဘ၀ ကဒီလို...

မမေတို့က မောင်နှမနှစ်ယောက်ပဲရှိပါတယ်။ ၁လသမီးကတည်းက အဘိုးအဘွားတွေ ခေါ်ယူမွေးစား ထားလို့ အလိုလိုက်ခြင်းခံရ တဲ့ ကလေးဆိုးလေးတစ်ယောက်ပါ။ (ကိုယ်ဂုဏ်ကိုဖော်တာ) မောင်လေးနဲ့လည်း အတူမနေရတော့ အပေါင်းအသင်းသူငယ်ချင်းဆို အရမ်းခင်တွယ် မက်မောပါတယ်။ သူငယ်ချင်းက ဒါဆို မမေက လည်း ရှေ့ဆုံးက ပါဝင်ဖို့ခေါင်းညိမ့်ပြီးသားပါ။ စည်းကမ်းကြီးတဲ့ ဘိုးရဲ့ စည်းစနစ်တွေလည်း မမေ နဲ့ကြမှ လျော့ရဲ ကုန်တာပေါ့။ ဘိုးသားသမီးတွေ တုန်းကဆို...မဟာစည်းကမ်းတွေ နဲ့ပေါ့။ အဲဒီအကြောင်းကို မြင်တွေ့နေရတဲ့ အိမ်ဘေးက အဖွားမြ ကဆို ဘိုးကိုအမြဲ သရော်လေ့ရှိပါတယ် စိန်အောင်မင်းကို သတ်မဲ့ လူဆိုးတော့ပေါ်ပြီတဲ့။သရော်တာပါ...အဲလောက်လည်းမဆိုးသေးပါဘူးနော့်(တော်ကြာခပ်အရုပ်ဆိုးဆိုးလူဆိုးမ
ထင်နေဦးမယ်):P

ကဲဆက်ပြောမယ်နော်...သီတင်းကျွတ် ၊ ဒီဇင်ဘာ နဲ့ နွေရာသီကျောင်းပိတ်ရက် တွေရောက်ဖို့ အမြဲရေတွက်ရင်း ကစားနည်းမျိုးစုံ နဲ့ကစားဖို့စဉ်းစားနေခဲ့သူပေါ့။ စွန် လွတ်မလားပါတာပဲ၊ ထုတ်စီးတိုးမယ် လာထား၊ ကြိုးခုန်မယ်၊ ဇယ်တောက်မယ်၊ ညကြီးမိုးချုပ် တူပုန်း...မြွေမကြောက်ကင်းမကြောက် ကိုဆော့ခဲ့တာ...အိမ်မှ ပြန်လာပါတော့ ထမင်းစားမယ်...မိုးချုပ်ပြီ စသည်ဖြင့် အသံကြားမှ မဖြစ်နိုင်တဲ့အဆုံး အိမ်ပြန်ပြေးခဲ့သူပါ။

မမေတို့ငယ်ငယ်က ကျူရှင် ဆိုတာတွေ လည်း သိပ်ခေတ်မစားတော့ကျောင်းပိတ်ရက်တွေမှာ အေးအေးဆေးဆေး မြန်မာရိုးရာကစားနည်းတွေ နဲ့ ဆော့ကစားဖို့အချိန်ရခဲ့ပါတယ်။ အခုခတ်ကလေးတွေများ ကျောင်းပြီး ကျူရှင်၊ ကျူရှင်ပြီး ၀ိုင်း၊ ၀ိုင်းပြီး ဂိုက်...အစုံပါပဲ အားရ တယ်လို့ကို မရှိရှာပါဘူး၊ ဆော့ကစားဖို့လည်း အချိန်မရှိရှာဘူး...အခုခေတ်က Eentertainment အမျိုးစုံ နဲ့ အတုခိုးစရာအဖုံဖုံနဲ့ ကလေးဘ၀က တိုးတက်တဲ့ပညာတွေ နောက်လိုက်ကို ပိုလိုက်နေကြ တယ်လို့ထင်မိတယ်။ ခေတ်ကာလ ကလည်း ကွာခြားလာတာကိုး...။

ဒို့တွေ ကတော့ကျောင်းပိတ်ရက်ဆို အိမ်ကပ်တယ်လို့ကို မရှိပါဘူး၊ စီ ကနဲ့ ဆိုထိပ်ဆုံးက...နောက် ခိုးကြောင့်ခိုးဝှက်လုပ်ခဲ့တာ လည်းပြောပြဦးမယ်။ မမေ တို့အိမ်နားက သူငယ်ချင်းညီအစ်မ ၂ယောက်က TB ရောဂါဖြစ်နေ့လို့ ပိန်ညှောင်ညှောင်လေးပေါ့...ရောဂါကူးမှာ ဆိုးလို့ မမေအဘိုးက အဲဒီအိမ် သွားဆော့လို့ကတော့ အသေပဲ၊ အတီးခံရမယ် (ကန်သန့်နယ်မြေ)အဖြစ် အမိန့်ထုတ်ထားတယ်။ နောက်...ရပ်ကွက်ထဲမှာ ရေလှောင်တဲ့ ရေစင်ကြီးရှိတယ်... အမြင့်ကြီးပါ... ဘယ်လောက်မြင့်လည်းဆို ပုသိမ်မြို့ကို ရေစင်ပေါ်ကနေ မြင်ရလောက်အောင်မြင့်ပါတယ်။ အဲဒီနေရာလည်း (ကန့်သတ်နယ်မြေ)ပါပဲ သွားဆော့လို့ မိလို့ကတော့ အဟဲ...လွယ်ဘူးနော်...ဒါပေမဲ့ အလစ်မှာတော့ ခိုးပြီး တက်ကြည့်ခဲ့ သေးတယ်...အသဲတစ်အေးအေး၊ ဒူးတတုန်တုန်နဲ့ပေါ့...။

နောက်ပြီး ဆိုင်းသံဗုံသံကြားလို့ကတော့ မကြည့်ရမနေနိုင် ထွက်ကြည့်တဲ့ အကျင့်လည်းရှိသေးတယ်။ နတ်ကန္နားပွဲလည်းပါ၊ အလှူခံလာလည်းကြည့်၊ ကုလားမီးနင်းပွဲလည်းမကျန် ရွာရိုးကိုးပေါက်လျောက်ခဲ့တာပေါ့။ အမှတ်တရနေ့လေးပြောပြရအုန်းမယ်။ သီတင်းကျွတ်ကျောင်းပိတ်ရက် ရန်ကုန်က မောင်နှမ၀မ်းကွဲ တွေလည်းရောက်တော့ ပွဲရှိတဲ့နေရာကိုသွားပါတယ် ပွဲဈေးတန်းလျောက် မုန့်စားပြီး အပြန် ဆိုင်းသံဗုံသံတွေကလည်း ကြားနေရတော့ မောင်နှမတွေ အကလေးတွေ နဲ့ ပြန်လာတာပေါ့... သိပ်မကြာပါဘူးချော်လဲ ပါလေရော...လူက ဒူးသာပြဲသွားတယ်...၀ယ်လာတဲ့ မုန်လေပွေ လေးတွေကတော့ ကြေမသွားပါဘူး...အပေါ်မှာ မြှောက်ရက်သားလေးပါ။ အဲလိုအကတော်တာ...အဟိ...အခုထက်ထိ ဒီအကြောင်းလေး ကို မောင်နှမတွေ ဆုံတိုင်း ပြန်ပြောရင် ပျော်ရွှင်ရတုန်းပါ။

ပြောရရင်တော့ ကိုယ်ဘ၀နဲ့ကိုယ်ပျော်နေတာမျိုးပါ၊ မိဘအရိပ်အောက်မှာ အေးချမ်းစွာနေနေရတော့ ဘ၀ဆိုတာ ရှေ့ရေးဆိုတာ ဘာလဲ မစဉ်းစားတတ်ခဲ့ဘူး..လွတ်လပ်ပျော်ရွှင်မှုကိုပဲလိုလားခဲ့တယ်။ မိဘက မကောင်းတာကို တားမြစ်လည်း ချုပ်ချယ်တယ်ထင်တယ်။ အလိုလိုက်အကြိုက်ပေးတော့ ပျော်ရွှင်တယ်...သွန်သင်ဆုံးမတော့ ကဂျီဂဂျောင်ထင်တယ်။ အခု အသက်လေးရလာတော့ အကြောင်းအကျိုး အကောင်းအဆိုး ဆင်ခြင်ရင်း လူကြီးမိဘတွေရဲ့စေတနာကို နားလည်လာခဲ့ရတယ်။

ငယ်ဘ၀ရဲ့ပျော်ရွှင်မှု အမှတ်တရတွေကတော့ အများကြီးပါ.. အလျဉ်းသင့်တာလေးကိုပဲ ရွေးထုတ်ပြောပြတာပါ၊ အခုဆိုသူငယ်ချင်းတွေ လမ်းမှာ ဆုံတွေ့လို့ ပြုံးပြဖြစ်ရင်တောင် အပြုံးလေးတွေ မှာ အဓိပ္ပါယ် အများကြီးပါတယ်လို့ ထင်မိတယ်။ ဘ၀ကို အတွေ့အကြုံမျိုးစုံ၊ လူမှုဒုက္ခအ၀၀တွေနဲ့ အပူအပင်တွေနဲ့ ဖြတ်သန်းခဲ့ရတော့ ငယ်စဉ်ကလေးဘ၀က လွတ်လပ်ပေါ့ပါးပျော်ရွှင်ခဲ့ဘူးတာတွေကို အမှတ်ရရင်း ခေါင်းညိမ့်ပြုံးပြဖြစ်ခဲ့တယ်။ ငယ်ဘ၀ ကိုလွမ်းမော တဲ့ အပြုံးမျိုးပေါ့...။

~~~~~~~~~~~~~ဒို့ငယ်ငယ်တုန်း အရွယ် ယောင်ပေစူးလေးတွေ နဲ့ရယ် ပုဆိုးကို စလွယ်သိုင်း ရွာဝိုင်းပတ်လည် ပြေးလွားဆော့ကစားတယ် ~~~~~~~~~~~

အားလုံးကိုချစ်ခင်လေးစားလျှက်...

ထူးခြားတဲ့မနက်စာ


"ထူးခြားတဲ့ မနက်စာ "

ဟု ကြော်ငြာစာရေးထားသော စားသောက်ဆိုင် တစ်ခုရှေ့တွင် ရပ်က
လူတစ်ယောက်က . . . . .
စားပွဲထိုးအား
"အဲဒါဘာလဲ". . . . ဟုမေးလေသည်. .

"ကြက်လျှာကို မီးဖုတ်ထားတာ ပါ . . . "

"ရွံစရာကွာ၊ ကြက်ပါးစပ်ထဲ က ထွက်လာတာကို ငါ ဘယ်တော့မှ မစားဘူး . . . "

"ဒါဆို ဆရာ ဘာစားချင်သလဲ . . . "

ဟု စားပွဲထိုးက မေးလိုက်သည်. . .

ထိုအခါ ထိုလူက

"ကြက်ဥမွှေကြော်သာ ယူခဲ့ပါတော့ . . . . " တဲ့


အားလုံးကိုချစ်ခင်လေးစားလျှက်...





ပြာသိုလဖွဲ့



ပြာသိုလဖွဲ့

ရွှေသော်တာ စန္ဒီနှင့် ဖုသျှတဲ့လမ်းဆုံ၊
တိမ်လွှာမှာ ရောင်ဝါကျင်းလို့၊
နှစ်မင်း တူပြိုင်ပ၊ မြန်းကြွခိုက်ကြုံ။

သရဂုဏ် မြိုင်စုံမြနန်း။
နုစိမ်းစိုစိုနှင့်၊ ပန်းခွာညိုငုံတံထူးတယ်။
ဖူးပွင့်ချက်ဆန်း။

ပြာသိုလ

ပြာသိုလသည် မြန်မာလများတွင် ဆယ်လမြောက်ဖြစ်ပြီး ဆောင်းဥတု၏ အလယ်ဗဟိုကျသောကြောင့် အလွန်ချမ်းအေးကာ ဒီဇင်ဘာလနှင့် ဇန်န၀ါရီလတွင်ကျရောက်သည်. .

ရှေးမြန်မာမင်းများသည် ငွေနှင်းစိုစို လပြာသိုတွင် မြင်းခင်းသဘင်ပွဲတော်ကို ရာသီပွဲအဖြစ် ကျင်းပလေ့ရှိသည်. . မြင်းခင်းသဘင်ပွဲတော်ကို အခြားရာသီပွဲတော်များကဲ့သို့ ရက်ပိုင်းမျှ ကျင်းပသောပွဲတော်မျိုး မဟုတ်ဘဲ ပြာသိုလ တစ်လလုံး ကျင်းပသော ပွဲတော်ဖြစ်သည်. . . မြင်းခင်းသဘင်ပွဲဟု ဆိုသော်လည်း ဆင်စမ်း၊ မြင်းစမ်း၊လေးစမ်း၊ ဓားခုတ်လှံထိုး၊စက်ထိုး၊ ဗလီခတ် (ပိုလိုရိုက် ကစားနည်းမျိုး) သေနတ်ပစ်နှင့် သိုင်းအမျိုးမျိုးတို့ကို တစ်ပွဲပြီး တစ်ပွဲ ကျင်းပသွားခြင်းဖြစ်သည်. .

မြင်းခင်းသဘင်ကျင်းပရာကွင်းအတွင်း စက်ကွင်းလှံထိုးနေရာ၊ မြင်းရေး (၃၇) ရေးစီးသည့်နေရာ၊ မြင်းရည်တက်တို့ ဓားခုတ်လှံထိုးနေရာ ဗလီကစားသည့်နေရာ စသည်ြဖင့် သတ်မှတ်ထားသည်. . မြင်းခင်းသဘင် အပြီးတွင် လေးသည်တော်များ၏ လေးပစ်စွမ်းရည်ပြပွဲများ၊ သိုင်းဗန်တို ဗန်ရှည် စသည့် ကာကွယ်မှုအတတ်များ ၊ ဆင်စစ်သည်များ၏ စွမ်းရည်ပြပွဲများ၊ သေနတ်စစ်သည်များ၏ သေနတ်ပစ် စွမ်းရည်ပြပွဲများဖြင့် တစ်လလုံး ပွဲဆက်မပြတ် ကျင်းပသွားသည်. . ထို့ကြောင့် မြင်းခင်းသဘင်ပွဲသည် သူရသတ္တိနှင့် တကွ လက်ရုံးရည် ထူးချွန်သူတို့၏ အရည်အချင်း ပြပွဲကြီး ၊ တစ်နည်း အားဖြင့် သူရဲကောင်းရွေးချယ်ပွဲကြီး တစ်ခုဖြစ်သည်. .

မြင်းခင်းသဘင်ပွဲသည် သက္ကရာဇ် ၆၇၄ ခုနှစ်ခန့် ပင်းယ တစီးရှင် သီဟသူ လက်ထက်က စတင်ပေါ်ပေါက်ခဲ့သည်ဟု ယူဆသည်. . ဘိုးတော် ဘုရားလက်ထက် ပညာရှင်များကမူ မြင်းခင်းသဘင် သည် ဒုတိယ အင်းဝခေတ် အစ ညောင်ရမ်းမင်းလက်ထက်တွင် စတင်ပေါ်ပေါက်လာသည်ဟု ယူဆကြသည်. ..

Pyatho

It is the 10th Myanmar month in the middle of the cool season (December-January). In ancient times it was the month of the equestrian festival held for virtually the whole month, as it involved competitions in horsemanship, bowmanship, lancing and sward fighting, shooting and martial arts.

It was in effect an occasion to select heroes. It was found to have begun in 674 ME under the reign of Pyinya Thihathu but researchers in Bodaw Paya's reign held that it began in the reign of King Nyaungyan in Inn-wa period.

အားလုံးကိုချစ်ခင်လေးစားလျှက်...

ရေနွေးကြမ်းသောက်ခြင်း၏ အကျိုးကျေးဇူးများ



ရေနွေးကြမ်းသောက်ခြင်း အားဖြင့် လန်းဆန်း တက်ကြွလာပြီး စိတ်ညစ်ခြင်း ၊ စိတ်ဓာတ်ကျခြင်းများကို လည်း ပြေပျောက်စေနိုင်ပါသည်. . . အရွယ်ရောက်သူတိုင်း သည် တစ်နေ့ကို ရေနွေးကြမ်း လေး ငါးခွက်ကို နေ့စဉ် သောက်သင့်ပါသည်။

တစ်နေ့ကို ရေနွေးကြမ်း သုံးလေးခွက် ပုံမှန်သောက်မယ်ဆိုရင် ရနိုင်တဲ့ အကျိုးကျေးဇူးတွေကတော့ -

၁။ Antioxidant Action (အသက်ရှည် နုပျိုခြင်း)

၂။Anti -cancer ( ကင်ဆာရောဂါကို ကာကွယ်နိုင်ခြင်း)

၃။ Cholesterol lowering ( အဆီများချပေးခြင်း)

၎။ Protect cardiovascular diseases ( နှလုံး နှင့် သွေးကြောရောဂါများမှ ကာကွယ်ပေးခြင်း)

၅။ Promoter dental health ( သွားနှင့်သွားဖုံး ကျန်းမာရေးကို အထောက်အကူပြုခြင်း)

၆။ Improve from diabetes mellitus ( ဆီးချို သွေးချို ရောဂါကို သက်သာစေခြင်း)

၇။ Anti-inflammatory action ( အရောင်ကျစေခြင်း)

၈။ Hepatoprotection (အသည်းလုပ်ငန်းဆောင်တာ မှန်ကန်ကောင်းမွန်စေခြင်း)

၉။ UV protection ( ခရမ်းလွန်ရောင်ခြည်ဒဏ်မှ ကာကွယ်ပေးခြင်း)

တို့ ပဲ ဖြစ်ပါတယ်. . .

ထမင်းစားနေစဉ် သို့ ထမင်း စားအပြီး ၊ အစားအသောက်များ စားအပြီးတိုင်းတွင် ရေအေးအစား ရေနွေးကြမ်းကို သောက်သုံးခြင်းဖြင့် ကျန်းမာရေးနှင့် ညီညွတ်စေပါသည်..

ဒေါက်တာခင်မောင်လွင် (FAME)

အားလုံးကိုချစ်ခင်လေးစားလျှက်...

A Kyan Kaung, Nyan Kaung Myanmars

A Kyan Kaung, Nyan Kaung Myanmars

3 guys from Myanmar and 3 guys from Singapore are travelling by train to a soccer match at the World Cup. At the station, the 3 guys from Singapore buy a ticket each and watch as the others from Myanmar buy just one ticket for them all.

"How are the 3 of you going to travel on only one ticket?" asks one of the men from Singapore. "Watch and learn," answers one from Myanmar.

They all board the train. The men from Singapore take their respective seats but all 3 from Myanmar cram into a toilet and close the door behind them.

Shortly after the train departs, the conductor comes around collecting tickets.

He knocks on the toilet door and says, "Ticket please. " The door opens just a crack and a single arm emerges with a ticket in hand. The conductor takes it and moves on.

The men from Singapore see this and agree it was quite a clever idea. So after the game, they decide to copy the Myanmar style on the return trip and save some money. When they get to the station, they buy one ticket for three on the return trip. To their astonishment, the men from Myanmar don't buy ticket at all!!!

"How are you going to travel without a ticket?" says one perplexed man from Singapore. "Watch and learn," answers another from Myanmar.

When they board the train the 3 men from Singapore cram into one toilet and soon after those from Myanmar cram into another nearby toilet.

The train departs. Shortly afterwards, one of the men from Myanmar leaves the toilet and walks over to the toilet where the men from Singapore are hiding. He knocks on the door and says, "Ticket please."

The door opens just a crack and a single arm emerges with a ticket in hand. The man from Myanmar takes the ticket and goes back into his toilet !!!

အရင်တုန်းက ဖတ်ဖူးသော ဟာသလေးကို ပြန်လည်မျှဝေလိုက်ပါတယ်ရှင်...


အားလုံးကိုချစ်ခင်လေးစားလျှက်...





လင်းတဆိုပေမယ့်



ဟိုရှေးတုန်းက ဗာရာဏသီပြည်မှာ ဗြဟ္မဒတ်မင်းကြီး စိုးစံနေပါတယ်. . . ဂိဇ္ဈကုဋ်တောင်မှာ လင်းတတွေဟာ သူတို့ရဲ့ ခေါင်းဆောင် လင်းတမင်းကြီးနဲ့ အတူတကွနေထိုင်ကြပါ တယ် . . လင်းတမင်းကြီးဟာ လိမ္မာပြီး စိတ်ထားကောင်းတယ် မိဘတွေကို ပြုစုလုပ်ကျွေးနေတာဖြစ်တယ်. .

တစ်နေ့မှာ လေကြီးမိုးကြီး ပြင်းထန်စွာကျလာပါတယ်. . အစာရှာထွက်လာကြတဲ့ လင်းတတွေဟာ လေဒဏ် မိုးဒဏ်ကို မခံနိုင်တော့ ခိုက်ခိုက်တုန်အောင် ချမ်းအေးနေတာကြောင့် ကျုံးနဘေးမိုးခိုနေကြတယ်. . .

အဲဒီအချိန်မှာ ဗာရာဏသီ သူဌေးဟာ မြို့ပြင်ကို ထွက်လာတဲ့ အခါ မြို့တံခါးအနီးက ကျုံးနဘေးမှာ အအေးဒဏ်ခံနေရတဲ့ လင်းတတွေကို မိုးလုံလေလုံနေရာကို ရွှေးပြောင်းပေးလိုက်တယ် . . သူတို့ အနီးမှာ မီးလည်းဖိုထားပေးလိုက်တယ်. . နောက်ပြီး အမဲသားတွေ ကို ယူလာပြီး ကျွေးမွေးတယ် . . သူဌေးရဲ့ ကျေးဇူးကြောင့် လင်းတတွေဟာ အအေးမိကာ သေရမဲ့ဘေးက လွတ်ခဲ့ပါတယ်. . . အစာလည်း ၀လင်စွာ စားခဲ့ရပါတယ်. . . . အားအင်လည်း ပြည့်ဖြိုးပြီး ဂိဇ္ဈကုဋ်တောင်ကို ပြန်လာနိုင်ခဲ့ကြတယ်. . .

သူတစ်ထူးရဲ့ ကျေးဇူးကို သိတတ်တဲ့ လင်းတမင်းကြီး က " ငါတို့ တစ်တွေဟာ ဗာရာဏသီ သူဌေးကို ကျေးဇူးတင်ကြရမယ်. . သူသာမကယ်ရင် တို့တစ်တွေ အအေးမိပြီး သေကြမှာ သူ့အပေါ်ကို ကျေးဇူးပြန်ဆပ်သင့်တယ် . . ဒါကြောင့်မင်းတို့ဟာ အ၀တ်ဖြစ်ဖြစ် ၊ ပစ္စည်းတစ်ခု ဖြစ်ဖြစ် ရလျှင် ချီလာပြီး ကောင်းကင်ကနေ သူဌေးအိမ်ဝင်းထဲ ချပေးသင့်တယ် . . . . " လို့ လင်းတအပေါင်းနဲ့ တိုင်ပင်ပါတယ်. . .

လင်းတအပေါင်းကက သဘောတူညီကြတယ် . . အဲဒီအချိန် စပြီးတော့ လင်းတတွေဟာ လူတွေ အပြင်ထုတ် နေပူလှမ်းထားတဲ့ အ၀တ်တန်ဆာများ ကို လူအလစ်မှာ ၀င်ရောက် ကိုက်ချီကာ သူဌေးအိမ်ဝင်းထဲ ကို ချပေးပါတယ်. . . သူဌေးကလည်း လင်းတတွေ ချပေးခဲ့တဲ့ အ၀တ်တန်ဆာတွေကို သီးသန့် သိမ်းဆည်းထားတယ်. . . ကြာလာတော့ လင်းတတွေရဲ့ ဒဏ်ကို မခံနိုင်တဲ့ ပြည်သူပြည်သားတွေက မင်းကြီးထံ တိုင်ကြားလိုက်တယ်. .

မင်းကြီးက လင်းတ တစ်ကောင်ကို မိအောင် ဖမ်းခိုင်းပြီး ပျောက်ဆုံးသွားတဲ့ ပစ္စည်းတွေကို ပြန်ယူခိုင်းမယ်လို့ စိတ်ကူးလိုက်တယ် မင်းချင်းတွေကို ခေါ်ပြီး ကျော့ကွင်းပိုက်ကွန်ထောင် ကာ လင်းတဖမ်းစေတယ် . မိဘ လုပ်ကျွေးနေတဲ့ လိမ္မာတဲ့ လင်းတမင်းကြီး ကို ဖမ်းမိခဲ့တယ်. . . . လင်းတမင်းကြီး ကို စစ်မေးတဲ့ အခါမှာ . . .

ပြည်သူ ပြည်သားတွေရဲ့ အ၀တ်အထည် နဲ့ တန်ဆာပလာတွေကို ချီယူခဲ့တာ မှန်ကန်ကြောင်း အဲဒီပစ္စည်းများ ကို ဗာရာဏသီ သူဌေးကြီး အိမ်ဝင်းထဲ ချပေးခဲ့ကြောင်း၊ ဗာရာဏသီ သူဌေးဟာ လင်းတတွေရဲ့ အသက်ကို ကယ်တင်ဖူးတဲ့ ကျေးဇူးရှင် ဖြစ်တာကြောင့် တုန့်ပြန်ကျေးဇူး ဆပ်နေကြတာ ဖြစ်ကြောင်း လင်းတမင်းကြီး က လျှောက်ထားပါတယ်. . .

"အို. . . လင်းတ ၊ လင်းတဆိုတာ ကောင်းကင်ထက် ယူဇနာ တစ်ရာ အမြင့်ကနေ သားကောင် ပုပ်ကိုတောင် မြင်နိုင်ပါတလျှက် ကျော့ကွင်းကို ဘာလို့မမြင်တာလဲ. . . "ဟု မင်းကြီး ကမေးပါတယ်. .

"မင်းကြီး သတ္တ၀ါဆိုတာ ပျက်စီးချိန်တန်လာရင် မိမိရဲ့ဘေးကို မမြင်နိုင်တော့ပါဘူး.. . ." ဟု လင်းတမင်း က ပြန်ဖြေပါတယ်.

အကြောင်းစုံကို သိရှိလိုက်ရတဲ့ မင်းကြီးဟာ ဗာရာဏသီ သူဌေးကို ခေါ်ယူပြီး သူသိမ်းဆည်းထားခဲ့တဲ့ ပစ္စည်းတွေ ကို ပိုင်ရှင်တွေထံ ပြန်လည်ပေးအပ်စေတယ်. . . သတ္တ၀ါဖြစ်နေပေမယ့် လင်းတဆိုပေမယ့် လူသားတွေထက် လိမ္မာယဉ်ကျေး၊ ကျေးဇူး သိတတ်တဲ့ လင်းတမင်းကို ပြန်လည် လွှတ်ပေးလိုက်ပါတယ်. . . . သူတစ်ထူးရဲ့ ကျေးဇူးကို သိတတ်တဲ့ လင်းတမင်းဟာ သေဘေးမှာ လွတ်ကင်းလာခဲ့ရပါတော့တယ်. .

(ဂိဇ္ဈဇာတ်)

အားလုံးကိုချစ်ခင်လေးစားလျှက်...

ကျောင်းတစ်ခု၏ အတ္တုပ္ပတ္တိ



"ကျောင်းတစ်ခု၏ အတ္တုပ္ပတ္တိ"

အရွယ် ညောင်းပေမယ့်
ဘယ်မဟောင်း ပြီဘု
ငယ်ကျောင်းတည့် ရေအိုးစင်။

ညစ်မထင်းပြီဘူး
တစ်ခေတ်ချင်း မတ်ကျောက်တယ်တင် ။

ဘယ်တော့မှ နေမ၀င် ရေ အလျဉ်သို့ တန့်မနား။
သူ့ရေ ငါတို့ချိုလို့ သူ့မြေ ငါတို့ခိုလို့

တို့တတွေ စမ်းလိုအေးခဲ့
တို့တတွေ ပန်းလို မွှေးခဲ့
ကျေးဇူးမြင့်မား။ ။

တင့်ထွန်း (ချောက်)

အားလုံးကိုချစ်ခင်လေးစားလျှက်...





အဘကလည်း မြင်းတစ်ကောင်



တစ်ခါက ရွာလေးတစ်ရွာမှာ လင်မယားနှစ်ယောက်ဟာ အသက်ကြီးလာမှ သမီးလေးတစ်ယောက်ရတယ်. . . . သမီးလေးတစ်ယောက်ရတယ်. . . . သမီးလေးဟာ ငယ်ငယ်လေးကတည်းက ချူချာလှတယ်. . . . မိခင်ဖခင်တို့ ဟာ သမီးလေးကို အရိပ်တကြည့်ကြည့်နဲ့ ပေါ့. . . သမီးလေးအတွက် ကြိုးစားလုပ်ကိုင်ရင်း သူတို့ဟာ စီးပွားတက်လာသတဲ့ . . . ဒါကြောင့် သမီးလေးကို ဖူးဖူး မှုတ်ထားကြတာပေါ့. . .

ပိုသမျှ ငွေတွေကိုလည်း ရွှေတွေ ၀ယ်ပြီး သူ့ အတွက် လက်ဝတ်ရတနာ လုပ်ထားပေးတာ တစ်ဆင်စာတောင် ပြည့်သွားတာပေါ့. . . တောရွာမှာ ဒီလောက်ဟာ အတော်ချမ်းသာတဲ့ သူတွေ တတ်နိုင်ကြတာကိုး . . . ဒါပေမယ့် သူတို့ အရိပ်တကြည့်ကြည့်နဲ့ ကြည့်နေတဲ့ သမီးလေးဟာ အပျိုဖြစ်ခါမှ ဆုံးပါးသွားသတဲ့. . . အဖေကြီးဟာ လည်း ၀မ်းနည်းသလို၊ အမေကြီးဟာလည်း ဖြေမဆည်နိုင်ဘူးတဲ့. . .

"သြော်သမီးလေး ၊ လက်ဝတ်ရတနာတွေကိုသော်မှ မ၀တ်သွားရပါကကော "ဆိုပြီးငိုတာပေါ့. . . .
ရက်တွေ အတော်ကြာလာပေမဲ့ အမေကြီးဟာ သမီးကို မမေ့နိုင်ဘူး ၊ နေ့စဉ် ငိုကြွေးနေတာပဲတဲ့. . . ဒါကို ကြားသိတဲ့ အကြံသမားတစ်ယောက်ဟာ အခြေအနေကို အကဲခတ်နေတာပေါ့. . . .

တစ်ရက်မှာ အကြံသမားဟာ အဘိုးကြီးအပြင်သွားနေတုန်း အမယ်ကြီးထံကိုလာသတဲ့ . . သူဟာရိုးရိုးမလာဘူး . . . ဇာတ်ထဲက နတ်ဝတ်တန်ဆာတွေ ငှားဝတ်ခဲ့ပြီး ခပ်တည်တည်နဲ့ အိမ်ထဲဝင်ခဲ့ပါသတဲ့. . . . . အိမ်ထဲရောက်တော့ ငိုကြွေးနေတဲ့ အမယ်ကြီးကို "ဟယ် သင်လူသား ၊ သင်၏ သမီး အမှာစကားရှိခဲ့တာကြောင့် ငါရောက်လာရတယ်. . . ." လို့ ဇာတ်သံနဲ့ပြောတာပေါ့. . .

ဒီတော့ အမယ်ကြီးက "ဘာများမှာလိုက်လဲ အရှင်နတ်မင်း . . ". . . "တခြားတော့မဟုတ်ပါဘူး . . သင်၏ချစ်မငြီး ထိုသမီးလေးဟာ နတ်ပြညနတ်ရွာခြောက်ထပ်မှာ ကောင်းမွန်စွာနေထိုင်နေကြောင်းပါ." . . "သို့သော် သူ့မှာ လက်ဝတ်ရတနာရွှေငွေတွေ မပါခဲ့တာကြောင့် ကျွန်ုပ်အား လူကြုံပါး၊ အဲလေ နတ်ကြုံပါးပြီး ယူခိုင်းလိုက်ပါတယ်. "

ဒီတော့ အမယ်ကြီးဟာ အဟုတ်မှတ်ပြီး သမီးလေးအတွက် ရည်ရွယ်လုပ်ကိုင်ထားတဲ့ လက်ဝတ်လက်စား အစုံလိုက်ကို ပေးလိုက်လေသတဲ့. . . အကြံသမားဟာ ပစ္စည်းရရခြင်း ရွာတောင်ဘက်က်ို ထွက်ပြေးသွား လေသတဲ့. . . အတော်လေးကြာတော့ အဘိုးကြီးပြန်ရောက်လာတယ်. . . . ဒီအခါ အမယ်ကြီးက "သတင်းကောင်းပြောရဦးမယ်တော်ရေ ၊ ကျုပ်တို့သမီးလေးက နတ်ပြည်ရောက်နေတယ်. ". . . "ဟင်ဘယ်လိုလုပ်သိလဲ ရှင်မရယ်. ". . "စောစောကပဲ နတ်သားတစ်ပါးလာပြောသွားတယ် . . ကျုပ်တောင်မှ သမီးမှာလိုက်တဲ့ လက်ဝတ်လက်စားတွေ ထည့်ပေးလိုက်သေးတယ်. . . "

ဒါကိုကြားတော့ အဘိုးကြီးက အလိမ်မိပြီဆိုတာကို ချက်ခြင်း ရိပ်မိတာပေါ့. . ဒါပေမယ့် အမယ်ကြီးစိတ်မကောင်း ဖြစ်မှာစိုးလို့ ဘာမှာ မပြောဘဲ "ဘယ်ဘက်ကိုသွားသလဲလို့ သာ "မေးတယ် . . တောင်ဘက်ကို လို့ အဘွားကြီး က ဖြေတော့ အဘိုးကြီးက တောင်ဘက်ကို မြင်းဒုန်းစိုင်းစီးကာ လိုက်သွားလေတယ်. . . ဒီလိုနဲ့ ခပ်လှမ်းလှမ်းမှာ သုတ်ခြေတင်နေတဲ့ နတ်ဝတ်နတ်စားနဲ့ လူတစ်ယောက်ကို လှမ်းတွေ့တာပေါ့

အဲဒီလူက နောက်ကမြင်းနဲ့လိုက်လာတဲ့ အဘိုးကြီးကိုလည်းတွေ့ရော ပြေးတော့တာပဲ တဲ့ . . အဘိုးကြီးကလိုက် . . . သူက ပြေးပေါ့လေ. . . ဒါပေမယ့် မြင်းကလူထက်မြန်တော့ မလွတ်နိုင်မှန်း သိပြီ ချုံတောထဲဝင်ပြေးပြီး ပုန်းနေလိုက်သတဲ့. . အဘိုးကြီး ဟာ အဲဒီလူ ဒီနားမှာတင် ပျောက်သွားတာ သိတော့ မြင်းပေါ်က ဆင်းပြီး ဘေးနားက ချုံထဲကို ဖြဲရှာတာပေါ့. .

ဒီအခါ ပုန်းနေသူက ချုံတစ်ဖက်ကထွက်လာပြိး အဖိုးအို ရဲ့ မြင်းကိုစီးကာ ထွက်ပြေးသွားလေသတဲ့. . . မြင်းနဲ့ပြေးသွားတဲ့ လူလိမ်ကို မမှီနိုင်တော့တဲ့အတွက် အဖိုးအိုဟာ စိတ်ပျက်လက်ပျက်နဲ့ လှမ်းအော်လိုက်သတဲ့

"သမီးကို ပြောလိုက်ပါ. . သမီးအတွက် အဘလည်း မြင်းတစ်ကောင် ပေးလိုက်ပါတယ်လို့ "


"မိမိရဲ့ အားနည်းချက်ကို တစ်ဖက်သားသိအောင် မလုပ်ပါနဲ့ "

"ဒါကို အခွင့်အရေး ယူပြီး မိမိကို နင်းတတ်တယ်"

"သဘာဝကို မလွန်စေနဲ့ "

"သဘာဝလွန်ဆိုတာ တကယ်တော့ မရှိဘူး အလိမ်ခံရတတ်တယ်"

မြန်မာ့ရိုးရာ ပုံပြင်များ


အားလုံးကိုချစ်ခင်လေးစားလျှက်...




ကံကိုယုံ၍ဆူးပုံမနင်းရာ



ဘက္ကဒက်မြို့နေ ကုန်သည်ကြီးတစ်ဦးက သူ၏ အစေခံကို ဈေးသို့ ဈေးဝယ်လွှတ်လိုက်သည်. . မကြာခင်ပင် အစေခံက မျက်နှာဖြူပတ်ဖြူလျော်ဖြင့် ပြန်ရောက်လာသည်.

ကြောက်ရွံ့ထိတ်လန့်နေသော အစေခံက ကုန်သည်ကြီးကို "သခင် . . ကျွန်တော် ဈေးထဲရောက်တော့ လူအုပ်ထဲမှာ အမျိုးသမီး တစ်ဦးကို ၀င်တိုက်မိတယ် . . . လှည့်ကြည့်လိုက်တော့ သေမင်းဖြစ်နေတာကို တွေ့ရပါတယ်. . . သူနဲ့ ရင်ဆိုင်တွေ့ရမှာကို ကြောက်လှပါတယ် သူနဲ့ ဝေးရာကို ပြေးသွား ပုန်းအောင်းနေချင်ပါတယ်. . ကျွန်တော့ ကို သခင်ရဲ့ အပြေးကောင်းတဲ့ မြင်းတစ်ကောင်ကို ငှားပါခင်ဗျာ၊ ကျွန်တော် အသက်ဆက်ရှင်ဖို့ သေမင်းရှာမတွေ့နိုင်တဲ့ ဟိုး . . . . အဝေးကြီးမှာ ရှိတဲ့ ဆမ်မာရာကို ပြေးပါ့မယ်. . . . " ဟုပြောသည်.

ကုန်သည်ကြီးက အပြေးအမြန်ဆုံးမြင်းကို သူ့ အစေခံကို ပေးလိုက်လေသည်. . မြင်းရလျှင် ရချင်း အစေခံသည် မြင်းပေါ်သို့တက်၍ အပြင်းစိုင်းသွားလေသည်. . .

ကုန်သည်ကြီးသည် သူကိုယ်တိုင်ပင် ဈေးထဲသို့ ထွက်လာခဲ့သည်. . ဈေးသို့ရောက်သော အခါ လူအုပ်ထဲ၌ ရပ်နေသော သေမင်းကို တွေ့ရ၍ အနားသို့ရောက်အောင် လျှောက်သွားပြီးနောက်. . . . . "မနက်တုန်းက ကျုပ်အစေခံကို ခင်ဗျားက စူးစူးဝါးဝါးကြည့်ပြီး ဘာကြောင့် ခြိမ်းခြောက်လိုက်တာလဲ. . . " ဟုမေးသည်. .

ထိုအခါ သေမင်းက ကုန်သည်ကြီးကို " ခြိမ်းခြောက်လိုက်တာမဟုတ်ပါဘူး စူးစူးဝါးဝါးကြည့်တာလည်း သိပ်ကို အံ့သြလွန်းလို့ကြည့်တာပါ. . . ကျွန်ုပ်က သူ့ကို ဘက္ကဒက်မှာ တွေ့လိုက်ရတော့ အတော့်ကို ကျေနပ်သွားပါတယ်. . . . ဘာလို့လည်း ဆိုတော့ ဒီနေ့ည ဆမ်မာရာ မှာ သူနဲ့ ကျွန်ုပ် စာရင်းရှင်းဖို့ ချိန်းဆိုထားလို့ပါပဲ . . . "ဟု ပြန်ပြောလေသည်. . .

ဒီဝတ္တုလေး ဆုံးသွားတဲ့ အခါမှာ အစေခံက မသေချင်လို့ အဝေးကြီးကို သွားပုန်းပါတယ်. . . သူပုန်းတဲ့နေရာက သူ့အတွက် သေစာရင်းရှင်းမည့်နေရာကြီး ဖြစ်နေတာကို တွေ့ရပါတယ်. . . . ဒီတော့ သေနေ့စေ့ရင် သေမှာဘဲ၊ အစေခံ က သေခြင်းတရားနဲ့မတွေ့အောင် ဘယ်လိုပဲ ရှောင်ပြေးပြေး ဘယ်လိုပဲ ပုန်းပုန်း သေချိန်တန်ရင်တော့ သေမင်းကို ဘယ်သူမှ လွန်ဆန်လို့မရပါဘူး . . .

လူတစ်ဦး ဟာ သေနေ့စေ့ရင် သေဖို့၊ သေချိန်ကျရင် သေဖို့ ကြိုတင်ပြဌာန်းပြီး သားဖြစ်ပါတယ်. . . ဒါတင်မကသေးပါဘူး . . ဘယ်အချိန်မှာ အောင်မြင်မယ် ဘယ်အချိန်မှာ ကျရှုံးမယ် ဘယ်အချိန်မှာ ချမ်းသာမယ် ဘယ်အချိန်မှာ ဆင်းရဲမယ်ဆိုတဲ့ ဘ၀ဖြစ်ရပ်တွေကို လည်း လူတစ်ဦး အတွက် ကြိုတင်ပြဌာန်းပြီးသား ဖြစ်ပါတယ်. . .

မလုပ်သင့်တာလုပ်မိ၊ မစားသင့်တာ စားလို့ ၊ ပြီးတော့ ရာသီဥတု နဲ့ ဆီလျော်အောင် မနေတတ်လို့ သေနေ့မစေ့ခင် သေတာမျိုးတွေလည်း ရှိနိုင်၊ ဖြစ်နိုင်ပါတယ်. . .

အတိတ်ကံရဲ့ ပြဌာန်းမှုအလျောက်တိုးတက်မှု ၊ အောင်မြင်မှုဖြစ်မယ်ဆိုရင်လည်း ဘာမှ မလုပ်ပဲ အောင်မြင်တိုးတက်မှုကို ထိုင်စောင့် နေသလို ဖြစ်နေပါလိမ့်မယ်. . . ဥပမာ တအိပ်တည်း အိပ်နေတဲ့ ခြင်္သေ့ကြီးရဲ့ ခံတွင်းထဲကို ဘယ်သားကောင်မှ အလကားဝင်မလာပါဘူး . . သားကောင်ရချင်ရင် ခြင်္သေ့ဟာ အိပ်ရာကထတော့ ထရမှာပါပဲ. . . . .

မြန်မာစကားပုံ ထဲက လို "ကံကိုယုံ၍ ဆူးပုံမနင်းရာတဲ့ " ကံကိုယုံပြီး ဆူးပုံပေါ်ကို တက်နင်းလို့ကတော့ ဆူးစူးရုံပဲရှိမှာပါ . . . ကံကိုယုံပြီး ဆူးပုံကို တော့ ပုံပြီး မနင်းမိစေလိုပါဘူး . . . .

နန္ဒသိန်းဇံ (တွေးချိန်ချင့်စရာ)

အားလုံးကိုချစ်ခင်လေးစားလျှက်...





လောကနီတိ

  • သူတော်ကောင်းတို့၏ ဥစ္စာသည် နည်းပင်နည်းငြားသော်လည်း တွင်းမှရသော ရေချိုကဲ့သို့ သူတစ်ပါးတို့ သောက်သုံးမှီခိုရ၏ ။
  • မသူတော်တို့ ဥစ္စာသည်ကား များပင်များငြားသော်လည်း သမုဒ္ဒရာ ရေကဲ့သို့ သောက်၊ သုံး မှီခိုရာမရနိုင်.။

  • Little as the wealth of the virtuous may be, it can be used as good water from a well.
  • But much as the wealth of the nonvirtuous can be not useful as water from the ocean.

  • မြစ်တို့သည် ရေကို မသောက်ကုန်။
  • သစ်ပင်တို့သည် အသီးကို မစားကုန်။
  • သူတော်ကောင်းတို့၏ ဥစ္စာသည်လည်း သူတစ်ပါးတို့၏ အကျိုးအတွက် ဖြစ်၏။

  • Rivers do not drink water.
  • Trees do not eat fruit.
  • The wealth of the virtuous is for the benefit of others.

  • မတောင့်တအပ်သည်ကို မတောင့်တရာ။
  • မကြံစည်အပ်သည်ကို မကြံစည်ရာ။
  • တရားသဖြင့်သာလျှင် ကောင်းစွာ ကြံစည်ရာ၏။
  • အချိန်ကို အချည်းနှီးအလဟသာ မကုန်ဆုံးစေရာ။

  • Crave not for what should not.
  • Think not for what should not.
  • Think well in just way.
  • Do not pass away the time in futility.

အားလုံးကိုချစ်ခင်လေးစားလျှက်...

ပါးစပ်အကျင့် ၀မ်း အချင့်



အမှန်တော့ "ပါးစပ်အကျင့် ၊ ၀မ်းအချင့် " ဆိုသလို အစားအသောက် အနေအထိုင် ကျင့်ကြံမှုကို လိုက်ပြီး ၀မ်းကိုပါ ကျင့်ပေးလို့ရတယ်ဆိုတဲ့ စကားပုံရှိပါတယ်. . . . နေ့စဉ်မိမိ စားသောက်တဲ့ အစားအသောက်ထဲမှာ အမျှင် ဓာတ်ကြွယ်ဝတဲံ အစားအစာတွေကို ပါအောင် စားပေးမယ်ဆိုလျှင် ၀မ်းမှန်စေသလို၊ ၀မ်းကို လည်း နံနက်အိပ်ရာထ တာနဲ့ သန့်စင်ခန်းမှာ စွန့်ထုတ်ပေးတဲ့ အကျင့်ကို နေ့စဉ် စွဲမြဲအောင် လေ့ကျင့်ပေးလို့ရပါတယ်. . နံနက် အိပ်ရာထ နောက်ကျလျှင်တောင် အိပ်ရာနိုးတာနှင့် သန့်စင်ခန်း ၀င်သည့် အကျင့်ကို လုပ်ယူရပါမယ်. . .

လူ အများစုကတော့ နံနက် အိပ်ရာမှထ၊ ကိုယ်လက်သန့်စင် ပြီးနောက် ၀မ်းသွားပစ်လေ့ရှိပါတယ်. . . သို့သော် ၀မ်းကို နံနက် ခင်းမှာ မစွန့်နိုင်ဘဲ အချိန် အတော်ကြာအောင် အောင်းထားပြီးမှ စွန့်ပစ်လျှင် ၀မ်းဟာ အူထဲမှာ အချိန်တော်တော်ကြာအောင် နေလိုက်ရတဲ့အခါ အစာအိမ်အူလမ်းကြောင်းတစ်လျှောက်မှာ ရှိတဲ့ ပိုးတွေနဲ့ ထိတွေ့မှုကြာလာတော့ Gas ထုတ်လွှတ်မှုလည်း ရှိလာပါတယ်. . . လေတွေများလာတဲ့ အခါမှာ လေလည်ပြီး အပြင်ကို စွန့်ထုတ်ပစ်ရပါတယ် . . အဲဒီအခါမှာ အပြင်ကို မကောင်းတဲ့ အနံ့အသက်များပါ ထွက်လာပါတယ်..

လူတစ်ချို့ က စိတ်ဆန္ဒတွေ စောပြီး "ကျောင်းနောက်ကျနေပြီ၊ ရုံးတက်ခါနီးပြီ ပြန်လာမှ ပဲ သွားတော့မယ် " ဆိုပြီး အောင့်ထားလေ့ရှိတတ်ပါတယ် . . အမှန်မှာ မိမိသွားရမည့် အချိန်ကို အတိအကျသိပြီး ကြိုတင် ပြီး လုပ်ကိုင် လှုပ်ရှားသင့်ပါတယ်. . . မိမိဝမ်းသွားချင်သော အချိန်ကျတော့ လမ်းပေါ်(သို့) ကျောင်းပေါ်(သို့) ရုံးရောက် ချိန်များ ဖြစ်နေလျှင် အောင့် ထားသော အလေ့အကျင့်ကို ရလာကြပါတယ်. . .

ဆီးအောင့်ထားလျှင် ဆီးထဲမှာ ပိုးများ ပေါက်ဖွား၍ ဆီးအိမ်နှင့် ဆီးလမ်းကြောင်းပိုးဝင်ကာ ရောင်ရမ်းပြီး ဆီးပူ၊ ဆီးအောင့်၊ ဆီးပြသာနာ တက်စေပါတယ်. . . ထို့အတူ ၀မ်းအောင့်ထားလျှင် အူတစ်လျှောက် အစာများ ကြာကြာအောင်းထားရတဲ့အခါတွင် ခြေဖျက်ထားသော အစာတွင် ပါသော အဆိပ်အတောက်များက အူလမ်းကြောင်းတစ်လျှောက်ရှိ ကလပ်စည်းများကို အဆ်ိပ်အတော်ဖြစ်ပြီး ၀မ်းပျက် (သို့) ၀မ်းချုပ်စေပါသည်. . . နှစ်ပေါင်း တော်တော်ကြာကြာ ၀မ်းချုပ်သော အကျင့်ဖြစ်လျှင် အူမကြီး ကင်ဆာအဖြစ်ဒုက္ခပေးနိုင်ပါသည်. . .

ထို့ကြောင့် ၀မ်းမှန်အောင် ရေသောက်ပါ၊ ဟင်းသီးဟင်းရွက်များများစားပါ အမျှင်ဓာတ်ကြွယ်ဝသော ပဲတောင့် အမျိုးမျိုး ၊ ဆန်၊ဂျုံ အစရှိသည်တို့ကို နေ့စဉ်ပါအောင် စားပါ . . ဟင်းသီးဟင်းရွက် နှင့် သစ်သီး အစားနည်းသော သူများသည် ၀မ်းကျစ်လေ့ရှိပါသည်. . .

အစာထဲတွင်ပါသော အမျှင် တစ်မျိုးသည် အစာကြမ်းတစ်မျိုးဖြစ်ပါသည်. . . သူ့ကို မခြေဖျက်နိုင် မစုပ်ယူနိုင်သော ကြောင့် အစာကို အစာဟောင်းအိမ်ဆီ အရှိန်မြန်မြန်နှင့် ပို့ပေးနိုင်ပါသည်. . . ထို့ကြောင့် ၀မ်းမှန်ပြီး ၀မ်းမချုပ်နိုင်တော့ပါ. . . အမျှင်ဓာတ်သည် လူကို ဗိုက်ပြည့် စေ၍ မဆာစေပါ. . . ကိုယ်အလေးချိန် လျှော့ချလိုသူများသည်လည်း အမျှင်ဓာတ်များများ စားသင့်ပါသည်.

အစားအစာများမှ ရသော အမျှင်ဓာတ်များကို စားသုံးခြင်းဖြင့် အူမကြီး ရောင်ရမ်းရောဂါ၊ ၀မ်းချုပ်ခြင်း ၊ အူအတက်ရောင် ရောဂါ၊ အ၀လွန်ရောဂါနှင့် ဆီးချိုသွေးချိုရောဂါများမှ ကာကွယ်နိုင်ပါသည်. . .

သို့ပါ၍ ဟင်းသီးဟင်းရွက်နှင့် သစ်သီးများကို ရာသီအလိုက် ဈေးချိုချိုဖြင့် ၀ယ်ယူစားသုံးခြင်းဖြင့် ၀မ်းချုပ်ခြင်းကို ကာကွယ်နိုင်ပါသည်. . .

ဒေါက်တာ ရည်ညွန့်မေ

အားလုံးကိုချစ်ခင်လေးစားလျှက်...





အတူတကွ



အတူတကွ


အတူတကွ၊ ရှိနေကြခိုက်
မိဘကျေးဇူး၊ ဆပ်တုံ့ ဦးလော့။

အတူတကွ၊ ရှိနေကြခိုက်
ဆရာ့ကျေးဇူး၊ ဆပ်တုံ့ဦးလော့။

အတူတကွ၊ ရှိနေကြခိုက်
ချစ်စကိုရှည်၊ ရန် မာန်ပြေလျက်
မိတ်ဆွေချင်းချင်း၊ ချစ်ရိုင်းပင်းလော့။

အတူတကွ၊ မရှိကြဘဲ
သူကတစ်ရွာ၊ ကိုယ့်မှာ တစ်မြေ
ခြားနားလေမှ၊ လွင့်ကြွေတိမ်းပါး
ကာလာများသို့ ၊ ပြန်သွားချင်လို
လွမ်းအားပိုသော်

အလိုဆန္ဒ၊ မပြည့်ဝဘဲ
တမ်းတခြင်းသာ၊ အသည်းလွှာဝယ်
ဒဏ်ရာအဖြစ်၊ ထင်ကျန်ရစ်ကာ
အချစ်ပျောက်ဆုံးတတ်လေသည်။


မြင်းမူမောင်နိုင်မိုး

အားလုံးကိုချစ်ခင်လေးစားလျှက်...


သိုသိပ်တဲ့သူဟာ . . . .



ဝတ်ရာ စားရာ နေထိုင်သုံးစွဲရာ၊ ပြောဆိုရာမှာ ကြွားတတ်တဲ့သူ ဟာ အန္တရာယ် ကြားကလူဖြစ်ပါတယ်. ကပ်ရပ်ပြီး မြှောက်ပင့် ကာ ညာဝါးစားသောက်တတ်သူများရဲ့ အဓိက ပစ်မှတ်ကြီး ဖြစ်တတ်ပါတယ်. . . မှန်ကန်တော်တည့်သူများက မနှစ်မြို့ဘဲ ရှောင်တာကို ခံရတတ်ပါတယ်. . မသုံးမစားနိုင်သူများက မုန်းတီး တာကိုခံရတတ်ပါတယ်.

ကြွားတယ်ဆိုကတည်း က ရှိတာထက် ပိုပြီးပြတတ်တဲ့သဘောဖြစ်ပါတယ် . . ကြွားတတ်တဲ့သူဟာ ကြွားနိုင်တဲ့ အခါမှာရော မကြွားနိုင်တဲ့ အခါမှာရော လူအထင်သေးတာကို ခံရတတ်ပါတယ်. . အကူအညီပေးချင်သူ နည်းပါးတတ်ပါတယ်. . .

အဘက်ဘက် က သိုသိပ် ကျစ်လစ်စွာနေတတ်တဲ့သူက ဣနြေ္ဒရပါတယ်. . . သူ့ကို ကပ်ပါးရပ်ပါး ညာဝါး စားသောက်သူများ က မချဉ်းကပ်ကြပါဘူး . . . သူ့အနေအစားက သိုသိပ်ပေမယ့် ပညာရှိသူများ လူဖြောင့် လူမှန်များက သူ့ရဲ့ ကိုယ်ရည် ကိုယ်သွေးကို မှန်ကန်စွာ အကဲခတ်တတ်တဲ့အတွက် လေးစားတတ်ကြပါတယ်. . သိုသိပ်တဲ့သူဟာ လိုအပ်ရင် လက်မနှေးတတ်တဲ့အတွက် နိမ့်ပါးသူများကလည်း လေးစားကြပါတယ်. . .

ငါးရာ့ငါးဆယ် ဇာတ်တော်ထဲမှာ ဖတ်ခဲ့ရဘူးတဲ့ ဒေါင်းပုံပြင်ဟာ ကြွားဝါတတ်တဲ့ သူများကို ကိုယ်စားပြုပါတယ်. . လှပတဲ့ ဒေါင်းဖိုကို ဒေါင်းမင်းသမီးလေး က ကြင်ဖက်အဖြစ်ရွေးချယ် လိုက်တဲ့အခါမှာ ဒေါင်းဖိုက ၀မ်းသာလွန်းလို့ အတောင် ပံလှလှတွေကို ဖြန့်ကာ ဖြန့်ကာနဲ့ အိုးဝေ အိုးဝေ လို့ မြည်ကြွေး ကာ ကခုန်လိုက်ပါတယ်. .

ဒေါင်းတွေ ကရင် အရှက်ကို မဖုံးနိုင်တော့ဘူးလေ. . သူ့နောက်ပိုင်းကို ဖုံးထားတဲ့ အမြီးကို မ ပြီး ကရတာမလား ဒီတော့ ဒေါင်းမလေးရဲ့ ဖခင် က အရှက်မဲ့ရကောင်းမလားလို့ ဆိုပြီး သူ့သမီးနဲ့ပေးစားမယ့် ကိစ္စကို ပယ်ဖျက်လိုက်သတဲ့. . . . ဒေါင်းဖိုဟာ ၀မ်းသာတာကို သိုသိုသိပ်သိပ်နဲ့ ၀မ်းသာရင် အဲသည်လိုဖြစ်မှာ မဟုတ်ပါဘူး . . .

လူပြိန်းတွေဟာ သိုသိပ်ရင် လူအထင်သေးမှာ ကြောက်တတ်ကြပါတယ်. . တကယ်တမ်းကိုယ်ခံအား ရှိတဲ့သူက သူများ အထင်သေးမှာကို မကြောက်တတ်ပါဘူး . . . မလိုလားအပ်ဘဲ အထင်ကြီးမှာကိုတောင် ကြောက်တတ်ပါသေးတယ်. . . အဲသည်လို မရောင်ရာ ဆီလူးပြီး လူအထင်သေးမှာ ကြောက်တတ်တဲ့ သူများဟာ သူတစ်ပါးကို အထင်သေး နှိမ့်ချတတ်ပါတယ်. . . တကယ်တော့ သိုသိပ်တတ်တဲ့ သူအများမှာ သူတို့ မမြင်တတ်တဲ့ အရည်အချင်းတွေ နဲ့ ပြည့်နေတာကို သူတို့ မမြင်တတ်လို့ပါ. . .

လူအထင်ကြီးအောင် ကြိုးစားစရာ မလိုပါဘူး. . . မိမိမှာ လိုအပ်တဲ့ အားငါးတန်နဲ့ ပြည့်စုံအောင် မိမိတို့ဘာသာ အားထုတ် ကြိုးပမ်းရမှာ ဖြစ်ပါတယ်. . လူအထင်ကြီးအောင် လုပ်ရင်း ကိုယ်ခံအား လျော့ပါးတဲ့ ဒဏ်ကို ခံရမယ့် အစား အရေးကြုံလာရင် သက်လုံကောင်းအောင်သာ ကြိုးစားဖို့ လိုပါတယ်. .

လူညံ့များ အထင်သေးတာဟာ အန္တရာယ်ကင်းပါတယ်. . လူတော် လူကောင်းများ အထင်သေးတာမခံချင်ရင် သိုသိပ်စွာနေခြင်း ဟာ အကောင်းဆုံးဖြစ်ပါတယ်. .

ဒေါက်တာမတင်ဝင်း (ကိုယ်ပဲလူကြီး ကိုယ်ပဲ ကလေး)

အားလုံးကိုချစ်ခင်လေးစားလျှက်...





နတ်တော်လဖွဲ့


နတ်တော်လဖွဲ့

ရှစ်ခွင်ကို မြူဆင်းလို့၊ ငွေနှင်းတဲ့နုစို
ဂမုန်းသဇင်တို့၊ စုံခွင်မှာ လေချို ညင်းက
သုတ်သွင်းဘယ်ညာ နှံ့၊ သင်းပျံ့ပျံ့ချို
ယုဂန္ဓိုရ် တောင်မိုထိပ်ဖျား
ရွှေလစန္ဒီနှင့် ၊ မိဂသီရောင် ခြည်ဖျန်းတယ်
မြန်းတူကြွသွား။

(ဖိုးသူတော် ဦးမင်း)

နတ်တော်လသည် မြန်မာလများတွင် ၉ လမြောက်ဖြစ်ပြီး ဟေမန္တ ဆောင်းရာသီသို့ ၀င်ရောက်စကာလဖြစ်၍ နံနက်ခင်းတွင် နေရာ အနှံ့အပြား ဆီးနှင်းများဖြင့် မှိုင်းဝေရီလျှက် နိုဝင်ဘာလ၊ ဒီဇင်ဘာလတွင် ကျရောက်ပါသည်.

ရှေးအခါက နတ်တေ်ာလ၏ ရာသီပွဲမှာ နတ်ပူဇော်ပွဲဖြစ်ပြီး မြန်မာ သက္ကရာဇ် ၁၂၄၇ (၁၈၈၅) ခုနှစ်တွင် ပျောက်ကွယ်ခဲ့သည်. . . ထိုအချိန်မှစ၍ နတ်တော်လတွင် ရာသီပွဲတော် ဆိတ်သုဉ်းနေခဲ့သည်မှာ ၁၃၀၅ ခုနှစ်တိုင်အောင် ဖြစ်သည်.

၁၃၀၆ ခုနှစ်သို့ရောက်သော အခါ နတ်တော်လအတွက် ရာသီပွဲတော် တစ်ခု ထူးခြားစွာ ထွက်ပေါ်လာခဲ့သည်. . ယင်းပွဲတော်ကား မျက်မှောက်ခေတ်တွင် တစ်စ တစ်စ ထွန်းကားလာသည့် စာဆိုတော်ပွဲပင်ဖြစ်သည်. . . စာဆိုတော်ပွဲဆိုသည်မှာ ဘုရင့်ခေတ်က တွင်ကျယ်ခဲ့သော ထီးသုံးနန်းသုံး ဝေါဟာရတစ်ခုဖြစ်သည်. .

စာဆိုတော်ပွဲ မဖြစ်ထွန်းမီ မြန်မာစာပေနှင့် ပတ်သက်၍ အထိမ်းအမှတ် နေ့တစ်နေ့ရှိသည်. . ကုန်းဘောင်ခေတ် နောက်ပိုင်းတွင် အလွန်ထင်ရှားသည့် စာဆိုတော်ကြီး ဦးပုညကို ချီးကျူးဂုဏ်ပြုသည့် ဦးပုည နေ့ ပင်ဖြစ်သည်. . . စာဆိုတော်နေ့ပွဲသည် ဦးပုညနေ့နှင့် ဆက်စပ် ဖြစ်ပေါ်လာသဖြင့် ဦးပုညနေ့ကို မြစ်ဖျားခံသည် ဟု ဆိုနိုင်ပါသည်. ပထမအကြိမ် စာဆိုတော်ပွဲကို ၁၉၄၄ ခုနှစ်တွင် စတင်ကျင်းပခဲ့သည်. .

Nadaw

It is the ninth Myanmar month at the onset of the cool season, with misty mornings in November- December.
In ancient days the seasonal festival was for propitiation to nats, till it waned.
The 1300s saw the coming into vogue of a celebration in honour of the literati (Sarsodaw) at this time of the years.
It might perhaps have some connection with the day dedicated to writer, poet and playwright U Ponnya after Kongbaung period.
The first reconded celebration dedicated to the literati was found in 1944.
In the present day, it is time for presentation or National Literary Awards by the State.

အားလုံးကိုချစ်ခင်လေးစားလျှက်...

မြွေဆိပ်ပမာ အရက်သေစာ



ဗန်းမော်ဆရာတော်ကြီး အား ဒကာတစ်ဦးမှ အရက်သေစာနှင့်ပတ်သက်၍ သူငယ်ချင်း ၂ ဦး အငြင်း အခုံ ဖြစ်သဖြင့် မေးလျှောက်ခွင့်တောင်း ရာ ဆရာတော် က ခွင့်ပြုတော်မူပါသည်. . .

"အရက်သေစာကို ရေအဖြစ်နဲ့ စိတ်က ပြဌာန်းသောက်ရင် အပြစ်ရှိမရှိဘူးဆိုပြီး အငြင်းအခုံဖြစ်တာပါ ဘုရား ဆရာတော်ကပဲ ဆုံးဖြတ်ပေးတော်မူပါဘုရား . . " ဟု ဒကာ ဖြစ်သူ က လျှောက်ထားပန်ကြားအပ်ပါသည်. . .

ဆရာတော် က. . . . "ဒကာ က ဘယ်ဘက်ကလဲ. . အပြစ်ရှိတဲ့ ဘက်ကလား ၊ အပြစ်မရှိတဲ့ဘက်ကလား . . "

" အရက်ကို ရေ အဖြစ်နဲ့ စိတ်က ပြဌာန်းပြီး သောက်ရင် အပြစ်မရှိဘူးလို့ "တပည့်တော် ကထင်ကြောင်းပါဘုရား . . ဟုလျှောက်ထားလေသည်. . . .

ဆရာတော် က " ဘာကြောင့် ဒီလိုထင်ရသတုံးကွယ့်. . ဒကာ "

ဒကာက " စိတ်သာရှင်စော ဘုရား ဟော၊ စိတ်သာ ပဓာန ဆိုတဲ့ စကားများရှိတယ် မဟုတ်လား ဘုရား . . . "

"ကောင်းပါလေ့ကွယ် " ဟုပြောပြီး . . . . .

ဆရာတော် မှ ဥပမာဖြင့်ရှင်းပြလေသည်. . .

"မြွေပွေးတစ်ကောင်ကို မြက်လျှော တစ်ကောင်လို့ အမှတ်ထားပြီး အမြီးကို ကိုင်ရင် ဘာဖြစ်မလဲကွယ်. . "

"မြွေပွေး က ပေါက်မှာပါ ဘုရား "

"ကိုက်မိရင်ရော အဆိပ်မတက်ဘူးလား "

"တက်မှာပါ ဘုရား "

"အဲဒီတက်တဲ့ အဆိပ်ဟာ ဒကာကြီး အမှတ်ထားတဲ့ မြက်လျှောအဆိပ်ဖြစ်မလား ၊ မြွေပွေးအဆိပ်ဖြစ်မလား . . "

"မြွေပွေး အဆိပ်ပဲ ဖြစ်မှာပါ ဆရာတော်. . "

"မြွေပွေးအဆိပ်ဆိုရင် သေနိုင်မလား ၊ မသေနိုင်ဘူးလား . . . ."

"သေနိုင်ပါတယ် ဘုရား . . . "

"အဆိပ်သတ္တိကို စိတ်နဲ့မှတ်ပြီး လောင်းလို့ရနိုင်ပါ့မလား . . . "

"မရနိုင်ကြောင်းပါ. . ဘုရား "

"ဒါဆို မြွေပွေးဆိုတာ အဆိပ်တက်မှန်းသိရက်နဲ့ မြွေပွေးကို မြက်လျှောဆိုပြီး ကိုင်ရဲပါ့မလား ဒကာကြီး . . . "

"မကိုင်ဝံ့ပါဘူး ဘုရား . . . "

"ဒီသဘောပဲ ဒကာကြီး အရက်ကို ရေအမှတ်နဲ့ သောက်တော့ အရက်ရဲ့သတ္တိပြမလား ၊ ရေရဲ့ သတ္တိပြမလား . . . "

"အရက်ကို သောက်ရင် အရက်သတ္တိပြမှာပါ ဘုရား . . . "

"အရက်သတ္တိပြရင် မူးမလား ၊ မမူးဘူးလား . . . . "

"မူးမှာပါ ဘုရား . . . . . "

"မူးပြီး . . . မသင့်မလျော် မဖွယ်မရာတွေ ဖြစ်တော့ အပြစ်ဖြစ်တော့မပေ့ါ ဒီတော့ အရက်ကို ဘာအမှတ်နဲ့ သောက်သောက် အရက်ဟာ အရက်ပါပဲ . . အပြစ်ဟာ အပြစ်ပါ ပဲ ဒကာ. . . . "

ဟု ဆရာတော် က မိန့်တော် မူလေသည်. . . .

နေဘုန်းဝေ (ဗန်းမော်ဆရာတော်စွယ်စုံပုံပြင်များ)

အားလုံးကိုချစ်ခင်လေးစားလျှက်...





ပညာပြည့်ဝသော ဝေဖန်မှုကို သတိပြုပါ



ရှေးခေါမခတ် ပန်းချီဆရာကြီးတစ်ဦး ဖြစ်သော အပယ်လ်လက်စ်သည် သူ့ပန်းချီကားများကို လူထု ပြပွဲကျင်းပသော အခါတွင် ပြသခဲ့ပါသည်. . သူသည် ပန်းချီကားများကို လာရောက်ကြည့်ရှုသူများ၏ သုံးသပ်ချက်များကို သူကြားနိုင်သည့် ခန်းဆီးတစ်ခု နောက်ကွယ်တွင် ပုန်းခိုနေလေ့ရှိခဲ့ပါသည်. .

ဖိနပ်ချုပ်သမား တစ်ဦးသည် ဖိနပ်ပုံပါသော ပန်းချီကားတစ်ချပ်ကို လေးလေးနက်နက်လေ့လာပြီးနောက် အပယ်လ်လက်စ် ဖိနပ်ဆွဲထားပုံ မှားယွင်းနေသည်ဟု မှတ်ချက်ချလိုက်ပါသည်. .. ဖိနပ်ချုပ်သမားသည် ဖိနပ်အကြောင်းကို ပန်းချီဆရာထက် အကဲဖြတ်တော်မည်ဟု ပန်းချီဆရာက ဆုံးဖြတ်လိုက်ပြီး ထိုညတွင် ထိုအမှားကို ပြုပြင်လိုက်ပါသည်..

နောက်တစ်နေ့တွင် ဖိနပ်ချုပ်သမားသည် ပန်းချီကားကို ကြည့်ခဲ့ပြန်သည်. . . သူ့ထောက်ချက်ကို အရေးတယူထားခဲ့ကြောင်း သူတွေ့မြင်သော အခါ ဘ၀င်လေခတ်သွားပြီး သူသည် ပန်းချီကား၏ အခြား အစိတ်အပိုင်း တစ်ခုအကြောင်း မကောင်းပြောလိုက်ပြန်ပါသည်. . . .

ဤတစ်ကြိမ်တွင် ထိုသူသည် မသိနားမလည်ဘဲ သွေးနားထင်ရောက်လေကြီးနေသည်ကို အပယ်လ်လက်စ် က သိလိုက်ပါသည်. . . . ထို့ကြောင့် သူသည် ခန်းဆီးနောက်ကွယ်မှာ ပြေးထွက်၍ ဟောက်ထည့်လိုက်ပါသည်. .

"ဖိနပ်ချုပ်သမား ကိုယ်တန်ရာပဲ ကိုယ်ပြော "

လူသည် မိမိအနေဖြင့် နှိုက်နှိုက်နှဲနှဲ သိသည့် ကိစ္စရပ်များကိုသာ ဝေဖန်သင့်သည် ဟု ဆိုလိုရင်းဖြစ်ပါသည်. .

Intelligent suggesting should always be welcomed, but the comment of
the ignorant can be safly ignored.

ပညာပြည့်ဝသော အကြံပြုချက်များကို အမြဲတစေ ကြိုဆိုသင့်သည်.
သို့သော အသိမဲ့သူ၏ မှတ်ချက်များကို စိတ်ချစွာ လျစ်လျူရှုသင့်သည်.

ခွန်အားပေးသော အတွေးများ (မောင်ဝေဟင်) စာအုပ်မှ ကူးယူဖော်ပြပါသည်။

အားလုံးကိုချစ်ခင်လေးစားလျှက်...


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။