သားဖေဖေ

သားရယ်...
          ငယ်စဉ်တုန်းက
          လူတကာနဲ့ ယှဉ်ရင်
          သား. . . . မညံ့ခဲ့ပါဘူး ကွယ်။
          "၀မ်းဆွဲကောင်းလို့ပါ ." ပါ
           ဖေဖေ ပြောခဲ့တာဟာ
           သား ကိုယ်သား အထင်ကြီးပြီး
           မာန်တက်နေမှာ စိုးလို့ပါ။
        
           ၀မ်းဆွဲကောင်းလို့
           လျောလျော လျူလျူ
           လူဖြစ်ခဲ့ရတာလို့ ပြောခဲ့ရင်လည်း
           စိတ်နာစရာလားကွယ်..

          တကယ်တော့ ........
           ကြီးပွားအောင်မြင်နေတဲ့ သူတိုင်းဟာ 
         ကိုယ်ပိုင် အစွမ်းအစ 
         ကိုယ်ပိုင် အရည်အချင်း ရှိလို့သာ
         အောင်မြင်နေကြတယ်ဆိုတာ 
         သေချာတွေးရင် သိနိုင်ပါတယ်

          သားကြီးပွား အောင်မြင် သွားတဲ့အခါ
          သားရဲ့ ကိုယ်ပိုင် အစွမ်းအစကြောင့်ဆိုတာ
          မေးစရာမလိုတဲ့ မေးခွန်းပါပဲကွယ် ...

          အောင်မြင်ကြီးပွားအောင် ......... ကြိုးစားနော်...

                                                                         ဖေဖေ


ကောင်းသန့်

အားလုံးကိုချစ်ခင်လေးစားလျှက်. . . .

  

သားဖေဖေ

ဖေဖေ
ကလေးများသည် ပုံသွင်းခံရမည့်
ပစ္စည်းများ မဟုတ်
ဖွံ့ဖြို့ရှင်သန်လာအောင်
ပြုစု ပျိုးထောင်ပေးရမည့်
လူသားများသာ ဖြစ်သည်. . . တဲ့
Jess Lair ဆိုတဲ့
ပညာရှင်တစ်ဦးက
မိန့်မှာဖူးပါတယ်

ကျွန်တော့ကို ဖေဖေက
ပုံသွင်းခဲ့တာလား
ပြုစုပျိုးထောင်ခဲ့တာလား
ကျွန်တော့စိတ်ထဲမှာ
မသဲကွဲဘူး ဖေဖေ....


သား

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သားရယ်

ငွေရှာတာ သိမ်းဆည်းဖို့ မဟုတ်ဘူး။
ပေးကမ်းဖို့ရှာတ ဆိုတဲ့ ဖေဖေ့ စကားကို
သားနားလည်သွားတဲ့အတွက်
ဝမ်းသာပါတယ် ကွယ်. .

ငွေကို သိမ်းဆည်းဖို့ရှာရင်
လောဘကြောင့် စိတ်ဆင်းရဲမယ်။
ပေးကမ်းဖို့ရှာမယ်ဆိုရင်တော့
ဒါနကြောင့် ၀မ်းသာမယ်၊ စိတ်ချမ်းသာမယ်။
ငွေရှာရတာခြင်း အတူတူတော့
ပေးကမ်း လှူဒါန်းဖို့ရှာဖွေတာ
အကောင်းဆုံးပဲပေါ့

အဲ့ဒီ ငွေရှာဖွေခြင်း သဘောတရားနဲ့
အလုပ်လုပ် လာတဲ့အခါ
ပေးကမ်းဖို့ ငွေတွေ ရောက်လာပြီး
ရယူမယ့် လူတွေ
လှူဒါန်းရမယ့် ကိစ္စတွေကလည်း
အလိုလို ပေါ်လာတော့တာပဲ။
ဒါတွေကို တစ်နေ့တော့
သား ကိုယ်တွေ့ကြုံပြီး
ခံစား နားလည်သွားပါလိမ့်မယ်။

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သား
ကိုယ့်ကို ကိုယ် ပုံသွင်းမရတာနဲက
သူတစ်ပါးကို ပုံမသွင်း နိုင်ဘူးလို့
တထစ်ချ ပြောလို့ရမလား

ဆံပင်ညှပ်သမား တစ်ယောက်ဟာ
ကိုယ်ခေါင်းက ဆံပင် ကိုယ်မညှပ်တတ်လို့
သူတစ်ပါး ခေါင်းက ဆံပင် မညှပ်သင့်ဘူးလို့
အပြစ်တင် သင့်သလား. .

အဖေက ပညာမတတ်လို့
သားကို ပညာတတ် ဖြစ်အောင်
ပုံသွင်း လေ့ကျင့်လို့မရဘူးလား .

ဖခင်တစ်ယောက်အနေနဲ့
သူချစ်တဲ့ သားကို
ပညာတတ်ကြီးဖြစ်အောင်
လူတစ်လုံး သူတစ်လုံးဖြစ်အောင်
သူစိတ်ကြိုက် ပုံသွင်းလေ့ကျင့်တာဟာ
နှိပ်စက် ညှဉ်းပန်းတာ မဟုတ်ပါဘူး

ဘယ်ပန်းပုဆရာမှ
သူ ထုလုပ်နေတဲ့ အရုပ်ကို
အမြင် မလှအောင် မလုပ်ဘူးဆိုတာ
သားနားလည်စေချင်ပါတယ်.

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သား………..

ဖေဖေကပန်းတိုင်တစ်ခုကိုညွှန်ပြတယ်။
အဲ့ဒိပန်းတိုင်ကို လျှောက်ဖို့တိုက်တွန်းတယ်။
သားက အဲ့ဒီိပန်းတိုင်က မ လျှောက်ဘူး။

စိတ်ထင်ရာတွေ သားလျှောက်လုပ်တယ်။
သားအပေါ်မှာ ထားခဲ့တဲ့ မျှော်လင့်ချက်တွေ
မှေးမှိန်ပျောက်ကွယ်သွားခဲ့ရတယ်။

အဲ့ဒိတော့ပုထုဇဉ်ပီပီ
ဖေဖေစိတ်တိုတယ်၊ဒေါသဖြစ်တယ်။
တစ်ခါလည်းမဟုတ်။ နှစ်ခါလည်းမဟုတ်တော့
ဖေဖေဆူမိတယ်၊ဆုံးမမိတယ်။

သားက’’နားလည်ပေးပါဖေဖေ’’လို့
ပြောတဲ့စကားသံမှာ နောင်တရတဲ့အသံ ကင်းမဲ့နေတယ်။
ဒီတော့……..ဘယ်အထိနားလည်ပေးရမှာလဲလို့
ဖေဖေ ကရုဏာဒေါသောနဲ့ ပြောမိတယ်။

သားကဖေဖေ့ စကားကို ကြားပြီး
ဝမ်းနည်းတယ်၊ မခံစားနိုင်ဘူးဖြစ်တယ်………တဲ့
သားရဲ့စိတ်ခံစားမှုကိုတော့
ဖေဖေနားလည် ပေးပါ့မယ်။

ဒါပေမဲ့ ……..
ဘဝအပေါ်မှာ၊မိသားစုအပေါ်မှာ ထားတဲ့
သားအမြင်နဲ့ သဘောထားကိုတော့
ဖေဖေ နားမလည်နိုင်ဘူးဖြစ်နေတယ်။

တစ်နေ့တော့ သားရဲ့ဘဝအမြင်တွေ
ပီပြင်ကြည်လင်လာမှာပဲလို့
ဖေဖေမျှော်လင့်ထားပါတယ်။
သားရယ်

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သားရယ်……………..

အောင်မြင်ချင်တဲ့သူဟာ
ကိုယ့်ကိုကိုယ် ယု့ကြည်မှုရှိဖို့
အမှန်တကယ်လိုအပ်ပါတယ်။
အဲ့ဒီယုံကြည်မှုရအောင်
ကိုယ်ဘာသာကိုယ် ပြု စုပျိုးထောင်ရပါတယ်။

အလကားကောင်လို့ သူများကပြောတာနဲ့
စိတ်အားငယ်ပြီး ဘာမှမလုပ်ဘဲနေရင်
အလကားကောင် တကယ်ဖြစ်သွားမှာပေါ။့

သူများတကာရဲ့စကားလုံးတွေကြောင့်
ကိုယ့်ဘ၀ဆုံးရှုံးသွားရတာ
ကံကြမ္မာကြောင့်မဟုတ်ပါဘူး သားရယ်။

ကိုယ့် ရဲ့ဘ၀ အမြင်
ချွတ်ချော်တိမ်းစောင်းနေလို့ပါ။

အမြန်ဆုံးပြုပြင်လိုက်ပါကွယ်။
အောင်မြင်မှုတွေကသားကို
စောင့်ကြိုနေပါလိမ့်မယ်

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သားကြီး

No man is perfect တဲ့။
အပြစ်ကင်းသူ ဘယ်သူမှ မရှိပါဘူးကွယ်။
လူမှန်ရင် ဘယ်သူမဆို
တစ်ကွေ့မဟုတ် တစ်ကွေ့တော့
မှားကြတာချည်းပါပဲ။

အမှား လုပ်မိတဲ့အတွက်
စိတ်ပျက် အားငယ်သွားဖို့ မဟုတ်ပါဘူး။
အမှားကိုမြင် အမှန်ပြင်ပြီး
လမ်းမှန်ကို ပြန်လျှောက်နိုင်ဖို့ပဲ လိုတယ်။

သားဘ၀ရဲ့ လမ်းမှန်ကို ပြန်လျှောက်ဖို့
ဖေဖေဟာ သားအတွက် အားဆေး
ပြီးတော့ သားရဲ့ လက်စွဲတောင်ဝှေး
အချိန်မရွေးဖြစ်နေမှာပါ။

အားမငယ်ပါနဲ့ သားရယ် ။
ဘ၀ အမှောင်လမ်းမှာ
သားက စမ်းတ၀ါးဝါး ဖြစ်နေခဲ့ရင
ဖေဖေက လမ်းပြကြယ်ပေါ့

ဖေဖေ ညွန်ပြတဲ့ လမ်းကို
အားကိုးယုံကြည်စွာ လိုက်ခဲ့တော့နော်။

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သားရယ်. . .
အကြင်နာ တရားလည်း မရှိ
ချိုချိုသာသာ စကားလည်း
မပြောတတ်တဲ့ အဖေရယ်လို့
လူ့လောကမှာ မရှိပါဘူးကွယ်. .

သားမသိတတ်ခင် အချိန်မှာ
အကြင်နာ တရားတွေနဲ့
ချိုချိုသာသာ စကားတွေ
အများကြီးပြောခဲ့ပြီးပါပြီ

သားမသိတတ်ခင် အချိန်ဆိုတော့
သားမမှတ်မိနိုင်တာ
ဖေဖေ အပြစ်မတင်ပါဘူး

သားကြီးပြင်းလာတဲ့ အချိန်မှာ
ကိုယ့်ဘ၀ကို မကျေနပ်နေတဲ့ ဖေဖေ
မိသားစု စားဝတ်နေရေးအတွက်
အပြေးအလွှား ရုန်းကန်နေရတဲ့ ဖေဖေ
သားကို သိပ်ပြီး
တော်စေ တတ်စေချင်တဲ့ ဖေဖေဟာ
အကြင်နာ စကားတွေ ပြောဖို့
တကယ်ပဲ မေ့နေခဲ့တယ်ဆိုရင်
ဖေဖေ့အမှားပါပဲကွယ်. .

သားကြောင့်တော့ဟုတ်မယ် မထင်ပါဘူး

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

သားဖေဖေ

သား. . .

ဘ၀ဆိုတာ အချိန်ပါပဲ.
အချိန်ဆိုတာ ကုန်မြန်တယ်.
ဒါကြောင့် ဘ၀ဆိုတာ တိုတောင်း တယ်
တိုတောင်းတဲ့ လူ့ဘ၀မှာ
လုပ်စရာတွေ အများကြီး
တာဝန်တွေကလည်း မနည်းဘူး။

ကိုယ့်ဘ၀ကို တိုးတက် အောင်မြင်အောင်လုပ်ဖို့
စိတ်ငြိမ်းချမ်းမှု ရအောင် ကျင့်ကြံအားထုတ်ဖို့
နောင်ဘ၀မှာ ဖြစ်သင့်ဖြစ်ထိုက်တာတာ ဖြစ်အောင်
ဒီဘ၀မှာ ကြံစည်ကြိုးစားဖို့
နည်းတဲ့ အလုပ်တွေမှာ မဟုတ်တာ
ပြီးတော့ . . . မိသားစုတာဝန်
နိုင်ငံတာဝန်၊ လူ့တာဝန်တွေ
ကျေပွန်အောင် ဆောင်ရွက် သွားဖို့လည်း ရှိသေး။

အဲ့ဒီ အလုပ်တာဝန်တွေကို မေ့ချန်ထားပြီး
ကိုယ့်ကို ကိုယ် အရစ်ကျ သေကြောင်းကြံနေတဲ့
အကျိုးမရှိတဲ့ အရာတွေကို စွဲလန်း နေဦးမှာလားကွယ်။

ပြင်ဆင်ဖို့ကြိုးစားရင်းနဲ့
အချိန်တွေ အလဟဿ ကုန်ဆုံးသွားမှာ
ဖေဖေ စိုးရိမ်မိတယ် သား. . . ရယ်။

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .