ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

နတ်တော် စာဆိုပွဲတော်



နတ်တော်လ

ငွေနှင်းငယ်တဲ့ မှုန်ဝေေ၀
ပျံ့မွှေးခိုင်သဇင်နှင့်
ဂမုန်းအင် ပန်တော်ဦးကြတယ်
ထူးတဲ့လပေ။

မိဂသီ ပုဏ္ဍာလင်းပါလို့
ရွှေဟင်္သာ တာရာငွေလို
ဖြာဖြာဝေလျက် စံကွန့်မြူး။

ပဏာတင်
ပိန္နဲမဟာရှင်၏
ခါသဘင် ပျော်ရွှင်ပွဲမှာလ
ဖော်ကွဲသူ မကြည်သာဖို့
ရထည်လွှာ ခြုံလို့ကွေးရတယ်
အေးတဲ့ လထူး။

စာပေသည် တိုင်းပြည်တစ်ပြည် ၊ လူမျိုးတစ်မျိုး၏ ယဉ်ကျေးမှု အဆင့်အတန်းကို ဖော်ပြသည်. . . လူမျိုးတိုင်းတွင် အမျိုးသားစာပေဟူ၍ ရှိသည်. . . စာပေမရှိသော လူမျိုးဟူ၍ မရှိ. . ရှိလျှင် ထိုလူမျိုးသည် မယဉ်ကျေးသည့် အဆင့်၌သာရှိသေးသော လူမျိုးဖြစ်ပေမည်. . . စာပေနှင့် ကင်း၍ မည်သည့်လူမျိုးမျှ မတိုးတက် မဖွံ့ဖြိုးနိုင် ၊ အဓွန့်မရှည်နိုင်ပေ။

စာပေသည် ဤမျှ အရေးပါအရာရောက်သည် ဆိုလျှင် စာပေကို ဖန်တီးပြုစုသည့် စာပေပညာရှင်များ ၊ စာဆိုတော်များ၏ ဂုဏ်ကျေးဇူးသည်လည်း အထူးကြီးမားလှသည် ဟု ဆိုနိုင်သည်. . ခေတ်အဆက်ဆက် စာဆိုတော်ကြီးများသည် အမျိုးသားစာပေ၏ ဂုဏ်ကို ထင်ရှားအောင်အားထုတ် လုပ်ဆောင်ခဲ့ကြသည်. . စာဆိုတော်ကြီးများ ကျေးဇူးကြောင့် စာပေ အရည်အသွေး တင့်တယ် ပြောမြောက်သည်. . စာပေတင့်တယ်သည်နှင့် အမျှ လူမျိုးလည်း အဆင့်အတန်းမြင့်မား၍ ဂုဏ်သိက္ခာ တက်ရပေသည်. .

ထို့ကြောင့် စာဆိုတော်များ ဂုဏ်ကျေးဇူးကို အမှတ်ထင်ထင် ဖော်ထုတ် ဂုဏ်ပြုသည့် အနေနှင့် "စာဆိုတော်ပွဲသဘင်" ကို ကျင်းပကြခြင်းဖြစ်သည်. . မြန်မာနိုင်ငံ၌ နတ်တော်လဆန်း (၁) ရက်နေ့ကို "စာဆိုတော်နေ့"ဟု သတ်မှတ်ပြိး အနယ်နယ် အရပ်ရပ်၌ "စာဆိုတော်နေ့" အထိမ်းအမှတ်ပွဲများ ကျင်းပကြသည်. . . နိုင်ငံတော် အစိုးရက ချီးမြှင့်သည့် "အမျိုးသားစာပေ ဆုနှင်းသဘင်" ကိုလည်း ယင်းစာဆိုတော်နေ့တွင် နှစ်စဉ် ပြုလုပ်လေ့ရှိပါသည်. . . "အမျိုးသားစာပေဆု " ဆိူစ်ာမှယ ပြီးခဲ့သည့် တစ်နှစ်တာအတွင်း ပုံနှိပ်ထုတ်ဝေခဲ့သည့် စာအုပ်များအနက် ဘာသာရပ်အလိုက်လက်ရာ အကောင်းဆုံး အကျိုးပြုစာအုပ်ကို ရွေးချယ် ချီးမြှင့်ခြင်းဖြစ်သည် . .

အခြေခံပညာကျောင်းများတွင်လည်း "စာဆိုတော်နေ့" အထိမ်းအမှတ် အကြိုဟောပြောပွဲများ၊ စာစီစာကုံးပြိုင်ပွဲများကို ကျယ်ကျယ်ပြန့်ပြန့် ကျင်းပကြပါသည်. . စာဆိုတော်နေ့အထိမ်းအမှတ် စာပေပြိုင်ပွဲများ၊ စာပေဟောပြောပွဲများကို လည်း မြို့နယ်အလိုက် ကျင်းပပြုလုပ်ကြပါသည်. . . သက်ကြီးစာပေပညာရှင်များကို လည်း ပူဇော်ကန်တော့ပွဲများ ပြုလုပ်ကြပါသည်. .

"သားမယားပင် ၊ မိုက်မှားခဲ့စွာ
မလိမ္မာလည်း ၊ စာပေစကား
နေ့တိုင်းကြားက ၊ ထူးခြားလိမ္မာ
ရှိသည်သာတည့်"

ဟုဆိုသည့်အတိုင်း စာပေအလေ့အထ ရင့်ကျက် ခိုင်မာလျှင် အသိအလိမ္မာ ရင့်ကျက် ခိုင်မာလာစမြဲဖြစ်သည်. . မြန်မာလူမျိုးသည် စာပေ ၌ မွေ့လျော်တတ်၏ စာပေ ကို မြတ်နိုးတတ်၏. . . စာဆိုပွဲတော်သည် မြန်မာနိုင်ငံ၏ ထူးခြားသော ပွဲသဘင်ဖြစ်၏ . . . မြန်မာတို့၏ စာပေစိတ်ဓာတ် ကို ဖော်ပြသည်. . . စာပေ အစဉ်အလာ အမျိုးသာရေး အစဉ်အလာ ကြီးမားသော လူမျိုးသည် လွယ်လွယ်နှင့် မဆုတ်မယုတ် မတိမ်ကောနိုင် ၊ ထာဝစဉ် တည်တံ့ ခိုင်မြဲနေမည် သာ ဖြစ်ပေသည်. . . .

ဒေါ်နုကြည် (မဟာဝိဇ္ဖာ)


အားလုံးကိုချစ်ခင်လေးစားလျှက်. . . .

ဘ၀မြင့်ချင်ရင် ဘ၀င်မမြင့်ရဘူး



ဆရာတော် သာမဏေကျော်ထံမှ "ဘ၀မြင့်ချင်ရင် ဘ၀င်မမြင့်ရဘူး" ဆိုသည့် ဆိုမိန့်ချက်သည် လူကြီးများရော လူငယ်များပါ အမြဲတစေ ရွတ်ဆိုနေသင့်သော အဆုံးအမတစ်ခု ဖြစ်ပါတသည်. . . . . အဘယ့်ကြောင့်ဆိုသော်. လူဆိုသည်မှာ အလွန်မေ့တတ်တဲ့ သဘောဖြစ်သည်. .. . ဘ၀င်မြင့်ခြင်းဆိုသည်မှာ မာန်မာနတက်ခြင်းပင် ဖြစ်သည်. . . မာန်မာန တက်၍ မိမိကိုယ်ကို ဟုတ်လှပြီ ဟု ထင်တတ်ကြသည်. .

မိမိကိုယ်ကို ဟုတ်လှပြီ ဟု ထင်သည့် အတွက် မိမိရောက်ရှိနေသော နေရာ မှ တစ်ဆင့်တက်အောင် ကြိုးစားဖို့ မေ့လျှော့သွားတတ်ပါသည်. . . . ပိုမိုပြည့်စုံသော သီလ ၊ သမာဓိ ပညာအားကို ဖြည့်ဆည်း နိုင်စွမ်း နည်းပါးသွားတတ်ပါသည်. .

ဘ၀မြင့်ချင်သော သူသည် တစေ ကြိုးစားအားထုတ်နေတတ်သူ ဖြစ်ရပါမည်. . ဤကဲ့သို့ ကြိုးစားအားထုတ်ရာ တွင် ငါဟုတ်လှပါပြီ အထင်ရောက်နေသော သူများသည် တိုးတက်မည့်လမ်းမှ ဖဲ့ဆင်းသွားသော သူ (သို့) လမ်းဘေးတွင် ထိုင်ကျန်ရစ်သူတို့နှင့် အလားတူပါသည်. . .

ထို့ကြောင့် သူ၏ဘ၀အခြေအနေသည် တိုးတက်သင့်သလောက် တိုးတက်မည်ထား ကျဆင်း၍သွားနိုင်သော အခြေအနေသို့ ရောက်သွားတတ်ပါသေးသည်. . လူအများစုသည် အခြေအနေကလေး နည်းနည်း ကောင်းလာ သည်နှင့် ငါလိုလူ ရှိသေးရဲ့လား ဟု နောက်ကို ပြန်ကြည့်တတ်သည်. . . ရှေ့ကိုသာ မျှော်ကြည့်တတ်ပါမူ. . . မိမိထက် အဘက်ဘက်က သာနေသူများ မရေတွက်နိုင်အောင် ရှိနေသေးသည်ကို မြင်ရမည်ဖြစ်ပါသည်. . . သို့သော် ဘ၀င် ကိုင်ကာ သူတစ်ပါးကို ဆရာလုပ်ရမည့်သူ မိမိက ဟိန်းဟောက်ရမည့် သူကိုသာ ရှာတတ်ချေသည်. . .

ထိုကဲ့သို့ ဘ၀ခရီးကို ချီတက်ရင်း နောက်သို့ပြန်လှည့်ကြည့်ကာ နေသောသူသည်. . . ခလုတ်ထိတတ်ပါသည်. . လမ်းကြောင်းကို မျက်ခြည် ပြတ်နိုင်သည်. . ခြေလှမ်းများ နှေးသွားနိုင်သည်. . . ဤသို့ဖြင့် ခရီးရောက်သင့်သလောက် မရောက်ဘဲ ဘ၀အခြေအနေသည်. မြင့်မားသင့်သလောက် မမြင့်မားတတ်ပေ. . .ထို့ကြောင့် ဘ၀မြင့်မားချင် သူများ သည် ဘ၀င်မြင့်သူများ မဖြစ်အောင် ကြိုးစားသင့်ပါသည်. .

ဒေါက်တာမတင်ဝင်း


အားလုံးကိုချစ်ခင်လေးစားလျှက်. . . .

နှုတ်ကလုပ်နေတဲ့ ကံ



"၀စီဗေဒ- ထိတိုင်းရှ" သတဲ့. . .
နှုတ်က လုပ်နေရတဲ့ ကံကတော့ ၀စီကံပါပဲ. . .လောကလူသားတွေဟာ မပြောမတီး ၊ မတီးမမြည်မို့ ပြောစရာရှိတာ ပြောကို ပြောရပါတယ်. . . အချို့ကအမှန်ပြောတယ်. . . အချို့ကတော့ လိုအပ်မှုပေါ် အကြောင်းပြပြီး လိမ်ညာပြောတယ်. . . . မုသားမပါ လင်္ကာမချော ရယ်လို့ သဘောပိုက်ပြီး ပြောလိုက်ကြတယ် . . . . မုသားစွက်လို့ သူများဘက်က နစ်နာသွားရင် ၀စီကံအပြစ်ကို ကျူးလွန်မိတာပါပဲ. .

အချို့က လွယ်လွယ်ပြောပြီး လွယ်လွယ်ပဲ ကျူးလွန်နေတယ်. . . စကားပြောတယ်ဆိုတာ ကာယကံမြောက် လုပ်ကိုင်ပေးရတာလောက် . . မပင်ပန်းဘူး . . . .နှုက်နေပဲ စိုက်ထုတ်ရတယ်. . သိပ်မပင်ပန်းတော့ စိတ်ထင်ရာ မှန်းပြီး ကိုယ်ပြောချင်ရာ မုသားပြောတာပဲ . . ကိုယ့်အကျိုးအတွက် အပိုတွေ တိုးစွက်လို့ မဟုတ်မမှန်တာတွေ ပြောတော့တာပဲ. . .

စကားအမှားပါရင် ငါးပါးသီလထဲက တစ်ပါးပျက်တာပါပဲ. . ၀စီကံ အမှုကို မထိန်းသိမ်းလို့ စီးပွားရေး နဲ့ ကြီးပွားရေးမှာ မဖြစ်ထွန်း မအောင်မြင်သူတွေ ရှိကြပါတယ်. . . . အပြောမမှန်သူ ဆိုတာ လောကမှာ ဘေးဖယ် ခံရတတ်တာ. . အမှန်ပါပဲ. . လိမ်ညာပြောဆိုတတ်မှန်း သိလာတဲ့ အခါ အမှန်ပြောလည်း လက်မခံ မယုံကြည်ချင်တော့ ပါဘူး. . .

စကားအယုတ်အညံ့တွေနဲ့တအား နှုတ်မဆန့်အောင် ပြောနေတတ်သူတွေဟာလည်း ၀စီဗေဒ ထိတ်ိုင်းရှ နေတာ ပါပဲ . . ဖရုသ၀ါစာဖြစ်တဲ့ ယုတ်ယုတ်မာမာ၊ ကြမ်းကြမ်းတမ်းတမ်း ပြောဆိုတဲ့ စကားမျိုးဟာ ငရဲသွားရအောင် ပြောတဲ့ စကားမျိုး . . ငရဲမသွားရသေးချိန်မှာလည်း လူမုန်းခံရပါတယ်. .

ပိသုဏ၀ါစာဖြစ်တဲ့ ကုန်းတိုက်စကားမျိုးဟာလည်း ငရဲသွားရမယ့် စကားမျိုးပဲ. . ကိုယ်ကုန်းတိုက်လို့ သူများ ကွဲကွဲ၊ မကွဲကွဲ ကိုယ့်မှာတော့ အပြစ်ရသွားပြီ ဖြစ်တယ်. . (ပိသုဏ၀ါစာ ဟာ ကုန်းချော ခံရတဲ့ လူနှစ်ဦး ကွဲပြားမှ သာ ကမ္မထမြောက်တယ်. )

သမ္ဖပ္ပလာပဖြစ်တဲ့ သူများအကျိုး ထိခိုက်တဲ့ စကားမျိုးကလည်း ငရဲသွားရမယ့် စကားမျိုးပါပဲ. . . မုသာဝါဒဖြစ်တဲ့ မဟုတ်မမှန် လုပ်ကြံပြောတဲ့ စကားကလည်း ငရဲသွားရမယ့် စကားမျိုး ကိုယ်လိမ်ပြောလို့ အလိမ်ခံရသူ အကျိုးစီးပွား ထိခိုက်ရင် ကမ္မပထမြောက်တယ်. . . မုသာဝါးကိုယုံလို့ ပုံမိသူတွေရဲ့ ဒုက္ခဟာ ကြီးမားသလို ပြင်းထန်စွာ ခံစားရတတ်ပါတယ်. .

ဝစီကံ အမှားဟာ အကုသိုလ်ကံကို သွားပါတယ်. . . အကုသိုလ်ဖြစ်ပါတယ်. . . လွယ်လွယ်နှုတ်ကပြောပြီးဖြစ်တဲ့ အကုသိုလ်ပါပဲ. .

အကုသိုလ်ဖြစ်တဲ့ အကုသလကမ္မပထ တရား (၁၀)ပါး ထဲမှာ-

၁. မဟုတ်မမှန်ပြောတာ
၂. ကုန်းစကားပြောတာ
၃. ယုတ်မာကြမ်းတမ်းတဲ့ စကားပြောတာ
၎. အကျိုးမရှိ သိမ်ဖျင်းတဲ့ စကားပြောတာ

အဲသည်လေးမျိုး ပါဝင်ပါတယ်. . .

ဝစီကံ အမှုကို စောင့်စည်းထိန်းသိမ်းနိုင်မှသာ ငရဲလွတ်မယ်. . အကုသိုလ်လွတ်မယ် . .

မှန်ကန် ချစ်ခင်နှစ်သက်ဖွယ် အလိမ္မာပါတဲ့ ပုလဲသွယ် စကားမျိုး ပြောနိုင်အောင် အမြဲကြိုးစားပြောကြရမယ်. .

''ငရဲစကား မပြောဘဲ ပုလဲစကား ပြောရမှာ ဖြစ်တယ်''


သုတေသီဘုန်းမြင့်သွေး

ပုံကို ဒီက ယူပါတယ်. .

အားလုံးကိုချစ်ခင်လေးစားလျှက်. . . .

သမီးလေးဖတ်ဖို့



သမီး

လူတစ်ယောက်ဟာ သူ့ဘ၀ သူပျော်နေမယ်
အနာဂတ်အတွက် အားတက် ရွှင်လန်းနေမယ်
စိတ်တည်ငြိမ် လန်းဆန်း အေးချမ်းနေမယ်
ဘာပဲ လုပ်လုပ် အောင်မြင်နေတယ်ဆိုရင်
လောကကြီးဟာ သူ့အတွက် သာယာလှပေနေတယ်လို့
သူ့စိတ်ထဲမှာ ထင်မြင်ယူဆနေလိမ့်မယ်

လူတစ်ယောက်ဟာ သူ့ဘ၀ သူမကျေနပ်ဘူး
အနာဂတ်ကင်းမဲ့ပျောက်ဆုံးနေတယ်
သောကများစွာနဲ့ စိတ်ဆင်းရဲနေမယ်
ဆုံးရှုံးခြင်းတွေနဲ့ ရင်ဆိုင်နေရမယ်ဆိုရင်
သူမြင်တဲ့ လောကကြီးဟာ
အကျည်းတန်နေတော့မှာပေါ့ကွယ်
တကယ်တော့

''ကိုယ်သိမြင်နေတဲ့ လောကကြီးဆိုတာ
ကိုယ့်စိတ်ရဲ့ ရောင်ပြန်ဟပ်ခြင်း တစ်မျိုးပါပဲ"

ဒါကြောင့်
လောကကြီးကို သမီးဘယ်လိုမြင်မှာလဲ
ဖေဖေသိချင်လိုက်တာ

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

အသက်ကို ဥာဏ်စောင့်



သက်ရှည်ကျန်းမာစေမယ့် နည်းလမ်းကောင်းလေးကို ဖတ်မိလို့ စာဖတ်သူများကို ပြန်လည်မျှဝေပေးလိုက် ပါရစေ ရှင်. . .

  • ဖုန်းပြောရင် ဘယ်ဘက်နားကို သုံးပါ
  • ကော်ဖီဆို တစ်နေ့ တစ်ခွက်သာသောက်ပါ
  • ရေခဲရေနှင့် ဆေးမသောက်ပါနှင့်
  • ညနေ ၅ နာရီကျော်ရင် ထမင်းအများကြီးမစားပါနှင့်
  • ဆီလျှော့စားပါ
  • ရေကို မနက်ပိုင်း ပိုသောက်ပြီး ညနေပိုင်း လျှော့သောက်ပါ.
  • ဟန်းဖုန်း အားသွင်းစက်ကို ခပ်ခွာခွာထားပါ.
  • နားကြပ်ကိုအကြာကြီး မသုံးသင့်ပါ
  • ည၁၀ နာရီမှ မနက် ၆ နာရီသည် အကောင်းဆုံး အိပ်ချိန်
  • အိပ်ရာမ၀င်ခင် ဆေးသောက်ပြီး ချက်ချင်း လှဲမချလိုက်ပါနဲ့
  • ဓာတ်ရောင်ခြည် ပြန့်နှုန်း အဆ ၁၀၀၀ ခန့်ရှိသောကြောင့် ဓာတ်ခဲ အားကုန်သွားသည်အထိ ဟန်းဖုန်းကို မသုံးစွဲသင့်ပါ. .

Myanmar Times

အားလုံးကိုချစ်ခင်လေးစားလျှက်. . . .

သွေးအားကောင်းစေရန်




မုန်လာဥသည် သံဓာတ်ပါဝင်မှု မြင့်မားသည် ဟင်းသီးဟင်းရွက် စာရင်းဝင်ဖြစ်ပြီး အခြား သတ္တုဓာတ်များလည်း အများအပြား ပါဝင်ပါသည်. . . မုန်လာဥနီ ဖျော်ရည် ခန္ဓာကိုယ်၏ ခွန်အား၊ ကိုယ်ခံအားများ တိုးမြှင့်ပေးရုံသာမက သွေးနီဥများကိုလည်း တိုးပွားစေပါသည်. .

ထို့အပြင် ဆယ်ကျော်သက်မလေးများအတွက် အကောင်းဆုံး သွေးအားတိုးဆေးဖြစ်၍ မိန်းမငယ်လေးများ ရာသီလာစဉ် အချိန်၊ အပျိုဖော်ဝင်အချိန်တွေတွင် လက်စွဲထားသင့်သည့် သဘာဝ ဆေးတစ်ခွက် ဖြစ်ပါတယ်. .

ဆလတ်ရွက်သည်လည်းကောင်း ၊ဟင်းနုနွယ်ရွက်တို့သည်. သွေးအားနည်းရောဂါကာကွယ် စေသော အရွက်ဖြစ်ပြီး သံဓာတ်များ အလွန်ကြွယ်ဝပါသည်. . . ၄င်းကဲ့သို့ သံဓာတ်ကြွယ်ဝသည့် အပြင် ပရိုတိတ်း ဓာတ်ပါရရှိစေနိုင်သည့် အစားအစာတစ်မျိုးမှာ ပဲပုတ်( Soya Bean) ဖြစ်ပါသည်. . ၄င်းကို ပဲနို့ရည် အသွင်ဖြင့် ထုတ် လုပ်ကြပြီး အစာကြေညက်လွယ် စေ၍ လူကြိုက်များလှပါသည်. .

မက်မွန်သီး ခုနှစ်လုံးခန့်ကို ရေတွင် နှစ်နာရီ ခန့်စိမ်၍ မှုန့်ညက်အောင် ကြိတ်ခြေပြီး သုံးလခန့် နံက်တိုင်း စားသုံးပေးလျှင် သွေးအားကောင်းစေပါတယ်.

နှမ်းနက်စေ့ လက်ဖက်ရည်ဇွန်း တစ်ဇွန်းကို ရေခပ်နွေးနွေးထဲတွင် နာရီ အတန်ကြာ စိမ်ထားပြီး ကြိတ်၊မွှေထားသော အရည်များ အဖတ်များ ကို နို့တစ်ခွက် (သို့) အခြားအချိုရည် တစ်ခုခုနှင့် တွဲဖက် သုံးဆောင်ပေးပါကလည်း သွေးအားနည်းရောဂါကို ပျောက်ကင်းစေပါသည်. . . နှမ်းနက်စေ့သည် သွေးအားကောင်းစေသည့် ဆေးကောင်း အရင်းအမြစ်တစ်ခုပင်ဖြစ်ပါသည်.


အားလုံးကိုချစ်ခင်လေးစားလျှက်. . . .

ဘုရားဖြစ်တော်မူခါနီး၌ မာရ်နတ်လာ၍ ဖျက်ဆီးနေပုံ



ဘုရားအလောင်းတော်သည် သုဇာတာ၏ ဃနာနို့ဆွမ်းကို ဘုဉ်းပေးပြီး၍ နေရဉ္စရာ မြစ်ကမ်း၏ အေးချမ်းသာယာသော အင်ကြင်းဥယျာဉ်၌ နေ့အဖို့တွင် သန့်စင်နေထိုင်တော်မူကာ ညနေချမ်းမှာ ဗောဓိပင်တို အကြွတွင် မြတ်ရိတ်ပုဏားထံ မြက်ရှစ်ဆုပ်ကို အလှူခံတော်မူခဲ့ပြီးလျှင် ထိုမြက်ပေါ်မှာပင် "ဘုရားမဖြစ်သမျှ ဤတင်ပလ္လင်ကို မဖျက်တော့အံ့" ဟု ဓိဠာန်လျက် ထက်ဝယ် ဖွဲ့ခွေ ထိုင်တော်မူရာ . . ဗြဟ္မာသိကြား နတ်အများလည်း ထံပါးသို့ရောက်လာကြလေသည်. . .

ထိုထိုင်နေပုံကိုမြင်ရ၍ ဧကန်မုချ ဗုဒ္ဓဖြစ်တော့မည်ကို သိသော မာရ်နတ်မင်းသည် ထန်ပြင်းသော ဒေါသဖြင့် နတ်ပြည် သို့ပြန်သွား၍ စစ်သည်တပ်သား စုဆောင်းကာ မိမိကိုယ်တိုင် ကလည်း လက်နက်မျိုးစုံကိုင်လျက် "တက်ကြလော့ " ဟု ဆော်အော ခြိမ်းခြောက်လေရာ ဗုဒ္ဓမြတ်စွာ လောင်းလျာသည် ရက်စက်ကြမ်းကြုတ်နေသော သားအပေါ်တွင် မိခင်မေတ္တာကဲ့သို့ ဘ၀များစွာ အထုံပါသော မေတ္တာတော် အစွမ်းဖြင့် အေးချမ်းကြည်ဖြူ အောင်တော်မူလေသည်. .

THE FUTURE BUDDHA BEING ATTACKED BY MARA THE EVIL ONE JUST BEFORE HE ATTAINED ENLIGHTENMENT

After eating the milk-porridge offered by Sujata, the Future Buddha took his noonday rest on the bank of the Neranjara, in the cook and pleasant shade of a grove of sal trees. And at nightfall he went towards the Bodhi tree. On the way he received from a grass-cutter named Sotthiya eight handfuls of grsss and sat down cross-legged on that grass. He made the mighty resolution : "I will not stir from this seat until I have attained the supreme and absolute wisdom". Many higher and lower gods with Sakka came near the Future Buddha.

The god Mara, the Evil One , saw the Future Buddha seated in that unconquerable position and knew that he was sure to become a Buiddha. He went back to his celestial realm and brought his army drawn out for battle. He grasped a variety of weapons himself and sounded the warcry "Advance! Seize!" to frightedn the Great Being . But the Future Buddha won a peaceful victory over Mara with the power of loving kindness. which he had practised in his many past lives just as a mother would tame a cruel and wicked son with her maternal love.

အားလုံးကိုချစ်ခင်လေးစားလျှက်. . . .

လှောင်ချိုင့်ထဲကငှက်



ပြတင်းအနီး လှောင်ချိုင့်ထဲမှာ ရှိတဲ့ ငှက်ဟာ ညဘက်မှာ အမြဲ သီချင်းဆိုဆိုနေတယ်. .

ဒါကို လင်းနို့က ကြားပြီး သူ့ဆီပျံလာတယ်

ဘာကြောင့် "နေ့ဘက်မှာ သီချင်းမဆိုသလဲ. . မင်းသီချင်းဆိုတာကို ညဘက်မှာ တော့ ကြားနေရတယ်. . လို့. . " မေးပါတယ်. .

ငှက်က "အကြောင်းရှိလို့ ညဘက်သီချင်းဆိုတာပါ ဆိုပြီး "ရှင်းပြလိုက်တယ်. .

"ညဘက်မှသာ ကျုပ်က သီချင်းဆိုတယ်လေ. . . နေ့ဘက်မှာ သီချင်းဆိုရင် ရန်သူက မြင်နိုင်တာကိုး တဲ့
အခုမှတော့ နေ့နဲက ည ဆင်ခြင်နေဖို့၊ ရွေးနေဖို့ မလိုတော့ပါဘူး. . . .လှောင်ချိုင့်ထဲ မရောင်ခင်ကသာ ဒါကို သတိပြုရမှာပါ. . " လို့ လင်းနို့ကပြောပါတယ်...

သူအသိနောက်ကျသွားတာကို လင်းနို့ပြောမှာပဲ သင်ခန်းစာရလိုက်တော့တယ်

(ဒီပုံပြင်လေးကတော့ အမှားကို ပြုမိပြီးမှ ၀မ်းနည်းဖို့ရာ မလိုပါဘူးလို့ပြောတာပါ. . နောင်တ မရခင် က ဆင်ခြင်ရမှာပေါ့)

အီစွတ်ပုံပြင်

အားလုံးကိုချစ်ခင်လေးစားလျှက်. . . .

လမ်းဘေးက ပန်းကလေးများ



လမ်းဘေးက ပန်းကလေးများ

လမ်းဘေးက အခြေမတင့်တာမို့
ပန်းကလေးတွေ အနေမ၀င့်ရတော့ပြီလား
တွေးချင့်မိခဲ့ပါသည်. . . ။

သခင်ပျိုးတာမို့
သင့်နိုးချိန်ခါတန်တော့
ပွင့်လန်းရန် ရေချိုဖြန်းမယ်လို့
မှန်းမျှော်ခဲ့ရသည်။

သြော်. . သခင့်အပါးမှာတဲ့
ချစ်စကား တာတီတီနဲ့
ညာပလီ ဗျာသီချွဲတတ်လေတဲ့
အကဲပိုဆောင် မာလာကလေးတွေမှ
ရွဲစိုအောင် သာသာထွေးမယ်လို့
အတွေးသည်နှယ် မြင်သမို့
ပန်းသခင် မေတ္တာမိုးရယ်က
စွေဖြိုးက ဖြိုင်ဖြိုင်ရွာတော့
မပြိုင်သာ ကြမ္မာငြိုးရုံပေါ့
ချစ်မိုးမဲ့ နွေရာသီ
တာရှည်လို့ အပူငွေ့မလောင်း။

လမ်းနဘေးမှာမို့
ပန်းကလေးတွေ ရင်ဖိုမောပါဘိ
ဝေးသော အလှမ်းတစ်နေရာမှာ နေညိုမလှင့်မီ၌
မွေးသော ပန်းကလေးတွေခမျာ ရေချိုလင့်လျက်ပါပဲ
တွေးချင့်ကာ စာနာလို့
ညှာတာပါ ခွင့်တောင်းချင်ရဲ့
(တကယ်တော့ သခင်ရယ်)
သဇင်ပန်းလည်း ပန်း နှင်းလဲပန်း စံပယ်လဲပန်း၊ ဇွန်လဲပန်း ပိတောက်လဲပန်း ငုလဲပန်း

ပန်းချင်းအတူတူမို့
ဘယ်မူဘယ်သူ မငြိုးလိုက်ပါနဲ့
အရွယ်တူ ငယ်မူမညှိုးမီ၌
ဖြိုးသွန်ပါ မိုးလွန် မနှောင်းစေဖို့
တောင်းပန်မိကြောင်း။ ။

မြင်းမူမောင်နိုင်မိုး

အားလုံးကိုချစ်ခင်လေးစားလျှက်. . . .

ကိုယ်တွေ့ရသည့်အတိုင်းသာ

မိတ်ဆွေသင်္ဂဟနှင့် ပတ်သက်လျှင် တစ်ဆင့်အကြားဖြင့် အပြစ်အနာအဆာ စကားများ ယောက်မှား မပြောဆိုမိပါစေနှင့်။

ကိုယ်နှင့် ရင်းနှီးခင်မင်သူ၊ အပြန်အလှန် သစ္စာရှိစွာ ဆက်ဆံဖူးသူ ၊ သူနှင့် ကိုယ့်ကြားမှာ ပြဿနာ တစ်စုံတစ်ရာ မရှိခဲ့သူ၊ လူကောင်းတယောက်. .

သည်လိုလူမျိုးနှင့် ပတ်သက်၍လည်း တစ်ခါတစ်ရံ အမနာပ စကား၊ အတင်းအဖျင်းစကား ၊ အပြစ်ဆိုသော စကားများ ကြားရတတ်ပါသည်။

သည်အခါမျိုးတွင်ဟာ - ဟုတ်လား ၊ အဲသလိုလား စသည်ဖြင့် သံယောင်မလိုက်မိပါစေနှင့် . . . . စကား လိုက်ထောက်ကာ ကိုယ့်မိတ်ဆွေကို ပြော အတင်းအဖျင်း ကိစ္စမှာ ကိုယ်ပါဝင်မပါမိပါစေနှင့်. .

ထို့အပြင် ပြောသံကြား စကားကြောင့် သူ့အပေါ်ကိုယ့်စိတ်ထဲမှာ မူလ အသိအမှတ်ပြုထားချက်ကို မပြင်မဆင် မရုပ်သိမ်းမိပါစေနှင့်...

အတင်းအဖျင်း စကားကြောင့် ခေါင်းထဲတွင် ဖြစ်သော အဆိပ်အတောက်ကို ဖြေဖျောတတ်အရန်အတွက် သတိတစ်ခု ရှိထားရန်လိုသည် . .

မည်သူမည်ဝါ ဖြစ်စေ လုံးဝတော့ အပြစ်အနာအဆာ မကင်းနိုင်ဟူသော အချက်. .

ကိုယ်လည်း မကင်း၊သူလည်းမကင်း၊

တစ်ကြိမ်တစ်ခါက အနာအဆာ ရှိဖူးသော်လည်း ယနေ့ စင်းလုံးချော ကောင်းမွန်နေလျှင် အလွန်တော်သူဖြစ်ပေပြီ. . .

ထို့ကြောင့် လူတကာ၌ အပြစ်ကိုသာ မြင်တတ်သည့် အဆိပ်သင့်သော ဦးနှောက် ပိုင်ရှင်များထံမှာ အလွှမ်းမိုးမခံဘဲ ကိုယ့်အတွေ့ ကိုယ့်အသိကိုသာ အတည်ပြုပြောဆိုတတ်အောင် သတိပြုနိုင်ပါစေ. .

ဖေမြင့်



အားလုံးကိုချစ်ခင်လေးစားလျှက်. . .

.

အမျိုးသားနေ့

ပြည်ထောင်စုမြန်မာနိုင်ငံတော်တွင်အမျိုးသားနေ့ကိုနှစ်စဉ်တန်ဆောင်မုန်း လပြည့်ကျော် ၁၀ ရက်နေ့ တွင်ကျင်းပပြုလုပ်လေ့ရှိသည်။ နယ်ချဲ့လက်အောက်ခံ ကိုလိုနီဘ၀သို့ကျ ရောက်ခဲ့ရာ မှနယ်ချဲ့ဆန့်ကျင်ရေးနှင့်အမျိုးသား လွတ်မြောက် ရေးလှုပ်ရှားမှုအဖြစ် မြန်မာသက္ကရာဇ် ၁၂၈၂ ခုနှစ်၊ တန်ဆောင်မုန်းလပြည့်ကျော် ၁၀ရက်(၁၉၂၀ပြည့်နှစ်၊ဒီဇင်ဘာလ၅ရက်) နေ့တွင်ရန်ကုန်တက္ကသိုလ် အက်ဥပဒေ ကို တက္ကသိုလ်ကျောင်းသားများက သပိတ်မှောက် ဆန့်ကျင်ခဲ့သည်။

နယ်ချဲ့အစိုးရ၏ ကျွန်ပညာရေးစနစ်ကို ဆန့်ကျင်၍ သခင်ပညာ၊ အမျိုးသားပညာရေးကို တောင်းဆို ဖော်ပြသော တိုက်ပွဲဖြစ်၍ မြန်မာနိုင်ငံ၏ အမျိုးသားလွတ်မြောက်ရေးကြိုးပမ်းမှုသမိုင်း တွင်အရေးပါသော လှုပ်ရှားမှုကြီး ဖြစ်သည်။ ထို့ကြောင့် နှစ်စဉ် တန်ဆောင်မုန်းလပြည့် ကျော် ၁၀ ရက်နေ့ကို အမျိုးသားနေ့ အဖြစ် သတ်မှတ်ကာ တစ်ပြည်လုံး အတိုင်းအတာ ဖြင့် ကျင်းပလေသည်။

မြန်မာနိုင်ငံသည် ၁၈၂၄ ခုနှစ်မှအစပြု၍ အင်္ဂလိပ်နယ်ချဲ့၏ ကျူးကျော် တိုက်ခိုက်ခြင်းခံခဲ့ရပြီး ၁၈၈၅ ခုနှစ်တွင် မြန်မာတစ်ပြည်လုံး သူ့ကျွန်ဖြစ်ခဲ့ရသည်။

နယ်ချဲ့သည် မြန်မာတို့အား အမျိုးမျိုးဖိနှိပ်ခဲ့သည်။ တိုင်းရင်းသားပြည်သူ များ၏ အမျိုးသားရေးစိတ်ဓာတ် ဖြင့်ခုခံ တွန်းလှန်မှုများကို ရက်စက်စွာ နှိပ်ကွပ်ခဲ့ သည်။မြန်မာပြည်သူတို့အဖို့ နိုင်ငံတော်၏ အချုပ်အခြာအာဏာကို စွှန့်လွှတ် လိုက်ရသကဲ့သို့ အမျိုးသားရေး အမွေအနှစ်များလည်း လက်လွှက်ဆုံးရှုံး ရတော့သည်။ နယ်ချဲ့အုပ်စိုးမှုနှင့်အတူ နယ်ချဲ့၏ ယဉ်ကျေးမှု၊ ပညာရေး အတွေး အခေါ်တို့လည်း စိမ့်ဝင် လွှမ်းမိုးလားသည်။ အမျိုးသားယဉ်ကျေးမှု၊ အမျိုးသား ပညာရေးနှင့် အမျိုးသားရေးအတွေးအခေါ်များမှာ အမိမဲ့သား၊ ရေနည်းငါးသဖွယ် တစ်နေ့တခြား အားနည်း ညှိုးငယ်လာခဲ့ရသည်။

ဤကဲ့သို့ အမျိုးသားရေးအင်အား ညှိုးမှိန်နေရာမှ ၁၉၂၀ ပြည့်နှစ်တွင် ရန်ကုန်တက္ကသိုလ် ကျောင်းသားကြီးများက တက္ကသိုလ်အက်ဥပဒေကို သပိတ်မှောက် ကန့်ကွက်ခဲ့ကြသည်။ ကျွန်ပညာရေးစနစ်ကို အပြင်းအထန် ဆန့် ကျင်ခဲ့ကြသည်။ ပြာဖုံးနေသော မြန်မာတို့၏ မျိုးချစ်စိတ် မီးခဲကို ရဲရဲတောက်လာ အောင် လှုံဆော်လိုက်သည်။ ကျွန်ပညာသာ သင်ကြားပေးနေသော တက္ကသိုလ် မှ သပိတ်မှောက်၍ ထွက်ခွာလာသူ ကျောင်းသားကြီးများကို ပြင်ပမှ မျိုးချစ်စိတ်ဓာတ် မီးခဲကို ရဲရဲတောက်လာအောင် လှုံဆော်လိုက်သည်။ ကျွန်ပညာသာ သင်ကြားပေးနေသော တက္ကသိုလ်မှ သပိတ်မှောက်၍ ထွက်ခွာလာသူ ကျောင်းသားကြီးများကို ပြင်ပမှ မျိုးချစ်စိတ်ထက်သန်သူ ပညာရှင်ကြီးများက အားပေးကြသည်။

ဗဟန်းကောလိပ် ဟု အမည်တွင်သော အမျိုးသားကောလိပ် ကိုဝိုင်းဝန်းတည်ထောင် ဖွင့်လှစ်ကြသည်။ မြန်မာ့သမိုင်းနှင့် မြန်မာစာကို အလေးထား၍ သင်ကြားပေးသည်။ အမျိုးသားရေး အစဉ်အလာများ ကိုတန်ဖိုးထားတက်အောင်၊ ကျွမ်းကျင်တက်မြောက်အောင်ဖော်ထုတ်သင်ကြား ပေးသဖြင့် ယင်းပညာရေးကို သခင်ပညာရေး ဟုခေါ်ဝေါ်သုံးနှုန်းကြသည်။

အမျိုးသားရေး ဆိုသည်မှာ မျက်စိဖြင့် တပ်အပ်မြင်ရသောအရာ မဟုတ်သော်လည်း အလွန်တရာအင်အားကြီးမားသည်။ အဆိုပါအရာတို့သည် အင်အားကြီးမားသည်။ အဆိုပါအရာတို့သည် အင်အားကြီးသည် မှန်၏၊ သို့သော ဖြစ်ပေါ်ဆဲ ခဏမျှသာ တည်၏။ လေတိုက်ပြီးလျှင် မီးခိုးသာ ကျန်၏။ အမျိုးသားရေးကား ဤသို့မဟုတ်၊ အင်နှင့်အားနှင့် ရုန်းကန် လှုပ်ရှားပြီးသည့်တိုင် အမျိုးသားပြည်သူတစ်ရပ်လုံးနှင့် ယင်းတို့၏ သားစဉ်မြေးဆက်ထိ မျိုးဆက်အသီးသီး၏ နှလုံးသားထဲ၌ ထာဝရ အမြစ်တွယ် ရှင်သန်နေ လေ့ရှိသည်။် တစ်မျိုးသားလုံးနှင့်ဆိုင်သည့် အရေးအရာများ ပေါ်ပေါက်လာလျှင် ကြိုတင်တိုင်ပင် ညှိုနှိုင်းစရာမလိုလဲ အလိုလို တစ်ပြိုင်တည်းနိုးကြားလာလေ့ ရှိသည်။

ထိုသို့အင်အား စွမ်းသန်လှသော အမျိုးသားရေး စိတ်ဓာတ်ကို အသုံးချရာတွင် ရည်မှန်းချက်နှင့် အဓိဠာန်ရှိသင့်သည်။ နယ်ချဲ့ဆန့်ကျင်ရေးနှင့် အမျိုးသားလွတ်မြောက်ရေးတိုက်ပွဲမှရရှိခဲ့သည့် အမျိုးသားစိတ်ဓာတ် ထာဝရရှင် သန်နေစေရန် ရည်မှန်းသင့်သည်။ ထိုနည်းတူ နိုင်ငံတော် သာယာဝပြောရေးနှင့် လွတ်လပ်ရေး အဓွန့်ရှည် တည်တံရေးအတွက် ပြည်သူတစ်ရပ်လုံးက အားကြိုးမာန်တက် လုပ်ကိုဆောင်ရွက် ကြမည်ဟု အဓိဠာန်ပြုသင့်ပေသည်။ သို့မှသာ အမျိုးသားရေးစိတ်ဓာတ်လည်းတန်ဖိုးရှိမည်။ အမျိုးသားနိုင်ငံတော်ကြီး လည်း အတိုင်းမသိ တန်ဖိုးရှိနေပေလိမ့်မည်။

ဒေါ်နုကြည် (မဟာဝိဇ္ဖာ)

အားလုံးကိုချစ်ခင်လေးစားလျှက်. . . .

ခွေးအတွက် စာရင်းမပါ



လားနဲ့ ခွေးတို့ ခရီးအတူလာကြရင်း တံဆိပ်ပိတ်ထားတဲ့ စာခေါက်တစ်ခုကို မြေကြီးပေါ်မှာတွေ့တယ်. . .လားဟာ ကောက်ယူပြီး စာရွက်ခေါက်ကို ဖြန့်လျှက် ကျယ်လောင်စွာ ဖတ်လိုက်တယ်. . . ဒါကိုခွေးက နားထောင်နေတာပေါ. . .

စာထဲမှာ နွားစာ အမျိုးမျိုးအကြောင်းပဲ ပါလာတယ်. . . ကောက်ရိုးမြက်၊ ဖွဲနုတွေ ဖြစ်တယ်. . . သူ့သွားရည်ကျစရာ စာရင်းမတွေ့တာမို့ ခွေးက "စာကို ကျော်ဖတ်ကြည့်ပါဦး မိတ်ဆွေရယ်. . . .. ခင်ဗျား တစ်ကြောင်း နှစ်ကြောင်းလောက် ကျော်ဖတ်ရင် အသားတုံးတွေ ၊ အရိုးတွေပါတာ တွေ့ပါလိမ့်မယ်. . . " တဲ့. .

ဒါပေမယ့် လားက စာကို အစမှ အဆုံး ဖတ်ပြီးတဲ့နောက် ခွေးအတွက် အစာ စာရင်း မပါဘူးဆိုတာသိပါတယ်. . . ဒီတော့ ခွေးက "ဒီစာကို လွှင့်ပစ်လိုက်စမ်းဗျာ . . . . ဘာမှ အသုံးမကျတဲ့ စက္ကူစုတ်ပါ. . . ." လို့ ဆိုလိုက်သတဲ့ . . .

ဒီပုံပြင်လေးက တော့ . ကိုယ့်အကျိုးမပါရင် စိတ်မ၀င်စားတတ်တဲ့ သဘာဝကို ဖော်ပြတာပါ. . .

အီစွတ်ပုံပြင်

အားလုံးကိုချစ်ခင်လေးစားလျှက်. . .

ထင်ရက်တယ်



တရားပွဲတစ်ပွဲမှာ တရားဟောတဲ့ ဘုန်းကြီးကို တရားပွဲပြီးတော့ အမျိုးသမီးတစ်ဦးက သူ့ယောက်ျားအတွက် အားနာစိတ်ဖြစ်ပြီး ဘုန်းကြီးကို ခုလို တောင်းပန်စကားဆိုပါတယ်.. ..

"အရှင်ဘုရား ဘုန်းဘုန်း တရားဟောနေတုန်းမှာ တပည့်တော်မ ယောကျာ်း အပြင် ထထွက်လျှောက်သွားတာ ဘယ်လိုမှ သဘောမထားပါနဲ့ ဘုရား . . . ဒီအတွက် တပည့်တော် တောင်းပန်ပါတယ်. . "

ဘုန်းကြီးက " ရပါတယ် ဒကာမကြီး ကျုပ်လည်းနားလည်ပါတယ်. . . ခင်ဗျားယောက်ျားက ကျုပ်ရှေ့တည့်တည့်မှာ ဆိုတော့ အနေကျုံ့ရှာလွန်းလို့ ဖြစ်မှာပေ့ါ. . . "

"မဟုတ်ဘူး ဘုန်းဘုန်းရဲ့ ဒါကြောင့်မဟုတ်ပါဘူး . . . . သူငယ်ငယ်တည်းက အိပ်ပျော်ရင်း လမ်းထလျှောက်တတ်တဲ့ ရောဂါရှိလို့ပါ . . . . တဲ့ . . . "


Reder's Digest


အားလုံးကိုချစ်ခင်လေးစားလျှက်...


အမြိုက်စကား




  • ဒေါသထွက်ချိန်၌ သီးခံစိတ်ပေါ်လာလျှင် ယင်းဒေါသထွက်သူသည် ဒုက္ခခံရသည့်နေ့ ရာပေါင်းများစွာက ကင်းလွတ်လိမ့်မည်.
  • မိနစ်တိုင်း မိနစ်တိုင်း ဒေါသထွက်နေသော လူတိုင်းလူတိုင်းသည် စက္ကန့် (၆၀) တိုင်း (၆၀) တိုင်း ရွှင်လန်းချမ်းမြေံမှု သုခ ဆုံးရှံးနစ်နာမှု ရှိသွားလိမ့်မည်.
  • ဒေါသသည် ကျွန်ုပ်တို့ဘ၀ကို ဒုက္ခအပြည့်ရှိအောင်လုပ်သည်။ ကျွန်ုပ်တို့သည် ဒေါသကိုလက်ခံပြီး ဒေါသကို ပယ်ဖျက်ဖို့ ကြီးကြီးမားမား အားမထုတ်လျှင် ရှုပ်ထွေးပွေလီသော ဘ၀ဖြင့် ဆက်တိုက်နေသွားရလိမ့်မည်.
  • ဒေါသကို ပယ်သတ်လျှင် ပီတိသောမနဿ အပြည့်ရှိလာလိမ့်မည် . ဒေါသကိုပယ်သတ်လျှင် ဆင်းရဲဒုက္ခ ခံစားရလိမ့်မည် မဟုတ်ပေ.
  • ပုံစံအားလုံးနှင့်ရှိနေသော ဒေါသကို သတ်ရန်အတွက် အဆ်ိပ်ရှိသော အမြစ်အရင်းနှင့် ချိုမြိန်သော ဆူးကို ဖျောက်ဖျက်ပစ်ရမည်. ယင်းနည်းလမ်းသည် သူတော်သူမတ်များ ချီးကျူးသော နည်းလမ်းဖြစ်သည်.
  • ဒေါသကို ပယ်သတ်လျှင် ပယ်သတ်သူသည် ငိုချင်းချရတော့မည် မဟုတ်ပေ.
ပါရဂူ

အားလုံးကိုချစ်ခင်လေးစားလျှက်...

ကြက်ဟင်းခါးသီးနှင့်ကျန်းမာရေး



ကျွန်မတို့ စားသုံးနေတဲ့ ဟင်းလျာထဲမှာ ပါဝင်တဲ့ ကြက်ဟင်းခါးသီးဟာ ဆေးဖက်ဝင်ပါတယ် ဆိုတာ စားသုံးသူတော်တော်များ များ သိကြပါတယ်. . ဘယ်လိုရောဂါမျိုးတွေအတွက် ဆေးဖက်ဝင်တယ်ဆိုတာကို လေ့လာကြည့်တဲ့ အခါမှာ

ကြက်ဟင်းခါးသီးဟာ အဓိကအားဖြင့် ရောဂါကြီးသုံးခုကို ကာကွယ်ကုသရာမှာ အထောက်အကူပြုပါတယ်..

၁။ ဆီးချို သွေးချိုရောဂါ
၂။ HIV ရောဂါ
၃။ ခုခံအားစနစ်နှင့် ပက်သက်သော ရောဂါများ (Immunological Diseases) များကို ကုသရာမှာ ထိရောက်တဲ့ အစားအစာတစ်ခု ဖြစ်ပါတယ်. .

ဆီးချို၊သွေးချိုရောဂါအတွက် ကြက်ဟင်းခါးသီးမှာ ပါတဲ့ အခါးဓာတ်နဲ့ အဖန်ဓာတ်တွေဟာ သွေးထဲမှာရှိတဲ့ Glucose သကြားဓာတ်ကို ကျစေနိုင်တဲ့ သတ္တိရှိပါတယ်. . Glucose တွေဟာ သွေးထဲကို အများကြီးရောက်မလာလို့ ဆီးချိုသွေးချို ဝေဒနာတွေအတွက် အကျိုးရှိပါတယ်. ဒါကြောင့် ဆီးချို၊သွေးချိုသမားတွေဟာ ကြက်ဟင်းခါသီးကိုစားရင် များစွာာ အကျိုးရှိပါတယ်. . .

ကြက်ဟင်းခါးသီးကို ဆေးဖက်ဝင်အောင်စားရင် အစိမ်းအတိုင်း ပါးပါးလှီးပြီး တို့စရာလို လုပ်စားမှသာ ရမှာ ဖြစ်ပါတယ်. .အပူပေးရင်လည်း ခဏတဖြုတ် အစိမ်းကြော် ကြော်သလိုမျိုး လုပ်မှ အာနိသင်ရမှာဖြစ်ပါတယ်. .

ဆီးချိုရောဂါဝေဒနာရှင်တွေက စားမယ်ဆိုရင်တော့ တစ်နေ့ကို ကြက်ဟင်းခါးသီး အနေတော် တစ်လုံးရဲ့ ¼ လောက် စားရင် လုံလောက်ပါတယ်.

HIV လူနာများကို Traditional Medicine အနေနဲ့ ကုသတဲ့ အခါမှာ ကြက်ဟင်းခါးသီးကို အဓိကအသုံးပြုနိုင်ပါတယ် ကြက်ဟင်းခါးသီးထဲမှာ ပါတဲ့ MAP 30 ဟာ HIV-1 ဗိုင်းရပ်စ်များကို မ၀င်နိုင်အောင် ဟန့်တားနိုင်တဲ့ အပြင် ကူးဆက်ပြီးသား ဆဲလ်တွေမှာရှိတဲ့ ဗိုင်းရပ်စ်ပိုးပွားများ မှုကိုပါ ဟန့်တားနိုင်စွမ်းရှိပါတယ်.


ကြက်ဟင်းခါးသီးကို စားတဲ့ အခါမှာ အကြောတွေ တက်စေပတယ်. . ကြက်ဟင်းခါးသီးရဲ့ အစေ့နဲ့ အစေ့ညာတိုင်တွေကို ဖယ်ပြီး အသားချည်းပဲ စားရင်တော့ တက်တာ Blood Pressure တက်တာမျိုး မဖြစ်နိုင်ပါ. . ကိုယ်ဝန်ဆောင်တွေကတော့ကြက်ဟင်းခါးသီးကို လုံးဝမစားသင့်ပါဘူး နည်းနည်းစားရင် ပြသာနာမရှိပေမယ့် များများစားရင် ကိုယ်ဝန်ပျက်ကျတတ်ပါတယ်. . .

လူတိုင်းရဲ့ ခန္ဓာကိုယ်မှာ Immune System လို့ခေါ်တဲ့ ခုခံအားစနစ်ရှိပါတယ်. . . အပြင်ကနေ ခန္ဓာကိုယ်ကို ဒုက္ခပေးတဲ့ ပစ္စည်းတွေရှိပါတယ်. . .ခုခံအားနဲက ပတ်သက်တဲ့ ရောဂါတွေလျော့ပါးစေဖို့လည်း ကြက်ဟင်းခါးသီးကို စားသုံးသင့်ပါတယ်. . . .

ပုံကို ဒီက ယူပါတယ်. .

ဒေါက်တာခင်မောင်လွင်

အားလုံးကိုချစ်ခင်လေးစားလျှက်...

တန်ဆောင်မုန်းလပြည့် သာမညဖလအခါတော်နေ့


တန်ဆောင်မုန်းလပြည့်နေ့သည် သာမညဖလ အခါတော်နေ့ ဖြစ်ပါတယ်. . သာမညသည် သာမဏ၏အဖြစ် ရသေ့၊ရဟန်း ပြုလုပ်ခြင်း၏ အဖြစ်ဟု အနက်အဓိပ္ပါယ်ရ၍ ဖလသည် အကျိုးကျေးဇူးဟု အနက်အဓိပ္ပါယ်ရရှိပါသည် ထို့ကြောင့် သာမညဖလ ဟူသည်မှာ ရသေ့၊ရဟန်း ပြုလုပ်ရခြင်း၏ အကျိုးကျေးဇူး ဟု အဓိပ္ပါယ်ဖွင့်ဆိုရပါသည်.

အခါတစ်ပါး၌ ဂေါတမ ဗုဒ္ဓမြတ်စွာဘုရားသည် (၁၂၅၀) တစ်ထောင့်နှစ်ရာ့ငါးကျိပ်ရှိသော ရဟန်းသံဃာတော်တို့ နှင့် အတူ ရာဇဂြိုလ်မြို့ အဘယမင်းသား၏ မွေးစားသားဖြစ်သော သမားတော်ကြီး ဆရာဇီဝက၏ သရက် ဥယာဉ်ကျောင်းတိုက်၌ သီတင်းသုံးနေတော်မူ၏. . . . ထိုနေ့သည်ကား ငွေစန္ဒာ လမင်းကြီး အစွမ်းကုန် ထိန်ထိန်သာသည့် တန်ဆောင်မုန်းပြည့်နေ့ညဥ့်အခါဖြစ်သည်. .

ထိုစဉ်အခါတွင် မာဂဓတိုင်းဘုရင် အဇာတသတ်သည် သူယုတ်မာ ဆရာဒေ၀ဒတ်စကားကို လိုက်နာ၍ သောတပန်အရိယာဖြစ်သော ခမည်းတော် ဗိမ္မိသာရမင်းကြီးကို ခြေဖ၀ါးဓားနဲ့ ခွဲ၊ဆားနှင့်သိပ်ပြီး မသေသေအောင် သတ်ခဲ့သည်. . . သူ၏သားတော် ဥဒယဘဒ္ဒ ဖွားမြင်သည့်နေ့တွင် မိဘကျေးဇူး ကို စတင်သိခဲ့ရပြီး သူ၏မိုက်ပြစ်ကို နောင်တကြီးစွာ ရလေတော့သည် . . . ထိုအချိန်တွင် သူ၏ဆရာဖြစ်သော ဒေ၀ဒတ်လည်း ဘုရားရှင်အားပြစ်မှားလုပ်ကြံသည့်နောက် မြေမျိုခံခဲ့ရလေသည်. .

ထိုအချိန်မှစပြီး အဇာတသတ်၏ စိတ်အစဉ်သည် မကြသော အတိတ်ကာလဆီက ပြုခဲ့သော အကုသိုလ်ကံ၏ အရိပ်နိမိတ်တို့က သူ့အား အချိန်ရှိတိုင်း ခြောက်လှန့်၍နေသည်. . တစ်နေ့တွင် ညီလာခံ၌ ဆရာဇီဝက၏ လျှောက်တင်ချက်ကို လက်ခံပြီး. . မြတ်ဗုဒ္ဓသီတင်းသုံး တော်မူရာ သရက်ဥယာဉ်ကျောင်းတိုက်သို့ မှုးမတ်ဗိုလ်ပါ အခြံအရံများစွာခေါ်၍ သွားရောက်လေ၏. . . မြတ်ဗုဒ္ဓ၏ထံတော်ပါးတွင် ရိုသေစွာ ဦးချင် ကန်တော့၍ မြတ်စွာဘုရား အား ဤသို့လျှောက်တင်လေ၏

"ရှင်တော်မြတ်ဘုရား မျက်မှောက်ဘ၀၌ပင် ကိုယ်တိုင်သိမြင် ရသော ရဟန်းပြုခြင်း၏ အကျိုးကိုပြခြင်းငှာ တတ်နိုင်ပါသလော. . . " ထိုအခါ ဗုဒ္ဓမြတ်စွာဘုရားက ရဟန်းပြုရသည့် အကျိုးကျေးဇူးကြောင့် အပူဇော်ခံရခြင်းပမာများ ကိုလည်းကောင်း ၊ စူဠာသီလ၊ မဇ္ဈိမသီလ၊ မဟာသီလ တို့ကို ဖြည့်ကျင့်လျက် ထိုမှ တဆင့် တက်ကာ ဣနြေ္ဒကို စောင့်စည်းခြင်း ၊ သတိသမ္ပဇဉ်နှင့် ပြည့်စုံ့ခြင်း ၊ရောင့်ရဲလွယ်ခြင်း၊ နီဝရဏတရား ငါးပါးတို့ကို ပယ်ခြင်းတို့ကိုလည်းကောင်း၊ ပထမဈာန်မှ စတုထ္ထဈာန် အထိရနိုင်ပုံကို လည်းကောင်း ထိုမှ တဆင့် တက်ကာ ၀ိပဿနာဉာဏ်၊ မနေမယိဒ္ဓိဉာဉ်၊ ဣဒ္ဓိ၀ိဓဉာဏ်၊ ဒိဗ္ဗစက္ခုဉာဏ်၊ ဒိဗ္ဗသောတဉာဏ်၊ စေတောပရိယဉာဏ်၊ ပုဗ္ဗေနိဝါသဉာဏ်၊ စုကူပပါတဉာဏ်၊ အာသ၀က္ခဉာဏ်၊ မည်သော အရတ္တမဂ်ဉာဏ် တိုင်အောင် အဆင့်ဆင့်သာလွန်မြင့်မြတ်သည့် ၀ိဇ္ဖာရှစ်ပါးတရားထူးကို ရနိုင်သည့် ရဟန်းပြုရခြင်း၏ မျက်မှောက်ဘ၀အကျိုး (သာမညဖလသုတ်)ကို အကျယ်တ၀င့် ဟောကြားတော်မူလေသည်. .

ထို့ကြောင့် ရှင်တော် ဗုဒ္ဓဟောကြားခဲ့သော သာမညဖလ ဟူသည်၏ အနှစ်ချုပ်ကား ကိုယ်ကျင့်တရားဟူသော သီလ၌တည်ပြီး တည်ကြည်ခြင်းဟူသော သမာဓိရှိသည်၍ ပညာတည်းဟူသော ၀ိပဿနာကို ပွားများခြင်းဖြင့် အာသဝေါတရားများကင်းလျက် မဂ်နိဗ္ဗာန်သို့ ဆိုက်ရောက်နိုင်ကြောင်းပင်ဖြစ်သည်. . .

ဗုဒ္ဓဟောကြားတော်မူခဲ့သော သာမညဖလသတ်ကို အဇာတသတ်မင်းနာကြားပြီးသော အခါတွင် လူသစ်စိတ်သစ်နှင့် အတွေးအခေါ်သစ်များ ဖြစ်ပေါ်လာကာ ရတနာသုံးပါး ပူဇော်မှုများကို များစွာ ပြုလုပ်ခဲံသည်. . . ယခင်က စွဲကပ်နေသော စားမ၀င်၊ အိပ်မပျော်မှုများ၊ စိုးရွံ့ထိတ်လန့်မှုများ လွင့်ပျောက်၍ စားဝင်အိပ်ပျော်လာ ကာ စိတ်သက်သာရ ချမ်းသာသွားလေသည်. . .

တန်ဆောင်မုန်းလ၌ ဘာသာရေး အထိမ်းအမှတ်အဖြစ် ထင်ရှားသည်မှာ ကထိန်ခင်းခြင်း ပင်ဖြစ်သည်. . တန်ဆောင်မုန်းလသည် သာယာအေးချမ်းသောလဖြစ်သည်နှင့် အညီ အများပြည်သူတို့အတွက် ပျော်ပွဲရွှင်ပွဲ မီးပွဲသဘင်များ ဆင်ယင်ကျင်းပချိန်ဖြစ်ပါသည်. . . . မြန်မာလူမျိုးသည် ယဉ်ကျေးသိမ်မွေ့သောလူမျိုး၊ ဘာသာရေးကို လေးစားကိုင်းရှိုင်းတတ်သော လူမျိုး အဖြစ် ကမ္ဘာ့အလယ်တွင် ထင်ရှားရပ်တည်နေနိုင်ကြသည် မှာ များစွာဂုဏ်ယူရပေတော့သည်. .

အောင်မြင့်မြတ်( ပြည်ရွှေဘို)


အားလုံးကိုချစ်ခင်လေးစားလျှက်...

ကထိန်အကြောင်း သိကောင်းစရာ



မကြာမီ သီတင်းကျွတ်တော့မှာ ဖြစ်သလို ပုရိမ၀ါဆိုဝါကပ် ပြုတော်မူနေကြတဲ့ သံဃာတော်အရှင် မြတ်များရဲ့ ၀ါတွင်းကာလလည်း ကုန်ဆုံးတော့မှာ ဖြစ်ပါတယ်။ သီတင်းကျွတ်ပြီးတဲ့နောက် မြန်မာဗုဒ္ဓဘာသာဝင်တွေ အတွက် ဘာသာရေးဆိုင်ရာ ကုသိုလ်ပွဲတစ်ခုအဖြစ် ကထိန်အလှူပွဲတွေက ထပ်ပြီးရောက်လာကြတော့မှာ ဖြစ်ပါတယ်။ သီတင်းကျွတ် လပြည့်ကျော် (၁)ရက်နေ့ကစပြီး တန်ဆောင်မုန်း လပြည့်နေ့အထိ (၁)လတာ ကာလကို ကထိန်အလှူပွဲ ကျင်းပရာ ကာလအဖြစ် သတ်မှတ်ကြကာ မြန်မာနိုင်ငံတ၀ှန်းလုံးရှိ အနယ်နယ်အရပ်ရပ်မှာ ကထိန်ပွဲတွေကို ကြီးကြီးကျယ်ကျယ် ခမ်းခမ်းနားနား ကျင်းပပြုလုပ်ကြတော့မှာ ဖြစ်ပါတယ်။

ကထိန်ပွဲတွေ လုပ်ကြတော့မယ်ဆိုတော့ ဘာရယ်မဟုတ်ဘူး သူ့ထက်ငါ အပြိုင်အဆိုင် လုပ်ချင်ကြတာပဲ သိတာများနေပြီး ဘာကြောင့်လုပ်တယ်၊ ဘယ်လိုအဓိပ္ပါယ်နဲ့ လုပ်ကြတယ်ဆိုတာ အတော်များများ မသိကြဘူး ဖြစ်နေတတ်ပါတယ်။ ကထိန်ဆိုရင် ပဒေသာပင်ကြီးတွေ သီးပြီး ဆိုင်းသံဘုံသံ တညံညံနဲ့ အနယ်နယ်အရပ်ရပ်မှာ လှည့်လည်ကာ နောက်ဆုံးဘုန်းကြီးကျောင်းကို ပို့ဆောင်လှူဒါန်းကြတဲ့ပွဲလို့ အများက သိနေတတ်ကြပါတယ်။ ကထိန်ဆိုတာဘာလဲ…၊ ဘာကြောင့် ဒီအလှူကို ကထိန်လို့ ခေါ်တာလဲ…၊ ကထိန်ခင်းတယ်ဆိုတာ ဘာကိုပြောတာလဲ… စသဖြင့် မေးလာခဲ့မယ်ဆိုရင်တော့ တိတိကျကျ ပြောဆိုရှင်းပြဖို့ ခက်တတ်ကြပါတယ်။ ဒါကြောင့် ကထိန်နဲ့ ပတ်သက်တဲ့ သိသင့်သိထိုက်တာလေးတွေ သိထားဖို့ ကထိန်အကြောင်း သိကောင်းစရာ ဆိုတဲ့ ဒီပို့စ်လေးကို ကထိန်ကာလ မတိုင်မီ ကြိုတင်ရေးသားတင်ပြရခြင်း ဖြစ်ပါတယ်။

ကထိန်ဖြစ်ပေါ်လာပုံ
မြတ်စွာဘုရားရှင် သာဝတ္ထိပြည်၊ ဇေတ၀န် ကျောင်းတော်မှာ သီတင်းသုံးနေတော်မူနေတဲ့ အချိန်တုန်းက ဖြစ်ပါတယ်။ အာရညကဓုတင်၊ ပိဏ္ဍပါတဓုတင်၊ ပံ့သုကူဓုတင်၊ တိစီဝရိတ်ဓုတင်ကို ဆောက်တည်ကြတဲ့ ပါဝေယျကတိုင်းသား ရဟန်းတော် အပါးသုံးဆယ်ဟာ မြတ်စွာဘုရားရှင်ကို ဖူးမျှော်ဖို့ အလွန်ဝေးတဲ့ အရပ်ကနေ သာဝတ္ထိပြည်ကိုလာရင်း လမ်းမှာဝါဆိုရမယ့်နေ့ နီးလာတဲ့အတွက် သာဝတ္ထိပြည်အထိ မသွားနိုင်တော့ဘဲ သာဝတ္ထိပြည်နဲ့ ယူဇနာ (၆၀)ဝေးကွာတဲ့ သာကေတမြို့မှာပဲ ၀ါဆိုလိုက်ရတဲ့ အဖြစ်နဲ့ ကြုံခဲ့ရပါတယ်။ အဲဒီရဟန်းတော်များဟာ ဘုရားရှင်သီတင်းသုံးတော်မူရာ သာဝတ္ထိပြည်အနီးမှာ ရောက်နေပြီးမှ ဘုရားရှင်ကို မဖူးမျှော်ရပဲ ၀ါဆိုနေရတဲ့အတွက် စိတ်နှလုံး မပျော်မွေ့ပဲ ဖြစ်ခဲ့ရပါတယ်။ ဒီလိုနဲ့ ၀ါကျွတ်တဲ့အခါ ဘုရားရှိရာ အရပ်ကို ထွက်လာခဲ့ကြပါတယ်။ လမ်းခရီးမှာ မိုးကလည်း အလွန်ကြီးတဲ့အတွက် အဲဒီရဟန်းများ ၀တ်ရုံထားတဲ့ သင်္ကန်းနဲ့ ဓုတင်ဆောင် နှစ်ထပ်သင်္ကန်းများဟာ မိုးရေများနဲ့ အရမ်းကို စိုရွဲနေကြပါတယ်။ ဘုရားထံမှောက် ရောက်လာကြတဲ့ အဲဒီရဟန်းတော်များကို ဘုရားရှင်က ၀ါတွင်းကာလ ချမ်းချမ်းသာသာ သီတင်းသုံးခဲ့ရမှု ရှိမရှိ မေးမြန်းတဲ့အခါ ပါဝေယျကတိုင်းသား ရဟန်းတော် အပါးသုံးဆယ်ဟာ မိမိတို့ရဲ့ အဖြစ်ကို အကျိုးအကြောင်း လျှောက်ပြပါတယ်။

ဒီလို ရဟန်းတော်တို့ရဲ့ အခက်အခဲ အခြေအနေများကြောင့် မြတ်စွာဘုရားရှင်က “ရဟန်းတို့ ၀ါကျွတ်ပြီးသော ရဟန်းတို့အား ကထိန်ခင်းခြင်းငှါ ခွင့်ပြု၏၊ ရဟန်းတို့ ကထိန်ခင်းပြီးသော ရဟန်းတို့အား ထင်ရှားရှိသော ရဟန်းကို မပန်ကြားဘဲ ဒါယကာ အိမ်သို့သွားနိုင်ခြင်း၊ တိစီဝရိတ် အဓိဋ္ဌာန်တင်ထားသော သင်္ကန်းကို မယူဘဲ သွားနိုင်ခြင်း၊ ဂဏဘောဇဉ်ကို စားနိုင်ခြင်း၊ အလိုရှိတိုင်း အဓိဋ္ဌာန် ၀ိကပ္ပနာမပြုသော သင်္ကန်းကို ဆောင်နိုင်ခြင်း၊ ထိုကထိန်းခင်းသော ကျောင်း၌ သင်္ကန်းဖြစ်ပေါ်လာတိုင်း ကထိန်ခင်းသော ရဟန်းတို့အား ဖြစ်ရခြင်းဟူသော ဤငါးပါးသော အာနိသင်တို့ ရကုန်၏” စသဖြင့် မိန့်တော်မူကာ ကထိန်ခင်းခြင်းကို ခွင့်ပြုတော်မူပါတယ်။ ဒါဟာ ကထိန်ခင်းခြင်းနဲ့ ကထိန်သင်္ကန်းအလှူ ဖြစ်ပေါ်မှုရဲ့ အစပဲ ဖြစ်ပါတယ်။

ကထိန်ဆိုတာ
ကထိန်ဆိုတာ ကထိနဆိုတဲ့ ပါဠိစကားကို မြန်မာမှုပြုပြီး အလွယ်အသုံးပြုထားတဲ့ ပါဠိပျက် ဝေါဟာရစကားလုံး ဖြစ်ပါတယ်။ ကထိနရဲ့ အဓိပ္ပါယ်က ခိုင်မြဲခြင်း၊ မြဲမြံခြင်းလို့ အဓိပ္ပါယ်ရပါတယ်။ ဆိုလိုတာက ကထိန်ဆိုတာ ၀ါဆိုလပြည့်ကျော် (၁)ရက်နေ့ကစပြီး သီတင်းကျွတ်လပြည့်နေ့ အထိ (၃)လတာ ၀ါဆိုဝါကပ် ပြုတော်မူပြီးကြတဲ့ ရဟန်းတော်များအား သင်္ကန်းဆက်ကပ်လှူဒါန်းပြီး ဒီသင်္ကန်းကို အလှူခံ ရရှိတဲ့ ရဟန်းတော်များဟာ ဒီသင်္ကန်းကို အကြောင်းပြုကာ ၀ိနည်းတော်များထဲက သိက္ခာပုဒ်အချို့ကို ကာလအပိုင်းအခြား တစ်ခုအနေနဲ့ ကင်းလွှတ်ခွင့်ဆိုတဲ့ အကျိုးအာနိသင်ကို သေချာပေါက် ခိုင်ခိုင်မြဲမြဲ ရစေနိုင်တဲ့ အတွက် ကထိန- ကထိန်လို့ ဆိုတာ ဖြစ်ပါတယ်။ ဒီကထိန်ခင်းတာဟာ အ၀တ်သင်္ကန်းနဲ့သာ ကထိန်ခင်းနိုင်တဲ့ အလှူဖြစ်တဲ့အတွက် ဒီသင်္ကန်းကိုလည်း ကထိန်သင်္ကန်း၊ ဒီအလှူကိုလည်း ကထိန်အလှူလို့ ဆိုခြင်းဖြစ်ပါတယ်။

ကထိန်ခင်းတယ်ဆိုတာ
ဘယ်မြို၊ ဘယ်ကျောင်းမှာ ကထိန်သွားခင်းမလို့ ဆိုတဲ့ အပြောအဆိုအသုံး အနှုန်းကို လူအတော်များများ ပြောဆိုသုံးစွဲတတ်ပါတယ်။ တကယ်တော့ ကထိန်ခင်းတာဟာ လူတွေက ခင်းရတာမဟုတ်ပါဘူး။ ရဟန်းတော်များကသာ ခင်းရတာ ဖြစ်ပါတယ်။ လူတွေက ရဟန်းတော်များ ကထိန်ခင်းနိုင်အောင် သင်္ကန်းကို လှူဒါန်းပေးတဲ့ ကထိန်သင်္ကန်း အလှူရှင်အဖြစ်ပဲ ခံယူနိုင်တာ ဖြစ်ပါတယ်။ ကထိန်ခင်းတာဟာ သံဃာတော်များရဲ့ အလုပ်ပဲ ဖြစ်ပါတယ်။ ကထိန်ခင်းဖို့အတွက် သံဃဿဒေမ ဆိုပြီး လှူဒါန်းလိုက်တဲ့ ဒီသင်္ကန်းကို သံဃာတော်များက သိမ်ထဲမှာ ကထိန်သင်္ကန်း အလှူခံမယ့် ကျောင်းမှာရှိတဲ့ ရဟန်းတော်တစ်ပါးကို သံဃာအများ သဘောတူမှုနဲ့ ရွေးချယ်ပြီး သင်္ကန်းအလှူရှင်များ လှူဒါန်းထားတဲ့ အဲဒီသင်္ကန်းကို ကမ္မ၀ါစာနဲ့ ရွတ်ဖတ်ကာ ပေးကြရပါတယ်။ အဲဒီလို ကမ္မ၀ါစာနဲ့ ရွေးချယ်ပေးလာတဲ့ သင်္ကန်းကို အလှူခံရရှိလာတဲ့ ရဟန်းတော်ဟာ မိမိဝါဆိုရာကျောင်းမှာ ပြန်ပြီးဒီသင်္ကန်းကို ခင်းရပါတယ်။

ခင်းတယ်ဆိုတာ သင်္ကန်းကို အောက်မှာချခင်းတာ မဟုတ်ပါဘူး။ စွန့်သင့်တဲ့သင်္ကန်းကို စွန့်၊ အဓိဋ္ဌာန်တင်သင့်တဲ့ သင်္ကန်းကို တင်ပြီး လက်ရှိအလှူခံ ရရှိလာတဲ့ သင်္ကန်းကို ၀ိနည်းကြောင်းအရ လိုက်နာပြုကျင့်တာကို ပြောတာဖြစ်ပါတယ်။ အဲဒီခင်းထားတဲ့ အကျိုးအာနိသင်ကိုလည်း အဲဒီကျောင်းတိုက်မှာ ရှိတဲ့ အခြားသံဃာတော်များကို အနုမောဓနာပြု သာဓုခေါ်စေပြီး ၀ိနည်းကြောင်းအရ သတ်မှတ်ထားတဲ့ ကထိန်အာနိသင် ငါးမျိုးကို အညီအမျှ ရစေတာဖြစ်ပါတယ်။ ဒီလို ကမ္မ၀ါစာနဲ့ သင်္ကန်းပေးပြီး မိမိဝါဆိုရာ ကျောင်းတိုက်မှာ ကထိန်ပြန်ခင်းကာ အတူတူဝါဆိုဝါကပ် ပြုကြတဲ့ အခြားရဟန်းတော်များနဲ့အတူ အကျိုးအာနိသင်ကို ရယူတဲ့ အစီအစဉ်ကိုပဲ ခြုံငုံပြီး ကထိန်ခင်းတယ်လို့ ဆိုခြင်းဖြစ်ပါတယ်။ ဒါကြောင့် ကထိန်ခင်းတယ်ဆိုတာ လူတွေက ခင်းရတာမဟုတ်ဘဲ ကထိန်ခံ ရဟန်းက ခင်းရတာလို့ ဆိုခြင်းဖြစ်ပါတယ်။

ပြီးတော့ ကထိန်းသင်္ကန်းဟာ ဒီနေ့အလှူခံပြီး ဒီနေ့ပဲ အပြီးကံဆောင်ကာ ခင်းရတာဖြစ်ပါတယ်။ ဒီနေ့အလှူခံပြီး နောက်နေ့တွေမှ ခင်းရင် ကထိန်ခင်းရာ မမြောက်ပါဘူး။ မသိုးသင်္ကန်းဆိုတာ ညလွန်သွားတဲ့ သင်္ကန်းမျိုး မဟုတ်တာကို ပြောတာ ဖြစ်ပါတယ်။ ဒီလို မသိုးသင်္ကန်းဖြစ်မှလည်း ကထိန်ခင်းနိုင်တာ ဖြစ်ပါတယ်။ သင်္ကန်းကလွဲပြီး တစ်ခြားပစ္စည်းများနဲ့လည်း ကထိန်ခင်းလို့ မရပါဘူး။ ဒီလိုဆိုတော့ တခြားပပေဒသာပင် သီးပြီးလှူတဲ့ အလှူပစ္စည်းများဟာ အခြံအရံ လှူဖွယ်ပစ္စည်းများပဲ ဖြစ်ပါတယ်။ ဒီပစ္စည်းများ၊ ပဒေသာပင်များဟာ ကထိန်ခင်းထိုက်တဲ့ အရာများ မဟုတ်ပါဘူး။ အလိုရှိသလို အသုံးပြုနိုင်တဲ့ အသုံးအဆောင်ပစ္စည်း အလှူများပဲ ဖြစ်ပါတယ်။

ကထိန်ခင်းနိုင်တဲ့ သင်္ကန်းနဲ့ ကထိန်သင်္ကန်းလှူဒါန်းနိုင်သူများ
ဝိနည်းကြောင်းအရ ကထိန်းခင်းနိုင်တဲ့ သင်္ကန်းအမျိုးအစားဟာ ကြိုတင်လှူဒါန်းထားခြင်း မဟုတ်ဘဲ သီတင်းကျွတ်လပြည့်ကျော် (၁)ရက်နေ့မှ တန်ဆောင်မုန်းလပြည့်နေ့အထိ တစ်လအတွင်းမှာ လှူဒါန်းတဲ့ ဒီနေ့လှူ ဒီနေ့ခင်းရမယ့် ညမလွန်တဲ့ မသိုးသင်္ကန်း ဖြစ်ရပါမယ်။ အဲဒီလို သင်္ကန်းမျိုးဆိုရင် သင်္ကန်းသုံးထည်လို့ ခေါ်တဲ့ အပေါ်ရုံ ကိုယ်ဝတ် ဧကသီသင်္ကန်း၊ အောက်ခါးဝတ် သင်းပိုင်သင်္ကန်းနဲ့ ပုခုံးတင် နှစ်ထပ်ဒုကုဋ်သင်္ကန်း တွေထဲက သင့်တော်ရာ တစ်မျိုးမျိုးနဲ့ ခင်းနိုင်ပြီး ဒီသင်္ကန်းအလှူကိုတော့ ရဟန်း၊ ရှင်၊ လူ ဘယ်သူမဆို လှူဒါန်းနိုင်ပါတယ်။

အကြောင်းစုံမှ ခင်းလို့ရ
ကထိန်အလှူဟာ အမြတ်ဆုံး အလှူဖြစ်သလို ကထိန်အလှူ မြောက်ဖို့ဆိုတာလည်း ခက်ခဲတဲ့ သဘောရှိပါတယ်။ ဆရာဒကာ နားလည်မှုနဲ့ အကြောင်းစုံ ညီညွတ်မှ ဒီအလှူ အထမြောက် အောင်မြင်တာ ဖြစ်ပါတယ်။ တကယ်လို့ ၀ါကျွတ်ပြီးတဲ့ ရဟန်းသံဃာတော် တစ်ပါးပါးဟာ မိမိကျောင်းမှာ ကထိန်မရှိ၊ ကထိန်သင်္ကန်း လှူဒါန်းသူမရှိလို့ ဆိုပြီး နီးစပ်ရာ၊ ကြည်ညိုရင်းနှီးရာ ပုဂ္ဂိုလ်တစ်ဦးဦးထံမှာ သွားပြီး အလှူခံကာ မိမိတို့ ပယောဂကြောင့် ရလာတဲ့ သင်္ကန်းဖြစ်ခဲ့မယ်ဆိုရင် အဲဒီသင်္ကန်းနဲ့ ကထိန်ခင်းလို့ မရပါဘူး။ ကထိန်သင်္ကန်းဟာ ရဟန်းတော်များ အနေနဲ့ တိုက်ရိုက်အလှူခံကောင်းတဲ့ သင်္ကန်းလည်း မဟုတ်ပါဘူး။ ကထိသင်္ကန်း အလှူရှင်က မိမိအလိုလို နားလည်သဘောပေါက်ပြီး သံဃာဿဒေမ - သံဃားတော်အား လှူဒါန်းပါ၏လို့ သံဃာကို ရည်မှန်းပြီး လှူဒါန်းတဲ့ သင်္ကန်းနဲ့သာ ကထိန်ခင်းနိုင်တာ ဖြစ်ပါတယ်။ အရှင်ဘုရားအတွက်၊ ဘယ်ဆရာတော်အတွက် စတဲ့ ပုဂ္ဂိုလ်ရည်မှန်းပြီး လှူဒါန်းတဲ့ ပုဂ္ဂလိက အလှူသင်္ကန်းနဲ့ဆိုလည်း ကထိန်းမခင်းနိုင်ပါဘူး။ ရဟန်းတော်များဘက်က ပယောဂကင်းဖို့လိုသလို သင်္ကန်းအလှူရှင်ဘက်ကလည်း သံဃိက အလှူဖြစ်ဖို့လိုကာ ဒီလို နှစ်ဘက်နားလည် ညီညွတ်မှုနဲ့ ရလာတဲ့ သင်္ကန်းနဲ့သာ ကထိန်ခင်းနိုင်တာ ဖြစ်ပါတယ်။ နောက် ကာလသတ်မှတ်ချက်ကလည်း တစ်နှစ်မှာ တစ်ခါ၊ တစ်ခါမှာ သင်္ကန်းကျွတ်လပြည့်ကျော် (၁)ရက်နေ့မှ တန်ဆောင်မုန်းလပြည့်နေ့အထိ တစ်လ၊ တစ်လမှာလည်း ၀ါဆိုရာ နယ်နိမိတ် သတ်မှတ်ချက်မတူတဲ့ ကျောင်းတစ်ကျောင်းမှာ တစ်ကြိမ်ပဲ ခင်းနိုင်တာ ဖြစ်ပါတယ်။ ပြီးတော့ ကထိန်ခင်းဖို့အတွက် သိမ်ရှိဖို့လိုသလို လေးပါးလေးပါးအထက် ရှိတဲ့သံဃာ အရေအတွက် ပြည့်မီဖို့လည်း လိုပါတယ်။ ဒီလို အကြောင်းအချက်အလက် စုံမှပဲ ကထိန်ခင်းမှု အထမြောက်တယ်၊ ကထိန်အလှူ အောင်မြင်ပြီးမြောက်တယ်လို့ ဆိုတာ ဖြစ်ပါတယ်။

ကထိန်အလှူရဲ့ ထူးခြားမှု
ဘုရားအစရှိတဲ့ အရိယာသူတော်ကောင်းတွေရဲ့ ချီးမွမ်းမှုကို ခံယူထိုက်တဲ့အတွက် ဒီအလှူကို ကထိန်လို့ ဆိုကြောင်း အဋ္ဌကထာဆရာတော်က ဖွင့်ဆိုပါတယ်။ ဒီလိုဖွင့်ဆိုရတာကလည်း အကြောင်းရှိပါတယ်။ ဒီအလှူဟာ
၁။ သံဃာကို ရည်မှန်းပြီး လှူဒါန်းတဲ့ သံဃိကအလှူ ဖြစ်ရခြင်း
၂။ အချိန်ကာလ သတ်မှတ်ချက် အတွင်းမှာသာ လှူဒါန်းရတဲ့ ကာလဒါန အလှူဖြစ်ခြင်း
၃။ တစ်ခြားပစ္စည်းဝတ္ထုများ မဟုတ်ဘဲ အရဟတ္တဓဇ ခေါ် ရဟန္တာတို့ရဲ့ အလံတံခွန်သဖွယ် ဖြစ်တဲ့ အ၀တ်သင်္ကန်းနဲ့သာ ကထိန်ခင်းနိုင်ခြင်း
၎။ ဒီအလှူကို အကြောင်းပြုပြီး ရဟန်းတော်များအား ၀ိနည်းသိက္ခာပုဒ် အချို့ကို အချိန်ကာလ တစ်ခုအရ ကင်းလွတ်စေနိုင်တဲ့ အတွက် ၀ိနည်းအလှူ သို့မဟုတ် တရားအလှူခေါ် ဓမ္မဒါန အလှူဖြစ်ခြင်း စတဲ့ ထူးခြားချက်များကြောင့် အမြတ်ဆုံးအလှူ၊ အထူးခြားဆုံး အလှူလို့ ဖွင့်ဆိုပြခြင်း ဖြစ်ပါတယ်။

ကထိန်အလှူရဲ့ အကျိုးတရား
ဒီအလှူရဲ့ လက်တွေ့အကျိုးကတော့ သင်္ကန်းအလှူခံ ရရှိတဲ့ ရဟန်းတော်များဟာ ကထိန်အာနိသင် ရလိုက်တဲ့အတွက် သီတင်းကျွတ်လပြည့်ကျော် (၁)ရက်နေ့ကစပြီး တပေါင်းလပြည့်နေ့အထိ (၅)လအတွင်းမှာ
၁။ ထင်ရှားရှိသော ရဟန်းကို မပန်ကြားဘဲ ဒါယကာ အိမ်သို့သွားနိုင်ခြင်း
၂။ တိစီဝရိတ် အဓိဋ္ဌာန်တင်ထားသော သင်္ကန်းကို မယူဘဲ သွားနိုင်ခြင်း
၃။ ထမင်းစားလာပါ၊ မုန့်စားကြွပါ စတဲ့ လူ့အခေါ်အပြောနဲ့ ပင့်ဖိတ်တဲ့ ဂဏဘောဇဉ်ကို စားနိုင်ခြင်း
၎။ အလိုရှိတိုင်း အဓိဋ္ဌာန် ၀ိကပ္ပနာမပြုသော သင်္ကန်းကို ဆောင်နိုင်ခြင်း
၅။ ကထိန်ခင်းတဲ့ကျောင်းမှာ သံဃိက သင်္ကန်းဖြစ်ပေါ်လာတဲ့အခါ ကထိန်အာနိသင်ရတဲ့ ရဟန်းအားလုံး ရယူနိုင်ခြင်း ဆိုတဲ့ အကျိုးတရား ငါးပါးကို ရရှိနိုင်ပါတယ်။

လူပုဂ္ဂိုလ်များအတွက်ကတော့ ကထိန်သင်္ကန်း လှူဒါန်းခြင်းကို အကြောင်းပြုပြီး
၁။ သင်္ကန်းအလှူ လှူဒါန်းခွင့်ရခြင်း (စီဝရဒါန)
၂။ သံဃိကအလှူ လှူခွင့်ရခြင်း (သံဃိကဒါန)
၃။ ကာလဒါန အလှူလှူခွင့်ရခြင်း (ကာလဒါန)
၎။ ဓမ္မဒါနအလှူ လှူခွင့်ရခြင်း (ဓမ္မဒါန) စတဲ့ အကျိုးတရားများကို ရစေနိုင်တဲ့အပြင် ရဟန်းတော်များအား အထက်ပါ ကထိန်အာနိသင် အကျိုးတရား ငါးမျိုးကို ရစေနိုင်သလို ကထိန်သင်္ကန်း လှူဒါန်းတဲ့ အလှူရှင်များမှာလည်း ထိုအကျိုးနဲ့ ထပ်တူစွာ လွတ်လပ်တဲ့ဘ၀မျိုးမှာ ဖြစ်ရခြင်း၊ ထောင်တန်းအချုပ်အနှောင်မှ ကင်းလွတ်ခြင်း၊ စားဖွယ်သောက်ဖွယ် ပေါများကာ အလိုရှိသလို စားသုံးနိုင်ခြင်း၊ မိမိကိုယ်ကို သူတပါးတို့ မလွမ်းမိုးနိုင်ခြင်း၊ မိမိကသာ နေရာတကာ အစိုးရခြင်း စသော အကျိုးတရားများကိုလည်း ရရှိစေနိုင်ပါတယ်။ အထူးကတော့ ရှားရှားပါးပါး ခက်ခက်ခဲခဲ လှူဒါန်းရတဲ့အလှူ ဖြစ်တဲ့အတွက် ရဖို့ခဲရင်းတဲ့ အရာတွေကို ရနိုင်ပြီး နောက်ဆုံး အခက်ခဲဆုံးဖြစ်တဲ့ မဂ်ဖိုလ်နိဗ္ဗာန်ရဖို့ကိုပါ အထောက်အကူပေးနိုင်တဲ့ အကျိုးတရားပဲ ဖြစ်ပါတယ်။ ဒါကြောင့် သူတော်ကောင်းများက ဒီကထိန်အလှူဟာ အကောင်းဆုံးနဲ့ အမြတ်ဆုံးအလှူလို့ ဆိုကြတာ ဖြစ်ပါတယ်။

ဒီလောက်ဆိုရင် ကထိန်နဲ့ ပတ်သက်တဲ့ သိသင့်သမျှကို အနည်းငယ်မျှ သိရှိခွင့် ရလောက်မယ်လို့ မျှော်လင့်မိပါတယ်။ တစ်ချို့အကြောင်းအရာများဟာ အကျယ်ရှင်းပြဖို့ လိုပေမယ့် လူတွေအတွက်တော့ ကထိန်နဲ့ ပတ်သက်ပြီး ဒီလောက်သိထားရင်ကိုပဲ ကထိန်အလှူအကြောင်း၊ ကထိန်လုပ်ရခြင်းအကြောင်း၊ ကထိန်အလှူရဲ့ အကျိုးတရားများအကြောင်း အတော်အသင့် ပြောဆိုဆွေးနွေးနိုင်ကြမှာ ဖြစ်ပါတယ်။ အကျယ်သိလိုသူတွေ အနေနဲ့တော့ ၀ိနည်းမဟာဝဂ္ဂပါဠိတော်၊ ကထိနက္ခန္ဓကမှာ ကြည့်ရှုနိုင်ပါကြောင်း ညွှန်းဆိုလိုက်ပါတယ်။

အားလုံးကိုချစ်ခင်လေးစားလျှက်...

သမီးလေးဖတ်ဖို့



သမီး

ပထမအကြိမ်လာတော့ ရွှေဧည့်သည်
(လှိုက်လှဲပျူငှာ ဖော်ရွေစွာကြိုဆို)

ဒုတိယအကြိမ်လာတော့ ငွေဧည့်သည်
(ဖော်ရွေစွာ ကြိုဆို)

တတိယအကြိမ်လာတော့ ကြေးဧည့်သည်
(၀တ္တရားအရ ကြိုဆို)

ဒါကြောင့်

အန်မတန် ချစ်ခင် အကျွမ်းဝင်တဲ့
ဆွေမျိုး သူငယ်ချင်း မိတ်ဆွေလို အိမ်မျိုးကလွဲလို့
သူများအိမ်ကို မလိုအပ်ဘဲ
အကြိမ်များစွာ မသွားသင့်ဘူး။

ဖေဖေ့စကား နားမထောင်ဘဲ သွားခဲ့ရင်တော့
သမီးလေး ပလတ်စတတ် ဧည့်သည်
ဖြစ်သွားမှာ စိုးလို့ပါကွယ်. . .

ကောင်းသန့်

အားလုံးကိုချစ်ခင်လေးစားလျှက်...

သုဇာတာ လှူဒါန်းသော ဃနာနို့ဆွမ်းကို ခံယူတော်မူနေပုံ



ဥရုဝေလ တော၏အနီး "သေနာ" နိဂုံး ကြီးဝယ် သူဌေးကတော် သုဇာတာသည် အပျိုဘ၀တုန်းက ညောင်ပင်ကြီးသို့သွား၍ သူဌေးကို ရဖို့ရန်နှင့် သားဦးရဖို့ရန် ဆုပန်ခဲ့လေရာ ထိုဆုအတိုင်း ပြည့်သောကြောင့် နတ်မင်းကြီးက မ-သည်ဟု ထင်၍ နှစ်စဉ် ပူဇော်လေ့ရှိ၏ . . . အလောင်းတော်လည်း ၆ နှစ်ပတ်လုံး ပင်ပန်းလှသော အကျင့်ဖြင့် တရားထူး မရသောကြောင့် ဆွမ်းအာဟာရကို မျှတအောင် ဘုန်းပေး၍ ကျင့်တော်မူလေပြီ. .

အလောင်းတော်သည် သက်တော်၃၅ နှစ်ပြည့်ရာ ကဆုန်လပြည့်နေ့ နံနက်စောစော အခါတွင် ညောင်ပင်အောက်သို့ ရောက်တော်မူနေစဉ် သုဇာတာသည် မိမိ၏ကျေးဇူးရှင် နတ်မင်းဟု မှတ်ထင်၍ တစ်သိန်းတန် ရွှေခွက်နှင့် တကွ နို့ဃနာဆွမ်းကို လှူဒါန်းလေသည်. နေရဉ္စ မြစ်ကမ်း၌ ထိုဆွမ်းကို ဘုဉ်းပေးတော်မူပြီး၍ "ယနေ့ ဘုရားဖြစ်မည်မှန်လျှင် ရေညာ ဆန်စေသား" ဟု အဓိဠာန် ၍ ရွှေခွက်ကို မျှောလိုက်ရာ ရေညာသို့ ဆန်တက်သွားလေသည်. .

THE FUTURE BUDDHA RECEVING THE MILK-PORRIDGE OFFERED BY SUJATA

There lived in the village of Senani near Uruvela forest, a girl named Sujata. She had uttered a prayer for fulfillment of her wish at a banyan tree, and owed a yearly offering to it, the most she should have a good marriage and a son as her first born child. The wish having been fulfilled, she use to make an offering every year at the banyan tree. Now the Great Being had resumed taking usual food, because he found that the austerities he practiced for full six years were not the way to enlightenment.

On the full moon day of the month Visakha (April-May) the Future Buddha who had attained 35 years of age, was sitting under the banyan tree. Sujata caught sight of the Future Buddha and supposing him to be the tree-god, her benefactor, who had come down, offered him milk-porridge in a golden bowl that was worth a hundred thousand pieces of money. He proceeded to the banks of the Neranjara and ate the food. He took the bowl to the river bank and set it on the river saying " The most today I shall be able to became a Buddha, let this bowl go up- stream". It floated up-streamed.

အားလုံးကိုချစ်ခင်လေးစားလျှက်...

ဘလော့လိပ်စာ ပြန်ပြောင်းခြင်း

ခင်မင်လေးစားရပါသော ဘလော့ဂ်မိတ်ဆွေများနှင့် စာဖတ်သူများရှင့်

ကျွန်မတို့ ဧရာဝတီစာကြည့်တိုက် ဘဘော့လိပ်စာလေးကို ယခုလက်ရှိလိပ်စာ

http://www.awdlibrary.co.cc/ မှ

www.ayeyarwaddylibrary.blogspot.com

ကို ပြောင်းလဲထားပါ တယ်ရှင်. . .


ကျေးဇူးပြုပြီး လင့်ထားသူများ အားလုံးကိုလည်း ယခု လိပ်စာအသစ်ဖြင့် လင့်ပြောင်းချိတ်ပေးပါရန် လေးစားစွာ ပန်ကြားအပ်ပါတယ်.

စာဖတ်သူများအားလုံး ကိုကျေးဇူးတင်ပါတယ်. .

အားလုံးကိုချစ်ခင်လေးစားလျှက်...

ဘ၀ပုံကား ချိတ်ဆွဲခြင်း


ဘ၀ပုံ ကားချိတ်ဆွဲခြင်း

စာပေကြယ်ပွင့် ၊ မိုး၌ လွင့်၍
တင့်တယ် ထွန်းတောက်၊ ဂုဏ်သိန်မောက်လျက်
စိန်ကျောက်အလား ၊ တန်ဖိုးထားရ
လူသားဂုဏ်ပြု၊ ယဉ်ကျေးမှုသည်
အတု နှိုင်းဖွယ် ၊မရှိနိုင်

စိတ်ဓာတ်ကြယ်ပွင့် ၊ မိုးတိုင်လွှင့်၍
ရဲရင့်သတတ္တိ၊ ရဲရဲညီလျက်
အသိတရား ၊လက်ကိုင်ထားလျက်
ဆိုးရွား မာရ်နတ်၊ ပူး၍သတ်လည်း
ရပ်တည် ကြံ့ခိုင်၊ တွေ့ရင်ဆိုင်ပြီ
အနိုင်အောင်ပွဲ ဆွတ်ခူး၏။

စာရိတ္တကြယ်ပွင့် ၊ မြင့်စွာမြှင့်၍
သင့်တင့်ခြိုးခြံ၊ ရောင့်ရဲမှန်လျက်
ရေဆန်တိုးသွား၊ မြတ်တရားဖြင့်
မိုးခါးရေသောသက် ၊ရောမသောက်ချေ
တောက်ပသိက္ခာ ၊ ထွန်းလင်းသာကို
လွန်စွာမြတ်နိုး ပွေ့ပိုက်၏။

ထီလာစစ်သူ


အားလုံးကိုချစ်ခင်လေးစားလျှက်...

ရေရဲ့အကျိုး အာနိသင်

ရေဟာ အသက်ရှင်ရေးအတွက် မရှိမဖြစ်လိုအပ်တဲ့ အရာဖြစ်ပါတယ်. . . ပုံမှန် အရွယ်ရောက် သူတစ်ဦးမှာ ခန္ဓာကိုယ်ရဲ့ ၆၀% ၇၀% ဟာ ရေပါပဲ. . . လူဟာ အစာမစားရရင် နှစ်လလောက် အသက်ရှင်နိုင်သေးပေမယ့်. . . ရေမသောက်ရရင်တော့ ရက်အချို့သာ အသက်ရှင်နိုင်ပါတယ်. . .ဒါ့အပြင် လူအတော်များများဟာ တစ်ရက်မှာ ရေ ဘယ်လောက် များများ သောက်သင့်မှန်းကို မသိကြပါဘူး . . .

ရေသောက်ရမယ့် ပမာဏနဲ့ ပက်သက်ပြီး သုတေတနတွေ့ရှိချက်ကတော့ အားကမစား မလှုပ်ရှားလျှင် . . ရေ ၂ ကီလိုဂရမ်(၈-၁၀) ခွက် အားကစားလှုပ်ရှာလျှင် တစ်ရက်ရေ ၃ ကီလိုဂရမ် (၁၃-၁၄)ခွက် စီလိုအပ်ပါတယ်. .

တစ်ရက်မှာ သောက်ရမယ့် ရေ ၈ ခွက်ကို အောက်ပါအတိုင်း သောက်သင့်ပါတယ်.

၁. မနက်စောစော အိပ်ရာအထမှာ ရေတစ်ခွက်သောက်ပါ. . .အစာအိမ်နှင့် အူတွေကို ဆေးကြော သန့်စင်ပေးသလို အိပ်ရေးလည်း အမြန်ပြေနိုင်ပါတယ်.

၂ . ရေသောက်တဲ့ အခါ ပါးစပ်ထဲ အရင်ငုံထားပါ. . .ချက်ချင်းမျိုမချပါနဲ့ . . ကိုယ်တွင်း အင်္ဂါများဟာ ရေအပူချိန် နဲ့ အံဝင်လာစေဖို့ပါ. .

၃. ပြင်းပြင်းထန်ထန် လှုပ်ရှားပြီးတဲ့ အခါရယ်. . နွေနှင့် ဆောင်းတွေမှာရယ် ရေများများ သောက်ပေးသင့်ပါတယ်. . အရေပြားရဲ့ ကြွကန်အားကို ထိန်းပေးနိုင်ပြီး အရေပြား တွန့်တာကိုလည်း နှောင့်နှေးစေပါတယ်. .

၎။ ရေများများသောက်တာဟာ ကောင်းတဲ့အကျင့်ပါ. . ဒါပေမယ့်. . တစ်ကြိမ်တည်းနဲ့ များများ သောက်ပစ်ဖို့ မဟုတ်ပါဘူး. . . . အကြိမ်များများ ခွဲပြီး ဖြည်းဖြည်းသောက်ပါ.

၅. ရေခွက်ကြီးကြီးသုံးပြီးသောက်ပါ. . . . ၄၀၀ စီစီဆံ့တဲ့ ခွက်နဲ့ ထည့်သောက်ပါ. . တစ်ရက်အတွင်း ဒီလို ၈ ခွက်ကုန်အောင် သောက်ရမယ်လို့ ကိုယ့်ဘာကိုယ် မပြတ်သတိပေးပါ. . .

၆. . ထင်သာမြင်သာတဲ့ နေရာမှာ သောက်ရေထားပြီး သတိရတိုင်း ရေသောက်ပါ. . . မိမိအလုပ်စားပွဲ ခုတင်ဘေးတို့တွင် သောက်ရေကို ထားပြီး သတိတရနှင့်သောက်ပါ

၇.ကိုယ်နှင့်မကွာ သောက်ရေ ဆောင်ထားပါ. . .အိတ်ထဲ (သို့) ကားထဲတွင် ရေပုလင်းထားပြီး ရေမငတ်လည်း မကြာမကြာသောက်ပေးပါ. .

၈. အိပ်ရာဝင်မယ့် ၂ နာရီ အလိုက စပြီး ရေမသောက်ပါနဲ့ မျက်စိပတ်လည် ဖောင်းမလာစေဖို့ပါ. . .

အထက်ပါနည်းလမ်းများဖြင့်ရေကို မှန်မှန်သောက်ပေးပါက ကျန်းမာရေးနဲ့ ညီညွတ်စေမှာ ဖြစ်ပါတယ်. .

မင်းစံအိမ်

ဆက်ဆံရေးမှာ သတိကောင်းသူ(၄)

ဒီ စတုတ္ထမိတ်ဆွေအမျိုးအစားမှာလည်း မကောင်းတဲ့ အကျင့် (၄) မျိုးရှိပါတယ်..ဘာတွေလည်း ဆိုတော့

(၁) မူးယစ်စေတတ်တဲ့ အရာတွေကို သုံးစွဲစားသောက်ခြင်းမှာ သဘောတူ လိုက်လျော ပေါင်းဖော်တတ်တယ်

(၂) ညအချိန် လေလွင့် လမ်းသလားမှုမှာ သဘောတူ လိုက်ပါ ပေါင်းဖော်တတ်တယ်

၉၃) သဘင်ပွဲလမ်း၊ အပျော်အပါး လိုက်စားမှုမျိုးမှာ သဘောတူ လိုက်ပါ ပေါင်းဖော်တတ်တယ်

(၄) လောင်းကစားမှုတွေမှာ စိတ်တူကိုယ်တူ ၊ လုပ်ဖော် ကိုင်ဖက်အဖြစ် ပေါင်းဖော်တတ်တယ်.

အများအားဖြင်း တော့ အဲဒီအကျင့်ဆိုး ၊ သဘောထားဆိုးတွေရှိတဲ့ မိတ်ဆွေတု (၄) မျိုးနဲ့ပဲ ကျွန်မတို့ ဘ၀ခရီးမှာ ကြုံတွေ့တတ်ပါတယ်. . . ကိုယ် ကြုံတွေ့ ဆက်ဆံ့ ခဲ့သူက မိတ်ကောင်း ဆွေကောင်းဆို တော်ပါ သေးတယ်. . . . . မိတ်ဆွေကောင်း အဖြစ် အဖော်ကောင်း အဖြစ် ဟန်ဆောင် ကောင်းတဲ့ လူတွေ လူ့လောကမှာ အများကြီးပါ. . . . . ဒါကြောင့် လူမှုဆက်ဆံရေးမှာ သတိကောင်း သူများ ဖြစ်ပါစေလို့. . . . .


နန္ဒသိန်းဇံ

ဆက်ဆံရေးမှာ သတိကောင်းသူ(၃)


ရှေ့တွင် ချစ်ချင်ယောင်ပြုပြီး အလိုိက်သင့် ပေါင်းတတ်တဲ့ မိတ်ဆွေ

ဒီတတိယ မိတ်ဆွေ အမျိုးအစားမှာလည်း မကောင်းကျင့် လေးမျိုးရှိနေတတ်ပါတယ်. .

(၁) မကောင်းတဲ့ အလုပ်မျိုး၊ အပြုအမူမျိုးကို ကိုယ်က ပြုလုပ်ချင်တယ်ပြောရင် ဒီမိတ်ဆွေမျိုး က ကိုယ့်အကြိုက်လိုက်ပြီး "လုပ်သာလုပ်၊ ပြုသာပြု " လို့ ပြောတတ်တယ်

(၂) ကိုယ်က ကောင်းတာ လုပ်မယ်ပြောတော့လည်း "လုပ်သာလုပ်လို့" အကြိုက်ကို ပြောတတ်တယ်.

(၃) သူများရှေ့မှာ ကိုယ့်ရှေ့မှာ တော်ကြောင်း ၊ ကောင်းကြောင်း မြှောက်ပင့်ပြောတတ်တယ်. . . ဒါပေမယ့်

(၄) ကွယ်ရာကိုလည်းရောက်ရော . . ကိုယ့်မကောင်းကြောင်းကို အားရပါးရ ပြောတတ်တဲ့ မိတ်ဆွေမျုိုး ဖြစ်ပါတယ်.

နန္ဒသိန်းဇံ

ဆက်ဆံရေးမှာ သတိကောင်းသူ(၂)

ဒုတိယ မိတ်ဆွေအမျိုးအစားကတော့

ကူညီမှုမှာ လက်မပါ ၊ ပါးစပ်သာ ပါတဲ့ မိတ်ဆွေ

(၁) အတိတ်နဲ့ လောကွတ်ပြုတတ်တယ်. .

ဆိုလိုတာက . . . ကိုယ့်မှာ အခက်အခဲကြုံလို့ ခေတ္တပေးပါ. . ၊ ချေးငှားပါ. . အကူအညီပေးပါ. .. စသည်ဖြင့်ပေါ့ အကူအညီလိုလို့ တောင်းတဲ့အခါ အဲဒီ မိတ်ဆွေမျိုးက ဘာပြန်ပြောတတ်သလဲ ဆိုတော့ "ကူညီနိုင်တုန်းကတော့ မလာဘူး . . ခုမှ လာတော့ မကူညီနိုင်ဖြစ်နေတယ်. . . .၀မ်းနည်းပါတယ် အရင်တုန်းက သာဆို ဒီအကူအညီမျိုး ပေးနိုင်တာပေါ့ . စသည်ဖြင့် " အတိတ်လောကွတ်နဲ့သာ လောကွတ်စကား ပြောနိုင်ပါတယ်. . . လက်တွေ့ကတော့ ဘာမှ မကူညီဘူး . . .

(၂) အနာဂတ်နဲ့လောကွတ်ပြုတတ်တယ်

ကိုယ်က အကူအညီတောင်းတယ်. . . ဒါကို သူပေးနိုင်တယ်. . ဒါပေမယ့် မပေးချင်ဘူး ဒီအခါမှာ "မရှိခိုက်၊ မကူညီနိုင်ခိုက်နဲ့ အခုကြုံနေလို့ ၊ စိတ်မကောင်းပါဘူး နောင်ကျရင် လာခဲ့ပါ ကူညီနိုင်မှာပါလို့ လောကွတ်စကား ပြောတတ်ပါတယ်. . "နောက်တစ်ခါ တကယ် အကူအညီလိုရင်လည်း ဒီလိုပဲ ပြောပြီး ရှောင်ဦးမှာပါ. .

(၃)အချည်းအနှီးစကားတွေနဲ့ လောကွတ်ပြုတတ်တယ်. . .

အကူအညီမလိုမှန်းသိနေတဲ့ အခါ ကိုယ့်မှ ပြည့်စုံမှု ၊ အဆင်ပြေမှုတွေ ရှိနေတဲ့အခါမှာ အဲဒီမိတ်ဆွေမျိုးက "အကူအညီလိုရင်တောင် တောင်းနော် ကူညီပါ့မယ် " စသည်ဖြင့် ပြောတတ်ပါတယ်. . . တကယ်တမ်း လိုအပ်ရင်တော့ မကူညီပါဘူး

(၄) ပျက်စီးမှုကိုပြပြီး ရှောင်တတ်တယ်

တကယ်အကူအညီတောင်းတဲ့ အခါမှာ "လုပ်ငန်းတွေ အရှူံးပေါ်သွားလို့ ခုတော့ မကူညီနိုင်တာ ခွင့်လွှတ်ပါလို့ စသည်ဖြင့် အဆင်မပြေမှု ၊ ဆုံးရှုံးပျက်စီးတာတွေကို အကြောင်းပြပြီး အကူအညီပေးဖို့ ရှောင်တတ်တဲ့ မိတ်ဆွေမျိုးပါ. . "

နန္ဒသိန်းဇံ

အားလုံးကိုချစ်ခင်လေးစားလျှက်...


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။