ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

တတိယအရွယ်သို့ရောက်လျှင်



တတိယအရွယ်သို့ရောက်သူတို့ ဘယ်လို ဘယ်ဘ၀ အနေနည်းနဲ့ ပြုမူ နေထိုင် ကျင့်ကြံကြရမလဲဆိုတာ အရေးကြီးပါတယ်... အထူးသဖြင့် တတိယအရွယ်ရဲ့ အဆုံးပိုင်းကို ရောက်နေကြတဲ့ အသက် ၇၀၊ ၇၀ ကျော်တွေ ဖြစ်တဲ့ အရွယ်တွေမှာ ငြိမ်းငြိမ်းချမ်းချမ်းနဲ့ အကုသိုလ်ကင်းအောင်နေဖို့၊ ပြီးတော့ နှလုံးသွင်း မှန်ဖို့ ဖြစ်ပါတယ်။ သားသမီး ၊ မြေးများကို ချစ်ရာမှာလည်း အတိုင်းအတာ ၊ အချိန်အခါနဲ့ ဓမ္မလမ်းကြောင်းပေါ်တင်ပြီး ချစ်တတ်ဖို့ပါပဲ။

နှလုံးသွင်းမှန်မှန်နဲ့ နေသွားနိုင်ဖို့ ကတော့ သတိထား ဆင်ခြင်ရမယ့်အချက်အလက်တွေ အများကြီး ရှိပါတယ်။ တတိယအရွယ်မှာ မနေတတ်၊ မထိုင်တတ် ရင် ငယ်ရွယ်သူတွေ က အရိုအသေတန်ပြီး စိတ်အားငယ်စရာတွေ ဖြစ်လာတတ်ပါတယ်။

မရမ်းကုန်းမြို့နယ် သာသနာ့ အောင်မြေ စာသင်တိုက်က တိုက်အုပ် ဆရာတော် ဘဒ္ဒန္တ ဇယံဝံသ ပေးဝေ လှူဒါန်းတဲ့ တတိယအရွယ်သို့ ရောက်လျှင် ကျင့်ကြံရမည့်၊ ဂရုစိုက်ရမည့် အချက်များကို မျှဝေပေး လိုက်ပါရစေ။

၁။ စကားများများပြောခြင်းမှ ရှောင်ရှားနိုင်ရပါမည်။

၂။ အနီးပတ်ဝန်းကျင်များ၏ ကိုယ်ရေးကိုယ်တာကိစ္စဟူသမျှတွင် မလိုအပ်ဘဲ ပါဝင်ပတ်သတ်မှု မပြုရန် သတိပြုရပါမည်။

၃။ ငယ်ရွယ်သူများနှင့် ဆက်ဆံရာတွင် အသေးစိတ်အချက်အလက်များကို ထပ်တလဲလဲ မပြောမိစေရန် သတိထားရပါမည်။

၎။ ပတ်ဝန်းကျင်ရှိလူများက ယင်းတို့၏ ဒုက္ခဝေဒနာ ခံစားမှုများကို မိမိထံ လာရောက်ပြောပြသောအခါ စိတ်ကောင်း၊ စေတနာကောင်းထားပြီး သည်းခံ နားထောင်နိုင်ရပါမည်။

၅။ မိမိ၏ ဝေဒနာခံစားချက်များကို သူတစ်ပါးအား ပြောပြလိုစိတ် တဖွားဖွား ဖြစ်ပေါ်ခြင်းကို ချုပ်တည်းနိုင်သူ ဖြစ်ရပါမည်။

၆။ ငါအသက်ကြီးပြီ၊ အတွေ့အကြုံများပြီ၊ မမှားနိုင်ဟူသော အယူအဆကို ဖယ်ထားပြီး ငါလည်း မှားနိုင်တာပဲ ဟူသော အယူအဆကို လက်ခံနိုင်သူဖြစ်ရပါမည်။

၇။ မိမိသည် သူတော်စင် တစ်ယောက်ကဲ့သို့ စိတ်ဓာတ် မပြည့်ဝနိုင်သော်လည်း အများစုက လက်ခံနိုင်သည့် အတိုင်းအတာထိ သဘောထားကြီးသူ ၊ မြင့်မြတ်သူ ဖြစ်နိုရပါမည်။

၈။ ဆက်ဆံရေးတွင် ဆရာလုပ်သူ ၊ သြဇာပေးသူ မဖြစ်စေလိုပါ။ တတ်နိုင်သည့် အပိုင်းမှ ပါဝင်ကူညီသူ ဖြစ်ရပါမည်။

၉။ မိမိ၏ အတွေ့အကြုံ ပညာမှ ရရှိလာသော ဘ၀သင်ခန်းစာများကို အချည်းအနှီးမဖြစ်ရလေအောင် ဆင်ခြင်သုံးသပ်နိုင်ရပါမည်။

၁၀။ မိမိ၏ နောက်ဆုံးအရွယ်ကို ကလျာဏမိတ္တ မိတ်ဆွေများကြားတွင် ခိုလှုံရပါ၏။

ခင်စောတင့်

အားလုံးကိုချစ်ခင်လေးစားလျှက်. . . . 


 

တောထွက်လာသော အရှင်မဟာကဿပ အလောင်းအား ဘုရားကြိုဆိုနေပုံ

ဘုရားပရိနိဗ္ဗာန်  စံတော်မူပြီးနောက် သာသနာကို စောင့်ရှောက်ရစ်မည့် ရှင်မဟာကဿပအလောင်း "ပိပ္ပလိ" သတို့သားသည် အလုပ်သမား ရွာပေါင်း ၁၄ ရွာနှင့် စစ်တပ် အစိတ်ကို ပိုင်ဆိုင်လျက် ကုဋေများစွာ ဥစ္စာကြွယ်ဖြိုး သူဌေးမျိုးမှ သူဌေးကတော်နှင့် အတူ ရဟန်း ပြုလာခဲ့သည်။ သူတို့နှစ်ဦးလမ်းခွဲသော နေရာ၌ ကမ္ဘာမြေ တုန်လှုပ်သံကို အရင်းခံ၍ ဆင်ခြင်တော်မူသော ဘုရားရှင်လည်း အကြောင်းအရာကို ကောင်းစွာ သိမြင်တော်မူနှင့်လေသည်။

ထိုခဏ၌ပင် ဝေဠုဝန် ကျောင်းတော်မှ ၃ ၀ါ ဂုတ်မျှ ဝေးကွာသော ပြည်ညောင်ပင်သို့ ကြွတော်မူ၍ ခရီးကြိုဆို ကာ ရောင်ခြည်တော် ခြောက်ဖြာ ထွက်စေကာဖြင့် ထိုင်နေတော်မူနှင့် လေသည်။ ကဿပ အရှင်သည် ဘုရားကိုမြင်လျှင် ငါ့ဆရာပင်တည်း ဟု ဆုံးဖြတ်၍ ဘုရားခြေတော်တွင် ဦးခေါင်းတင်ကာ တပည့်ဖြစ်ပါကြောင်းကို လျှောက်ထားလေသည်။ ဘုရားရှင်သည် သံဃာပရိသတ် အလယ်၌ မကြာ မကြာ တန်းတူထား၍ မြှောက်စားတော် မူလေသည်။ 

THE BUDDHA WELCOMING THE PERSON WHO HAD RETIRED FROM THE WORLD AND WAS TO BECOME THE VENERABLE MAHAKASSAPA

Pippali was destined to become Venerable Mahakassapa who would protect the dispensation of the Dhamma after his death. He was in charge of 14 villages of workmen and a section of the fighting forces. He belonged to a very rich famil worth several crores of money and together with his wife retired from home-life to lead a religious life. There was a mighty earth-quake at the place where Pippali parted with his wife on retirement from the  world. The Buddha surveryed with his Buddha-eye and saw the cause of the earth-quake.

Immediately thereafter the Buddha went to the giant banyan tree about 3 gavuas away (about sis miles) to welcome Pippali. He then sat at the foot of the tree causing the six resplendent rays of light to issue forth from his body. Pipaali, who later came to be known as Mhahakassapa, saw the Blessed one and coming to this decision. He indeed is my master, placed his head upon the feet of the Blessed one and said, Lord, I'm your disciple. The Buddha often honored him before the assembly of monks by treating him as a member of the Holy order of a standing equal to him.

အားလုံးကိုချစ်ခင်လေးစားလျှက်. . . .

 

ကိုယ်ကပေးမှ ကိုယ်ပြန်ရ


အကြောင်းနှင့်ကင်းပြီး ဖြစ်ရိုးဖြစ်စဉ် မရှိသော ဤလောကကြီးတွင် ပြုလုပ်  စီမံခြင်း ဟူသော  ပေးဆပ်ခြင်း   မရှိဘဲ မည်သည့် ရယူပိုင်ဆိုင်ခြင်းမျိုးမှ မရှိနိုင်ချေ ။ အကြောင်းရှိမှ အကျိုးရှိရသလို အပေးရှိမှ ရယူခြင်း သည် ဖြစ်ပေါ်လာရချေသည်။ ပုဂ္ဂိုလ် တစ်ဦးတစ်ယောက်က လက်ညှိုးညွှန်လိုက် သည်နှင့် ရွှေအိုးကြီး ဘွားခနဲ ပေါ်လာသည့် အဖြစ်မျိုး ၊ သရက်မျိုးစေ့ကို စိုက်ပျိုးထားလျက် နှင့် ထို သရက်ပင် မှ လိမ္မော်သီး သီးလာသည့် အဖြစ်မျိုးသည် ဒဏ္ဍာရီ ပုံပြင် ယုံတမ်းစကားများသာတွင် သာ တွေ့နိုင်ပါသည်။ 

စင်စစ်မှု အပေးရှိမှ  ရယူနိုင်မှု၊ အသွားရှိမှ အလာရှိမှုတို့သည် အပြန်အလှန် ဆက်သွယ်နေသည့် လောက၏ နိယာမစုံတွဲများ ဖြစ်လေသည် ။ ဤနိယာမသဘောကို လွန်ဆန်ပြီး အပေးမရှိဘဲ ရယူလိုခြင်း၊ အပင်မစိုက်ဘဲ အသီးစားလိုခြင်းသည် အလွန်တရာ မှားယွင်းသော ၀ိသမလောဘ ဦးစီးသည့် တစ်ဖက်သက် စိတ်ဆန္ဒ တစ်ခု သာ ဖြစ်ချေသည်။ 

ဤလောကသည် လူအချင်းချင်း ဆက်ဆံ ပေါင်းသင်းပြီး တူညီသော ဆန္ဒ၊ ရင်းနှီးချစ်ကြည်မှုတို့ဖြင့် တည်ဆောက်ထားသည့် အဖွဲ့အစည်း တစ်ရပ် ဖြစ်ပေရာ ထိုလူ့လောက အဖွဲ့အစည်းကြီး မတိမ်းမစောင်း ၊ မပျက် မယွင်းသွားအောင် " အပေးအယူ " ဖြစ်စဉ်ကြီး က ထိန်းချုပ်ပေးထား၍သာ ဤလူ့လောက သည် ဤမျှ ကြာညောင်းစွာ တည်ရှိနေရခြင်း ဖြစ်လေသည်။

လူသည် ပင်ကိုယ်အားဖြင့် ပေါင်းသင်းဆက်ဆံရေး သတ္တ၀ါ ဖြစ်၍ အချင်းချင်း အပေါ် ပြေပြေလည်လည်၊ ရင်းရင်း နှီးနှီး ဆက်ဆံနေကြရသည်။ ပေါင်းသင်းဆက်ဆံရေး ပြေလည်ကောင်းမွန်လျှင် ကောင်းမွန် သလောက် ပျော်ရွှင်ချမ်းမြေ့စွာ အသက်ရှင် နေထိုင်နိုင်ကြမည် ဖြစ်သည်။  ထို့ကြောင့် လူတိုင်းတွင် မိတ်ဆွေကောင်း ၊ ဘ၀ခရီးဖော်ကောင်းများ သည် မရှိမဖြစ် လိုအပ်လှသည်။

မိတ်ဆွေ သင်္ဂဟ နည်းခြင်း များခြင်းသည် မိတ်ဆွေ သင်္ဂဟ လုံးလုံး မရှိခြင်းနှင့် နှိုင်းစာလျှင်         
 တော်ပေသေး သည်။  အဓိကမှာ အပေါင်းအသင်း နည်းခြင်း ၊များခြင်းထက် မ်ိတ်ဆွေကောင်း တစ်ယောက် ရှိခြင်းက ပို၍ အကျိုးများနိုင်ပေသည်။ 

မ်ိတ်ဆွေ အပေါင်းအသင်းများ အကြောင်း ပြောဆိုကြသောအခါ လူအများစုသည် မိမိအား အကျိုးပြုနိုင်မည့် မိတ်ကောင်းဆွေကောင်းများကို သာ တမ်းတမ်းတာတ ပြောဆိုကြ၏ ။ မိတ်ဆွေတုများကို မလိုချင်၊ ရွံ့မုန်းကြ၏ ... စကားလက်ဆုံကျကြလျှင် မိတ်ဆွေညံ့များ အကြောင်းကို ညည်းညည်းညူညူ ပြောကြမည် မှာ ဓမ္မတာပင် ဖြစ်သည်။ အဘယ့်ကြောင့်ဆိုသော် မိမိတို့တွင် မိတ်ကောင်း ဆွေကောင်းမရှိသည်က များသောကြောင့် ဖြစ်သည်။ 

အမှန်စင်စစ်တွင် ဤလောကတွင် မိတ်ကောင်းဆွေကောင်းများသည် မရှားပါးပါ။ များစွာ ရှိပါ၏ ။ ရှိလည်း ရှိနေပါ၏  ကိုယ်က ရှိအောင် မလုပ်နိုင်ခြင်းကြောင့် မရှိရခြင်း၊ ရှားပါးဖြင်း ဖြစ်၏။ မိမ်ဘက်က မိတ်ကောင်းဆွေကောင်း ကို ရယူလိုလျှင် မိမိကလည်း ထိုမိတ်ကောင်းဆွေကောင်း ဖြစ်စေလိုသူတို့ အား မိတ်ကောင်းဆွေကောင်း တစ်ယောက်အဖြစ် ပြန်လည် ပေးလိုက်ခြင်းသာဖြစ်ပါသည်။

သို့ဖြစ်လျှင်မိမိဘက်က ဘာတွေကို ပေးမည်နည်း။ မိတ်ဆွေကောင်း လိုချင်သော ပုဂ္ဂိုလ်မှ မ်ိမိထံတွင်ရှိနေအောင် ကျင့်ကြံနေထိုင်အပ်သည့် အကြောင်းတရား (၄)ပါးမှာ-

၁။ စိတ်ကောင်း နှလုံးကောင်းဖြင့် မိမိမိတ်ဆွေအပေါ် ကျေးဇူးပြုခြင်း။

၂။ စိတ်ကောင်း နှလုံးကောင်းဖြင့် မိမိမိတ်ဆွေအပေါ် ဆင်းရဲအတူ၊ ချမ်းသာအတူ၊ အေးအတူ ပူအမျှ နေထိုင် ဆက်ဆံခြင်း၊ 

၃။ စိတ်ကောင်း နှလုံးကောင်းဖြင့် မိမိမိတ်ဆွေအပေါ် အကျိုးစီးပွားရှိရာ ရှိကြောင်းကို ညွှန်ပြပြောဆိုခြင်း။ 

၎။ စိတ်ကောင်း နှလုံးကောင်းဖြင့် မိမိမိတ်ဆွေအပေါ်အစဉ် ကြင်နာ သနားခြင်းတို့ ဖြစ်လေသည်။

ဤတရားလေးပါးကို မိမိ၏ မိတ်ဆွေအပေါ် ပေးအပ်ခြင်းဖြင့် လူ့လောက၏ လာဘ်ကြီးတစ်ခုဖြစ်သည့် မိတ်ဆွေကောင်းများကို မိမိက တစ်ဖန်ရယူနိုင်ကြောင်း မှတ်သားနိုင်ပါသည်။

လူအများစုသည် အရေးအကြောင်း ရှိသောအခါ မိတ်ဆွေကောင်းတို့၏ အကူအညီအစောင်အမကို မရကြသဖြင့် မိမိပေါင်းသင်း ဆက်ဆံရသော အပေါင်းအသင်း မိတ်ဆွေများအပေါ် အပြစ်တင် တတ်ကြသည်။ သို့သော် မိမိဘက်မှ မိတ်ဆွေကောင်း မပီသသော ချို့ယွင်း အားနည်းချက်များကို ကား မမြင်တတ်ချေ။ မိမိဘက်မှ မိမ်ိမိတ်တွေ များ အရေးအကြောင်း ရှိလာသောအခါတွင် ဘာများ ကူညီ ဆောင်ရွက်ပေးနိုင်ပါသနည်း။   

မိမိလိုလားသော မိတ်ဆွေများ၏ အရည်အချင်း စိတ်နေစိတ်ထားမျိုး မိမိတွင် ရှိပါသလော ဆိုသည်ကို ပြန်လည် ဆန်းစစ်သင့်ပါသည်။ အရေးကြီးဆုံးမှာ မိမိကိုယ်တိုင် မိတ်ဆွေကောင်း မပီသဘဲနှင့် ဘယ်သောအခါမျှ မိမိထံသို့ မိတ်ကောင်းဆွေကောင်း တို့ ရောက်လာမည်ဖြစ်ကြောင်း လေးလေး နက်နက် ခံယူ မှတ်သားထားရန် ဖြစ်ပါသည်။ 

အဆွေ ခင်ပွန်းကောင်းသည် မိမိအား လူကောင်းသူကောင်း ဖြစ်အောင် လုပ်ဆောင်ပေးနိုင်သည်သာ မက စီးပွားရေး၊ ပညာရေး၊ ကျန်းမာရေး နှင့် အရေးကိစ္စများတွင်လည်း ပြီးစီးအောင်မြင်စေရန် စွမ်းဆောင်ပေးနိင် သော တန်ခိုးရှိလေသည်။ ထို့ကြောင့် လူ့လောကတွင် လူတန်းစေ့ အသက်ရှင် နေထိုင် လိုလျှင် မိတ်ကောင်း ဆွေကောင်းရှိခြင်း ဟူသည့်  ဂုဏ် ရှိရန် လိုသည်။

အကြင်လောကသည် သူ့ဘက် ကိုယ့်ဘက် မျှတသော အပေးအယူတို့ဖြင့် လိုက်ဖက်ညီစွာ တည်ဆောင် ထားနိုင်အံ့။ ထိုလောကသည် နေချင့်စဖွယ် ဘုံဗိမာန်ကြီး တစ်ခု ဖြစ်လာမည် မှာ မလွဲချေ။ ထို့အတူ အကြင် ပုဂ္ဂိုလ်သည်  သူ့ဘက် ကိုယ့်ဘက် မျှတစွာ ကြည့်တတ်သော စိတ်ကောင်း စေတနာကောင်းတို့ဖြင့် မိတ်ဆွေကောင်းတို့၏ အရည့်အသွေးကောင်းတို့ကို မွေးမြူထားအံ့။ ထိုသူသည် မိတ်ကောင်းဆွေကောင်း တို့၏ အကူအညီကို ရ၍ ကြီးပွားချမ်းသာလာမည်ကား အမှန်ပင် ဖြစ်ပါတော့သည်။

ဦးဝမ်ထိန်

အားလုံးကိုချစ်ခင်လေးစားလျှက်. . . .
 

အလုပ်ခွင်တွင် အနားယူအပန်းဖြေခြင်း



လေ့ကျင့်ခန်း(၁)
ညာဘက်လက်ကို ရင်ဘတ်ပေါ်တင်ထားပါ ၊ဘယ်ဘက်လက်ကိုဗိုက်ပေါ်တွင် ထားပြီး မျက်လုံးကို အသာမှိတ်ထားလျက် အသက်ရှုလေ့ကျင့်မှုကို ပြုလုပ်ပါ။ အသက်ရှုသွင်းမှု ၊ အသက်ရှုထုတ်မှု များကို  နှာခေါင်းမှ ပြုလုပ်ပါ ။ သင်၏ ၀မ်းဗိုက်ကို ဖောင်းလိုက၊ ပိန်လိုက် ဖြစ်အောင် အသက်ရှုလေ့ကျင့်မှု ကိုပြုလုပ်ပါ။

လေ့ကျင့်ခန်း(၂)
အင်္ကျီလည်ပင်းကြယ်သီးကို ဖြုတ်ထားပါ၊ ဦးခေါင်းကို နောက်ဘက်သို့ လှန်ထားပါ။ သင်၏ လက်များကို ပခုံးပေါ်တွင် တင်ထားပါ။ ဘယ်လက်ကို ဘယ်ပခုံး၊ ညာလက်ကို  ညာပခုံးပေါ်တွင် တင်ထားပါ။ အသက်ကို ရှုထုတ်လိုက်ရင်း ဦးခေါင်းကို နောက်ဘက်သို့ လှန်လိုက်ပါ။ သင့်လက်များဖြင့် ပခုံးကြွက်သားများအပေါ် တဖြည်းဖြည်း နှိပ်ပြီးအောက်မှ အထက်သို့ ဆွဲနှိပ်ပါ။ ဤလေ့ကျင့်မှုကို အချိန်များစွာ ပြုလုပ်ပါ။

လေ့ကျင့်ခန်း(၃)
သင်၏ဘယ်လက်ကို ညာပခုံးပေါ်တွင် ထားပြီး ညင်ညင်သာသာ နှိပ်နယ်ပေးပါ။ တော်တော်ကြာအောင် နှိပ်ဖိထားပါ။ ထို့နောက် လွှတ်လိုက်ပါ။ ဤနည်းအတိုင်း ပခုံးနှင့် လက်မောင်း များတွင်လည်း ညင်ညင်သာသာ နှိပ်နယ်ပေးပါ ။ သင်၏ ညာလက်ကို ဘယ်ပခုံးပေါ်တွင် တင်ထားပြိး အလားတူ လေ့ကျင့်မှုကို ပြုလုပ်ပေးပါ။

လေ့ကျင့်ခန်း(၄)
သင်၏ လက်ချောင်းလေးများကို သင့်ဦးခေါင်းခွံ၏ နောက်ဘက် အောက်နားတွင် ထားပြီး လက်ဆယ်ချောင်း စလုံး သုံးပြီး ဖြည်းဖြည်း နှိပ်နယ်ပေးပါ။ ဦးခေါင်းခွံ အောက်ဘက်နားမှ အောက်ဘက်သို့ တဖြည်းဖြည်း ဆင်းလာပြီး လည်ပင်း ၊ ထို့နောက် ပခုံးအထိ ဖြည်းဖြည်း နှိပ်ပေးပါ။

လေ့ကျင့်ခန်း(၅)
သင်၏ဘယ်ဘက်လက်ကို ညာဘက်ပခုံးထက်တွင်တင်ထားပါ။ ဘယ်ဘက်လက်၏ တံတောင်ဆစ် ကိုညာဘက်လက်ဖြင့် မထားပါ။ တံတောင်ဆစ် အမြင့်နှင့် ပခုံးတို့ တစ်တန်းတည်း လောက်ဖြစ်အောင် မတင်ပါ။ ဘယ်ဘက်လက်ချောင်းလေးများဖြင့် ညာပခုံး ထိပ်ပိုင်းလေးများကို ဖိနှိပ်ပေးပါ။ ဘယ်ပခုံးကိုလည်း ညာလက်ဖြင့် အထက်ပါအတိုင်း နှိပ်နယ်လေ့ကျင့်ပေးပါ။

လေ့ကျင့်ခန်း (၆)
သင်၏ လက်နှစ်ဖက်ကို ဦးခေါင်းထိပ်ပေါ်တွင် တင်ထားပါ။ သင်၏ ဦးခေါင်း ကို ရှေ့ပိုင်း အောက်ဘက်သို့ သာသာ ဆွဲချပါ။ ဆွဲချထားသော အနေအထားကို ခဏကြာကြာ ထိန်းထားပါ။ ထိုသို့ပြုလုပ်ထားသဖြင့် နောက်ကျောဘက်တွင် တင်းလာသည့်ခံစားမှုရှိလာအောင် ဦးခေါင်းကို ဆွဲထားပါ။

လေ့ကျင့်ခန်း(၇)
သင်၏ ဘယ်ဘက်ပခုံးကို အပေါ်သို့ ပင့်တင်လိုက်ပြီး နောက်ဘက်မှာ ရှေ့ဘက်သို့ ၀ိုင်းလှည့်ပေးသော လေ့ကျင့်မှုကို ပြုလုပ်ပါ။ ထို့နောက် ညာဘက် ပခုံးကို  အလားတူ လှုပ်ရှားလေ့ကျင့်ပေးပါ။ ထို့နောက် ပခုံး နှစ်ခုလုံးကို တစ်ပြိုင်တည်း ပင့်တင်လျှက် နောက်ဘက်မှ ရှေ့ဘက်သို့ ၀ိုင်းလှည့်ပေးသော လေ့ကျင့်မှု ပြုလုပ်ပေးပါ။ ဤလေ့ကျင့်ခန်းပြုလုပ်ရာတွင် သင်၏ လက်မောင်းကို အသက်သာဆုံး အနေအထားမျိုးဖြစ်အောင် လျှော့ထားပါ။

ဒေါက်တာသိန်းလွင်


အားလုံးကိုချစ်ခင်လေးစားလျှက်. . . .

 

မျက်လုံးအားကောင်းစေမယ့် ယောဂကျင့်စဉ်

လေ့ကျင့်ခန်း(၁)
မျက်ခုံးကိုပင့်၊ မျက်လုံးကိုပြူးပါ၊ မျက်ဆံတွေက ရှေ့တည့်တည့်ကို စိုက်ကြည့်ထားရပါမယ်။ လက်ခလယ် နှစ်ဖက်က မျက်လုံးနှစ်ဖက်ရဲ့ ထောင့်စွန်းများကို ဖိပြီး အပေါ်သို့ ဆွဲတင်ထားပါ။

လေ့ကျင့်ခန်း(၂)
ဘယ်ဘက်လက်က ခါးကိုထောင်ပြီး ညာလက်ညှိုးကို ညာမျက်လုံးအပေါ် ၄၅ ဒီဂရီ ကျလောက် တွင် ထောင်ကာ မျက်လုံးများက ထောင်ထားသော ညာလက်ညှိုးကို စွေပြီးကြည့်နေပါ။
ထိုပုံစံတိုင်း ၁ မှ ၂၀ အထိ ရေတွက်ကာနေပါ။

လေ့ကျင့်ခန်း(၃)
ညာဘက်လက် က ခါးကိုထောင်ထားပြီး ဘယ်ဘက်လက်ညှိုးကို ဘယ်မျက်လုံးအပေါ် ၄၅ ဒီဂရီကျကျလောက်တွင် ထောင်ကာ မျက်လုံးများက ထောင်ထားသော ဘယ်လက်ညှိုးကို စွေပြိး ကြည့်နေပါ။

ထိုပုံစံတိုင်း ၁ မှ ၂၀ အထိ ရေတွက်ကာနေပါ။

သတိပြုရန်
မျက်လုံးများ စွေကြည့်သည့် အခါ ဦးခေါင်းကို မလှုပ်ရပါ။ မျက်လုံးများကပဲ စွေကြည့်ပါ။

အကျိုးကျေးဇူး
မျက်ခုံးကို ပင့်ထားတဲ့အတွက် မျက်ခွံမကျစေပါ။

မျက်လုံးကို ပြူးထားတဲ့အတွက် မျက်လုံးများမှာရှိတဲ့ သွေးကြောများကို ဆန့်လိုက် သလိုဖြစ်လို့ မျက်လုံးမှိတ် တုတ် မှိတ်တုတ်ဖြစ်ခြင်း ၊ မျက်ကြောလိုက်ခြင်းတို့ကို မဖြစ်စေပါ။

မျက်လုံးအရည်တောက်ပါစေပါတယ်။

အားလုံးကိုချစ်ခင်လေးစားလျှက်. . . .

  

မလိုအပ်သော သောက

ကျွန်မတို့အားလုံးရဲ့ ဘ၀မှ အချိန်ပိုင်းတစ်ခုမှာတော့ စိုးရိပ်သောက ဖြစ်ဖူးခဲ့ကြတာချည်းပါပဲ. . . တချို့သော သူတွေက စိုးရိမ် သောကဖြစ်ရတာ အကျင့်ပါနေတတ်ကြပါတယ်။ ကျွန်မတို့ ပတ်ဝန်းကျင်မှာ သောက မဖြစ်ရရင် မနေနိုင်တဲ့သူတစ်ဦး မဟုတ် တစ်ဦး က တော့ရှိနေတတ်ပါတယ်. . ရောဂါ ကူးစက်မှာ စိုးရိမ်ပြီး ဆပ်ပြာတစ်တုံး ကုန်အောင် ရေချိုးတတ်သူတွေ၊ ရွံတတ်တဲ့ စိတ်နဲ့ ခဏခဏ လက်ဆေးတတ်သူတွေ ၊ တောင်ကုန်းပေါ်လမ်းလျှောက်ရင် မြေပြိုကျပြီးသမှာ စိုးရိမ် တတ်သူတွေ ၊ အပြင်ကပြန်မလာသေးတဲ့ အိမ်သားတစ်ယောက် ဟာ လမ်းမှာ ကားတိုက်ပြီလား ၊ လူဆိုးတွေနဲ့ တွေ့နေပြီ လားလို့တွေးပြီး သောက ဖြစ်နေတတ်သူတွေကို စာဖတ်သူတို့ ကြုံဖူးကြမှာပါ ။

သောကဆိုတာ ကြောက်ရွံ့ခြင်း ကြောင့် နောက်ဆက်တွဲ လိုက် လာတတ်တဲ့ စိတ်ခံစားမှု ဖြစ်ပါတယ်။ စိတ်ဓာတ်ခွန်အားတွေ ကုန်ခန်း သွားစေတဲ့ခံစားမှုပဲ မဟုတ်ပါလား။နှလုံးရော ဂါနဲ့  သွေးတိုးရောဂါ တွေတောင် ဖြစ်ပေါ် လာစေနိုင်ပါတယ် ။ သောကဆိုတာ ဖြစ်တည်နေစေဖို့ ဆိုးဆိုး ၀ါးဝါး အဖြစ် တစ်ခု ဖြစ်တော့မယ်လို့ စိတ်ထဲက တွေးထင်နေရပါတယ်။ တကယ်တော့ ကျွန်မတို့ စိုးရိမ်နေတဲ့ အရာက ဖြစ်မလာသေးပါဘူး။ အဲဒီ မကောင်းတဲ့ အရာကို အဓိပ္ပါယ် ဖွင့်ဆိုရရင်တော့ စိတ်ကူးယဉ် မှုပါပဲ သောကဆိုတာ မိမိဘာသာ ထွင်ဖန်တီးထားတဲ့ စိတ်အခြေအနေ ဖြစ်တဲ့ မလိုအပ်တဲ့ ကြောက်ရွံ့မှုလို့ နားလည်ထားဖို့လိုပါတယ်။ ဒါပေမယ့် လည်း ကျွန်မတို့ အများစုကတော့ သောက ဖြစ်မြဲပါပဲ။

ကျွန်မတို့ စိုးရိမ်သောကဖြစ်ရခြင်းရဲ့ အကြာင်းတစ်ခု က ကျွန်မတို့မှာ ထိန်းချု့်နိုင်တဲ့ အင်အားမရှိဘူးလို့ ခံစားရခြင်းကြောင့် ဖြစ်ပါတယ်။ ဥပမာ - ကျွန်မတို့ရဲ့ ရင်သွေးတစ်ဦးဦးရဲ့ ပတ်ဝန်းကျင်မှာ မပေါင်းသင်းအပ်တဲ့ သူတွေ ၊ လူနေမှု စရိုက်မတူညီသူတွေ ရောက်လာမယ်ဆိုရင် ခြေလှမ်းများ မှားသွားမလား မသင့်တော်တာတွေ ဖြစ်လာမလားလို့ မိဘများမှာ စိုးရိမ်သောက ရောက်ကြရပါတယ်။ ဒါပေမယ့်လည်း မျှော်မှန်းပြီး သာ စိုးရိမ်ရတာပါ။ သူကိုယ်တိုင် နားလည်သဘောပေါက်ပြီး ထိန်းသိမ်းသွားနိုင်ရင် သူ့ဘ၀ ချောမွေ့သွားမှာပါ ၊ စိတ်ဓာတ် ရင့်ကျက်ဖို့နဲ့ အမှားအမှန်ခွဲခြားနိုင်ဖို့ပဲ အရေးကြီးပါတယ်။ တရားသဘော အရ သောကဆိုတာ ဒေါသပဲဖြစ်လို့ သောကများလေ အကုသိုလ် ဖြစ်လေပါပဲ။ အကောင်းဆုံးကတော့ စိတ်အေးအေးထားပြီး သူ့အပေါ် မှာ  မေတ္တာပို့ပေးဖို့ပဲ ဖြစ်ပါတယ်။ အမေ့ရဲ့ မေတ္တာ ဂရုဏာကြောင့် သားလေးလမ်းမှားမလိုက်မိဘဲ အသိဥာဏ် ရှိရှိ ဆင်ခြင်နိုင်ပါစေ လို့ ဆုတောင်းပေးနိုင်ပါတယ်။ ဒီလိုမဖြစ်လာဘဲ စိုးရိမ်သောက ဖြစ်တဲ့အတိုင်း ဆိုးဝါးတဲ့ အခြေအနေထဲကို ရောက်သွားပြီ ဆိုရင်တော့ နှလုံးသွင်း ဆင်ခြင် စရာ နည်းလမ်းရှာကြည့်ရတော့မှာပါ။

လူဆိုတာ ပျက်စီးဖို့လမ်းကြောင်း မှားဖို့ အချိန်တန်လာရင် ဘယ်လိုနည်းနဲ့မှ မကာကွယ်နိုင်ပါဘူး ဆိုတဲ့ အတိုင်း ဖြေသိမ့် ဆင်ခြင်လိုက်မယ် ဆိုရင် သက်သာရာရပြီး သောက ဒေါသ မဖြစ်တော့ပါဘူး။ အဲလိုပါပဲ ကိုယ်ချစ်တဲ့ သူတစ်ယောက်ယောက်က  ရာသီဥတု ဆိုးဝါးလှတဲ့ အချိန်မှာ ကားမောင်းပြီးတော့ အိမ်ပြေန်လာနေတယ် ဆိုရင် စိတ်ပူပင်မိမှာပါ ။ ဒါပေမယ့် လည်း သူ့ရဲ့ ခရီးအဆုံးကို ဘေးမသီ ရန်မခဘဲ ရောက်လာတဲ့ အထိတော့ သောက ဖြစ်နေပါတယ်။ ထိန်းချုပ် နိုင်တဲ့ အင်အား ရှိတယ် ဆိုတဲ့ အသိနဲ့ ကြိုးပမ်း မှုတစ်ခုပါပဲ။ တကယ်တော့ သောကငယ် ဖြစ်နေတာက အကျိုးရှိတဲ့ ရလဒ်ကို မပေးနိုင်ပါဘူး။ ပြီးတော သောက က ကျွန်မတို့ရဲ့ ခန္ဓာကိုယ်နဲ့ စိတ်ကို မနှစ်မြို့ဖွယ်အကျိုး သက်ရောက်မှု ကို ရစေပါတယ်။ 

သောက က စိတ်ကူးမျှော်မှန်းခြင်းကို အသုံးပြုသလို၊ သောကဖြေဆေးကလည်း စိတ်ကူးစိတ်သန်းကို အသုံး ပြုရမျာ ဖြစ်ပါတယ်။ နောက်တစ်ခါ စိတ်သောက ရောက်လာရင် အဆိုးဆုံး ရလဒ်ကို မျှော်မှန်းမယ့် အစား အကောင်း ဆုံး ရလဒ်ကို မှန်းဆလိုက်ပါ။ ချစ်ခင်သူလာနေတဲ့ လမ်းက ဖြောင့်ဖြူးနေတယ် လို့ မြင်ယောင် လိုက်ပါ။ စိတ်ထဲမှာ ချောမောစွာ န်ြလည်ရောက်ရှိလာတာကို ကြည်လင်ပြတ်သား စွာ မြင်ကြည့်လိုက်ပါ။ သူတော်ကောင်းတွေ ၊ နတ်ကောင်း နတ်မြတ်တွေက စောင့် ရှောက်ပေးနေတယ် လို့ စိတ်ကူးလိုက်ပါ။ 

သားအတွက် စိုးရိမ်မိတယ် ဆိုရင်လည်း  သားလေးက စိတ်ကောင်းရှိတဲ့သူပါ။ အခုဖြစ်နေတဲ့ အဟန့်အတားတွေက ခဏပဲ နေမှာပါ မကြာခင် အားလုံး ပြေလည်သွားလိမ့်မယ် လို့ စိတ်ထဲ က မျှော် မှန်းထားပါ။ ကြောက်ရွံ့စိုးရိမ်ပြီး စိတ်မသက်မသာ ဖြစ်နေမယ့်အစား အေးငြိမ်းခြင်းနဲ့ စိတ်ချမ်းသာ ကိုယ်ကျန်းမာ ခြင်းကို အစပျိုါ်လိုက်စေလိုပါတယ် ။ စောစောက ပြောခဲ့တဲ့အတိုင်း မေတ္တာပို့လွှတ်ပြီး နေ လိုက်ဖို့ဖြစ်ပါတယ်။ ကုသိုလ်ဖြစ်ပြီး သားလည်း အန္တရယ် ကင်းသွားပါလိမ့်မယ်။ 

ကျွန်မတို့ သောကဖြစ်ရတဲ့ နောက်ထပ် အကြောင်း တစ်ခုက ကျွန်မတို့က ပြီးပြတ်အောင် မရှင်းလင်းဘဲ ရှောင်ရှားနေမိတဲ့ အကြောင်း တစ်ခုကြောင့်ပဲ ဖြစ်ပါတယ်။ ဥပမာ - ကားစောင့်ခ ငွေမပေးရသေးတာ၊ လုပ်ရမယ့် အလုပ်ကို ချောင်ထိုးထားမိတာ၊ မိတ်ဆွေ တစ်ယောက်နဲ့ ပြသာနာကို မဖြေရှင်းသေးတာ စသည်တို့ ဖြစ်ပါတယ်။ 

ဒီလိုအခြေအနေတွေမှာ ကျွန်မတို့ စိုးရိမ်ပူပန်နေရပြီဆိုတာကို အသိ အမှတ် ပြု လိုက်ပြီး  ပြီးပြတ်  အောင်   ဆောင်ရွက်လိုက်တာ က အကောင်းဆုံး အဖြေ ဖြစ်ပါလိမ့်မယ်။ အခြေအနေကို ရင်ဆိုင်ပြီး ကိုယ်ပိုင်အင်အားနဲ့ ပြောင်းလဲပစ်လိုက်ပါ။ ဒါဆိုရင် သောက ဖြစ်စရာ ဘာ အကြောင်း  မှ မရှိတော့ ပါဘူး။

ခင်စောတင့်

အားလုံးကိုချစ်ခင်လေးစားလျှက်. . . . 

အချစ်နဲ့စိတ်ကူးယဉ်မှု

တစ်ခါကပါ

ကျွန်မသူငယ်ချင်း တွေနဲ့ လက်ဖက်ရည်ဆိုင်ထိုင်တုန်း

ချစ်သူတွေ အကြောင်း ရောက်သွားပါတယ်။

ကျွန်မ သူငယ်ချင်း  တစ်ယောက်က

သူ့ရဲ့ အိပ်မက်ထဲ က ချစ်သူ့ပုံရိပ်အကြောင်း ပြောပါတယ်။

"ငါ့ ချစ်သူက အရပ်မြင့်ရမယ်၊ အသားဖြူရမယ်၊ ပညာတော်ရမယ်၊ စိတ်ကောင်းရှိရမယ်။"

သူ့ရဲ့ သတ်မှတ်ချက်တွေက မနည်းလှပါဘူး။

ကာလတော်တော်ကြာ ပြီး တစ်နေ့မှာတော့

သူနဲ့ ကျွန်မ တို့  ပြန်ဆုံဖြစ်ပါတယ်။

"ဒါ.....ငါ့အမျိုးသားလေ"

မိတ်ဆက်ပေးပါတယ်။ သူပြောခဲ့တဲ့ သူ့ရဲ့ ချစ်သူ ပုံရိပ်ကို သတိရသွားတဲ့အခါ သူအမျိုးသားကို အားနာသွားမိပါတယ်။

လွဲနေတာကိုး

ပြီးတော့ သူကပဲ ကျွန်မ အတွေးကို သိနေလို့လားမသိ၊ ပြောသွားပါသေးတယ်။

"အချစ်ဆိုတာ ဘယ်လို စည်းကမ်း ၊ သတ်မှတ်ချက် မျိုးကိုမဆို ပျောက်ပျက်သွား စေနိုင်တယ်တဲ့ ...."

သဲအောင်

အားလုံးကိုချစ်ခင်လေးစားလျှက်. . . .

  

ချစ်ခြင်း၏ လှို့ဝှက်ချက်များ


Loving can sometimes
take away a lot from us, 
but whether you see it or not, 
not loving always takes away more.
In fact, it takes you away from your deepest desire.

ချစ်တတ်ခြင်းသည်
ကိုယ်တို့ သိမြင်သည်ဖြစ်စေ၊ မမြင်သည်ဖြစ်စေ
တစ်ခါတစ်ရံမှာ...
 ကိုယ်တို့ထံမှ အရာများစွာကို ယူဆောင်သွားနိုင်ပါတယ်။

မချစ်တတ်ခြင်းကတော့
အမြဲတမ်း (အရာများစွာကို) ပိုပြီး ယူသွားတတ်လေရဲ့။
အမှန်တော့
မင်းကို အနက်ရှိုင်းဆုံး အလိုဆန္ဒတွေဆီက
ယူဆောင်သွားခဲ့တာပါပဲ။

ကောင်းသန့်

အားလုံးကိုချစ်ခင်လေးစားလျှက်. . . .

 

ခါးသေးစေတဲ့ ယောဂကျင့်စဉ်

လေ့ကျင့်ခန်း(၁)
ပေါင်ကားရပ်ပါ။ (ပုံ-၁)

လေ့ကျင့်ခန်း(၂)
ညာဘက်လက်ကို ဘယ်ဘက်သို့ ဆန့်ထုတ်ပြီး ဘယ်လက်ကို ရင်ဘတ်နားတွင် ကပ်ထားပါ။ ပုံ(၂)

လေ့ကျင့်ခန်း(၃)
ဘယ်လက်ကို ညာဘက်သို့ ဆန့်ထုတ်ပြီး ညာလက်ကို ရင်ဘတ်နားတွင ကပ်ထားပါ။ ပုံ(၃)

ပုံ(၁)


ပုံ (၂)

ဤကဲ့သို့ တစ်လှည့်စီ အကြိမ် ၂၀ ခန့် ပြုလုပ်ပေးပါ။

သတိပြုရန်

လေ့ကျင့်သည့်အခါ တင်ပါးနှင့် ခန္ဓာကိုယ် အောက်ပိုင်းကို ငြိမ်အောင် ထားပြီး ခါးနှင့် ခါးအပေါ်ပိုင်းကိုပဲ လှုပ်ရှားပေးပါ။
ပုံ(၃)
အကိ်းေက်းဇူးမ်ား
  • ခါးကိုသေးစေပါတယ်
  • နောက်ကျောပြင်တစ်လျှောက်ရှိ အဆီများကို ကျဆင်းစေပါတယ် 
  • ဦးခေါင်းကိုပါ လိုက်လှည့်သည့်အတွက် ပခုံးကြောများကိုလည်း ပြေစေပါတယ် 
  • အုံးလွဲခြင်းကို သက်သာစေပါတယ်။
အားလုံးကိုချစ်ခင်လေးစားလျှက်. . . .

 

ခေါင်းဆောင်ကောင်းတစ်ယောက်

တပည့်ကောင်း မဖြစ်ခဲ့တဲ့သူဟာ
ဆရာကောင်းလဲ မဖြစ်နိုင်ပါဘူး။

ခေါင်းဆောင်ကောင်း ဆိုတာ
မိမိဦးဆောင် အောင်မြင်သော ကိစ္စတိုင်းကို
မိမိရဲ့ လက်အောက် က လူတို့၏
စွမ်းဆောင်နိုင်မှုအဖြစ်
အသိအမှတ်ပြုတတ်တယ်။

မိမိလက်အောက်ငယ်သားကို
ချီးကျူး ဂုဏ်ဖော်ပေးခြင်းဖြင့်
ခေါင်းဆောင်လုပ်သူတစ်ယောက်၏
ဂုဏ်သရေ နည်းပါးသွားတယ်ဆိုတာ
မရှိဘူး။

အောက်လက်ငယ်သားတို့၏ စိတ်၌
မိမိတို့အား လူသိထင်ရှား
ဖော်ထုတ် ချီးကျူးသည့်အတွက်
မိမိခေါင်းဆောင်အပေါ်မှာ
အရိုးကြေကြေ
အရေခန်းခန်း
ဆောင်ရွက်ပေးလိုတဲ့ စိတ်တွေ
တဖွားဖွား ပေါ်လာမှာ မလွဲဘူး။

ဒီလိုမဟုတ်ဘဲ
အောက်လက်ငယ်သားဂုဏ်ကို မဖော်ဘဲ
ငါ့ကြောင့်
ငါတော်လို့
ဒီလို အထင်ရောက်နေမယ်ဆိုရင်
တပည့်တွေဟာ
ကိုယ် ထင်ထားသလောက်
အကျိုးပြုမယ်လို့ မထင်ပါဘူး ။


အိန်ဂျယ်လ်

အားလုံးကိုချစ်ခင်လေးစားလျှက်. . . .

 

အပြစ်ဒဏ်သင့်

မပြစ်မှား ထိုက်သူတွေကို ပြစ်မှားရင်  ခဲခဲယဉ်းယဉ်းနဲ့ ရထားတဲ့ ပစ္စည်းဥစ္စာတွေ ဆုံးရှုံးသွားတတ်တယ်။

အိမ်မှာ ရှိတဲ့ စပါးက ပုပ်သွားတတ်တယ်။

ရွှေတွေက မီးကျီးခဲ့ ဖြစ်သွားတတ်တယ်။

ပုလဲက ၀ါစေ့ ဖြစ်သွားတတ်တယ်။

ငွေအသပြာက အိုးခြမ်းကွဲ စသည် ဖြစ်သွားတတ်တယ်။

ခြေနှစ်ချောင်း၊ ခြေလေးချောင်း သတ္တ၀ါတွေဟာ ကန်းတာ ၊ ကွေးကောက်တာ စသည် ဖြစ်သွားတတ်တယ်။

(ဓမ္မပဒ၊ဋ္ဌ၊ဒု၊၄၅)


ကိုယ့်ရဲ့ ရန်သူက ကိုယ့်ကို ဒုက္ခရောက်အောင် လုပ်နိုင်တာထက် ကိုယ့်ရဲ့ မကောင်းတဲ့ စိတ်ထားက ဒုက္ခရောက်အောင် လုပ်တတ်ပါတယ်။ စီးပွားရေး မပျက်လိုတဲ့ စည်းစိမ်ရှင်ဟာ မပြစ်မှားထိုက်တဲ့ သူတော် ကောင်းတွေကို မပြစ်မှားမိဖို့ အရေးကြီးပါတယ်။

 ပြစ်မှားရင် စီးပွားရေးလည်း အကြီးအကျယ် ပျက်စီးတတ်ပါတယ်။ ထိခိုက်တတ်ပါတယ်။ စီးပွားတက်လေလေ သူတော်ကောင်းတွေကို လေးစား ရိုသေနိုင်လေလေ ဖြစ်ရပါမယ်။ စီးပွား မာန်တက် ပြီး မလုပ်သင့်တာလုပ်၊ မပြောသင့်တာ ပြော၊ မကြံသင့်တာ ကြံရင် မကြာခင် စီးပွားရေး ကျဆင်းကြရပါမယ်။

 သာမဏေကျော်

အားလုံးကိုချစ်ခင်လေးစားလျှက်. . . .

  

အိမ်နီးချင်းကောင်း

အိမ်နီးချင်းကေားင်ပါမှ
ကြင်ရာကောင်း ညားစရာ
ပြောရိုးစဉ်လာ၊
မိတ်ဆွေ စစ် မိတ်ဆွေညာ
လေ့လာကာ ခွဲခွဲခြားခြား
ပတ်ဝန်းကျင် အလေးထား
ဆိုရိုးစကား။

ဆီသတ်ကြော် အညှော်ပြင်း
အိုမင်းနဲက လူမမယ်( မည်)
ညှော်ကြောက်သည့်အရွယ်
နာဖျားသည့် ဝေဒနာသည်
လွတ်အောင်ကွယ် ရှောင်နိုင်ဖို့ ။
သံကျယ်ကျယ် အော်ပါစို့
ညှော်ကြမယ်ဗျို့။


ကျော်စောဟန်

အားလုံးကိုချစ်ခင်လေးစားလျှက်. . . .

 

လေဆန်ငှက်

လောကဓံ တိုက်ပွဲ
အနိုင်ကြဲဖို့
အသိုက်ထဲမှ
ထွက်ခဲ့သည်။

တိမ်ညိုသိမ့်သိမ့်
မိုးခြိမ့်ခြိမ့်နှင့်
သောသော ဆူညံ
ထက်ဘယံမှာ
လေနီကြမ်းဆင်
လမ်းမမြင်လည်း
အားမာန်ကို တင်း
လေဟုန်ခွင်းလျက်
အမြင့်ပျံတက်
လေဆန်ငှက်။

တစ်ထောက် မနား
အတောင်အားဖြင့်
ဝံ့ကြွား တွန်းလှန်
အားမတန်လည်း
လေဟုန် မစီး
ရှေ့ခရီးသို့
စိတ်အားမာန် ဇွဲ
လုံ့လခဲသည်
အားတင်းပျံတက်
လေဆန်ငှက်။


အိန်ဂျယ်(လ်)


အားလုံးကိုချစ်ခင်လေးစားလျှက်. . . .

 

ဗုဒ္ဓဘာသာဝင်တို့၏ ဂုဏ်ရည်

အဖိုးတန် ရတနာနှင့်တူတေသာ ဥပါသကာ ခေါ်  ဗုဒ္ဓဘာသာဝင်တို့၏ ဂုဏ်ရည် များမှာ-

၁။ ရတနာသုံးပါးအပေါ်၌ နှစ်နှစ်ကာကာ ယုံကြည်ခြင်း။

၂။ ကိုယ်ကျင့်သီလရှိခြင်း။

၃။ အထူးအဆန်း ဖြစ်ပေါ်လာသော အမြင်အကြား အထိအတွေ့တို့ကို ကြီးပွားချမ်းသာကြောင်း မင်္ဂလာ ဟု မယုံကြည်ခြင်း။

၎။ လောကီမင်္ဂလာတို့ကို မယုံကြည်ဘဲ ကံ ကံ၏ အကျိုးကိုသာ အနှစ်သာရ အားဖြင့် ယုံကြည်ခြင်း။

၅။ ဗုဒ္ဓသာသနာတော်အတွင်း၌သာ မြတ်သော အလှုခံ ပုဂ္ဂိုလ်ကို ရွေးချယ် စီစစ်၍ ဦးစွာ ပေးလှူ ကြည် ဖြူ မြတ်နိုးခြင်း တို့ဖြစ်သည်။

ဤ ဂုဏ်ရည် ငါးမျိုးနှင့် ပြည့်စုံ ညီညွတ်ပါက တော်ဝင် ရတနာနှင့် တူသော ဥပါသက အစစ် တကယ့် ဗုဒ္ဓဘာသာဝင် ဖြစ်သည်။


အားလုံးကိုချစ်ခင်လေးစားလျှက်. . . .

  

သမီးလေးဖတ်ဖို့

သမီး

လူတွေကို မုန်းတီးခြင်းဟာ
ကြွက်တစ်ကောင်ကို ဖယ်ရှားလိုတဲ့အတွက်
ကိုယ့်အိမ်ကို ကိုယ် မီးရှို့တာ နဲ့ တူသတဲ့။
ဒါကြောင့် လူတွေကို မမုန်းနဲ့နော်။

ဟို လူမုန်း ဒီ လူမုန်းနဲ့
နာကြည်း မုန်းတီးခဲ့တာတွေ ရှိခဲ့ရင်
ဖြေ ဖျောက် ပစ်လိုက်ပါတော့

နှလုံးသားထဲမှာ အမုန်းတရားတွေ
သိမ်းဆည်း မထားပါနဲ့။

ကိုယ်ပဲ ပူလောင်နေမှာပေါ့
သမီးလေး ငြိမ်းငြိမ်းချမ်းချမ်းနဲ့
ရွှင်လန်းနေတာပဲ မြင်ချင်တယ်ကွယ်။

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

 

အစားထိုးခြင်း


ကျွန်တော့ဆီကို မိတ်ဆွေ တစ်ယောက် ရောက်လာပါတယ်. . . သူ့ချစ်သူနဲ့ လမ်းခွဲလာတဲ့ အကြောင်း လာပြောပြတာပါ. . . မာနသံလေးကလည်း သူ့စကားလုံးတိုင်းမှာ ပျော်ဝင်လို့ နေပါတယ်..

"သူနဲ့ လမ်းခွဲရလည်း ၀မ်းနည်းစရာ မဟုတ်ပါ ဘူး ဗျာ. . . အစားထိုးစရာ မိန်းမတွေ အများကြီးပါပဲ  အစားထိုးလိုက် တာပေါ့. . . .ဘယ်ရမလဲ. . "

ဒါပေမယ့် ဗျာ. . .

"အစားထိုးတယ်ဆိုတာ လမ်းပေါ်က ချိုင့်ခွက် တစ်ခု ကို ရေဖြည့်ထားသလိုပါပဲ. .

အပေါ်ယံတော့ လမ်းက ချောလို့ပေါ့. နင်းမိရင် တော့. . ."

သူ့စကားကို အဆုံး မသတ်သေးပါဘူး. .

ငေးနေတဲ့ ညနေခင်းဟာ လွမ်းဆွတ်ဖွယ်ရာ အတိပြီးပါတယ်...

သဲအောင်

အားလုံးကိုချစ်ခင်လေးစားလျှက်. . . .

  

ဝေသာလီ၌ ဘေးကြီးဆိုက်နေစဉ် အရှင်အာနန္ဒာ ရတနသုတ်ပရိတ် ရွတ်နေပုံ

ဝေသာလီပြည်၌ မိုးခေါင်သောကြောင့် ငတ်မွတ်ဘေးကြီးဆိုက်၍ လူအများ သေကြ၏. သူသေကောင်တွေ ၏ အနံ့ကြောင့် သားရဲ ဘီလူးတို့ မြို့တွင်းသို့ ၀င်လာသဖြင့် သာ၍ အသေများ၏.. . . ထိုဘေးကြီးကို ကာကွယ်ဖို့ နည်းလမ်းရှာ ကြံကြလေရာ ဗုဒ္ဓမြတ်စွာကို ပင့်ဖို့ရာ သဘောတူသောကြောင့် ရာဇဂြိုလ်မှ  သံဃာတော်များနှင့် တကွ ပင့်ကြလေသည်။
ဗုဒ္ဓမြတ်စွာ ၏ လှေ ဖာင်တော်ကြီးဆိုက်ချိန်မှာပင် မိုးကြီးသည်းထန်စွာ ရွာသောကြောင့် လူသေ အလောင်းများ မျောပါ သွားသဖြင့် သန့်ရှင်းနေနှင့်လေပြီ. . မြို့တော်တံခါးပေါက်သို့ ရောက်သောအခေါ အရှင် အာနန္ဒာသည် ရတနသုတ်ပရိတ်တော်ကို သင်ယူ၍ လိစ္ဆ၀ီမင်းသား တို့ကိုခြံရံစေလျက် သပိတ်တော်မှ ရေကို ဖျုန်းကာ ဖျန်းကာ မြို့ရိုး ၃ ထပ် အကြား၌ လှည့်ပတ် ရွတ်ဆိုလေရာ မကောင်းဆိုးဝါး ဟူသမျှ ပြေးကြ၍ ရောဂါ အားလုံး ကင်းငြိမ်းရလေသည်။

VENERABLE ANANDA RECITING RATANA SUTTA PARITTA TO RELIEVE THE PEOPLE OF VESALI FROM ATTACKS OF FAMINE AND PESTILENCE

There was scarcity of rain at Vesali (modern Besah) and many people died from the effects of famine which attacked it. The offensive smell the corpses brought demons and ogres into the town and there were more deaths. To make matters worse, a disease very much like modern plague broke out, and there were still more deaths. The people discussed ways and means of relief from attacks of famine and disease. They eventually agreed to invite the Buddha for that purpose , and requested the Blessed one to come over from Rajagaha together with his retinue of monks. When the Blessed one arrived at Vesali in the royal barge there was a heavy downpour of rain which washed away all the corpses and the town had become clean. On arrival at the city gate the Venearable Ananada learnt the Rantana Sutta Paritta and recited it by walking round the city in between its three walls, and sprinkling the holy water from his bowl now and again while going round the city with the Licchavi Princess accompanying him. Thus, all the evil spirits were driven away from the city which was  rendered free from diseases.

အားလုံးကိုချစ်ခင်လေးစားလျှက်. . . .

 

ဆက်ဆံရာမှာ စိတ်ကောင်းထားပါ

လူ့လောကထဲတွင် လူတစ်ယောက် အဖြစ် အသက်ရှင်နေရစဉ်တွင် လူတိုင်းသည် မိမိနှင့်တွေ့ကြုံဆုံစည်း ရသူတို့နှင့် ပြေပြေလည်လည် ပေါင်းသင်းဆက်ဆံရပြီး ထိုမိတ်ဆွေ အပေါင်းအသင်းများထံမှ မေတ္တာ စေတနာ၊ ကူညီဖေးမမှုများကို လိုချင်ကြသည်ချည်းပင် ဖြစ်သည်။ မိမိနှင့် တစ်ကြိမ် တစ်ခါ တွေ့ဆုံ ဆက်ဆံ လိုက်ရရုံမျှနှင့် ထိုသူ၏ ချစ်ခင်ကြင်နာမှုကို ရယူလိုကြသည်။ အချို့မှာ လူမြင်လျှင် ချစ်ခင်စေပြီး မိမိအလိုကို လိုက်စေနိုင်သော ပီယဆေး၊ အဆောင် လက်ဖွဲ့များကို ပင် ဆောင်ထားလေ့ ရှိကြသည်။

အမှန်မှာ လူတကာ ချစ်ခင်စေသော ပီယဆေးထက် အဆရာထောင်မက တန်ခိုးထက်သော ပီယဆေး တစ်မျိုးကို လူအများက သတိမပြုမိဘဲ မေ့လျှော့နေကြသည်။ ထိုအရာသည် ဆေးလည်းမဟုတ်၊ လက်ဖွဲ့ အဆောင်လည်းမဟုတ်၊ ဂါထာ မန္တာန်လည်း မဟုတ်၊ စိတ်ကောင်းလေး တစ်ခုကို မွေးလိုက်ခြင်းပင် ဖြစ်သည်။

တစ်ဖက်သားကိုယ့်ဘက် ပါလာအောင် ကိုယ့်အပေါ် စေတနာ မေတ္တာများဖြင့် ကူညီချင်လာအောင် ပြုလုပ်ရာ၌ ဤနည်းသည် အခြေခံအကျဆုံး ဖြစ်သည်။ လူ၏ ပင်ကိုယ်သဘောမှာ လူတစ်ဖက်သားကို ကြည့်တတ်ပြီး ကိုယ့်ကိုယ် ကိုမူ ပြန်မကြည့်တတ်ဘဲ လျစ်လျူ ရှုပြုထားတတ်ကြသည်။ ပြန်မကြည့်ဘဲ လျစ်လျူ ပြုထားရသည်မှာလည်း မိမိ၏ အပြစ်၊ အားနည်းချက်၊ ချို့ယွင်းချက်များကို မမြင်မတွေ့ဘဲ မိမိကိုယ် ကို ပြည့်စုံနေပြီဟု အထင်ရောက်နေသောကြောင့် ဖြစ်သည်။

ထိုစိတ်မျိုးမှာ လွဲမှားသော အတ္တစိတ်သာ ဖြစ်သည်။ ထိအတ္တစိတ်သည် စိတ်ကောင်း နှလုံးကောင်း ကို မွေးမြူ ထားခြင်းဖြင့် ရှိသင့်သော အတ္တဖြစ်၍ တစ်ဖက်သားအပေါ်ကိုသာမက မိမိအပေါ်တွင်ပင် အမှန်ကို အမှန်အတိုင်း ရှုမြင်နိုင်သည်။  အမြင်မှန်ကို ရနိုင်စေပါသည်။ 

မျက်နှာက ဘယ်လောက်ပင် ပြုံးနေပြုံးနေ၊ ဘယ်လောက်ပင် ကူညီကူညီ ၊ အတွင်းစိတ်က မရိုးသား၊ မဖြောင့်မတ်လျှင် အချည်းနှီးသာ ဖြစ်ပါသည်။

ဤလူ့လောက အတွင်းရှိ ညှိ့ယူဖမ်းစားထားနိုင်လောက်သော ဆွဲဆောင် အင်အားများထဲတွင် မေတ္တာအင်အား သည် အကြီးမားဆုံးဖြစ်ပါသည်။   အခြားသော ထူးခြားသည့် စွမ်းရည်များ မရှိသော်လည်း မေတ္တာ စွမ်းရည် ရှိလျှင်ပင် စိတ်ကောင်း စေတနာကောင်းတို့သည် လူတွင် ကိန်းအောင်း လာနိုင်သည်။ အရာရာကို မေတ္တာဖြင့် အောင်နိုင်သည်ချည်း ပဲ ဖြစ်သည်။  မေတ္တာတရား ကြီးမားသူများသည် ရန်သူမရှိ၊ ကြောင့်ကြစိုးရိမ်မှု မရှိ နေရသည် ။ သေဆုံးသွားသော အခါ၌ပင်လျှင် ကောင်းရာ သုဂတိသို့ရောက်ရ သည်။ 

ထို့ကြောင့် စိတ်ကောင်း ၊စေတနာကောင်းသည် လူ၌ အသက်တမျှ အရေးကြီးလေသည်။ စိတ်ကောင်း စေတနာကောင်းများ မွေးမြူရေးသည် လူတို့အဖို့ အရင်ဆုံး ဖြည့်ဆည်းပေးရမည့် လိုအင်ဖြစ်သည် ဟု ဆိုရမည်။ 

သူတော်ကောင်းပညာရှိကြီးများက စိတ်ကောင်း စေတနာကောင်း၏ အနက်အဓိပ္ပါယ်ကို ဤသို့ ဖွင့်ဆိုခဲ့ကြသည်။ 

"စိတ်ကောင်း စေတနာကောင်းဟူသည် ထူးခြားသော စိတ်စွမ်းရည် ဖြစ်သည်။ ပြည့်စုံအပ်သော ဂုဏ်ထူး ၀ိသေသများကား များလှပေသည်။ သို့သော အကျဉ်းချုံး၍ စိတ်ကောင်း၊ စေတနာကောင်း ဆိုသော သဘောကို ဖွင့်ဆိုရလျှင် မိမိကိုယ်ကို နှိမ့်ချ အနစ်နာခံပြီး သူတစ်ပါး အကျိုးဖြစ်ထွန်းရေးအတွက် လုပ်ဆောင်တတ်ခြင်း၊ ပြောဆိုတတ်ခြင်း၊ ကြံစည်တတ်ခြင်း တို့ကို ၀မ်းမြောက်ကြည်ဖြူစွာ လုပ်ဆောင်နိုင်ရန် ချီးမြှောက် တွန်းအားပေးနိုင်စွမ်းရှိသည့် စိတ်ဓာတ်မျိုးပင် ဖြစ်သည်။ "

စိတ်ကောင်း စိတ်မြတ်၏ အဓိက ဂုဏ်အင်မှာ မိမိကိုယ်ကို နှိမ့်ချ အနစ်နာခံ၍ တစ်ပါးသူအား ဖေးမမြှင့်တင် ပေးနိုင်ခြင်းပင် ဖြစ်၍ သူတစ်ပါး အကျိုးကို စိတ်နှလုံး ဖြူစင်စွာ ဆောင်ရွက် တတ်သူကို စိတ်ကောင်း စေတနာကောင်း ရှိသူဟု ခေါ်ဆိုရပါမည်။ 

"ပျားရည်ကိုလိုသော် ပျားအုံကို မဖျက်နှင့်" ဟူသော စကားမှာ ပျားဖွတ်သူများအတွက် ရည်ရွယ် ပြောဆိုထားသော်လည်း ပေါင်းသင်း ဆက်ဆံရေး နယ်ပယ်တွင် အလွန် တာသွားသော အဓိပ္ပါယ် ၊ သဘောတရား တစ်ခု ဖြစ်လေသည်။ လူတစ်ဖက်သားကို ကိုယ့်ဖက်ပါအောင် စည်းရုံးရာတွင် ထိုသူ မကြိုက် မနှစ်သက် ၊ သဘောမကျသော အရာတို့ကို လုံးဝ မပြောဆို ၊ မလုပ်ပါနှင့် ဟု ဆိုလိုပါသည်။ ဤနည်းဖြင့် မိမိအား ပတ်ဝန်းကျင်၏ လေးစား ချစ်ကြည်မှုတို့ကို ရယူနိုင်ပါသည်။ 

စိတ်ကောင်းရှိသော သူသည် မှန်ကန်သော နှုတ်အမူအရာ၊ ကိုယ်အမူအရာရှိသည်။ စိတ်သဘောထား မြင့်မြတ် တည်ကြည်သည်၊ လူတစ်ဖက်သား၏ အကျိုးကိုဆောင်တတ်သည်။  သွင်ပြင် အမူအရာ နှစ်လိုစဖွယ် ရှိသည်။ မျက်နှာမြင်လျှင် ချစ်ခင်စေနိုင်သော ဂုဏ်ထူး ၀ိသေသ ရှိသူ ဖြစ်သည်။ 

ထို့ကြောင့် လူ့လောကအလယ်တွင် သင့်တင့်မျှတစွာ ပေါင်းသင်း ဆက်ဆံနိုင်မှုကို လိုပါလျှင် သို့အတွက် မိမိအတွက် မိတ်ကောင်းများကို လိုပါလျှင် "စိတ်ကောင်းတစ်ခု မွေးမြုပါ" ဟူ၍သာ တိုက်တွန်း အကြံပေးလိုပါသည်။ 

ဦးဝမ်ထိန်
အားလုံးကိုချစ်ခင်လေးစားလျှက်. . . . 

 

ရယ်နေကြလေမလား


"ငါ့ဟာ ငါ့ဟာ " လို့အော်မြည်တတ်လို့ မယှက အမည်ရတဲ့ ငှက်ကလေးဟာ တောင်ပေါ်၊ တောင်အပြင် ချောက်အရပ်တွေ မှာ လှည့်လည်တယ် မှည့်နေတဲ့ ပိတ်ချင်းပင် ပေါ်တက်ကာ "ငါ့ဟာ ငါ့ဟာ " လို့ အော်မြည်တယ်

အဲဒီငှက်ကလေး အဲဒီလိုအော်မြည်နေတုန်း ငှက်တွေ ရောက်လာကြတယ် ။ ပိတ်ချင်းသီးကို စားပြီး သွားကြတယ်.. . . အဲဒီငှက်ကလေးကတော့ စားနေတဲ့ အဲဒီငှက်တွေကို တားမြစ်ဖို့ရာ "ငါ့ဟာ ငါ့ဟာ " လို့ အော်မြည်နေဆဲပါပဲ. . .

အဲဒီလိ

ုပဲ ၊ ဒီလူ့လောက မှာ တချို့လူဟာ ပစ္စည်းဥစ္စာတွေကို အများကြီး စုဆောင်းတယ် . .ကိုယ့်အတွက်ရော ဆွေမျိုးတွေအတွက်ပါ သုံးထိုက်တဲ့ အတိုင်းအတာနဲ့ မသုံး၊ မပေးကမ်း။

အဲဒီလူဟာ အ၀တ် ၊ အစားအစာ၊ ပန်းနံသာ ဘာကိုမှ တစ်ကြိမ်တစ်ခါမှ မသုံးစွဲ၊ ဆွေမျိုးတွေကို မချီးမြှောက်၊ မထောက်ပံ့၊ မပေးကမ်း၊

အဲဒီလူဟာ "ငါ့ဟာ ငါ့ဟာ " လို့ စောင့်ရှောက်ငာ အော်မြည်ရင်း မင်းတွေ၊ သူခိုးတွေ၊ အမွေခံသားဆိုး၊ သမီးဆိုး တွေက ပစ္စည်းဥစ္စတွေကို ယူသွားကြတယ်. . . . အဲဒီလူက တော့ "ငါ့ဟာ ငါ့ဟာ " လို့ အော်မြည် တမ်းနေဆဲပါပဲ။

ပညာရှိသူဟာ စည်းစိမ်ဥစ္စာတွေကို ရရှိပြီး ကိုယ့်ထံလာတဲ့ မရှိနွမ်းပါး တဲ့ဆွေမျိုးတွေကိုလည်း ချီးမြှေက်ထောက်ပံ့ တယ်. . .အဲဒီလူဟာ အဲဒီလို ထောက်ပံ့မှုကြောင့် ပရိသတ် အလယ်မှာ ထင်ရှားကျော်ကြားတယ်. . . ချီးမွမ်းခံရတယ်. . နောက်ဘ၀ရောက်တော့ နတ်ပြည်မှာ ၀မ်းမြောက် ပျော်ရွှင်ရတယ်။

မယှက ငှက်ကလေးလိုလူတွေက လောကတစ်လွှားမှာ များပြားလှတယ်. . . . အခြားယောကျား(လင်ငယ်)နဲ့ ဖောက်ပြန်ပြီး ရထားတဲ့ သားလေးကို ကိုယ့်သားထင်ပြီး ငါ့သား င့ါသားလို့ ခေါ်ဝေါ်ကာ မြူနေတဲ့ လင်ကြီးဖြစ်သူကို အခြားနေရာမှ လှမ်းကြည့်နေတဲ့ မယားဖြစ်သူက ရယ်ပါသတဲ့. . . . သြော် သူ့သားမဟုတ်တာကို မသိရှာဘူး.. .သူ့သားလို့ ထင်နေရှာတယ်. . . .သနားစရာ ကောင်းလှပါဘိတော့ တယ်လို့ ဆိုသတဲ့. . မယှကငှက်လို လူတွေကိုလည်း ပစ္စည်း ဥစ္စာတွေက အဲဒီမယား ရယ်သလိုများ ရယ်နေကြလေရော့မလား. . . . ရယ်တတ်ရင် ရယ်ကြမယ် ထင်ပါတယ်……
 
သာမဏေကျော်


အားလုံးကိုချစ်ခင်လေးစားလျှက်. . . .

 

အိုစာ မင်းစာ

ငယ်ရွယ် နုပျိုနေစဉ် အခါက ကြိုးစားပြီး ဥစ္စာကို မစုဆောင်း ၊ မရရှိခဲ့လို့ အသက်ကြီးလာတဲ့ အခါ  ပူပန် ၀မ်းနည်းရတယ်. . . သူတစ်ပါး တွေ ချမ်းသာနေကြတာကို ကြည့်ပြီး ကိုယ့်မှာ ဆင်းဆင်းရဲနဲ့ အသက်မွေးရတဲ့အခါ "ရှေးတုန်းက ငါဟာ ဥစ္စာကို မရှာခဲ့ရလေခြင်း" လို့ တွေးကာ ပူပင်ရတယ်။

ဒါကြောင့် အသက်ကြီးတဲ့အခါ ချမ်းချမ်းသာသာ အသက်မွေး လိုသူတွေဟာ ငယ်ရွယ်စဉ် အချိန်မှာပဲ တရားနဲ့ အညီဖြစ်တဲ့ လယ်ထွန်ခြင်းစတဲ့ အလုပ်တွေကို လုပ်ကာ ဥစ္စာကို ရှာဖွေထားကြရပါတယ်။

ငယ်ရွယ်စဉ်အခါ ဆရာတွေထံ ချည်းကပ်ပြီး ငါဟာ ပြုလုပ်နိုင်တဲ့ ဆင်အတတ် စတဲ့ အတတ်ပညာတစ်ခုခု ကို မသင်ခဲ့ရလေခြင်းလို့ တွေးကာ ပူပန်ရတယ်။ အသက်ကြီးတဲ့အခါ အတတ်ပညာမရှိသူမှာ အသက်မွေးရတာ ဆင်းရဲတယ်။ အသက်ကြီးမှ အတတ်ပညာကို သင်ယူဖို့ မတတ်နိုင် ဒါကြောင့် အသက်ကြီးတဲ့အခါ ချမ်းချမ်းသာသာ အသက်မွေးလိုသူတွေဟာ ငယ်ရွယ်စဉ် အချိန်မှာပဲ အတတ်ပညာကို သင်ယူထားကြရပါတယ်။ 

ငယ်ရွယ်စဉ်အခါမှာ ပညာလည်း ရှာရပါတယ်။ ဥစ္စာလည်း ရှာရပါတယ်။ အသက်ကြီးပြီး အိုမင်းလာပြီဆိုရင် ပညာရှာဖို့၊ ဥစ္စာရှာဖို့ အလွယ်ကူလှတော့ပါ။ ငယ်ရွယ်စဉ်မှာ ချောင်ချောင်နေ၊ ပေါ့ပေါ့နေသူတွေဟာ ကြီးလာတဲ့အခါ အဘိုးကြီး ၊ အဘွားကြီးဘ၀မှ အကျပ်တွေ့ကြရပါတယ်။ ငယ်ချောင် ၊ ကြီး ကျပ် ဖြစ်ကြရပါတယ်။   

ကြီးတဲ့အခါ ချောင်ချောင်လည်လည် ဖြစ်ချင်ရင် ငယ်စဉ်ကပဲ ကြပ်ကြပ်မတ်မတ် ကြိုးကြိုးစားစားနဲ့ ပညာကိုလည်း ရှာရပါတယ်။ ဥစ္စာကိုလည်း ရှာရပါတယ်။ 

ပုရွတ်ဆိတ်လေးတွေဟာ အင်မတန်မှ ၀ီရိယကောင်းကြတယ်။ အစာကို ကြိုတင် စုဆောင်းရှာဖွေတဲ့  နေရာမှာ စံနမူနာ ယူလောက်တဲ့ သတ္တ၀ါလေးတွေ ဟာ မိုးအခါ မရောက်ခင် အစာကို ကြိုတင်ရှာဖွေ စုဆောင်းထားကြသလို လူတွေဟာလည်း မအိုခင် ကပဲ ပညာကို လည်း စုဆောင်းရပါတယ်။ ဥစ္စာကိုလည်း စုဆောင်းရပါတယ်။ မစွမ်းဆောင်နိုင်တော့တဲ့ အခါမှာ စားသောက် နိုင်ဖို့ရာ ငယ်ရွယ်စဉ်ကပဲ အိုစာ မင်းစာ ရှာထားကြရပါတယ်။

 သာမဏေကျော်

အားလုံးကိုချစ်ခင်လေးစားလျှက်. . . .

 

မွဲဆေး

၁။ သေရည် အရက် မူးယစ်ဆေးဝါးကို အထပ်ထပ် သုံးစွဲမှု။
၂။ အချိန်အခါမဲ့မှာ လမ်းခရီး အခါခါ သွားမှု၊
၃။ ပွဲလမ်းသဘင်ကို သွားမှု၊
၎။ ကြွေအန် ကစားခြင်း၊ အလောင်းအစား လုပ်ခြင်းကို အထပ်ထပ်လုပ်မှု၊
၅၊ မိတ်ဆွေညံ့နဲ့ အကြိမ်ကြိမ် ပေါင်းသင်းမှု
၆။ အပျင်းကြီးမှု၊

အဲဒီ ၆ မျိုးဟာ ရှိပြီးသား စည်းစိမ်တွေကို ယုတ်လျော့ ကုန်ခမ်းသွားစေနိုင်ပါတယ် ၊ မရှိသေးတဲ့ စည်းစိမ် ဥစ္စာတွေကိုလည်း ရှိမလာစေနိုင်ကြပါဘူး။ ( ပါထိကပါဠိ၊ ၁၄၈)

စီးပွားဥစ္စာပျက်စီးကြောင်း အဲဒီ ၆ပါးတို့ရဲ့ အပြစ်တွေကိုလည်း ၆ ပါးစီ ပဲ ဟောထားပါတယ်။

ပစ္စည်း ဥစ္စာ ကြီးပွား ချမ်းသာချင်သူဟာ သေရည် အရက် မသောက်ရ၊ မူးယစ်ဆေးဝါး မသုံးစွဲရ၊ အချိန်အခါမဲ့မှာ လမ်းခရီးမသွားရ၊ ပွဲလမ်းသဘင် မသွားရ၊ အလောင်းအစားမလုပ်ရ၊ မိတ်ဆွေညံ့ တွေနှင့် မပေါင်းသင်းရ၊ အပျင်းမကြီးရ။

အပျင်းကြီးသူဟာ အကြောင်း အမျိုးမျိုးပြပြီး အလုပ်မလုပ်ဘဲ နေတယ်။ အေးလွန်း၊ ပူလွန်း၊မိုးချုပ်၊ စောလွန်း၊ဆာလွန်း ၊ ဗိုက်ပြည့်လွန်း လို့ဆိုပြီး အကြောင်း အမျိုးမျိုး ပြတတ်ပါတယ်.. . အဲဒီလို အကြောင်း အမျိုးမျိုးပြပြီး အပျင်းကြီးနေရင် ဘယ်မှာ မရသေးတဲ့ ပစ္စည်း ဥစ္စာတွေကို ရနိုင်ပ့ါမလဲ ။ ရှိပြီးသား ပစ္စည်းတွေလည်း ဘယ်မှာ မကုန်ဘဲ ရှိမလဲ။

အပျင်းကြီးသူဟာ ဘယ်တော့မှ မကြီးပွား ၊ မချမ်းသာနိုင်၊ ဘယ်နေရာမှ မကြီးပွား ၊ မချမ်းသာနိုင်၊။ အပျင်းကြီးသူ သူဌေးမဖြစ်နိုင်၊ သူဌေးဖြစ်ရင်လည်း အပျင်းမကြီးခဲ့၊ အပျင်းကြီးတဲ့ သူ သူဌေးဖြစ်နေရင်လည်း မကြာခင် မွဲပြာကျလိမ့်မယ်။

ပစ္စည်း ဥစ္စာတွေဟာ အပျင်းကြီးသူထံမှာ မပျော်ပိုက်ကြ၊ ၀ီရိယ ကြီးသူထံမှာသာ ပျော်ပိုက်ကြတယ်။ အပျင်းကြီးသူဟာ မွဲဆေး ၆ ပါးတွင် တစ်ပါး အပါအ၀င် ဖြစ်ပါတယ်။ သူဌေး ဖြစ်လိုသူဟာ မွဲဆေး မဖော်ပါနှင့်။ မွဲဆေး မစားပါနှင့်၊ မွဲဆေးစားရင် သူဌေးလည်း သူတောင်းစား ဖြစ်သွား နိုင်ပါတယ်။

သာမဏေကျော်
ဗုဒ္ဓ၏ ဘောဂဗေဒ

အားလုံးကိုချစ်ခင်လေးစားလျှက်. . . .

 

ပတ်ဝန်းကျင်

ပတ်ဝန်းကျင်ကောင်းနဲ့ တွေ့ချင်ရင်
မိမိကိုယ်တိုင်က
အကောင်းဆုံး ပတ်ဝန်းကျင် ဖြစ်အောင် လုပ်ပါ။

လူနဲ့ ပတ်ဝန်းကျင်ဆိုတာ
အမြဲတမ်း ဒွန်တွဲနေတဲ့ အရာတစ်ခုဖြစ်တယ်။

တချို့ကပြောကြတယ်
ပတ်ဝန်းကျင် က မကောင်းဘူးတဲ့။

ဟုတ်ပြီ
ပတ်ဝန်းကျင် ကောင်းအောင်
ဘယ်လိုလုပ်မလဲ။

တစ်ခု သတိထားကြည့်ပါ
သူတစ်ပါးဟာ မိမိအတွက်
ပတ်ဝန်းကျင် ဖြစ်တယ် ဆိုရင်
မိမိဟာလည်း သူတစ်ပါးတို့အတွက်
ပတ်ဝန်းကျင် ဖြစ်တယ် ဆိုတာပဲလေ။

ကိုယ်ကရော ဘယ်လောက် အတိုင်းအတာထိ
ပတ်ဝန်းကျင် အပေါ် ကောင်းခဲ့သလဲ
ပတ်ဝန်းကျင် ကရော မိမိအပေါ်
ဘယ်အတိုင်းအတာထိ ဆိုးခဲ့ပါသလဲ။

လူငယ်တွေ စဉ်းစားပါ

လူငယ်တွေအတွက်
ပတ်ဝန်းကျင်ဆိုတာ
သူငယ်ချင်းတွေပဲ ဖြစ်မှာပါ

နောင်တစ်ချိန်
အရွယ်ရောက်လာရင်
အရမ်းဆန်းပြားတဲ့ ပတ်ဝန်းကျင်ကို
တွေ့ကြုံရဦးမယ်။

အဲဒီအချိန် အဲဒီကာလ ရောက်ရင်
ပတ်ဝန်းကျင် က
ကောင်းသည် ဖြစ်စေ ဆိုးသည် ဖြစ်စေ
ကိုယ်ကိုယ် တိုင် ကတော့
အကောင်းဆုံး ပတ်ဝန်းကျင် ဖြစ်ပါစေ။

အိန်ဂျယ်(လ်)

အားလုံးကိုချစ်ခင်လေးစားလျှက်. . . .

  

သမီးလေးဖတ်ဖို့

သမီး

ဘ၀ခရီးကို
တစ်ယောက်တည်း လျှောက်ရတဲ့အခါ
မှီခိုအားကိုးစရာ မရှိတဲ့အတွက်
ကိုယ့်အား ကိုယ်ကိုးရလိမ့်မယ်။

ကိုယ့်အားကိုယ်ကိုး နိုင်လေလေ
လွတ်လပ်မှု ရလေလေပဲ။
သူတစ်ပါးကို အားကိုးရလေလေ
ကိုယ့်ရဲ့ လွတ်လပ်မှုတွေ
ဆုံးရှုံးသွားရ လေလေပဲ မဟုတ်လား

လွတ်လွတ်လပ်လပ်နဲ့
ကိုယ့်အား ကိုယ်ကိုး
ကြိုးစား ရုန်းကန် နိုင်ကာမှ လူစွမ်းကေကာငး

မှီခိုလိုတဲ့ စိတ်၊ အားငယ်စိတ်၊
အချောင်ခို၊ ပျင်းရိတဲ့ စိတ်တွေ မရှိဘဲ
ဘ၀ခရီးကို တစ်ယောက်တည်း
ရဲရဲ ၀ံ့ဝံ့ ကျော်ဖြတ်သွားစမ်းပါ။

ဖေဖေ့သမီး လူစွမ်းကောင်းကြီးအတွက်
ဖေဖေ အားတက် ဂုဏ်ယူစမ်းပါရစေ။

ဖေဖေ

ကောင်းသန့်


အားလုံးကိုချစ်ခင်လေးစားလျှက်. . . .

 

စနစ်တကျနေထိုင်စားသောက်မှု အလေ့အကျင့်(၁၀)ခု

စနစ်တကျ နေထိုင်စားသောက်တာ ဖြစ်ဖို့အတွက်  အောက်ပါ အခြေခံအကျဆုံး အလေ့အကျင့် (၁၀) ခုကို. .  အသုံးပြုပြီးနေထိုင် စားသောက်ပါက ကျန်းမာရေးနှင့် ညီညွတ် မည်ဖြစ်ပါသည်။

၁။ စောစောအိပ်ပြီးစောစောထပါ။ အချိန်ဇယား ရေးဆွဲသတ်မှတ်ပြီး လိုက်နာဆောင်ရွက်ပါ။
၂။ နံနက်၊ နေ့လည်၊ ညစာများကို အချိန်မှန် စားသောက်ပါ။
၃။ အချိန်မှန် ၀မ်းသွားပါ ၊ ကျင်ကြီးကျင်ငယ်များကို အောင့်ထားခြင်းမပြုပါနှင့်။
၎။ တစ်ရက်တွင် ကိုယ်လက်လှုပ်ရှားမှု မိနစ် ၂၀ လုပ်ဖြစ်အောင် လုပ်ပါ။
၅။ နံနက်အိပ်ရာထထခငြ်း ရေ အနည်းဆုံး ၂၀၀ စီစီ သောက်ပါ ။  ကိုယ်နှင့်မကွာ သောက်ရေ ဆောင်ထားပြီး မကြာမကြာ သောက်ပေးပါ။ ရေငတ်၊ ရေဆာချိန်ထိ မစောင့်ပါနှင့်။
၆။ နေ့စဉ် ဆိတ်ဆိတ်ငြိမ်ငြိမ် ထိုင်နိုင်တဲ့ အချိန်လေးရအောင် ကြိုးစားပါ။ မအားတဲ့ကြားက နားတတ်အောင် လုပ်ပါ။ စိတ်ငြိမ်ငြိမ်ထားပါ။
၇။ အသားနည်းနည်းသာစားပါ။ ဟင်းသီးဟင်းရွက် နှင့် သစ်သီးများများစားပါ။ တစ်ရက်မှာ သက်သက်လွတ် တစ်နပ်စားနိုင်အောင် ကြိုးစားပါ။
၈။ နေ့လည်စာ စားပြီးနောက်မှာ နာရီဝက်လောက်အိပ်ပါ။
၉။ ကိုယ်အလေးချိန်ကို ထိန်းထားနိုင်ရန် ကိုယ်အလေးချိန်ကို ရက်မကြာမကြာ ချိန်ချိန်ကြည့်ပါ။
၁၀။ ဆေးဝါးများ မှ ဆိုးကျိုး မခံရအောင် ဆေးဝါးများကို အရမ်းဝယ်ယူ သုံစွဲခြင်း မပြုပါနှင့်။

မင်းစံအိမ်

အားလုံးကိုချစ်ခင်လေးစားလျှက်. . . . 

 

စိတ်ချမ်းသာခြင်း

No man is happy who does not think himself so.

စိတ်မချမ်းသာဘူးလို့ ထင်နေသမျှ
ဘယ်သူမျှ ပျော်ရွှင်မှုကို ရမှာ မဟုတ်ဘူး။

လူတွေရဲ့ နေ့စဉ် ဖြတ်သန်းမှုတွေထဲမှာ
ပျှော်ရွှင်မှုမပါတဲ့ ဆက်ဆံရေးဟာလဲ
ခြောက်ကပ်ကပ် နိုင်လှပါတယ်။

ပျော်ရွှင်မှုမပါတဲ့ အလုပ်ဟာလဲ
လူကို ပိုပြီးတော့ ငြီးငွေ့စေပါတယ်။

ပျော်ရွှင်မှုမပါတဲ့ အောင်မြင်ရေးဟာ
လူကို ပိုပြီး အထီးကျန်စေပါတယ်။

ဒီတော့ လူဟာ
ပျော်ရွှင်မှုကို ရှာကြံပြီး ယူရပါတယ်။

ရှာကြံပြီး ပျော်ရွှင်မှုကို ယူတယ် ဆိုလို့
အပျက်သဘောကို မတွေးရပါဘူး။

စိတ်ကြည်လင်အေးချမ်းမှုကို ပြောတာပါ
ပျော်ရွှင်မှုကို တခြားမှာ သွားရှာစရာမလိုပါဘူး။

မိမိတို့ နေ့စဉ် လုပ်နေတဲ့ အလုပ်
မိမိတို့ နေ့စဉ် သွားနေတဲံ လမ်းကြောင်း
အဲဒီ ဖြတ်သန်းမှုတွေထဲမှာပဲ စိတ်အေးချမ်းမှုကို ရှာရမှာ ဖြစ်ပါတယ်။

တကယ်တော့ ပျော်ရွှင်မှုဆိုတာ ပူလောင်မှု မရှိတဲ့ စိတ်ကိုခေါ်တာပါ။

မိမိတို့အနေနဲ့ ကိုယ့်ဘ၀
ပျော်ရွှင်အော်င်
ငြိမ်းချမ်းအောင်
တိုးတက်အောင်
စိတ်အေးချမ်းသာစွာဖြင့် လုပ်ရင် ပိုပြီးတော့ အောင်မြင်မှုတွေ ရရှိမှာ ဖြစ်ပါတယ်။

အိန်ဂျယ်လ်



အားလုံးကိုချစ်ခင်လေးစားလျှက်. . . . 

 

တာဝန်ခွဲဝေမှု

"တောက် "

လူငယ်တစ်ယောက် မကျေမနပ် "တောက်"  ခေါက်ပါတယ်။

ကျွန်တော်      "ဘာဖြစ်လို့လဲ"

သူက စိတ်တိုနေပေမယ့် ကျွန်တော့ကို ရှင်းတော့ပြပါတယ်။

သူ့သူငယ်ချင်းက အလုပ်တစ်ခုမှာ သူ့ကို ကလိမ်ကကျစ်ကျတဲ့ အကြောင်း ၊ သူ့ရှေ့မှာတော့ ပြုံးပြုံး၊ ပြုံးပြုံးနဲ့ နောက်ကျောကနေ ဓားနဲ့ ထိုးတတ်တဲ့ အကြောင်း၊ လူကြီးရှေ့မှာ မခုတ်တတ်တဲ့ ကြောင်လိုလုပ်ပြပြီး ကွယ်ရာမှာ "ကြွက်သူခိုး" ဖြစ်ကြောင်းနဲ့ မဆုံးနိုင်တော့ပါဘူး ပြောနေတာ။

ကျွန်တော်  ။   ။ "ခွင့်လွှတ်လိုက်ပါ"

လူငယ် ။        ။ "ဟာ ဘယ်ဖြစ်မလဲ၊ သူ့ကို လက်စားချေရမှ ဖြစ်မယ်။  "

ကျွန်တော်။     ။ "မလုပ်ပါနဲ့ကွာ."

လူငယ်  ။       ။ "မရဘူးဗျာ"

ကျွန်တော်။     ။ " အပြစ်ရှိသူတိုင်းကို ခံရသူတိုင်းက အပြစ်လိုက်ပေးနေမယ်ဆိုရင် ငရဲပြည်နဲ့ ငရဲမင်းဆိုတာတောင် ဘယ်လိုအပ်တော့မှာလဲ. . "

"သူတို့ အလုပ်ရှိအောင် မင်းကို ခွင့်လွှတ်ခိုင်းတာပါ။ 

စဉ်းစားကြည့်ပါကွာ။   အပြစ်ပေးဖို့က ငါတို့အလုပ်မှ မဟုတ်တာ။"

"ဒီတော့ "

ကျွန်တော့စကား မဆုံးသေးပေမယ့် ကောင်ကလေး ကတော့ သဘောပေါက်သွားပြီ ထင်ပါတယ်. . . ရှေ့ခရီး ဆက်ဖို့ပဲ ဟန်ပြင်နေပါတော့တယ်. .

သဲအောင်

အားလုံးကိုချစ်ခင်လေးစားလျှက်. . . . 

 

သားဖေဖေ

သားရယ်...
          ငယ်စဉ်တုန်းက
          လူတကာနဲ့ ယှဉ်ရင်
          သား. . . . မညံ့ခဲ့ပါဘူး ကွယ်။
          "၀မ်းဆွဲကောင်းလို့ပါ ." ပါ
           ဖေဖေ ပြောခဲ့တာဟာ
           သား ကိုယ်သား အထင်ကြီးပြီး
           မာန်တက်နေမှာ စိုးလို့ပါ။
        
           ၀မ်းဆွဲကောင်းလို့
           လျောလျော လျူလျူ
           လူဖြစ်ခဲ့ရတာလို့ ပြောခဲ့ရင်လည်း
           စိတ်နာစရာလားကွယ်..

          တကယ်တော့ ........
           ကြီးပွားအောင်မြင်နေတဲ့ သူတိုင်းဟာ 
         ကိုယ်ပိုင် အစွမ်းအစ 
         ကိုယ်ပိုင် အရည်အချင်း ရှိလို့သာ
         အောင်မြင်နေကြတယ်ဆိုတာ 
         သေချာတွေးရင် သိနိုင်ပါတယ်

          သားကြီးပွား အောင်မြင် သွားတဲ့အခါ
          သားရဲ့ ကိုယ်ပိုင် အစွမ်းအစကြောင့်ဆိုတာ
          မေးစရာမလိုတဲ့ မေးခွန်းပါပဲကွယ် ...

          အောင်မြင်ကြီးပွားအောင် ......... ကြိုးစားနော်...

                                                                         ဖေဖေ


ကောင်းသန့်

အားလုံးကိုချစ်ခင်လေးစားလျှက်. . . .

  

လူ့အကျင့်စရိုက်ကို ကျော်ကြည့်ပါ

လူတစ်ဦး တစ်ယောက်ကပြောသော အောက်ပါ စကားမျိုးကို ကြားဖူးကြမည်။

"သူ့ကိုတော့ ဗွေမယူပါနဲ့ကွာ၊ သူဘာလုပ်မိတယ်ဆိုတာ သူ့ဘာသာ သိတဲ့လူ မဟုတ်ပါဘူး. . "

ထိုစကားမျိုးကို ကြားရလျှင် သင်သည် လူတစ်ယောက်၏ အကျင့်စရိုက်ထက်ကျော်၍ ကြည့်ရန်ဖြစ်သည့် အခြေအနေမျိုးနှင့် ကြုံရခြင်းဖြစ်သည်။ ကိုယ့်မှာ သားသမီးရှိလျှင် ခွင့်လွှတ်ခြင်း ဟူသော သာမန်ကိစ္စကလေး၏ အရေးပါပုံကို သဘောပေါက်ပါလိမ့်မည်။

အကယ်၍သာ ကိုယ့်သားသမီး၏ အနေအထိုင် စရိုက်ကို အမှီပြု၍ မိဘအနေဖြင့် ချစ်ရမည်ဆိုပါက ချစ်ရန်အကြောင်းပင် ခက်တော့မည်။ အကယ်၍သာ လူတစ်ဦး၏ အနေအထိုင် စရိုက်ကိုကြည့်၍ ခင်မင် နှစ်လိုရမည်ဆိုပါက အသက် ၂၀ မပြည့်မီ လူငယ်များ ဖြစ်ခဲ့စဉ်က ကျွန်ုပ်တို့အား မည်သူက မှ မေတ္တာထားခဲ့ကြစရာ အကြောင်းမရှိပေ။

ထိုစိတ်မျိုးကို ကိုယ်တွေ့သမျှ လူတိုင်းအပေါ်၌ ထားနိုင်လျှင် မည်မျှ ကောင်းမည်နည်း။ ကိုယ်မကြိုက်သော အလုပ်ကို တစ်ယောက်က လုပ်မည် ဆိုပါက ကိုယ့်သားသမီးများကဲ့သို့ပင်မေတ္တာရှေ့ထား၍ ကြည့်မြင်နိုင်လျှင် ကျွနိုပ်တို့ကမ္ဘာကြီး၌ မေတ္တာတရား ပိုမိုထွန်းကားရန် အကြောင်းရှိပေသည်။

ဤသို့ဆိုသဖြင့် ကိစ္စတိုင်းကို မသိကျိုးကျွံပြုလျှက် ကိုယ့်ဦးခေါင်းကို တက်နင်းသူများကိုလည်း ခွင့်လွှတ်ကာ လောကကြီးသည် နေချင့်စဖွယ် ဖြစ်သည်ဟု သဘောထားဖို့ မဆိုလိုပါ။  

အပြုသဘောမဆောင်သော လုပ်ရပ်များကိုလည်း ခွင့်လွှတ်ရန် လိုက်လျောရန် မဟုတ်ပါ။ ဆိုလိုသည်မှာ အခြားသူများအပေါ်သံသယ အကျိုးကို ခံစားတတ်ရန် အဝေးအနီး ချင့်ချိန်၍ သဘောထား တတ်ဖို့ ဖြစ်သည်။ 

လုပ်ငန်းခွင်တစ်ခုတွင် လုပ်နေသော စာရေးတစ်ယောက်သည် မလှုပ်တလှုပ် မထိတထိ စိတ် မပါ့တပါ လုပ်နေသည်ကို တွေ့ရလျှင် ထိုနေ့အတွက်သာ သူအဆင်မပြေဖြစ်ရသလား ဟု သက်ညှာစွာ တွေးတော ကြည့်ရန်ဖြစ်သည်။ 

ကိုယ့်ဇနီး/ခင်ပွန်း ကဖြစ်စေ၊ ရင်းနှီးသော မိတ်ဆွေတစ်ဦးက ဖြစ်စေ ဘုကျကျ ပြောဆိုသည် ဆိုပါက သူ့စိတ်အခြေအနေ ကို ကိုယ်က သဘောပေါက် နားလည်ကြည့်ရန် လိုသည်။ ထိုကဲ့သို့ ပြောဆိုမိတတ်ကြ သော်လည်း ကိုယ်နှင့် ရင်းနှီးသော ထိုသူတို့သည် ကိုယ့်ကို မေတ္တာမပျက် ဆက်ဆံလိုသူများပင် ဖြစ်ကြသည်။ 

ထို့ကြောင့် လူတစ်ဦး၏ အကျင့်စရိုက်တို့ကို ကျော်၍ သူ့အဖြစ်ကို နားလည် သိရှိရန်မှာ ထင်တာထက် ပို၍ ကိုယ့်မှ လွယ်ကူသွားစရာ အကြောင်းရှိလေသည်။ ယခုပြောသော နည်းလမ်းကို စမ်းသပ်ကြည့်ပါ က အကျိုးထူးကို တွေ့ရှခံစားရပါလိမ့်မည်။

မောင်ဆုရှင်

အားလုံးကိုချစ်ခင်လေးစားလျှက်. . . .

  

တောထွက်လာသော အရှင်မဟာကဿပ အလောင်းအား ဘုရားကြိုဆိုနေပုံ

ဘုရားပရိနိဗ္ဗာန် စံတော်မူပြီးနောက် သာသနာကို စောင့်ရှောက်ရစ်မည့် ရှင်မဟာကဿပ အလောင်း "ပိပ္ပလိ"  သတို့သားသည် အလုပ်သမား ရွာပေါင်း ၁၄ ရွာနှင့် စစ်တပ် အစိတ်ကို ပိုင်ဆိုင်လျှက် ကုဋေများ စွာ ဥစ္စာကြွယ်ဖြိုး သူဌေးမျိုးမှ သူဌေးကတော်နှင့် အတူ ရဟန်းပြုလာခဲ့သည်။ သူတို့ နှစ်ဦး လမ်းခွဲသော နရာ၌ ကမ္ဘာမြေ တုန်လှုပ်သံကို အရင်းခံ၍ ဆင်ခြင်တော်မူသော ဘုရားရှင်လည်း အကြောင်း အရာကို ကောင်းစွာ သိမြင်တော်မူနှင့်လေသည်။ 

ထိုခဏ၌ပင် ဝေဠုဝန် ကျောင်းတော်မှ ၃ ဂါ ၀ုတ်မျှ ဝေးကွာသော ပြည်ညောင်ပင်သို့ ကြွတော်မူ၍ ခရီးကြို ဆိုကာ ရောင်ခြည်တော်ခြောက်ဖြာ ထွက်စေကာဖြင့် ထိုငနေတော်မူနှင့်လေသည်။ ကဿပ အရှင်သည် ဘုရားကိုမြင်လျှင် "ငါ့ဆရာပင်တည်း" ဟု ဆုံးဖြတ်၍ ဘုရားခြေတော်တွင် ဦးခေါင်းတင်ကာ တပည့်ဖြစ်ပါကြောင်းကို လျှောက်ထားလေသည်။ ဘုရှားရှင်သည် သံဃာ့ပရိသတ်အလယ်၌ မကြာမကြာ တန်းတူထား၍ မြှောက်စားတော်မူလေသည်။

THE BUDDH WELCOMING THE PERSON WHO HAD RETIRED FROM THE WORLD AND WAS TO BECOME THE VENERABLE MAHAKASSAPA

Pippali was destined to become Venerable Mahakassapa who would protect the dispensation of the Dhamma afger his death. He was in charge of 14 villages of workmen and a section of the fighting forces. He belonged to a very rich family worth several crores of money and together with his wife retired from home-life to lead a religious life. There was a mighty earth-quarke at the place where Pippali parted with his wife on retirement from the world. The Buddha surveyed with his Buddha-eye and saw the cause of the earth-quarke. 

Immediately there after the Buddha went to the giant banyan tree about 3 gavutas away ( about six miles) to welcome Pippali. He then sat at the foot of the tree causing the six resplendent rays of light to issue forth from his body. Pippali,who later came to be known as Mahakassap, saw the Blessed One and , coming to this decision. " He indeed is my master", placed his head upon the feet of the Blessed One and said, "Lord, I am your disciple". The Buddha often honoured him before the assembly of monks by treating him as a member of the Holy Order of a standing equal to him.

အားလုံးကိုချစ်ခင်လေးစားလျှက်. . . . 

 

အသက်ထက်ဆုံးအောက်မေ့ဖွယ် သြ၀ါဒရတနာများ

သုံးဆယ့်တစ်သွယ် ၊ဘုံရှုပ်နယ်ကို
ဟုတ်တယ်လို့များ၊ ထင်မမှားနှင့်
တရားနှင့်သာ ၊ ဆင်ခြင်ပါစို့။

ငါတို့တွေဘုံ၊ ဖြစ်ရပုံမှာ
ဇာတ်ရုံမလွဲ၊ မျက်လှည့်ပွဲသို့
ပြောင်းလဲခန္ဓာ ၊လှည့်လည်ကာဖြင့်
ကံသာ ကြောင်းရင်း၊ သူဖန်ဆင်းလို့
မငြင်းဆန်သာ၊ ထက်အောက်ရွာတွင်
ခန္ဓာထသည်ကား ၊ရုပ်စုံစွဲလျက်
ငရဲအပါယ်၊ သွက်သွက်လည်ခဲ့
အေးဖွယ်သုခ၊ ဘယ်မရဘူး
ဒုက္ခနှင့်သာ၊ ခုတိုင်ကြာပေါ့။

နောင်ခါဘယ်ပုံ၊ ဖြစ်ရတုံကို
မူကုန်နောင်ရေး ၊ မသိသေး၍
အေးအေးလုံးလုံး၊ အချိန်ဖြုန်းပြီး
ရယ်ပြုံးမေ့ကာ ၊ စိတ်ထင်ရာကို
ဘာညာဘယ်ဟု၊ ဘယ်မပြုနှင့်

သေမှုသေရေး၊တယ်မဝေးဘူး
ကိုယ်ရေးကိုယ်တာ၊ နောက်တော်ပါအောင်
ကိုယ်သာပိုင်မူ၊ ဥာဏ်စက္ခုဖြင့်
နုနယ် ပျိုစင်၊ မအိုခင်က
ကြိုတင်ပြုမှ ကောင်းရာသော်။

(ဘန္ဒန္တသာဂရ) ရဟန္တာအရှင်သူမြတ်
မကွေးတိုင်း၊ မြိုင်မြို့နယ် ဆီးတောရွာကျောင်း။

သုတေသီ ဘုန်းမြင့်သွေး

အားလုံးကိုချစ်ခင်လေးစားလျှက်. . . .



ကူညီစောင်မပါ၊ အတုံ့အပြန်ကို မမျှော်လင့်ပါနှင့်

ဤနည်းလမ်းမှာ စာဖတ်သူများအား မိမိဘ၀တွင် ၀န်ဆောင်မှုနှင့်ရောစပ်ရန်အတွက် အထောက်အကူ ဖြစ်လိမ့်မည်. . . ဤနည်းလမ်းကို ကျင့်သုံးပါက. . . တစ်စုံတစ်ယောက်သောသူအတွက် အတုံ့အပြန် မမျှော်ကိုးဘဲ ကူညီလိုက်ရလျှင် မည်မျှ လွယ်ကူ၍ မည်သို့သော စိတ်ချမ်းသာမှု ရရှိနိုင်ကြောင်း သိရပေလိမ့်မည်။ 

မကြာခဏဆိုသလိုပင် ကျွန်ုပ်တို့သည် သိသိသာသာ အားဖြင့်သော်လည်းကောင်း၊ မသိမသာအားဖြင့်သော် လည်းကောင်း အခြားသူတို့အတွက် ကိစ္စတစ်ခုကိ ဆောင်ရွက်ပေးရသည့်အခါ ကျေးဇူးပြုခြင်း ခံရသူတို့ထံမှ တစ်စုံတစ်ရာ အတုံ့အလှည့်ကို မျှော်လင့်မိကြသည်။ "ကျွန်တော် သန့်စင်ခန်းကို ဆေးကြောပေးထားလို့. . . သူက အိမ်သာကို ဆေးကြောပေးသင့်ပါတယ်. . . "  ဟူ၍ လည်းကောင်း၊ "အရင်တစ်ပတ်တုန်းက သူ့ကလေးကို ထိန်းပေးခဲ့လို့ ဒီအပတ်တော့ သူလုပ်မယ်လို့ ပြောသင့်ပါတယ်. . " ဟူ၍လည်းကောင်း အသေးအဖွဲကအစ ပြောမိတတ်ကြသည်။ဤသို့ ပြောခြင်းသည် ကိုယ်ကျေးဇူးပြုသမျှကို မလွတ်တမ်း စာရင်းတို့ထားလျှက် ကိုယ်က ပြုလုပ်ပေးရခြင်းသည် ကိုယ်ရသော ဆုလာဘ် ဖြစ်သည် ဟူသော အချက်ကို မေ့မေ့လျော့လျော့ ပြုတတ်ကြသည်။ 

တစ်စုံတစ်ယောက်အတွက် ကောင်းမှု ပြုရလျှင် ပြုလိုက်ရုံ သက်သက်သာ ဖြစ်သင့်သည်။ ထိုအခါ ကိုယ့်စိတ်ထဲ၌ ကျေနပ်လှပသော ငြိမ်းချမ်းမှု ပေါ်ပေါက်နေလိမ့်မည်ကို အေးအေးလူလူ တွေးကြည့်မိလျှင် သိနိုင်မည်ဖြစ်သည်။ တက်တက်ကြွကြွ လှုပ်ရှားလေ့ကျင့်သော လေ့ကျင့်ခန်းများသည် ဦးနှောက်တွင်းရှိ အင်ဒိုဖင် ဓာတ်များကို ထွက်စေ၍ ကိုယ်ကာယ လှုရှားမှု တွင် နေကောင်းထိုင်သာ ရှိသကဲ့သို့ စေတနာ မေတ္တာဖြင့် ကူညီသော အလုပ်များသည် စိတ်ဓာတ်ကို အလားတူ အကျိုးများပေးနိုင်လေသည်။ 

ကိုယ်ရရှိသည့် ဆုလာဘ်မှာ ကြာင်နာစွာ ဆောင်ရွက်ရသော လုပ်ငန်းတွင် ကိုယ်တိုင်ပါဝင်ခွင့်ရရှိခြင်း ဖြစ်ကြောင်းသဘောပေါက်နိုင်ခြင်းဖြစ်သည်။ ထိုအခါ သင့်မှာ တစ်စုံတစ်ရာ အတုံ့အပြန် မလိုအပ်ရုံမက "ကျေးဇူးတင်ပါတယ်" ဟူသော စကားကိုပင် လိုအပ်စရာ မရှိပေ။   အမှန်စင်စစ်အားဖြင့် ကိုယ်က ဆောင်ရွက် ကျေးဇူးပြုလိုက်သည်ကို ကာယကံရှင်အား အသိပေးနေစရာ မလိုအပ်ပေ။ 

စိတ်၏ ကြည်နူးမှုကို အဆီးအတားပြုသော အရာကား အတုံ့အပြန် သဘောကို မျှော်လင့်ခြင်းပင်ဖြစ်သည်။ ကိုယ့်စိတ်က မျှောလင့်ချက် တစ်စုံတစ်ရာ ထားမိသည့် အတွေးသည် ရင်ထဲတွင် ကြည်နူးရမည့် ကိစ္စကို ဖျက်လိုဖျက်ဆီး ပြုလိုက်သလို ဖြစ်ရလေသည်။ထိုအတွေးမျိုးမပေါ်လျှင် ကြည်နူးရပေလိမ့်မည်။ 

ထို့ကြောင့် တစ်ပါးသူအတွက် အကျိုးရှိစေမည့် စေတနာဖြင့် ဆောင်ရွက်ပေးမည့် ကိစ္စတစ်ရပ်ရပ်ကို ရှာကြံ၍ အကျိုးမမျှော်ဘဲ ပြုလုပ်ရသည်။ ကိုယ်က အခြားတစ်ဦးဦးအား ကူညီစောင့်ရှောက်ပြီးသွားသည့် နောက် အကျိုးမမျှော်ကိုးဘဲ လုပ်ကိုင်ပေးရခြင်းအတွက် စိတ်နွေးထွေးကျေနပ်မှု ဖြစ်ပေါ်နိုင်ခြင်း ရှိမရှိ သတိထားကြည့်ပါ။  ထိုသို့ပြုလုပ်လေ့ကျင့်နိုင်သည်နှင့် အမျှ စိတ်ချမ်းသာ ကြည်နူးရခြင်း အမြတ်ကို ရရှိပါလိမ့်မည်။

မောင်ဆုရှင်

အားလုံးကိုချစ်ခင်လေးစားလျှက်. . . .

 

လူ့တိရစ္ဆာန်

လူ့အဖြစ်ကို ရပြီးမှ
တိရစ္ဆာန်အကျင့်ကို ကျင့်နေသူကို
လူ့တိရစ္ဆာန် လို့ခေါ်ပါတယ်...

တချို့လူတွေဟာ
အတ္တသိပ်ကြီးကြတယ်..
တစ်ကိုယ်ကောင်း သိပ်ဆန်တယ်
မြေခွေးလို ကောက်ကျစ်တယ်

ကိုယ့်တစ်ဦးတည်း ကောင်းစားရေးကို
ကြည့်ပြီး လုပ်တယ်။

သူတစ်ပါး ဘာဖြစ်ဖြစ် စိတ်မ၀င်စားဘူး
မိမိအဆင်ပြေဖို့ပဲ ကြည့်တယ်။

အဲလိုလူတွေဟာ
တိရိစ္ဆာန်အကျင့်ကို ကျင့်တဲ့သူပဲ
ဘယ်လောက် ရွံ့စရာကောင်းလဲ။

တိရစ္ဆာန်  ဖြစ်လို့
တိရစ္ဆာန်လို ခေါ်တာထက်
လူဖြစ်ပြီး လူ့အကျင့်ကို မကျင့်ဘဲ
တိရစ္ဆာန်အကျင့်ကို ကျင့်လို့
လူ့တိရစ္ဆာန် လို့ အခေါ်ခံရတာဟာ

တိရစ္ဆာန် ထက်တောင်
ပိုပြီးတော့ အောက်တန်းကျပါတယ်

လူဟာ လူလိုပဲ ကျင့်ရပါတယ်
တိရစ္ဆာန် လိုမကျင့်ရပါဘူး

အိန်ဂျယ်(လ်)

အားလုံးကိုချစ်ခင်လေးစားလျှက်. . . .

 

သာကီဝင်မင်းသား ခြောက်ယောက် ရဟန်းပြုကြပုံ

ဗုဒ္ဓမြတ်စွာ ဘုရားဖြစ်ပြီးသောအခါ နန္ဒမင်းသားစသော သာကီဝင်မင်းသားများစွာတို့ ဘုရားထံ ရဟန်းပြုကြလေသော် သားနှစ်ယောက် သုံးယောက်ရှိသော အိမ်တော်မှ တစ်ယောက်မျှ ထွက်၍ ရဟန်းမပြုလျှင် တာဝန်မကျေသကဲ့သို့ ဖြစ်နေရကား မဟာနာမ်နှင့် အနုရုဒ္ဓါ ညီနောင်နှစ်ပါးတိုင်ပင်ကြရာ အနုရုဒ္ဓါမင်းသားက ရဟန်းပြုမည်ဟု ၀န်ခံလေသည်။ ထိုအချိန်မှာ ရှင်ဘုရင်ဖြစ်နေသာ ဘဒ္ဒိယမင်းသည် အနုရုဒ္ဓါမင်းသာနှင့် ရင်းနှီးသော သူငယ်ချင်းပေတည်း။

ထို့ကြောင့် အနုရုဒ္ဓါသည် ဘဒ္ဒိယမင်းထံသွား၍ ရဟန်းပြုဖို့ရန် အဖော်ညှိလေရာ ဘဒ္ဒိယဘုရင်လည်း ရဟန်းပြုဖို့ ၀န်ခံပြန်၏  ဤနည်းအားဖြင့် အာနန္ဒာ၊ ဘဂု၊ ကိမိလ၊ ဒေ၀ဒတ်နှင့် ဆတ္တာသည် ဥပါလိ ၇ ယောက်လုံး ဘုရားထံရောက်လာကြလေသည်။ ထိုအခါ "သာကီဝင်မင်းမျိုးသည် အလွန်မာနကြီးပါသည် ။ ထိုမာနကို နှိမ်ချိုး၍ ဥပါလိကို ရှိခိုးနိုင်ဖို့ရာ ဥပါလိကို ပထမ ရဟန်းပြုပေးပါ "  ဟု လျှောက်၍ နောက် မိမိတို့ ရဟန်း ပြုကြလေသည်။


ORDINATION OF SIX PRINCES OF THE SAKYA CLAN

After the attainment of Supreme Buddhaship by the Great being, Nanda and many other princes of the Sakya clan became monks under the discipline of the Blessed One. It therefore appeared to those households of the same clan, with two or three sons in each family , that they would be failing in their duty if none came forth to be ordained.The two brothers Mahanama and Anuruddha discussed this subject, and Anuruddha agreed to be ordained.

Bhaddiya who was then a ruling monarch, happened to be an intimate friend of Anuruddha. Anuruddha therefore went to king Bhaddiya and persuaded him to become a monk along with him, and Bhaddiya agreed. Accordingly, seven of then including Ananda, Bhagu, Kimila, Devadatta and Upali, the barber came to the Buddha. There they made their requesth that Upali be admitted first, in order that their Sakya pride might be humbled through having their former attendant as their senior. They were then ordained accordingly.

အားလုံးကိုချစ်ခင်လေးစားလျှက်. . . .

 

သမီးလေးဖတ်ဖို့

သမီး...

ကိုယ့်မှာ ချစ်သူရှိတဲ့အခါ
သူ့ကိုယူနိုင်အောင် ကြိုးစားပါ

ဒါမှမဟုတ်
ကိုယ်အားကိုးရမယ်ထင်လို့
လက်ထပ် ယူထားတဲ့ သူကို
ချစ်မြတ်နိုးအောင် ကြိုးစားပါ

ဒီနှစ်ခု စလုံးကိုမှ
မလုပ်နိုင်ဘူးဆိုရင်တော့
တစ်ယောက်တည်းနေတတ်အောင် ကြိုးစားပါ

ဘုရားသခင်ရဲ့ အလိုဆန္ဒကို ဆန့်ကျင်ပြီး
တစ်ယောက်တည်းနေမယ် ဆိုရင်တော့
ပျင်းစရာ ကောင်းနေမလားလို့

ဒါပေမယ့်
ဘ၀ပေး ကုသိုလ်အရ
တစ်ယောက်တည်း နေဖို့
ကံ  ပါလာရင်လည်း အားမငယ်နဲ့.

မိဘတွေအနားမှာပဲ တစ်သက်လုံး 
ပျော်ပျော်ရွှင်ရွှင် နေသွားနော်

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . . 

 

ချွေးထုတ်ပြီး အဆိပ်အပုပ်ရှင်းထုတ်နည်း (၂)

အဆိပ်အပုပ်များကို ပေါင်းငွေ့ခံရေချိုးပြီး ချွေးထုတ်နည်းဖြင့်လည်း ချွေးထုတ်နိုင်ပါတယ်..

ရေစိမ်ကန် သို့မဟုတ် ရေပူစမ်းမှာ ရေနွေးချိုးခြင်းဖြင့်လည်းအဆိတ်အပုပ်များကို ကိုရှင်းထုတ်နိုင်ပါတယ်. . . ရေနွေးချိုးပြီးနောက် အရေပြားနှင့် ပတ်ဝန်းကျင်တို့၏ အပူရှိန်မြင့်မားမှုကြောင့် အလွယ်တကူ ချွေးထွက်လာပါတယ်. . . ကိုယ်တွင်းကမကောင်းသော အခိုးဓာတ်၊ လေနှင့် အခြားသော အရာများသည် ချွေးရည်များသည် ထွက်လာပါသည်။  အရေပြားများကို သန့်စင်ရာတွင် ဒီနည်းဟာ ထိရောက်ပြီး လုံခြုံ စိတ်ချရပါသည်။ သို့သော သွေးတိုးနှင့် နှလုံးရောဂါသမားများ သည် ဆရာဝန်နှင့် တိုင်ပင်ပြီးမှ ဒီနည်းကို အသုံးပြုသင့်ပါသည်. . ဒီနည်းဖြင့် ချွေးထုတ်ရာတွင် ချွေးထွက်မှုမများအောင် ရှောင်ကြဉ်ရပါမည်. . .

အစားအသောက် စားသုံးခြင်းဖြင့် အဆိတ်အပုပ်များကိုလည်းရှင်းထုတ်နိုင်ပါသည်

အစားအသောက်ဖြင့် ချွေးထုတ်ခြင်းက ပိုမိုလွယ်ကူပါသည် ခန္ဓာကိုယ်ချည့်နဲ့သူများနှင့် ပိုမို ကိုက်ညီမှုရှိပါသည်။ပဲနီလေး (သို့) ပဲစိမ်းဖြင့် ဆန်ပြုတ်ပြုတ်သောက်ပြီး ချွေးထုတ်နိုင်ပါသည်. . . ဆန်ပြုတ်သောက်ခြင်းဖြင့် ချွေးမထွက်ပါက ဆန်ပြုတ်ပူပူတွင် အပူအစပ်ထည့်ပြီး သောက်သုံးနိုင်ပါသည်.  အစာအိမ်နှင့် လိပ်ခေါင်းရှိသူများသည် ငရုပ်သီးကိုရှောင်ကျဉ် ရပါမည်။ ကြံသကာနှင့် ချင်းပြုတ်ရည်ကိုလည်း သောက်နိုင်ပါသည်။

စောင်ခြုံပြီးလည်း ချွေးထုတ်နိုင်ပါသည်

 အင်္ကျီအ၀တ်အစားထူထူဝတ်ခြင်း၊ အပူချိန်မြင့်သော အခန်းတွင်း စောင်ခြုံပြီးနေခြင်းအားဖြင့်လည်း ချွေးတုထတ်နိုင်ပါသည်။ ဒီနည်းဖြင့် ချွေးထုတ်မည်ဆိုပါက ရေများများသောက်ဖို့လိုပါသည်။ ကျောက်ကပ်မထိအေအာင်အတွက် ဆီးရည်ထဲအညစ်အကြေး ပျော်ဝင်နှုန်းမြင့်မနေရန် ဆီးရွှင်၊ဆီးများအောင် ဂရုစိုက်ပေးရပါသည်။

ဆေးပညာနည်းနာဖြင့် အဆိပ်အပုပ်ရှင်းထုတ်ခြင်းသည် အချိန်တိုအတွင်း အထိရောက်ဆုံး စွမ်းဆောင်ချက်များဖြစ်ပါသည်။  ယခုဖော်ပြပါနည်းများဖြင့် ရံဖန်ရံခါ အဆိပ်အပုတ်များကိုရှင်းထုတ်သင့်ပါသည်. . ကာလကြာရှည်စါာ အားကိုးမှီခိုဖြင့် မဖြစ်စေဖို့အကြံပြုလိုပါသည်။

မင်းစံအိမ်

အားလုံးကိုချစ်ခင်လေးစားလျှက်. . . .

 

ချွေးထုတ်ပြီး အဆိပ်အပုပ်ရှင်းထုတ်နည်း (၁)

သင့်ခန္ဓာကိုယ် လေးလံထိုင်းမှိုင်းတယ် ၊ မျက်နှာမွဲခြောက်တယ် ။ စိတ်လေးလံနေတယ် ဆိုလျှင် ဒါတွေကို ပပျောက်စေဖို့ အထိရောက်ဆုံး နည်းကတော့ ပေါ့ပါး ပျော်ရွှင်စွာ ဆောင်ရွက်နိုင်တဲ့ အဆိပ်အပုပ် ရှင်းထုတ်နည်းပါပဲ. . . . နေ့တိုင်း အချိန်တိုင်းမှာ အဆိပ်အပုပ် ရှင်းထုတ်နည်း တစ်မျိုးမျိုးကို ရွေးချယ်လုပ်ဆောင် ပြီး အကျိုးသက်ရောက်မှု အာနိသင့်ကို လည်း လက်တွေ့ ခံစားကြည့်ပါ. . .

မိမိခန္ဓာကိုယ်ရှိ အဆိပ်အပုပ်များကို ချွေးထုတ်ခြင်းဖြင့် လည်း ရှင်းထုတ်နိုင်ပါသည်
အစာခြေလမ်းကြောင်း၊ ဆီးစွန့်လမ်းကြောင့် နှင့်ချွေးဂလင်းတို့ဟာ ခန္ဓာကိုယ်ရဲ့ အဆိတ်အပုပ် စွန့်ထုတ်ရာ လမ်းကြောင်းကြိး ၃ ခုဖြစ်ပါတယ်. . . အဆိပ်အပုပ်တွေ ရှင်းထုတ်အားမြင့်မားဖို့ ၊ ခန္ဓာကိုယ်ပြင်ပသို့ အချိန်မှီ စွန့်ပစ်နိုင်ဖို့ ဆိုလျှင် ဒီလမ်းကြောင်း ၃ ခု ပွင့်နေရပါမယ်. . . ဒါဟာရောဂါ ကာကွယ်ရေးနှင့် ခန္ဓာကိုယ် ကျန်းမာရေးအတွက် လိုအပ်ချက်လည်းဖြစ်ပါသည်။.

ချွေးထွက်တဲ့ နည်းနဲ့ အဆိပ်အပုပ်ကို စွန့်ထုတ်တာဟာ ခန္ဓာကိုယ်ပေါ်က မျက်နှာပြင် ဧရိယာ အကျယ်ဆုံးဖြစ်တဲ့ အရေပြားကို အသုံးပြုခြင်းပါပဲ. . . . တစ်ကိုယ်လုံးက အမွေးကျင်းတွေ အားလုံး ပွင့်ပြီး ချွေးတွေ ဖြိုင်ဖြိုင်ကျလာခြင်းဖြင့် ချွေးရည်နဲ့အတူ အဆိပ်အပုပ်များကိုလည်း ပါသွားနိုင်ပါသည်. .

ချွေးထွက်ခြင်းကြောင့် တစ်ကိုယ်လုံးက အကြောအခြင်နှသ့် အခိုးဓာတ်ကိုပွင့်စေပါသည် . ကိုယ်တွင်း အင်္ဂါက လီစာများကို ပိုအလုပ်လုပ်စေပါသည်. . စိတ်အားနှင့် ခွန်အားများကို ပွားစေသည်. ထို့အပြင် အသိမဲ့ အာရုံကြောရဲ့ စွမ်းရည်ကိုလည်း ထိန်းညှိပေးသည် သွေးကြောငယ်များကို ပိုကျယ်စေတဲ့ အတွက် သွေးလှည့်ပတ်မှု အားကောင်းစေတယ်လို့ တရုတ်တိုင်းရင်းဆေးပညာက ဖွင့်ဆိုထားပါသည်။

ကျန်းမာသူတစ်ဦးဟာ သင့်တင့်စွာ ချွေးထုတ်နိုင်လျှင် သွေးလှည့်ပတ်မှုကို ကောင်းစေခြင်း ၊ အာရုံကြောကို သန့်စေခြင်း ၊ခန္ဓာကိုယ်ရဲ့စွမ်းရည်အရပ်ရပ်ကို တိုးစေခြင်းများအတွက် များစွာ အကျိုးရနိုင်ပါသည်။

ချွေးထုတ်ပြီး အဆိပ်အပုပ် များကို နည်းမျိုးစုံဖြင့် ရှင်းထုတ်ရာတွင် ပထမနည်းမှာ -

(၁) ကိုယ်လက်လှုပ်ရှားပြီးချွေးထုတ်နည်း
 ကျန်းမာသူတစ်ဦးအတွက် ကိုယ်လက်လှုပ်ရှားပြီးချွေးထုပ်ခြင်း ဟာ အကျိုးအများဆုံးပါပဲ. . . ကိုယ်လက်လှုရှားအားကစားပြုတဲ့အခါ ခန္ဓာကိုယ်ကြွက်သားများမှ ကယ်လိုရီများ လျင်မြန်မြောက်များစွာထွက်လာနိုင်ပါသည် . . . အပူများ အမြန်ပျံ့လွှင့်စေရန်အတွက် ခန္ဓာကိုယ်မှာ ချွေးစို့ခြင်း (သို့) ချွေးဒီးဒီးကျခြင်းများ ဖြစ်လာပါတယ်. . . ထွက်လာသော ချွေးရည်နဲ့အတူ အဆိပ်အပုပ်တွေ ပါသွားလို့ လူကို ပေါ့ပါးသွက်လက်စေပါတသည်. . . အကိုက်အခဲပျောက်ပြီး ရောဂါမျိုးစုံကို ကာကွယ်ပေးနိုင်သည်။

မိမိရဲ့ ခံနိုင်ရည်ကို ချင့်ချိန်ပြီး သင့်လျော်တဲ့ ကိုယ်လက်လှုပ်ရှားအားကစားနည်းကိုရွေးချယ်ပြီး ချွေးထွက်သိပ်မများအောင် ဂရုစိုက်ပါ မျက်နှာတွင် ချွေးစီးကျပြီး ရင်နှင့်ကျောပိုင်းတွင် ချွေးစို့လာလျှင် နောက်ထပ် 10 မိနစ် ခန့်ကစားပြီး ရပ်နားပါ. ရက်သတ္တတစ်ပတ်လျှင် ၅-၆ ကြိမ်ပြုလုပ်ပါ . . ထို့နောက် အရေပြား ပိတ်ဆို့မှုမဖြစ်အောင် အချိန်မှီရေချိုးပါ။

ကိုယ်လက်လှုပ်ရှားပြီး ချွေးထုတ်ရာတွင် အောက်ပါအချက်များကို သတိထားပါ.

(၁) ကိုယ့်ရဲ့ခံနိုင်ရည်နဲ့ သင့်တော်မည့် အားကစားနည်းကိုသာရွေးပါ။ ပြေးခြင်း၊ ကြက်တောင်ရိုက်ခြင်း၊ ပင်ပေါင်ရိုက်ခြင်း၊ တောင်တက်ငြခ်း၊ ဒစ္စကိုကခုန်ခြင်းနှင့်ခြေမှတ်ခြင်းများကို ရွေးချယ်နိုင်ပါသည်။

(၂) ကိုယ့်ရဲ့ခံနိုင်ရည်အရ လှုပ်ရှားမှုပမာဏကို ချင့်ချိန်ပါ. ခံနိုင်ရည်အားကို ကျော်ပြီးမလုပ်ပါနှင့်။

(၃) ချွေးတဒီးဒီးကျတဲ့ အဖြစ်မျိုးကိုရှောင်ပါ. မျက်နှာပါးပြင်တွင် ချွေးစီးကျတာနဲ့ ရပ်နားသင့်ပါတယ်.

(၄) ချွေးထွက်ပြီးနော်က အ၀တ်အစားများကို ချောင်အောင်လျှော့ခြင်း ၊ ချွတ်ပစ်ခြင်းများ လုပ်ပါ ၊ ချွေးခြောက်ပြီး အေးလာသလိုခံစားရတဲ့အခါ အအေးမမိအောင် အ၀တ်အစားထပ်ဝတ်ပါ. . ညင်သာတဲ့ ကိုယ်လက်ဖြေလျှော့လေ့ကျင့်ခန်းလုပ်ပြီးရပ်နားပါ။

ကျန်သည့် အဆိပ်အပုပ်ရှင်းထုတ်နည်းများကိုလည်း ဆက်လက်ဖော်ပြသွားပါမည်။

မင်းစံအိမ်


အားလုံးကိုချစ်ခင်လေးစားလျှက်. . . .

သားဖေဖေ

ဖေဖေ
ကလေးများသည် ပုံသွင်းခံရမည့်
ပစ္စည်းများ မဟုတ်
ဖွံ့ဖြို့ရှင်သန်လာအောင်
ပြုစု ပျိုးထောင်ပေးရမည့်
လူသားများသာ ဖြစ်သည်. . . တဲ့
Jess Lair ဆိုတဲ့
ပညာရှင်တစ်ဦးက
မိန့်မှာဖူးပါတယ်

ကျွန်တော့ကို ဖေဖေက
ပုံသွင်းခဲ့တာလား
ပြုစုပျိုးထောင်ခဲ့တာလား
ကျွန်တော့စိတ်ထဲမှာ
မသဲကွဲဘူး ဖေဖေ....


သား

ကောင်းသန့်

အားလုံးကိုချစ်ခင်လေးစားလျှက်. . . .

စာဖတ်ပါ

လူသည် အာဟာရပြည့်ဝဖို့
အစားအသောက်ကို နေ့စဉ်စားရ၏
အသိဥာဏ် ပြည့်ဝဖို့
နေ့စဉ် စာဖတ်ရ၏


အားလုံးဟာ ပြည့်စုံတဲ့ အရာတစ်ခု
မဟုတ်ရင်တောင်မှ
အောင်မြင်ကြီးပွားလိုတဲ့ သူအတွက်တော့
အထောက်အကူပြုမှာ မလွဲပါဘူး.

တကယ်စာဖတ်တဲ့သူဟာ
အသိဥာဏ်ပြည့်ဝသွားမယ်
စိတ်ဓာတ်ခွန်အား ရင့်ကျက်လာမယ်

အချိန်က တန်ဖိုးရှိလို့
လောကဓံကို ရင်ဆိုင်နိုင်မယ့်
စာတွေကိုပဲ ရွေးဖတ်သင့်ပါတယ်

ခွန်အားရှိဖို့ အစားစားရမယ်ဆိုရင်
အသိဥာဏ်ရှိဖို့ စာဖတ်ပါ

အိန်ဂျယ်(လ်)

အားလုံးကိုချစ်ခင်လေးစားလျှက်. . . .

သြ၀ါဒရတနာများ

ဟိုတစ်နေ့က သေ၍ လူ့ပြည်သို့ ခေတ္တရောက်၊ စိတ်မမောက်ကြနှင့် ၊ စိတ်နေမောက်က အရင်းပျောက်မည်

( ဒီပဲရင်း ဆရာတော်ကြီး)

ပန်းကန်ကွဲပြီးမှ ပန်းကန်ကွဲကြောင့် စိတ်မညစ်ပါနဲ့ ဖြစ်ပျက်ပြီးသား စိတ်မချမ်းသာစရာ ကိစ္စများကို တွေး၍ စိတ်ညစ်မခံပါနှင့်
(ရွှေဟင်္သာတိုက်သစ် ဆရာတော်ကြီး)

အကြင်အဆွေခင်ပွန်းနှင့် ပေါင်းဖက်ခြင်းဖြင့် စိတ်ဆင်းရဲလျှင်၊ ထိုသို့ ဆင်းရဲရကြောင်း ဆင်ခြင် သတိရ၍၊ အဆွေခင်ပွန်းကို မီးပုံကြီးကဲ့သို့ သတိပြုကာနေလေတော့
(စဥ့်ပါဆရာတော်ဘုရားကြီး)

ကိုယ်လုပ်တဲ့အလုပ်က ၊ ကိုယ့်ရဲ့အကောင်းဆုံးစိတ်နဲ့၊ အကောင်းဆုံးအရည်အချင်းကို ဖော်ပြနေတာဖြစ်ရမယ်.
(ဆရာတော်ဦးဇောတိက)

အာရုံအေးမှ စိတ်အေးသည်
အာရုံပူတော့ စိတ်ပူသည်
စိတ်အေးချမ်းသာမှုရစေရန် မေတ္တာဗြဟ္မစိုရ်ကမ္မဋ္ဌာန်း စီးဖြန်းကြပါလေ
(ဘဒ္ဒန္တသုဒ္ဓါဘိဝံသ) -မန္တလေး ၊စတုတ္ထမြောက် မစိုးရိမ်ဆရာတော်ကြီး

သုတေသီ ဘုန်းမြင့်သွေး

အားလုံးကိုချစ်ခင်လေးစားလျှက်. . . .

လူငယ်နှင့်အလှအပ

လူငယ်တွေဟာ
အလှအပကို မက်မောတာ မဆန်းပါဘူး.

လူကြီးလူငယ်မရွေးလှပချင်ကြတာပါပဲ
မိမိကိုယ်ကို လှပအောင် ပြင်ဆင်ကြတယ် .

ဒါပေမယ့် လူငယ်တွေကတော့
တိုးတက်တဲ့ အမြင်တွေနဲ့
လှပချင်ကြတာ ဖြစ်တယ်.

ဘယ်လူငယ်ကမှ
အမေတို့ခေတ အဖေတို့ခေတ်ပုံစံကို
မပြင်ဆင်လိုပါဘူး.

တကယ်တမ်းမိမိကိုယ်ကို လှပအောင် ပြင်တာထက်
မိမိကိုယ်ကို ခေတ်မီတဲ့ ပုံစံလေးဖြစ်အောင်
ပြင်ဆင်ကြတာပါပဲ..

ဥပမာ

ဆံပင်ဆိုပါတော့
ဆံပင်ဖြောင့်မယ်... ဆံပင်ကောက်မယ်.
ဆံပင်ရှည်မယ် . . ဆံပင်တိုမယ်...
ရွှေဝါရောင်ဆိုးမယ် အနီရောင်ဆိုးမယ်

ဒီအတိုင်းပါပဲ
အ၀တ်အစားကိုလည်း အတိုအရှည်
အကွဲအစုတ် ဆုတ်ကာ ဖြဲထားတဲ့ ပုံစံအထိ
အမျိုးမျိုး ဆန်းသစ်တာတွေကို သဘောကျတယ်
ဒါဟာ လူငယ်တို့ရဲ့ သဘာဝပါပဲ

စိတ်ပညာရှင်များက ဒါဟာ လူငယ်တွေရဲ့
ဆန့်ကျင်တဲ့ အတွေးတွေကို
ဖော်ထုထ်တာပဲ လို့ဆိုကြတယ်
အချို့ကတော့ မိမိကိုယ်ကို
အမျိုးမျိုး ချယ်သခြင်းဟာ
ဆန်းသစ် တီထွင်ခြင်းမြစ်ဖျားခံရာလို့ဆိုတယ်.

ဆိုခဲ့ပြီးတဲ့အတိုင်း လူငယ်တွေဟာ
အတွေးသစ် အမြင်သစ်နဲ့
တီထွင်ဖန်တီးခြင်း( CREATIVE) ကို
အန်မတန် သဘောကျကြတယ်

အလှအပဆိုတာ ကောင်းပါတယ်
အရုပ်ဆိုးတာ သဘာဝဆိုပေမဲ့
အကျည်းတန်တာကိုတော့ သဘောမတွေ့ကြပါဘူး. .

ဒါကြောင့် လူငယ်တွေ လှပအောင် ပြင်ဆင်တာကို
လက်ခံနိုင်ကြပါတယ်

သို့သော် လှတာမက်ရင် ညစာခက်မယ်
ဆိုတဲ့ စကားအရ အလှအပနောက်သို့လိုက်ပြီး
ငွေကြေးတွေကို မှားယွင်းစွာ မသုံးမိဖို့ အရေးကြီးပါတယ်..

မိတ်ကပ်လည်းပြင်ပါ
သနပ်ခါးကိုလည်းချစ်ပါ
စကပ်ကွဲကိုလည်း ၀တ်ချင်ဝတ်ပါ
မီနီစကပ်ကိုလည်း ၀တ်ချင်ဝတ်ပါ.

သို့သော် ထဘီကလည်း သူ့နေရာနဲ့သူလှပပါတယ်...
လူငယ်တွေ
အလှအပနဲ့ ပတ်သတ်တဲ့ ဆောင်းပါးများကို
ဖတ်ကာ အတွေးပွားကြည့်ပါ

ဒေါက်တာခင်မောင်ညို

အားလုံးကိုချစ်ခင်လေးစားလျှက်. . . .

ဘုရားနောက်တော်ကလိုက်၍ သားတော်ရာဟုလာ အမွေတောင်းပုံ

ဗုဒ္ဓမြတ်စွာသည် ခမည်းတော် စံနန်း၌ ဆွမ်းဘုဉ်းပေနေစဉ် ယသော်ဓနရာသည် သားတော်ကို တန်ဆာဆင်၍ ချစ်သား ရဟန်းနှစ်သောင်း၏ အလယ်မှာ တင့်တယ်စွာ နေတော်မူသော ရဟန်းတော်မြတ်သည် သားတော်၏ ခမည်းတော်ပင်တည်း မောင့်ခမည်းတော်မှာ ရှိသော ရွှေအိုးကြီးတွေကို တော်ထွက်သွားသည့် နေ့ကစ၍ မတွေ့ရတော့ဘူး. . စကြာမင်းလုပ်ရအောင် အဲဒီအမွေကို တောင်းချေ ဟု သင်ကြားကာ ဘုရားထ့သို့ စေလွှတ်လိုက်လေသည်. . .

သားတော်ရာဟုလာသည် ဘုရားအထံသို့ရောက်လျှင် ခမည်းတော်ဟူသော ချစ်ခြင်းဖြင့် ရဲတင်းစွာ ကပ်၍ ခမည်းတော်၏ အရိပ်သည် လွန်စွာအေးချမ်းပါပေ၏ သားတော်စကြာမင်း လုပ်ချင်ပါသည်. . . ခမည်းတော်အမွေကို ပေးပါ. . . ဟု တွတ်တီးတွတ်တာ ပြောဆိုက အမွေတောင်းရှာလေသည်. .. ဗုဒ္ဓမြတ်စွာ ကျောင်းပြန်ကြွရာ၌လည်း အမွေတောင်းကာ နောက်တော်က လိုက်သွားလေသော် ရှင်သာမဏေ ပြုကာ လောကုတ္တရာ အမွေကိုသာ ပေးတော်မူလေသည်....

RAHULA FOLLOWING THE BUDDH AND ASKING FOR INHERITANCE

While the Buddha was having his meal at his father's palace. Priincess Yasodhara dressed up Rahula properly with ornaments and pointing to the Buddha said, "Behold, son, that great ascetic of majestic appearance in the midst of twenty thousand monks. He is your father. The vases of goldd belonging to him have disappeared since the day he retired from home to homelessness.

Go ye and ask for your inheritance so that you may become a Universal Monarh". Young Rahula, emboldened by the lover of a son towards his father, came to his presence and said. " O, father, your shadow is cool and pleasant. I wish to become universal monarch. Please give me my inheritance." He asked for his inheritance, uttering much else that was becoming . He followed the Buddha when he went back to the monastery asking for inheritance. But the Blessed one made him owner of an inheritance transcending this world, by ordaining him as a samanera(novice) of the Holy Order.


အားလုံးကိုချစ်ခင်လေးစားလျှက်. . . .

နားလည်နိုင်စွမ်း

ကျွန်တော့်သူငယ်ချင်းတစ်ယောက် အသက်ကြီးမှ အိမ်ထောင်ပြုပါတယ် . . သူ့ရဲ့ အိမ်ထောင်ဖက်က သူ့ထက် အသက် ၂၀ လောက်လည်းငယ်ပါတယ် . . သူတို့ရဲ့ မင်္ဂလာဆောင်ကို ပျော်ပျော်ပါးပါးနဲ့ သွားရောက် ချီးမြှင့်ခဲ့ ကြပြီး သူ့ရဲ့ ပျော်ရွှင်ကြည်နှုးမှုကိုတောင် ချစ်စနိုးနဲ့ ကျီစယ်ခဲ့ကြပါသေးတယ်. .

တစ်လောက သူ့ကို ပြန်တွေ့လို့. .

ကျွန်တော်. . . " ဟာ ဟေ့ကောင်ကြီး ဇနီးငယ်ငယ်နဲ့ အတော် ပျော်နေတယ်ထင်ပါ့. . . စိတ်ပျိုလို့ ရုပ်ရည်က ပိုနုလာ သလိုပဲ"

သူ. . . .. "မဟုတ်ပါဘူးကွယ်. . . . "

ပြီးတော့ ငေးငေးငိုင်ငိုင်နဲ့ပါ. .

ကျွန်တော် . . . . . "ဘာဖြစ်လို့လဲကွ. . . "

သူ. . . . . . "ငါ့အရွယ် အမြင် ခံစားချက်တွေနဲ့. . . သူ့အရွယ် အမြင် ၊ ခံစားချက်တွေက အရမ်းကွာဟနေတယ်ကွယ်. . . . "

ပြီးတော့ ဥပမာ တစ်ခုပေးလိုက်ပါသေးတယ်. . . .

"အသက်အရွယ်ချင်း ကွာဟတဲ့သူကို အိမ်ထောင်ပြုမိတဲ့အတွက် ငါ့အတွက်တော့ မဖတ်တတ်တဲ့ စာအုပ်ကြီး တစ်အုပ် ၀ယ်ထားမိသလိုပါပဲ . . ." တဲ့

သဲအောင်

အားလုံးကိုချစ်ခင်လေးစားလျှက်. . . .

နုပျိုစွာနေထိုင်ခြင်း အနုပညာ

နုပျိုစွာ နေထိုင်ခြင်း အနုပညာသည် လူ၏ ဗဟိဒ္ဓ မှ တွန့်လိပ်သော အရေးအကြောင်းများ၊ ဆံပင်ဖြူများကို အန်တုလျက် စိတ်ထဲ၊ အသည်းနှလုံးထဲ အတွင်းသန္တာန်ထဲ၌ ငယ်နုအောင်နေခြင်း အပေါ်မူတည်ပါသည်။ နုပျိုခြင်း စမ်းရေသည် သင့်အဇ္ဈတ္တတွင်းမှာ ရှိပါသည်။

နုပျိုခြင်း ဆိုသည်မှာ အတွင်း သန္တာန်ကိစ္စဖြစ်သည်. . . သင်၏ ခန္ဓာကိုယ်သည် ရင့်ရော်အိုမင်းလာသော်လည်း သင့်ခန္တာကိုယ်သည် သင်မဟုတ်ပါ. . . . . ဆက်လက် ကြီးထွားဖွံ့ဖြိုးမဲ ဖွံ့ဖြိုးခြင်းဖြင့် နုပျိုအောင်နေပါ။ သင်အိုမင်းလာ မည် မဟုတ်ပါ. . . ကြီးထွားဖွံ့ဖြိုးမှု မရှိခြင်းကြောင့်သာ် သင်အိုမင်းလာခြင်း ဖြစ်ပါသည်။

သင့်စိတ်ကူးအိပ်မက်များကို ဆက်လက်မက်နေခြင်းဖြင့် နုပျိုအောင်နေပါ. . ဒဿနပညာရှင်တစ်ဦးက ရေးသားခဲ့သည်မှာ. . . . "လူတစ်ယောက်အဖို့ သူ၏ နောက်ဆုံးအိပ်မက် ပျောက်ကွယ်သွားသောအခါတွင် သူ့အား မြှပ်နှံပစ်ခြင်းမှတစ်ပါး တခြားလုပ်စရာ များများ စားစား မရှိပါ"

ရွှင်လန်းတက်ကြွသော တွေးခေါ်ပြုမူပုံကို ထိန်းသိမ်းခြင်းဖြင့် နုပျိုအောင်နေပါ . . ရှေးစကားပုံမှ အောက်ပါ လင်္ကာလေးကို စိတ်ထဲမှာ စွဲမှတ်ထားပါ

"ရွှင်လန်းသော နှလုံးသားသည် ဆေးဝါးတစ်လက်ကဲ့သို့ ကောင်းကျိုးပြုသည်"

"ကျိုးပျက်သော စိတ်ဓာတ်ကမူ အရိုးများကို ခြောက်ခန်းစေသည်"

သင်၏ စိတ်ကို ရှင်သန်အောင် ၊နိုးကြားအောင်ထားခြင်းဖြင့် နုပျိုအောင်နေပါ. . သိပ္ပံပညာရှင်တို့က လူ၏တွေးခေါ်နိုင်စွမ်းသည် အသက်ကြီးခြင်းကြောင့် ကျ မသွား. . .တွေးခေါ်မှုနှုန်း အနည်းငယ် လျော့နည်းသွားခြင်း သည်သည် လူကြီးနှင့် လူငယ်ကြား တစ်ခုတည်းသော ခြားနားမှုဖြစ်နိုင်ပါသည်. . ဟု ထုတ်ဖော် ပြောဆိုခဲ့ပါသည်။

သင်၏ စိတ်ဓာတ်ကို လမ်းရိုးလမ်းဟောင်းမှ မောင်းထုတ်ခြင်ငးဖြင့် နုပျိုအောင်နေပါ . . . ရှုံးနိမ့်သောလမ်းသည် . . အရှုံးခံသူတို့အတွက်သာ ဖြစ်ပါသည် . . နေရာသစ်များကို ရှုမြင်ပါ . . . စာအုပ်သစ်များဖတ်ပါ ၀ါသနာအသစ်များကို စမ်းသပ်မှု ပြုကြည့်ပါ. . . သင့်ဘ၀၏ နက်ရှိုင်းမှုကို တိုးတက်အောင် လုပ်ပါ. . .

သဘောထားပြုလွယ် ပြင်လွယ်ခြင်း၊ အလိုက်သင့် ပြုမူတတ်ခြင်း၊ ပွင့်လင်းသော စိတ်ထားရှိခြင်းနှင့် နုပျိုအောင်နေပါ. . သင့်စိတ်ကို တင်းမာ မနေပါစေနှင့်. .

ဘ၀တစ်လျှောက်လုံး တက်တက်ကြွကြွ ဖန်တီးဆောင်ရွက်ခဲ့ကြသော ၊ စိတ်ဓာတ်အရ နုပျိုသူတို့ထံမှာ လှုံ့ဆော်မှုကို ရယူရင်း နုပျိုအောင်နေပါ. . . ကောင်းရာကောင်းကြောင်း ကိစ္စများဖြင့် အလုပ်များရင်း နုပျိုအောင် နေပါ. . . အောင်မြင်မှုပန်းတိုင်သစ်များကို ချမှတ်ပါ. .

စီမံချက် အသစ်များကို ကိုင်တွယ် ဆောင်ရွက်ခြင်းဖြင့် နုပျိုအောင် နေပါ . . အကျိုးဆောင်ခြင်းဖြင့် နုပျိုအောင် နေပါ. . . သင့်မြို့၊သင့်နယ်၊သင့်နိုင်ငံ၊သင့်ကမ္ဘာ အတွက် လုပ်သင့်လုပ်ထိုက်သည်များကို လုပ်ပါ. . .

နှလုံးသားကို လန်းဆန်းအောင်ထားခြင်းဖြင့် နုပျိုအောင်နေပါ. . .

ဦးဝင်းတင်(English for All)

အားလုံးကိုချစ်ခင်လေးစားလျှက်. . . .

သမီးလေးဖတ်ဖို့

သမီး

လူတွေကို ကြီးပွား ချမ်းသာအောင်
လုပ်မပေးနိုင်ပေမယ့်
သူတို့ စ်ိတ်ချမ်းသာအောင်
ဖေဖေတို့ လုပ်ပေးနိုင်ပါတယ်

ဘယ်လိုလုပ်ရမလဲ သိလား

သူတို့နဲ့တွေ့ရင်....

ရွှင်လန်းကြည်သာ ပြုံးပြပါ။

သူတို့ပြောတာ နားထောင်ပါ။

ရိုးသားစွာ ချီးမွမ်းပြောဆိုပါ။

စေတနာနှင့် တိုက်တွန်း အားပေးပါ။

ကူညီနိုင်တာကို ကူညီလိုက်ပါ

ဒါဆို ဖေဖေတို့နဲ့
တွေ့တဲ့သူတိုင်းဟာ
စိတ်ချမ်းသာ သွားမှာ သေချာတယ်

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

တစ်ကိုယ်ကောင်းဆန်မှု

လူငယ် တစ်ယောက် လှေဆောက်နေပါတယ်...

အဘိုးအို. . . . . "ဘာအတွက်လဲ လူလေး"

လူငယ်. . . . ." စာတစ်အုပ်ထဲမှာ. . . ဖတ်ရတယ်. . . နောက်ဆုံး တစ်နေ့မှာ ကမ္ဘာကြီး တစ်ခုလုံး ရေလွှမ်းမိုးသွားပြီး သက်ရှိတွေ အကုန်လုံး သေဆုံးကုန်လိမ့်မယ် တဲ့ ၊ အဲဒီအတွက်ပါ. . . . "

အဘိုးအိုက ပြုံးပါတယ်. . .

"လူလေးရယ် သက်ရှိတွေ မရှိတော့တဲ့ ဒီကမ္ဘာကြီးမှာ မင်းတစ်ယောက်တည်း နေခဲ့ချင်လို့လား. . .. . .လူငယ်က တွေဝေသွားပါတယ်. . .. ပြီးတော့ အဘိုးအိုကို ကျေးဇူး စကား ဆိုလိုက်ပါတယ်. . ."

သဲအောင်

အားလုံးကိုချစ်ခင်လေးစားလျှက်. . .

သစ္စာကွန်း

အစာဝလျှင်ဖြင့်
ဌာနကို ပြန်မည်
ကြံစည်တဲ့ ငှက်လေး ။

ရွှေပင်မှာ လာမနားနဲ့
ငွေပင်မှာ လာမနားနဲ့
သွားရော့ အဝေး
မြိုင်ရပ်က ကျေး။

မြင်းမူမောင်နိုင်မိုး


အားလုံးကိုချစ်ခင်လေးစားလျှက်. . . .

ဘုရားခြေတော်ရင်းကို ဦးခေါင်းဖြင့်ပွတ်တိုက်၍ ယသော်ဓရာ ရှိခိုးနေပုံ

ကပိလ၀တ်နေပြည်တော်သို့ သွားရောက်၍ နောက်တစ်နေ့၌ ဆွမ်းခံကြွတော်မူသော ဘုရားရှင်ကို သုဒ္ဓေါဒနမင်းကြီးလာ၍ နန်းတော်သို့ ပင့်ကာ မွန်မြတ်သော အာဟာရတို့ကို ဆက်ကပ် ဘုဉ်းပေးပြီးသည့် အဆုံး ၌ တစ်နန်းတော်လုံး အုံးအုံးကြွက်မျှ ဖူးမြော် ကန်တော့ရောက်ကြသော်လည်း ယသော်ဓရာ မိဖုရားကား " မောင်တော်ဘုရားမှာ ငါ၏ ကျေးဇူးရှိလျှင် ကိုယ်တိုင် ကြွလာလိမ့်မည်. . . ထိုအခါကျမှ အားရအောင် ရှိခိုးမည်ဟု " ပြောဆိုက မထွက်လာဘဲ နေလေသည်. .

ထိုအခါ ဗုဒ္ဓမြတ်စွာသည် ကြွတော်မမူလျှင် ပူပန်အားသဲ၍ ယသော်ဓရာ ရင်ကွဲမည်ကို သိမြင်တော်မူသောကြောင့် ခမည်းတော်အား သပိတ်ပေး၍ အဂ္ဂသာဝက နှစ်ပါးနှင့် အတူ ယသော်ဓရာ နန်းဆောင် သို့ ကြွတော်မူက ခင်းထားပြီးနေရာ၌ ထိုင်တော်မူလေသည်. . . . ထိုအခါ ယသော်ဓရာသည် ကပျာကယာလာ၍ ခြေဖမျက်တော် နှစ်ဖက်ကို လက်နှစ်ဖက်ဖြင့် ပွေ့ပြီးလျှင် မျက်နှာ ဦးခေါင်းကို ခြေဖမိုးပေါ်မျာ လှိမ့်ကာ လှိမ့်ကာ အားရအောင် ကန်တော့ရှာလေသည်. .

YASODHARA REVERENCING THE BUDDHA BY PLACING HER HEAD UPON HIS FEET

The day after his arrival at Kapilavatthu the Buddha went on his alms round. King Suddhodana came and conducted him to the palace and served him with food. After the meal, there was great excitement in the palace and all but Princess Ysodhara came to pay their reverence to the Buddha. Yasodhara thought " Certainly if there is any virtue in m, the Nobel Lord Himself will come to my presence. Then will I reverence him as much as I like".

The Buddha saw that if he did not visit her, Yasodhara would break her heart with grief. So he handed his bowl to the King, and accompanied by his two chief disciples entered the chamber of Yasodhara and sat on the prepared seat, saying, " Let the King daughter reverence as she likes". Swiftly she came, clasped his came, clasped his ankles and placing her heard on his feet, reverenced him as she like.

အားလုံးကိုချစ်ခင်လေးစားလျှက်. . . .

ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။