ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

ဥသြသံဝါနှင့် ရွက်ဝါရင့်



နွေလျင်စောစော၊ ရင်ဟာမောသည့်
ဥသြတစ်ကိုယ်၊ ချွေးသိပ်လိုထင့်၊
ညောင်ညိုပင်ဖျား၊ ခိုဝင်နား၏။
သူဝင်နားခို၊ ပင်ညောင်အိုလည်း၊
ခွန်းဆိုခါခါ၊ အသံဝါကို၊
သာယာမချို၊ မနာလို၍၊
သက်အိုညောင်းညှာ၊ ရွက်ဝါ၀ါကို၊
လေမှာဝဲကျ၊ လွှင့်ခါချထင့်။ ။

ကျော်စောဟန်

အားလုံးကိုချစ်ခင်လေးစားလျှက်. . . .

မြန်မြန်ပြေးခြင်း


တပည်.တွေထဲကပြောကြ
ဆရာ ၊ကျွန်မစာရေးတာနှေးတယ်
ဆရာ ကျွန်တော်စာဖတ်တာ အရမ်းနှေးတယ်
တပည့်များထဲတွင် လေးသူ၊ဖြည်းသူ များရှိပါသည်။
ဖြည်းသူနှေးသူများအတွက်မြန်သူများကိုကြည့်ကာ စိတ်ဓါတ်ကျစရာတွေဖြစ်တတ်သည်။

တကယ်တော့. . . .
ဘ၀သည် မီတာ ၁၀၀ ပြေးပွဲ မဟုတ်ပါ။
ဒီအတွက် သုတ်သီးသုတ်ပြာ( Rush)လုပ်စရာမလိုပါ။
ဘ၀အတွက် မာရသွန်ပြေးပွဲသာဖြစ်သည်။
ရေရှည်ခရီးဖြစ်သည်။
မြန်မြန်သွားနိုင်တာကောင်းပါတယ်။
ခရီးရောက်ပါတယ်။

သို့သော်………………...
လောကမှာ အမြန်မပြေးနိုင်သူအများရှိပါသည်။
မမြန် စိတ်ဓာတ်ကျစရာမလိုပါ။
မှန်ဖို့သာလိုပါသည်။
မိမိဦးတည်သော လားရာ (Direction)မှန်ရပေမည်။
ထိုအခါလိုရာခရီးရောက်မည်သာဖြစ်သည်။
လားရာမှားနေပါက မြန်လေ၊ ပန်းတိုင်နှင့်ဝေးလေ ဖြစ်မည်ကိုသတိပြုပါ။

ဒေါက်တာခင်မောင်ညို

အားလုံးကိုချစ်ခင်လေးစားလျှက်. . . .

မျက်နှာနှင့်ခန္ဓာကိုယ်တစ်ခုလုံး သွေးလည်ပတ်မှုကို အားပေးတဲ. ယောဂကျင့်စဉ်

ယခုတစ်ပတ် ယောဂကျင်.စဉ် ကဏ္ဍမှာတော.|မျက်နှာနှင်.ခန္ဓာကိုယ် တစ်ခုလုံးသွေးလည်ပတ်မှုကို အားပေးတဲ့ယောဂကျင်.စဉ်ကို ဖော်ပြလိုက်ပါတယ်။

ပြုလုပ်နည်း




အဆင်.(၁) -ဒူးထောက် ထိုင်ပါ။ဒူးခေါင်းတစ်ဖက်စီပေါ်တွင်တင်ထားပါ(ပုံ-၁)

အဆင်.(၂)-အသက်ကိုရှူသွင်းလိုက်ပါ။ထို.နောက်ရှူထုတ်ပြီး အသက်ကို အောင်.နိုင်သမျှအောင်.ထားပါ။

အဆင်.(၃)-ဒူးခေါင်းများပေါ်တွင်တင်ထားသောလက်ချောင်းများကို အပေါ်သို့ကော့၍ဆန့်ထုထ်လိုက်ပါ။ (ပုံ ၂) တစ်ချိန်တည်းမှာပင် ဦးခေါင်းကိုအဆုံးထိငုံ့နိုင်သမျှငုံ့ပါ။ုံ (ပုံ-၃)လျှာကိုအဆုံးထိ ထုတ်လိုက်ပါ။ မျက်လုံးများကိုလည်းအပေါ်သို.လှန်၍ကြည့်လိုက်ပါ။ (ပုံ-၄)
ထိုပုံစံအတိုင်း အသက်ကိုအောင်.နိုင်သမျှအောင်.ထားပါ။

အဆင်.(၄)-ထို.နောက် ခန္ဓာကိုယ်ကို မူလအနေအထားအတိုင်း ပြန်၍နေပါ။

အကြံပြုချက်

-အသက်ကို၀၀ရှူသွင်းပြီး ၀၀ရှူထုတ် ၍အသက်အောင့်နိုင်သမျှအောင့်ပါ။

-လက်ချာင်းများဆန်.ထုတ်ခြင်း၊ဦးခေါင်းငုံ့ခြင်း၊လျှာထုတ်ခြင်းတို့ကိုတစ်ပြိုင်နက်ထဲ ပြုလုပ်ပါ။

အကျိုးကျေးဇူး

-မျက်နှာနှင့်ခန္ဓာကိုယ်တစ်ခုလုံးကိုသွေးလည်ပတ်မှုအားကောင်းစေသည်။

-အာရုံကြောများ ၊ကလာပ်စည်းများကို နိုးကြားစေသည်။

သရုပ်ပြ-နန်းဆုကေဆွမ်

Health Digest Journal.

အားလုံးကိုချစ်ခင်လေးစားလျှက်. . . .

ချစ်ခြင်း၏ လျှို့ဝှက်ချက်များ


Here is love's secret
To receive it in abundance
It must first be given in abundance,
with no thought or desire for its return.

ချစ်ခြင်းရဲ့ လျှို့ဝှက်ချက်ဆိုတာ ဒါမျိုး
များများစားစား လက်ခံရယူဖို့
ပြန်လည်တုံ့ပြန်မှုအတွက်
အတွေးဆန္ဒ လုံးဝမရှိတဲ့
(ပေးဆက်မှုတွေကို)
အရင်ဆုံး အများအပြား ပေးအပ်ရမယ်.

ချစ်ခြင်းလျှို့ဝှက်ချက်ဆိုတာ
ကိုယ့်အတွက် ရလိုမှုမဟုတ်ပါ
များများရချင် များများပေး
တုံ့ပြန်ရယူလိုတဲ့ အတွေးဆန္ဒနဲ့
ဝေးနိုင်သမျှ ဝေးပါစေ

The secret of love firs,
adjustment then, contentment
finally, enjoyment.

ချစ်ခြင်းရဲ့လျှို့ဝှက်ချက်ကတော့
ပထမ- ညှိနှိုင်းယူတတ်မှု
နောက်- ကျေနပ် ရောင့်ရဲမှု
နောက်ဆုံးမှာတော့ - ပျော်ရွှင်မှုတို့ပါပဲ

ချစ်ခြင်းလျှို့ဝှက်ချက်
သိပ်မခက်ဘူးနော်
ညှိနှိုင်းကျေနပ်
ပျော်ရွှင်တတ်မယ်ဆိုရင်
ရလဒ်ကောင်းတွေရမှာပေါ့.

ကောင်းသန့်

အားလုံးကိုချစ်ခင်လေးစားလျှက်. . . .

သမီးလေးဖတ်ဖို့



သမီးရေ
အောင်မြင်မှုတိုင်း လိုလို
တီထွင် စွန့်စားမှု ရှိတတ်စမြဲပဲ.
အဲ့ဒါ ဖေဖေ့ ကိုယ်တွေ့။

ဖေဖေဟာ စာပေလောကမှာ
သူများ မတွေးတဲ့ အတွေး
သူများမရေးတဲ့ အရေးတွေနဲ့
သူများနဲက မတူတဲ့ လိုင်းလေးတစ်လိုင်းကို
တီထွင်စွန့်စားပြီး ဖောက်ခဲ့တယ်

အချိန်တိုအတောအတွင်းမှာ
အကျိုးရလဒ်ကတော့
နေရာလေး တစ်နေရာ ရခဲ့တာပါပဲ

တကယ်လို့ ဖေဖေသာ မစွန့်စားဘဲ
ဖေဖေရေးချင်တဲ့ ၀တ္တု ၊ ကဗျာ ၊ဆောင်းပါးတွေကို
သမားရိုးကျ ပုံစံအတိုင်းသာ ရေးနေမယ်ဆိုရင်
သူများနောက်မှာ အဝေးကြီး တန်းစီနေရဦးမယ်

ဒီတော့
သမီးလေးက
အောင်မြင်မှုကို လိုချင်တယ်ဆိုရင်
တီထွင် စွန့်စားရမယ် ဆိုတဲ့ အတွေးကို
အရေးထား စဉ်းစားရမယ် ဆိုတာမမေ့နဲ့. .

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

မွေးနေ့ ဂုဏ်ပြုလျှောက်ထားလွှာ


ကျေးဇူးတော်ရှင် သီတဂူဆရာတော် အရှင်ဥာဏိဿရ ၏ ၁၃၇၂ခုနှစ် တပေါင်းလပြည့် (၁၉-၃-၂၀၁၀)နေ့တွင် ကျရောက်သည့် သက်တော်(၇၄)နှစ်ပြည့် မွေးနေ့မင်္ဂလာ ၌ တပည့်တော် ရိုသေစွာ ရှိခိုး ကန်တော့လျှက် ပူဇော်ပါသည် ဘုရား………။

အပြည်ပြည်ဆိုင် သီတဂူ ၀ိပဿနာ ကမ္မဋ္ဌာန်းဌာန (စစ်ကိုင်း) SITAGU INTERNATIONAL VIPASSANA ACADEMY (SAGAING) သီတဂူသာသနာပြုအဖွဲ့ကြီး၏ ဦးစီးပဓာနဖြစ်တော်မူသော သီတဂူ ဆရာတော် ဘုရားကြီး ကို မြန်မာသက္ကရာဇ် ၁၂၉၈ - ခု၊ တပါင်းလပြည့်နေ့၌ အဖ ဦးမောင်ညို၊ အမိ ဒေါ်သန်းတင် တို့က ပဲခူးတိုင်း၊ ပြည်မြို့နယ် စီရင်စု၊ သဲကုန်းမြို့နယ် ပုတီးကုန်းမြို့တွင် ဖွားမြင်ခဲ့ပါသည်။ အသက်(၇)နှစ်အရွယ်တွင် သဲကုန်းမြို့တပ် အလယ်တန်းကျောင်းတွင် စတင်ပညာသင်ကြားခဲ့ပြီး အသက်(၁၅)နှစ်အရွယ်မှာ ရှင်သာမဏေပြုခဲ့ပါသည်။

သက္ကရာဇ်-၁၃၁၈ - (သာသနာနှစ်-၂၅၀၀ ပြည့်နှစ်) နယုန်လဆန်း(၄)ရက်နေ့ အသက်(၁၉)နှစ်အရွယ် တွင် သဲကုန်းမြို့၌ ရဟန်းပြုခဲ့ပြီး ရှင်သာမဏေပြုချိန်မှစ၍ ပိဋကတ် အခြေခံကျမ်းစာများကို သဲကုန်းမြို့ တပ် အလယ်တန်း ကျောင်း ဆရာတော်ထံ၌ ပြည့်စုံအောင် သင်ကြားခဲ့ပါသည်။

ဆရာတော်ကြီးသည် မြန်မာသက္ကရာဇ်၁၃၃၄ - ခု၊ ၀ါဆိုလပြည့်နေ့မှစ၍ နှစ်စဉ် တရားပွဲ ပေါင်းများစွာ ဟောကြားခဲ့ပြီး လက်ရွေးစဉ် တရားပုဒ်ရေ(၇၀)ကျော်ကို သီတဂူစာစဉ်များအဖြစ် ထုတ်ဝေပြီး ဖြစ်ပါသည်။

၁၃၃၈ခုတွင် - စစ်ကိုင်းတောင်၊ သဒ္ဓမ္မသီတဂူချောင်ကို စတင်တည်ဆောက်ခဲ့ပါသည်။
၁၃၄၂ - ၄၇ခု - စစ်ကိုင်းတောင် ချောင်ပေါင်း(၉၀၀)ခန့်အတွက်-သီတဂူရေအလှူတော် စီမံကိန်းကို ဆောင်ရွက်ခဲ့သည်။ (တစ်နေ့လျှင် ရေဂါလံ ၅-သိန်းခန့်ပေးဝေလျှက်ရှိ။ ဧရာဝတီမြစ်အတွင်းမှရေကို စစ်ကိုင်းတောင်ရိုးပေါ်အရောက် ဆောင်ရွက်ရခြင်းဖြစ်ပါသည်။)

ဆရာတော်ကြီးသည် ရေအလှူတော် စီမံကိန်းကြီးအောင်မြင်အပြီး ၁၃၄၇ - ၀ါခေါင်လပြည့်နေ့မှစ၍ ''သီတဂူအာယုဒါနဆေးရုံ''ကို ဆောက်လုပ်ခါ ဆေးဝါးကုသ ဒါနပြုလျှက်ရှိပါသည်။ သီတဂူဆရာတော်ကြီးသည် ဆေးရုံစီမံကိန်းများကို အကောင်အထည် ဖော်ဆောင်ရွက်လာရာ ယခုဆိုလျှင် မြန်မာနိုင်ငံရှိ ပြည်နယ်ဒေသကြီးများနှင့် တိုင်းဒေသကြီးများတွင် တည်ဆောက်ဖွင့်လှစ်ပြီးဆေးရုံ (၁၂) ခုနှင့် တည်ဆောက်ဆဲ ဆေးရုံ (၆) ခုရှိပါသည်။

ယခုအခါတွင် သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)၊ သီတဂူ ဗုဒ္ဓတက္ကသိုလ် (ရန်ကုန်) ၊သီတဂူ ဗုဒ္ဓတက္ကသိုလ် (မန္တလေး)၊ နာဂစ်အလှူတော်များနှင့် စာသင်ကျောင်း၊ ဆေးရုံအလှူတော်များ ၊သီတဂူဗုဒ္ဓ၀ိဟာရ (အမေရိက) အစရှိသော ပရဟိတ စီမံကိန်းကြီးများကို ပြည်တွင်း ပြည်ပ အလှူရှင်များ၏ ထောက်ပံ့လှူဒါန်းမှုဖြင့် အောင်မြင်စွာ အကောင်အထည်ဖော် ဆောင်ရွက်ခဲ့ပါသည်။

ဆရာတော်ဘုရားကြီးသည် ရေအလှူတော်၊ အာယုဒါနအလှူတော်သာမက ပညာရေး၊ လူမှုရေး၊ မိဘမဲ့ကလေးငယ်များ စောင့်ရှောက်နိုင်ရေး အတွက်ပါ သိန်းပေါင်းများစွာ လှူဒါန်းလျက်ရှိပါသည်။

ဆရာတော်ကြီးသည် ပြည်တွင်းသာမက ပြည်ပသာသနာပြုခရီးများကိုလည်း ကိုယ်တိုင်သွားရောက်ကာ သာသနာပြုခဲ့ပါသည်။ သီတဂူဆရာတော်သည် အမေရိကန်နိုင်ငံတွင် သီတဂူဗုဒ္ဓ၀ိဟာရ ကျောင်းတော်ကြီးကို ထည်ထည်ဝါ၀ါ တည်ထောင်တော်မူပြီး ထိုကျောင်းဝန်းအတွင်းဝယ် မြန်မာမှုမြန်မာ့ဟန်ဖြင့် ရွှေစည်းဂုံစေတီတော်မြတ်ကြီးကို တည်ထားကိုးကွယ်ရန် စတင်နေပြီ ဖြစ်ပါသည်။ ထိုနိုင်ငံတွင် သီတဂူသာသနာပြုအဖွဲ့ကြီးကို တည်ထောင်ခြင်းသည်လည်း သီတဂူသာသနာပြု အဖွဲ့ကြီး၏ သာသနာပြု လုပ်ငန်း များစွာတွင် တစ်ခုအပါအ၀င်ဖြစ်သည်။

ဆရာတော်ကြီးသည် အနာဂတ်သာသနာ ပြန့်ပွားရေးအတွက် သီတဂူဗုဒ္ဓ တက္ကသိုလ်များ ကို ဖွင့်လှစ်ကာ ဗုဒ္ဓစာပေများကို သင်ကြားရုံမကပဲ ဗုဒ္ဓဘာသာ ထွန်းကားပြန့်ပွားပြီး သာသနာပြုနိုင်ရန်အတွက် သံဃာတော်များကို နိုင်ငံခြားသို့ပို့လွှတ်ပညာများ သင်ယူလေ့လာ ရန် စေလွှတ်ခဲ့ပါသည်။

ဆရာတော်ကြီး၏ ဘာသာရေးဆိုင်ရာ လုပ်ငန်းများ၊ လူမှု့ရေးဆိုင်ရာ ထောက်ပံ့မှု့များ အကြောင်းကိုလည်း တပည့်တော်တို့ ကိုယ်တိုင်ကြုံတွေ့ရသည်မှာ တကယ်ပင် ကြက်သီးဖြန်းဖြန်း ထမိအောင် ၀မ်းမြောက်ပီတိဖြစ်မိပါတယ် ဆရာတော်ကြီးရဲ့ မွန်မြတ်လှတဲ့ မေတ္တာ စေတနာများက သာသနာတော်အတွက် တင်မကပဲ လူသားတိုင်းအတွင် တန်ဖိုးမဖြတ်နိုင်သည့် အရာများဖြစ်ပါသည်။

ဆရာတော်ကြီးသည် ကျွန်မတို့နေထိုင်ရာ ဧရာဝတီတိုင်း မြို့တော်ဖြစ်သော ပုသိမ်မြို့တွင်လည်း ရေအလှူတော် ၊ ဆေးအလှူတော် ၊ စက္ခုဒါန အလှူတော် ၊ ဆေးရုံအလှူတော်များ အတွက် တရားပွဲများကို အမြဲလာရောက်ကျင်းပခဲ့ပါသည်။ ဧရာဝတီတိုင်း၏ နာဂစ်ဒေသများတွင်လည်း ဘုန်းကြီးကျောင်း၊ ဆေးရုံ၊ စာသင်ကျောင်းများကို ဆောက်လုပ်လှူဒါန်းခဲ့ပါသည်။

ဆရာတော်ကြီး၏အလှူများထဲတွင် မည်သူမှ မလုပ်နိုင်သည့်အလှူတော် တစ်ခုကိုလည်း လှူဒါန်းခဲ့ပါသည်။ ၀ါခေါင်လပြည့်နေ့(မေတ္တာအခါတော်နေ့)အကြို မေတ္တာ-ကရုဏာအလှုလို့ အမည်ပေးထားသည့် အလှူတော်တစ်ခုကို(၂၁-၈-၂၀၁၀)၊ ရန်ကုန်မြို့ အင်းစိန်ထောင်တွင် အပြစ်ဒဏ်အသီးသီး ခံနေကြရသော အကျဉ်းသား(၉၀၀၀)ကို တစ်နေ့တာအဟာရဒါန အလှူအဖြစ် လှူဒါန်းခဲ့ပြီး မန္တလေးဗဟို အကျဉ်းထောင်နှင့် ထုံးဘို ကျောက်ထုစခန်းတို့တွင် ၂၀၁၀ခုနှစ် အောက်တိုဘာလ(၁၆)ရက်နေ့ တွင်လှူဒါန်းပြုလုပ်ခဲ့ပါသည်။

ဆရာတော်ကြီး ၏ တရာတော်များမှ ၊ တရားဓမ္မအဆုံးအများ သာမက အသိဥာဏ် ဗဟုသုတများ နာယူမှတ်သားစရာများစွာ ပါရှိပါသည်။ နိဗ္ဗာန်မရောက် ခင်.. .

“မကောင်းတာမှန်သမျှ မလုပ်နဲ့”
"မကောင်းတာမှန်သမျှ မတွေးနဲ့ "
"မကောင်းတာမှန်သမျှ မပြောနဲ့"

"ကောင်းမှုရှိမှာ ကောင်းကျိုးရတယ် "
"ကောင်းကျိုးများများရခြင်လျှင် "
"ကောင်းမှုများများလုပ်ပါ "

"သူတစ်ပါးအကျိုးကို ဆောင်ရွက်နိုင်သောသူဖြစ်ရပါစေ"
"သူတစ်ပါးအကျိုးကို ဖျက်ဆီးသေသူ မဖြစ်ရပါစေနှင့်။ "

စသည့်တို့သည် ဆရာတော်ကြီးတရားများတွင် တပည့်တော် မှတ်သားစရာများ၊ လိုက်နာစရာများ အဖြစ် မှတ်သားထားပြီး တကယ့်လက်တွေ့တွင် လိုက်နာကျင့်သုံးခဲ့ပါသည်။

တပည့်တော် တို့ ဧရာဝတီစာကြည့်တိုက် မှ သာသနာတော်အတွက် အားကိုးဖြစ်တော်မူသော သီတဂူဆရာတော်ကြီးမွေးနေ့ ပူဇာ အားရေးသားခွင့်ပေးသော ဘုန်းဘုန်း အရှင်ကောဝိဒသိရီ(သီတဂူစတား) အား အထူးကျေးဇူးတင်ပါတယ်။

တုနှိုင်းမရသော ဆရာတော်ကြီး၏ သီလ၊သမာဓိ၊ ပညာဂုဏ် နှင့် သာသာနာအပေါ်တွင် ထားသည့် မေတ္တာ၊စေတနာ တို့အား တပည့်တော် ဒီစာမူဖြင့် ရေးသားပူဇော်ပါတယ် ဘုရား ဆရာတော်ကြီး ကျန်းမာချမ်းသာစွာဖြင့် သာသနာ့ပြုလုပ်ငန်းများနှင့် တပည့်တော်တို့အား တရားဓမ္မများကို ဆက်လက်ပေးစွမ်းနိုင်ပါစေလို့ ဆုတောင်း ပူဇော်ကန်တော့ပါတယ် ဘုရား ။

သီတဂူဆရာတော်ကြီး ကျန်းမာချမ်းသာပါစေ ဘုရား

ဓာတ်ပုံကို http://www.sitagustar.net မှ ကူးယူဖော်ပြပါတယ်.


အားလုံးကိုချစ်ခင်လေးစားလျှက်. . . .

မြတ်မော်တင် ဗုဒ္ဓပူဇနိယဘုရားပွဲတော်

ယခုအချိန်မှာ ကျွန်မတို့ ဧရာဝတီတိုင်း ၊ငပုတောခရိုင်တွင် တည်ထားကိုးကွယ်ထားသော တန်ခိုးကြီးလှတဲ့ မြတ်မော်တင်စွန်း ဘုရားပွဲတော်ကျင်းပသည့် အချိန်ကို ပြန်လည်ကျရောက်လို့လာပါပြီ. . . မြတ်မော်တင်ဘုရားသည် ဧရာဝတီတိုင်းတွင်း တန်ခိုးကြီးဘုရား တစ်ဆူဖြစ်သောကြောင့် တပေါင်းလတွင် ပုသိမ်မြို့နှင့်တကွ ဘုရားပွဲကျင်းပသော မြတ်မော်တင်တောင်တွင် အထူးစည်ကား လျက်ရှိပါသည်။ မြတ်မော်တင် ဘုရားပွဲတော်ကို နှစ်စဉ်တပေါင်းလဆန်း ၁ ရက်နေ့မှ တပေါင်းလပြည့်နေ့ထိ စည်ကား သိုက်မြိုက်စွာ ကျင်းပလေ့ရှိပါသည်။ ဘုရားပွဲတော်အချိန်ဆိုလျှင် ပုသိမ်ဆိပ်ကမ်းတလျှောက် မော်တင်သွား သင်္ဘောများဆီက မမပုသိမ်သူသီချင်း သံတွေက လွင့်ပျံလျက်ရှိပါတယ်. . .

စာဖတ်သူများအား မြတ်မော်တင်ဘုရားပွဲတော် သို့ သွားရောက်နိုင် ဖူးမျှော်နိုင်သည်ဖြစ်စေ၊ မသွားရောက် နိုင်သည်ဖြစ်စေ ဗဟုသုတရစေရန်အတွက် မြတ်မော်တင်စွန်းဘုရားပွဲတော်သမိုင်းအကျဉ်းကို ရေးသား တင်ပြလိုက် ပါတယ်.. . .

ဧရာဝတီတိုင်း ပုသိမ်ခရိုင်ငပုတောမြို့နယ် ပင်လယ်ကမ်းခြေဦးရှိ သရနတောင်ခေါ် မြတ်မော်တင် တောင်ပေါ်မှာ မဟာကုဋရံသီ ဆံတော်ရှင်စေတီတော်မြတ်ကြီး တည်ရှိ ပါတယ်။မြတ်မော်တင်တောင်ကို အစွဲပြုပြိး မြတ်မော်တင်စေတီ ဆိုပြီးထင်ရှား လာခြင်းဖြစ်ပါသည်။ ပုသိမ်က ဆိုရင် ၈၉ မိုင် ကွာဝေးပါတယ်။ မြတ်စွာဘုရား သက်တော်ထင်ရှားရှိစဉ် အခါမှစ၍ ပထမရှေးအကျဆုံး သမိုင်းစတင်ခဲ့သော စေတီကြီးဖြစ်ပါတယ်။

ထို့နောက် မြတ်စွာဘုရားရှင်က ဦးခေါင်း တော်ကို သုံးသပ်၍ ဆံတော်ရှစ်ဆူပေး သနား တော်မူ၏။ကုန်သည် ညီနောင်တို့သည် လည်း ဆံတော်ရှစ်ဆူကို ပတ္တမြားကြုတ်တွင်း ထည့်၍၀မ်းမြောက်ရွင်မြူးစွာ ပင့်ဆောင်ခဲ့ကြ သည်။ မဟာနာဂရ တိုင်းသို့ ဖြတ်သန်း၌ ပြန်ကြသောအခါမဟာနာဂရအဇ္စုတ္တ(ရခိုင်)မင်းက ဆံတော်မြတ်နှစ်ဆူ ကို အကောက်ခွန်အဖြစ် ပင့်ဆောင်ထား လေသည်။ ထိုမှတဆင့်ကုန်သည်ညီနောင်တို့သည် ခရီးဆက်ကြ ပြန် ရာတွင် ဇေယျသေနနဂါးမင်းပိုင်စိုးသော နဂရစ်ဝဲအမော်(မော်တင်)အရပ်သို့ရောက်သို့ ရောက်ရှိကြ သည်။ ထိုအရပ်သည်ကား ဘဒ္ဒကမ္ဘာတွင် ပွင့်တော်မူပြီးသော ကကုသန်၊ ကောဏဂုံ။ကဿပ ဘုရားရှင် တို့၏ ဓာတ်တော် ၊ မွေတော်များ ကိန်းဝပ်တည်ရှိရာ သရဏတောင်အနီး၌ တည်ရှိနေခြင်းကြောင့် ဆံတော်များမှ ရောင်ခြည်တော်များ ကွန့်မြူးလေသည်။

ထိုအခါဇေယျသေန နဂါးမင်းသည် နော်အရှည် ဖူးမြော်ပူဇော်လိုသော စိတ်ထားဖြင့်စေတီ တည် ထားရန် အတွက် ဆံတော်မြတ်နှစ်ဆူကို ခိုးယူပင့်ဆောင်ထားလိုက်လေသည်။ နဂါးရစ်အမော်(မော်တင်) အရပ်တွင် ဇေယျသေန နဂါးမင်းပင့်ဆောင်ထားသော ဆံတော်မြတ်နှစ်ဆူကိုနောင်အရှည်လူနတ်ဗြဟ္မာ သတ္တ၀ါတို့ ဖူးမြော်နိုင်ကြစေရန် သရဏတောင်ခေါ် မြတ်မော်တင်တောင်ပေါ်၌ ပင်လယ်မြသားဖြင့် ပြီးအပ် သော စိုင်တမော့ အရွယ်ရှိ စေတီတော်ကို တည်ထားကိုးကွယ်သည်။

ဇေယျသေန နဂါးမင်း၏ ကြံစည်မှုကို နတ်၊နဂါး ၊ဆင်ဖြူတော်၊ ၀ိဇ္ဖာဓိုရ် ပုဂ္ဂိုလ်တို့သည် ညှိနှိုင်းတိုင်ပင်မှုမရှိပဲ အရပ်လေးမျက်နှာ တစုတဝေးတည်း ရောက်ရှိကြ၍ တချိန်တည်း စုပေါင်းပါဝင်ကူညီဲကြသည်မှာ ထူးခြားသည် ဟုအဆိုရှိကြသည်။

သက္ကရာဇ် ၄၅၄-၅၂၉ တွင် နန်းတက်သော ကျန်စစ်မင်းကြီး မြေးဖြစ်သူ အလောင်းစည် သူမင်းကြီးသည် မူလစိုင်တမော့အရွယ်ရှ်ိ စေတီတော်ကို သာသနာ၅၀၀၀၀ ပတ်လုံးအဓွန့်ရှည်တည်တံ့စိမ့်သောငှာ အ၀န်းသံတောင် ၄၀၊ အမြင့်သံတောင် ၂၅ ရှိ စေတီကြီးအဖြစ်လူတစ်ရစ်ပါရမီဖြည့်ဆည်း၍တည်ထားတော် မူလေသည်။

မဟာမကုဋရံသီ ခေါ် မြတ်မော်တင်ဆံတော်ရှင်စေတီတော်မြတ်ကြီးအား အဓ္ဓိဋ္ဌာန်ပြု၍ ခုနှစ်ပတ်ရစ် ပူဇော်ပါက ရွှေသံ၊ ငွေသံကြားရခြင်း၊ အမွေးနံ့သာ ပေါင်းစုံ ပျံ့လှိုင် လာခြင်း၊လပြည့်နေ့ညများတွင် ရောင်ခြည်တော် ကွန့် မြူးလာခြင်း၊ ယခုတိုင် ဆွမ်းဦးလှုဒါန်းနိုင်မှုမရှိ။နတ်နဂါးတို့ကဆွမ်းဦးကပ်လှုမှုရှိနေခြင်း၊ သစ်ပင်ပန်းမန်တို့သည် ရာသီမဟုတ် ဖူးပွင့်သီးကြခြင်း၊ ပွဲတော်ဖြစ်ခါနီးတွင် ကျီးငှက်တို့ အုပ်စုဖွဲ့၍ စေတီတော်ကြီး အား ၀ဲပျံပူဇော်ကြခြင်း ၊ နှစ်စဉ် ပွဲတော်ကျင်းပမှုမရှိပါက တောင်တော်မြည်ဟည်းခြင်း၊ မြတ်မော်တင်တောင်ပေါ်ရှိ နတ်ရေကန်သည် ဘုရားဖူးများ သိန်းသန်းချီ၍ သုံးစွဲပါသော်လည်း ကုန်ခန်းမှု မရှိခြင်း၊ ပွဲတော်ပြီးဆုံးသောအခါ လှိုင်းလုံးကြီးများ သည် မြတ်မော်တင်တောင်သို့ တ၀ုန်းဝုန်း ပြေးရိုက်ပူဇော်ခြင်း၊ နတ်၊နဂါး၊ကျား၊ ၀ိဇ္ဖာဓိုရ် များသည် လည်းမည်သူ့ကိုမျှ ရန်မပြုပဲပွဲတော်ပြီးဆုံးသော အခါ လာရောက်ဖူးမြော်ကြခြင်း၊ ဘုရားဖူးများ အတွက် အန္တရာယ် တစ်စုံတစ်ရာမရှိ။ကျန်းမာသက်ရှည် လာဘ်လာဘ ပေါကြွယ်ဝစေခြင်းး စသည့် ထူးခြားချက် များ ရှိနေပါတယ်၊

တန်ခိုးကြွယ်သည့် မြတ်မော်တင် ဗုဒ္ဓပူဇနိယပွဲတော်ကို နှစ်စဉ်တပေါင်းလပြည့်နေ့တိုင်း အစဉ်အလာမပျက် နှစ်စဉ်နှစ်တိုင်း ခမ်းနားစွာပူဇော်ခဲ့ကြသည်။ ယခုနှစ်တွင်လည်း တပေါင်းလဆန်း ၁ ရက် (၅.၃.၂၀၁၁)မှ တပေါင်းလပြည့်နေ့ (၁၉.၃.၂၀၁၁) အထိ ပွဲတော်ရက်များ ကို စည်ကားသိုက်မြိုက်စွာ ကျင်းပမည်ဖြစ်သည်။

အနယ်နယ်အရပ်ရပ်မှ ဘုရားဖူး လွယ်ကူစွာ သွားလာနိုင်စေရန်အတွက် ပုသိမ်ဆိပ်ကမ်းမှ ၈၂ မိုင်ကွာဝေး သော ငပုတောမြို့နယ် ခမောက်မော်ဆိပ်ကမ်းသို့ ရှပ်ပြေးရေယာဉ်များဖြင့် လည်းကောင်း ၊ ရန်ကုန်မှတိုက်ရိုက် သွားလိုသူများအတွက် ရန်ကုန်-ပုသိမ် အမြန်သဘောင်္များ ပြေးဆွဲ ပို့ဆောင်ပေးလျှက်ရှိပါသည်။ ခမောက်မော် မှ တဆင့် မော်တင်တောင်ခြေအရောက် ခရီးသည်တင်ကား များဖြင့်ပြေးဆွဲပေးသည်။ ထိုမှလေးမိုင် ဝေးကွာသော မြွေတောင်ဘုရားသို့ သွားရောက် ဖူးမျှော်ရင်း ပျော်ရွှင်စွာ ရေကစားနိုင်သည်။

မြတ်မော်တင် ဗုဒ္ဓပူဇနိယပွဲတော်တွင် ဘေးဥပဒ်အန္တရာယ် တစ်စုံတစ်ရာမရှိ ဇေယျသေန နဂါးမင်းစောင့် ရှောက်ထားသော ပင်လယ်ရေပိုင်နက် ဖြစ်သည်ဟု ဆိုကြသည်။ထိုကြောင့် ပွဲတော်ရက် များတွင် လူတိုင်း ချမ်းမြေ့ပျော်ရွှင်စွာ ဖူးမြော်ပူဇော် နိုင်ကြပါကြောင်း ရေးသားလိုက်ရပါသည်။

အားလုံးကိုချစ်ခင်လေးစားလျှက်. . . .

လူငယ်နှင့် တာဝန်သိမှု



လူတွေ အကြောင်းပြောရင်
အမှီအခိုနဲ့ လွပ်လပ်မှုအကြောင်း
ပြောလေ့ရှိတယ်.

လူတွေဟာ အခြားသတ္တ၀ါတွေလိုမဟုတ်ဘူး
တစ်ယောက်ကိုတစ်ယောက် မှီခိုနေရတယ်
ဒီအတွက် အချို့ကတော့
မလွတ်လပ်ဘူးလို့ ဆိုကြတယ်

"ငါ့လှေ ငါထိုး ပဲခူးရောက်ရောက်"
"ငါ့မြင်း ငါစိုင်း စစ်ကိုင်းရောက်ရောက် "
ဆိုတာ လွပ်လပ်မှု မဟုတ်ပါဘူး
တာဝန်မဲ့မှုသာဖြစ်တယ်.

ကျန်းမာပြီး စွမ်းဆောင်နိုင်သော လူသားအားလုံးဟာ
တာဝန်ယူတတ်သူတွေ ဖြစ်ရပါမယ်.
လူငယ်တွေဟာ တာဝန်ယူတတ်သူတွေ ဖြစ်ဖို့လိုတယ်
တာဝန်ပေးခံရတဲ့ အခါမှာ လိပ်ပြာသန့်သန့်နဲ့
တာဝန်ယူတတ်ဖို့ပါပဲ

ဒေါက်တာခင်မောင်ညို

အားလုံးကိုချစ်ခင်လေးစားလျှက်. . . .

မေတ္တာ


စစ်မှန်တဲ့ မေတ္တာတရားဆိုတာ
သူတစ်ပါးကောင်းကျိုးကိုပဲ လိုလားတယ်. . .
မိမိကိုယ်ကျိုးကို မကြည့်ပါဘူး. . .

မေတ္တာတရားနဲ့ ပတ်သက်ပြီး
လူတွေဟာ အမျိုးမျိုး ပြောဆိုနေကြပါတယ်. .
ရယူခြင်းမရှိတာကို မေတ္တာ
ပေးဆက်ခြင်းသက်သက်ကို မေတ္တာ
မျှော်လင့်ချက်မထားတာကို မေတ္တာ
မောင်နှမ အချစ်သက်သက်ကို မေတ္တာ

စသဖြင့် အများကြီးပါပဲ

ဒါတွေဟာ
တကယ်တော့ မှန်ကန်တိကျရဲ့လား
(၅၂၈) မေတ္တာ ဆိုတာ ဘာလဲ?


ကိုယ့်ညီကို မောင်နှမကိုမှ
မေတ္တာထားနိုင်တာလား?
သူတစ်ပါးတွေဆိုရင် မထားနိုင်ဘူးပေါ့။

ဒါမှမဟုတ်
ကိုယ်မချစ်မနှစ်သက်တဲ့သူဆိုရင်
မေတ္တာ မထားနိုင်ဘူးလား ?

မေတ္တာတရားမှာ
ရွေးချယ်ခွင့်နှင့် ရွေးချယ်စရာမရှိပါဘူး။

စစ်မှန်တဲ့ မေတ္တာတရားဆိုတာ
နက်ရှိုင်းမှု ၊ သိမ်မွေ့မှု အပြည့်အ၀ရှိပါတယ် . .
သူ, ငါ , ယောက်ျား , မိန်းမ
ချစ်သူ , ခင်သူ , မုန်းသူ ဘာမှ မရှိဘူး
လူအားလုံးကို ကိုယ်ကျိုးမကြည့်ဘဲ
ကူညီနိုင်မှု သက်သက်ကို ခေါ်တာပါ. .

မေတ္တာတရားဆိုတာ
လူတိုင်းကို အပြည့်အ၀ တော့ မထားနိုင်ပါဘူး. . .

Step by Step . . ပေါ့. .

အားလုံး မေတ္တာထားနိုင်ကြပါစေ. . . .

အိန်ဂျယ်(လ်)

အားလုံးကိုချစ်ခင်လေးစားလျှက်. . . .

ကံကောင်းလိုသော်



မိမိဘ၀ကံအကြောင်းမလှ၍ စိတ်ညစ်နေရလျှင် ဤဆောင်းပါးကိုဖတ်ပါ. . . ပျော်ရွှင်ချမ်းမြ ပြည့်စုံသောဘ၀မှာ ကံကောင်းနေသူဖြစ်လျှင်မူ ဤ စာအုပ်ကို ဖတ်ရှုနေရန် မလိုအပ်ပါ. . . .

ပြစ်တင်ရှုတ်ချ ၀ိုင်းပယ်ခံရသဖြင့် ညှိုးမှိမ်နိမ့်ကျ နေသလော
ဥစ္စာစည်းစိမ် ဆင်းရဲချို့တဲ့နေသလော
အနာရောဂါ နှိပ်စက် ဖိစီးသလော
အကျည်းတန် အရုပ်ဆိုး၍လော
အသက်အန္တရာယ် နီးကပ်နေသလော. .

မည်သို့ပင်ဖြစ်စေ ၊ ကံကောင်းစေရန် ကံကောင်းစေရန် မဖန်တီးနိုင်သော်လည်း ကံကောင်းစေသော နည်းလမ်းကို ယခုအချိန်မှ စ၍ လမ်းစကို သင်မြင်ရပါပြီ. . .

အောက်ပါပုံပြင်လေးကို သင်ကြားဖူးကောင်း ကြားဖူး ပါလိမ့်မယ်. . .

အခါတစ်ပါး ချစ်ခင်သော သူငယ်ချင်းနှစ်ယောက်သည် ခရီးတစ်ခုကို အတူလာခဲ့ကြလေသည်. . .တန်ဆောင်မုန်း လပြည့်နေ့ည ဖြစ်၍ သူတို့သည် တောင်ခါးပန်း လမ်းခုလတ်သို့ ရောက်သော အခါ တိုင်ပင်ကြလေသည်. .

တစ်ယောက်က မီးထွန်းပွဲတော်ဖြင့် စည်ကားနေသော တောင်အောက် မြေပြန့်သို့ ဆင်းချင်သည်. . . ဆိုင်းသံ၊ ဗုံသံ ဆိုကသံ၊ ကညာပျိုအလှတွေဖြင့် ဘာမဆိုရနိုင်သည့် နေရာဖြစ်သည်. . . ပထမလူက တောင်ခြေပျော်ပွဲမှာ ပါဝင်နွဲချင်နေသည်. . .

နောက်တစ်ယောက်က တောင်ပေါ်ဘုရားဆီသို့ တက်၍ ဖူးချင်သည်. . ဟိုမှာ ဘာဝနာ ကမ္မကျပဠာန်းတရား သွားရောက် ရှုပွားချင်သည်. . အေးချမ်းဆိတ်ငြိမ်သော တောင်ပေါ်ဘုရား ရင်ပြင်ပေါ်မှာ တရားရှုမှတ် ကောင်းမြတ်သော အလုပ်ကို လုပ်ချင်သည်. . .

နှစ်ယောက်သား ၀ိဝါဒ ကွဲပြားသည်. . . ထို့နောက် နံနက်မိုးသောက် အလင်းရောက်သောအခါ ဤနေရာမှာ ပြန်လာဆုံကြစို့. . . . ထို့နောက်မှ ခရီးအတူဆက်ကြရင် တိုင်ပင်ပြီး လမ်းခွဲကြလေသည်. . . အပျိုကညာ ပေါရာသို့ သွားချင်သူ က တောင်ခြေသို့ ဆင်းသွား၏. . . . ဆိတ်ငြိမ်ရာမှာ တရားရှာမှီးချင်သူက တောင်ပေါ်သို့ တက်သွားလေ၏. . . .

တောင်ပေါ်သို့တက်ပြီး ရင်ပြင်ပေါ်တွင် စင်္ကြလျှောက်ရင်း ၊တင်ပျဉ်ခွေထိုင်ရင်း တရားရှုမှတ်သူသည် သူ့အလုပ်သူလုပ်သည်. . သို့ဖြင့် သန်းခေါင်ကျော်လာရာ သူသည် သစ်ပင်တစ်ပင်ရင်း၌ ထိုင်၍ ကမ္မဠာန်းတရားများ ပွားများ စီးဖြန်းနေလေသည်. . .

ထိုစဉ် သစ်ပင်ပေါ်မှာ သစ်ကိုင်းခြောက် တစ်ချောင်း သည် ရုတ်တရက် ဖြောင်းခနဲက ကျိုးကျ၍ ထိုသူ၏ ပေါင်ပေါ်တည့်တည့်သို့ ရိုက်ချိုးလိုက်သကဲ့သို့ ပြင်းစွာ ကျလေ၏. . . . ထိုသူသည် ခြေသလုံးတွင်တွင် ကျိုးလုမတတ် နာကျင်ရလေသည်. . . တတ်နိုင်သမျှ တရားဘာဝနာ ကြိုးစားရှုမှတ်၏. . . လင်းသောအခါ တုတ်အကူ တောင်ဝှေးကို ထောက်လျှက် မိတ်ဆွေနှင့် ဆုံရမည့်နေရာသို့ ခပ်ဖြည်းဖြည်း ဆင်း၍လာခဲ့လေသည်. . . .

အပျော်အပါး အသောက်အစား စည်းစိမ်အရသာတွေ တစ်ဝကြီးခံစားခဲ့ရသော အခြားသူသည်. . .နံနက်မိုးသောက် အလင်းရောက်သော် အိပ်ရာမှ ထ၍ သူငယ်ချင်းနှင့် ချိန်းဆိုရာဘက်သို့ ထွက်ခဲ့လေ၏. . . လမ်းတွင် အထုပ်တစ်ထုပ်ကောက်ရလေ၏ . . ဖွင့်ကြည့်ရာ အသပြာတစ်ထောင် တိတိ ပိုင်ရှင်မရှိတွေ့ရသဖြင့် ၀မ်းသာအားရယူ၍ ချိန်းဆိုရာနေရာသို့ ရောက်လာလေ၏. . .

နှစ်ယောက်သားတွေ့ဆုံကြသောအခါ မိမိတို့ တွေ့ကြုံခဲ့သမျှကို နှီးနှောပြောဆိုကြလေသည်. . . . ဘုရား ကုန်းတော်ရင်ပြင်တော်ပေါ်သို့ တက်၍ ကမ္မဠာန်း ဘာဝနာ စီးဖြန်းခဲ့သည့်သူက ခြေကျိုးခဲ့သည်. . ကညာအလှ မဒီ တရုန်းရုန်းနှင့် သာယာသမျှ အရယ်ရယ် အပြုံးပြုံးနေလိုက်သူက အသပြာ တစ်ထောင် ထုပ်ပင် ရခဲ့ချေသေး. . .

ကောင်းရာလုပ်လို့ ကောင်းကျိုးမရ.
မကောင်းရာလုပ်လို့ ဆိုးကျိုးမရ. .
ကောင်းရာလုပ်လည်း ဆိုးကျိုးရ၏
မကောင်းရာလုပ်လည်း ကောင်းကျိုးရ၏.

နှစ်ယောက်သား ဤသို့ခံယူနားလည်မိကြောင်း ပြောဆို၍ ခရီးဆက်ခဲ့ကြရာ ကျောင်းသင်္ကန်း တစ်ခုသို့ ရောက်ရှိကြလေသည်. . .ထိုကျောင်းမှ ပညာဥာဏ်ရောင် ထင်ရှားသော ဆရာတော် ရဟန်းအား အကျိုးအကြောင်း လျှောက်ထားသောအခါ ဆရာတော်က ဤသို့ မိန့်ဆိုလေသည်. . . .

"ဒကာတို့ အတွေ့အကြုံကို နမူနာကောက်ယူ မူတည်၍ လောကနိယာမအဖြစ် ဆွဲယူကြခြင်းဖြင့် ကံနှင့် ပတ်သက်၍ ဒကာတို့ အထင်မှားနေပြီ

ပထမဒါယကာသည် ကောင်းမှုကုသိုလ်ပြုသည် မှန်၏. . .သူ့မူလကံအရ သစ်ကိုင်း ကျိုးကျ ခြေထောက် ဒဏ်ရာရရုံမျှ မဟုတ်သေး . . . သစ်ပင်ပိကျ ချက်ချင်း သေရမည့် ဘေးနှင့် ကြုံရမည်ဖြစ်၏. . . သို့ရာတွင် လတ်တလော ကုသိုလ်ကံ တားဆီးသဖြင့် ခြေထောက်ကျိုးရုံ မျှသာဖြစ်အောင်. . ထိုကုသိုလ်ကံက သက်သာရာရစေခဲ့သည်. . . .

ဒုတိယဒါယကာသည် သူ့အတိတ်ကံအကြောင်းအရ အသပြာမျှသာမဟုတ် . . .ရွှေထုပ် ၊ စိန်ထုပ်၊ ပတ္တမြားထုပ်များ သုံးမကုန် လှုမခန်းအောင် ချမ်းသာသည်အထိ ကောက်ယူ ရရှိကြွယ်ဝရမည့် သူဖြစ်လေ၏. . သို့ရာတွင် ထိုနေ့ညက မကောင်းမှု တို့၌သာ ယစ်မူးသာယာနေလိုက်မိသဖြင့် အသပြာ ကုဋေကုဠာ ထိုက်သော ရတနာတို့မရတော့ဘဲ ငွေတစ်ထောင် အထုပ်လိုက်ကလေးသာ ကောက်ရပေသည်. . လတ်တလော ဒုစရိုက်ကံကြောင့် ရမည့် အကျိုးပေးတရား လျော့နည်း ဆွံ့ပါးသွားရသည်. . . အဲဒါက ကံတရားပဲ. . . " ဟု မိန့်လေသည်. . . . . . .

ကောင်းမှုကုသိုလ်ဖြစ်စေ၊ မကောင်းမှု ဒုစရိုက်ဖြစ်စေ ချက်ချင်း လက်ငင်း ဓာတ်လိုက်သလို ခံစားရသော ဂရုကံမျိုး လည်းရှိသည်. . တဖြည်းဖြည်းမှ သရက်သီး ၊ပိန္နဲသီးကဲ့သို့ ရင့်မှည့်လာမှ ချိုမြိန်ရသော ကံမျိုး အကျိုးပေးပုံလည်းရှိသည်. . .

လုံလောက်သော ရင့်ကျက်မှု အထိရောက်ရှိအောင် ကောင်းမှုဟူသမျှ တိုးတက်အောင် ပြုလုပ်ရသည်. . . မကောင်းမှုကိုလည်း ပါးသည်ထက်ပါး နည်းသည်ထက်နည်းအောင် ပြုလုပ်ရသည် . . . . အဟုန်သဘော တစ်ခုနှင့် တစ်ခု စုပေါင်းအားပြုမိသောအခါ ကြီးမားသော အကျိုးကိုပေးလေသည်. . .

ကံဆိုသည်မှာ စေတနာဖြစ်သည်. . စေတနာ ထက်သန်သည်နှင့်အမျှ ကံအကျိုးပေး ထက်မြက် ထိရောက်သည်. . (ကံ) စေတနာမပါလျှင် ကံအကျိုးပေးမထက်မြက်ချေ. . .

ကံဆိုသည်မှာ ကောင်းကင် နဂါးငွေ့တန်း Milky Way ကြီးပမာ ဖြစ်သည်. . . ကြယ်ကလေးပေါင်း ထောင်သောင်း များစွာ သေးငယ်မှုမွှားလှစွာသော မမြင်သာလောက်သည့် စေတနာ၊ သဘောထား၊ အလေ့အထ အပြုအမူများမှသည်. . . ကြီးမားသော အလင်းရောင် အဖြူတန်းကြီး စုဝေးပေါ်ပေါက်လာကဲ့သို့ အကျိုး ပေါ်ထွက်ရသည်. . . .

ကောင်းသောကံ (အပြုအမူ) ကလေးများကို သေးမွှားသည် နည်းပါးသည် မဆိုဘဲ စုဆောင်းပါ. . . များသည် ထက်များ ၊ ပွားသည်ထက်ပွားအောင် စုဆောင်းပါ. ကောင်းကျိုး မုချဧကန် ရပါလိမ့်မည်. . . ဤသည်ကား နိယာမတရားတည်း. . . . .

ချစ်နိုင်(စိတ်ပညာ)

အားလုံးကိုချစ်ခင်လေးစားလျှက်. . . .



နောက်တစ်ခါကြုံ၇င် လက်မနှေးနဲ့



အိမ်ရှေ့မှာ အိပ်နေတဲ့ ခွေးတစ်ကောင်ကို ၀ံပုလွေတစ်ကောင်ဟာ တွေ့သွားပါရော. . . ဒါကြောင့် သူ့ကို စားတော့မှာ ဖြစ်တယ်. . ဒါပေမယ့် ခွေးက သူ့ကို အခု မစားချင်ပါနဲ့ လို့ ဆိုတယ်. .

အခုစားနေရင် ကျွန်တော်ဟာ ပိန်ပိန်သေးသေးပဲ ဖြစ်နေမယ်. . ဒါပေမယ့် ခင်ဗျား ခဏကလေး စောင့်မယ်ဆိုရင် ကျွန်တော့ရဲ့ သခင်အိမ်မျာ လက်ထပ်မင်္ဂလာပွဲ ပြုလုပ်မှာမို့ ကျွန်တော့အဖို့စားစရာတွေ အများကြီး စားရလိမ့်မယ်. . ကျွန်တော်ဝဖြိုးလာမယ်. . . ဒီအချိန်မှာ စားရင် ခင်ဗျားဟာ ကျွန်တော့်ရဲက အသားကို များများ စားရမှာပေါ့. .

ဝံပုလွေက ဒါကိုလက်ခံမိတယ် . . . သူ့အစာကို နောက်မှပဲ စားတော့မယ်ဆိုပြီး ထွက်သွားပါတယ်. . .

ရက်အနည်းငယ်ကြာတဲ့အခါ. . .သူရောက်လာတယ်. . .

ခွေးဟာ အိမ်ခေါင်မိုးပေါ်မှာ အိပ်နေတာကြောင့် ၀ံပုလွေက " ပြောဆိုထားတဲ့ ကတိအတိုင်း အောက်ကို ဆင်းခဲ့ပါ . . ."လို့ လှမ်းခေါ်လိုက်တယ်. .

ဒါကိုခွေးက "နောက်တစ်ခါ ကျွန်တော်မြေကြီးပေါ်မှာ အိပ်နေတာ တွေ့ရင် လက်ထပ်မင်္ဂလာပွဲ ပြုလုပ်တဲ့ အချိန်ထိ စောင့်မနေပါနဲ့ . . " လို့ပြန်ပြောလိုက်တယ်. .

(အသက်ဘေး အန္တရယ်က လွတ်မြောက်ခဲ့သူဟာ သူ့ဘ၀မှာ အလားတူ အန္တရယ်မျိုး ကြုံတွေ့တဲ့အခါ သတိပြုတတ်နေပြီ)

အီစွတ်ပုံပြင်

အားလုံးကိုချစ်ခင်လေးစားလျှက်. . . .

ပဉ္စ၀ဂ္ဂီ ငါးဦးတိုအား ဓမ္မစကြာတရား ဟောတော်မူနေပုံ



ဘုရားအလောင်း ဖွားမြင်စ၌ ရုပ်လက္ခဏာ ကြည့်ရှုရသော ပုဏား ရှစ်ယောက်တို့တွင် ၅ ယောက်သော ပုဏား တို့သည် မုချ ဘုရားဖြစ်လိမ့်မည်ဟု ယုံကြည်သောကြောင့် ရသေ့ ရဟုန်းပြုနှင့်ကြ၍ ဘုရားအလောင်း တောထွက်သောအခါ ရေပူရေချမ်း ကမ်းလှမ်းပြုစု နေကြလေသည်. . . ထို့နောက် ဆွမ်းအာဟာရ ဘုဉ်းပေးသည်ကို မြင်ရ၍ ဘုရားဖြစ်တော့မည် မထင်သောကြာင့် ဘုရားအလောင်းထံမှ ခွဲခွာ၍ ဗာရာဏသီအနီး မိဂဒါဝုန်တော၌ နေကြလေသည်. .

ဘုရားဖြစ်တော်မူ၍ တရားဦးဟောထိုက်သူများကို ရှုစားတော်မူသောအခါ ထိုရသေ့ ငါးဦး၏ ရင့်သန်သောဥာဏ် ကို မြင်တော်မူရကား ဗောဓိပင်မှ တစ်ဆယ့်ယူဇနာ ဝေးကွာသော ဣသိပတန မိဂဒါဝုန်တော်သို့ ကြွတော်မူပြီးလျှင် ၀ါဆိုလပြည့်နေ့ နေမ၀င်မီ အချိန်တွင် ထိုပဉ္စ၀ဂ္ဂီ ရသေ့ငါးဦးအား ဓမ္မစကြာ တရားဦးကို ဟောတော်မူလေရာ တစ်ဆယ့်ရှစ်ကုဋေသော နတ်ဗြဟ္မာတို့နှင့်အတူ အရှင်ကောဏ္ဍည သောတပန်တည်လေသည်. . .

The Buddha Preaching The Sermon "The Wheel of Law" To The "Band of Five Disciples"

Soon after the birth of the Future Buddha, eight Brahmin fortune-tellers, observed the marks and characteristics of the Future Buddha's person. Five of these Brahmins interpreted that prince Siddhattha would unquestionably become a Buddha and with that belief, had already become ascetics. When Siddhattha retired from the world, they attended to his presonal needs. Then seeing that the Future Buddha had given up extreme ascetisism and gone back to the usual way of talking ordinary material food, they doubted if he would ever become a Buddha, and deserted him. Then they went and lived in the Deer Park at Isipatana near Benares.

The Blessed One, having attained the Supreme Wisdom, began hi life as the Great Teacher. He first thought of the persons whon he should first aid with his teaching , and saw that these five ascetics had developed mature intellect. He therefore went to the Deer Park at Isipatana near Benares, 18 youjanas( 1 yojana=about 8 miles) away from the Bodhi tree anbd preached his first sermon to thi "Band of Five Disciples" before sunset on the full moon day of Wazo( June-July). Kondanna was established in the first noble stage of the Aryan Path, along with eighteen crores of higher and lower gods.

အားလုံးကိုချစ်ခင်လေးစားလျှက်. . . .

]

သားဖေဖေ


သားရယ်. . .
အကြင်နာ တရားလည်း မရှိ
ချိုချိုသာသာ စကားလည်း
မပြောတတ်တဲ့ အဖေရယ်လို့
လူ့လောကမှာ မရှိပါဘူးကွယ်. .

သားမသိတတ်ခင် အချိန်မှာ
အကြင်နာ တရားတွေနဲ့
ချိုချိုသာသာ စကားတွေ
အများကြီးပြောခဲ့ပြီးပါပြီ

သားမသိတတ်ခင် အချိန်ဆိုတော့
သားမမှတ်မိနိုင်တာ
ဖေဖေ အပြစ်မတင်ပါဘူး

သားကြီးပြင်းလာတဲ့ အချိန်မှာ
ကိုယ့်ဘ၀ကို မကျေနပ်နေတဲ့ ဖေဖေ
မိသားစု စားဝတ်နေရေးအတွက်
အပြေးအလွှား ရုန်းကန်နေရတဲ့ ဖေဖေ
သားကို သိပ်ပြီး
တော်စေ တတ်စေချင်တဲ့ ဖေဖေဟာ
အကြင်နာ စကားတွေ ပြောဖို့
တကယ်ပဲ မေ့နေခဲ့တယ်ဆိုရင်
ဖေဖေ့အမှားပါပဲကွယ်. .

သားကြောင့်တော့ဟုတ်မယ် မထင်ပါဘူး

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။