ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

ခွေးမြီးပညာရှင်

"ပေါ်ဦး "

"ခစားလျှက်ရှိကြောင်းပါ ဘုရား . . "

"မိုးတားစား အမတ်ကြီးသည် လွန်စွာ ပညာဂုဉ်မောက်ပြီး ၊ မာန်စွယ်ပြသည် ဟု. . . ငါကိုယ်တော်မြတ် ယူဆတော် မူတယ်. . . . "

ဘ၀ရှင်မင်းတရားကြီးက မိုးတားစား အမတ်ကြီးနှင့် ပတ်သက်၍ ဦးပေါ်ဦးအား မိန့်တော်မူလေသည်. . .

"မှန်လှပါ အရှင်ဘုရား. . . . မိုးတားစား အမတ် ခွေးမြီးနှင့် တူသော ပညာအမြီး ပေါက်ခြင်း ဖြစ်ကြောင်းပါ ဘုရား. . . . "

ဦးပေါ်ဦးက ဘ၀ရှင်မင်းတရားကြီး စိတ်ချမ်းမြေ့ဖွယ်ကို လျှောက်ထားသည်. . .

"ရှင်းလင်း လျှောက်ထားစမ်းပါဦး. . . . ပေါ်ဦးရဲ့ "

"မှန်လှပါ . . အခြားသူတို့၌ ပေါက်သော အမြီးမှာ ဆင်၊ မြင်း၊ ခြင်္သေ့ဟူသော သတ္တာဝါတို့တွင် ပေါက်သော အမြီးနှင့် တူပါပေသည် ဘုရား . . . "

"ဆန်းလှချည်လား ပေါ်သီးရဲ့. . . . "

"မှန်လှပါ အရှင်ဘုရား . . . ဆင်၊မြင်း၊ ခြင်္သေ့ဟူသော သတ္တ၀ါတို့တွင် ပေါက်သော အမြီးသည် မှက်၊ ခြင်၊ယင် . . . တို့ကိုလည်း ခြောက်ရတသည်. . . မိမိအင်္ဂါဇာတ်ကိုလည်း ဖုံးလွှမ်းရပါသည်. . . . . ဘုရား . . .ခွေးမြီးမှာမူကား . . မှတ်၊ခြင်၊ ယင်တို့ကိုလည်း မခြောက်ရ . . မိမိအင်္ဂါဇာတ်ကိုလည်း မဖုံးလွမ်းရ ရှိပါသည်. . . . မိုးတားစားသည်လည်း ထို့အတူပင် ဖြစ်ပါသည် . . "

"ပမာ နှိုင်းပုံကတော့ . . . ထူးသကွယ်. . ."

"မှန်လှပါ အရှင်ဘုရား ၊ မိုးတားစား အမတ်သည်. . ပညာဖြင့် လုံလောက်သူ ဧကန် ဖြစ်သော်လည်း မိမိ၏ အရှက်ကိုလည်း မဖုံးလွှမ်း၊ သူတစ်ပါးထံမှာ လာအံ့သော အရေးကိုလည်း ကာကွယ်တားဆီးခြင်း မပြုနိုင်ပါ ဘုရား. . . . ထို့အပြင်. . . ခွေးမြီးနှယ် ပညာမာန် တစ်ထောင်ထောင်ဖြင့် နေခြင်းသည်. . . ပညာရှိတို့အတွက် ရယ်ဖွယ်ရာသာ ဖြစ်ပါတော့သည်. . ဘုရား . . . ယင်းကြောင့် ခွေးမြီးပညာရှင်ဟု သာ ၄င်းအား ဆိုထိုက်ပါကြောင်း ဘုရား. . . . . "

ပိဿလေးနှင့် ဘေးပစ်သည့် နှယ် ဦးပေါ်ဦး၏ ခိုင်းနှိုင်းလျှောက်ထားပုံက ပြင်းထန်လှပါသည်. . . . . ဘ၀ရှင်မင်းတရားကြီးလည်း အလွန်ပင် သဘောတွေ့ပါသည်. . . ကြားရသူ မင်းပရိသတ်အားလုံးမှာလည်း တပြုံး ပြုံး တဝေါ ဝေါ တသောသော ရယ်မောကြလေသည်. . .


ဦးပေါ်ဦး လျှောက်ထုံးပုံပြင်များ

အားလုံးကိုချစ်ခင်လေးစားလျှက်. . . .

လူတိုင်းကိုယ့်ထက်တော်သူဟု သဘောထားပါ

ဤနည်းကို လေ့ကျင့်ဆောင်ရွက်ရလျှင် ကိုယ်လုံးဝလက်မခံနိုင်သော နည်းဖြစ် ကောင်းဖြစ်နိုင်သည်. . . သို့သော် ကြိုးစားစမ်းသပ်ကြည့်မည် ဆိုပါလျှင် တစ်ကိုယ်ရေ တိုးတက်မှုအတွက် အကောင်းဆုံး လေ့ကျင့်ခန်း တစ်ခုဖြစ်ကြောင်း တွေ့ရမည် ဖြစ်ပါသည်. .

မိမိသိသမျှ ၊ တွေ့သမျှ လူတို့ကို ကိုယ့်ထက် ဥာဉ်ပညာတော်သူဟူ၍ သဘောထားရန်ဖြစ်ပါသည်. . ကိုယ်တွေ့သမျှ လူတိုင်းသည် ကိုယ့်ကို တစ်စုံတစရာ ပညာပေးမည့် သူများဟု သဘောထားရန်ဖြစ်ပါသည်. . . . ရိုင်းစိုင်းစွာ ဆက်ဆံတတ်သော ယာဉ်မောင်းသမား (သို့) အရိုအသေမတတ်သော လူငယ်တို့ပင် ကိုယ့်ကို သည်းခံတတ်အောင် ပညာပေးမည့် သူများ ဖြစ်ပါသည်. . .

ကိုယ့်အလုပ်မှာ ဘ၀တွင် မည်သူက ကိုယ့်ကို ဘာသင်ပေးနိုင်မည်ဟု ဆုံးဖြတ်တတ်ရန်ဖြစ်သည်. . ဤအလေ့အထကို ပြုလုပ်လျှင် သင့်မှာ စိတ်တိုတောင်းမှု ၊ စိတ်အနှောင့်အယှက် လျော့နည်းသွားမည် ဖြစ်ပါသည်. . ထိုနည်းဖြင့် ဘ၀တွင် ကသိကအောက် မဖြစ်ဘဲ နေသာဖွယ် ဖြစ်ပေလိမ့်မည်. . . . စိတ်ချမ်းသာမှုလည်း ရပေလိမ့်မည်. . . . . တစ်စုံတစ်ယောက် က မိမိအား သင်ခန်းစာပေးနေပါသည် ဟု သဘောပေါက်ပါက ကိုယ့်စိတ်တွင် ဖြစ်ပေါ်သမျှ မကျေနပ်မှုများလည်း ပျောက်သွားပါလိမ့်မည်. . .

ဥပမာ အားဖြင့် စာတိုက်စာရေးလုပ်သူက တမင်တကာ နှေးနှေးကွေးကွေး လုပ်နေသည်ကို တွေ့ရလျှင် စိတ်မတိုဘဲ . . ဒီလူ ငါ့ကို ဘာများ သဘောပေါက်စရာ လုပ်နေပါလိမ့်. . . . ဟု တွေးတောကြည့်ရပါမည်. . . . တစ်နည်းအားဖြစ် စာနာတတ်သွားပါသည်. . . လူတစ်ယောက်သည် . . ကိုယ်စိတ်မပါသောအလုပ်ကို လုပ်ရလျှင် မည်မျှ ခက်ခဲသည်ကို လည်း သိရှိနိုင်ပါသည်. . .

ထိုအလေ့အထမျိုးကို လေ့ကျင့်နိုင်လျှင် အဘယ်မျှ လွယ်ကူ၍ ကြည်ရွှင်စရာဖြစ်ကြောင်း အံ့သြဖွယ်တွေ့ရပါ လိမ့်မည်. . . . . ထိုအခါ သူတို့ ဒီလို ဘာဖြစ်လို့ လုပ်နေပါသနည်း ဟု စိတ်ထဲ မထားဘဲ. . . . သူတို့မိမိအား ဘာသင်ပေးနေတာပါလိမ့် ဟု ခံယူချက် ပြောင်းလဲသွားပါလိမ့်မည်. . . . . ထို့ကြောင့် ယနေ့မှ စ၍ ကိုယ့်အနီးအနား ပတ်ဝန်းကျင်တွင်ကိုယ့်ကို ဘ၀သင်ခန်းစာ ပေးနိုင်မည့်သူတို့ကို ရှာဖွေအပ်ပါသည်. . .

မောင်ဆုရှင်

အားလုံးကိုချစ်ခင်လေးစားလျှက်. . . .



ရှုထောင့်

ကျွန်တော့်မိတ်ဆွေများကို မေးခွန်းတစ်ခု လိုက်မေးမိပါတယ်.. . . ကျောက်သင်ပုံးပေါ်မှာ မြေဖြူနဲ့ ရေးထားတဲ့ အ၀ိုင်းလေးတစ်ခုကို ပြပြီးတော့ပါ. .

ကျွန်တော်. . . . . . "ဒါဘာလဲ"

သချာင်္ပညာရှင်. . . . . "သုည"

သိပ္ပံပညာရှင်. . . . "မဟုတ်ဘူး စက်ဝိုင်း "

မြန်မာစာဆရာ. . . . "၀လုံး. ."

ဂမ္ဘီရဆရာ. . . . "အင်းကွက် ပါ ဗျ"

သူတို့ ဆက်လက် ငြင်းခုန်နေကြပါစေ. . .

တစ်ချိန်ကျရင် ဖြစ်ရပ်တစ်ခုကိ အမြင်အမျိုးမျိုးနဲ့ ကြည့်လို့ရတယ် ဆိုတာ သူတို့ သိသွားမှာပါ. .

သဲအောင်

အားလုံးကိုချစ်ခင်လေးစားလျှက်. . . .

စကားပြောခြင်းအတတ်

"The ability do speak effectively is an acquirement rather that a gift."

"စကားကို ထိရောက်စွာပြောနိုင်တဲ့ အရည်အချင်းဟာ မွေးရာပါမဟုတ်ဘဲ ကြိုးစား လေ့ကျင့် အားထုတ်မှုသာ ဖြစ်တယ်. . ."

လူအချင်းချင်း ဆက်သွယ်မှု လုပ်တဲ့အခါမှာ ပထမဆုံး စကားပြောခြင်း နဲ့သာ ဆက်သွယ်ရတာပါ. . .

စကားပြောတဲ့အခါမှာ အမှန်တရားပါရင် ပြီးပြီဆိုပြီး သတ်မှတ်လို့မရပါဘူး. . . . . ဘာဖြစ်လို့လည်း ဆိုတော့ ကိုယ်ပြောလိုက်တဲ့ စကားတစ်ခွန်းက သူတစ်ပါးအတွက် ချိုသာ ရဲ့လား နားဝင်ရဲ့လား ဆိုတာကို ဆန်းစစ်ဖို့ လိုအပ်ပါတယ်. . . .

အချို့လူတွေ က အပြောအဆို မတတ်ကြလို့ ရန်ဖြစ်ကြတာ. . . အဆင်မပြေကြတာ တွေ အများကြီးပါ. . .

အထူးသဖြင့် ကိုယ့်ထက် နိမ့်ပါးတဲ့ လူတွေကို ပြောဆို ဆက်ဆံတဲ့အခါမှာ မိမိစကား တစ်ခွန်းကြောင့် သူတစ်ပါး ထိခိုက်သွားမယ်. . . နစ်နာသွားမယ် . . . နာကျည်းသွားမယ် ဆိုရင် ဘယ်လိုမှ မကောင်းပါဘူး. . .

ကိုယ်ပြောလိုက်တဲ့ စကားကြောင့် . . . ကိုယ်နဲ့ ကိုယ့်ပတ်ဝန်းကျင်ကို အားတက်စေမယ် . . ရွှင်လန်း တက်ကြွ စေမယ် ဆိုရင် အားလုံး အတွက် အဆင်ပြေချောမွေ့သွားစေမှာပါ. . .

အိန်ဂျယ်(လ်)

အားလုံးကိုချစ်ခင်လေးစားလျှက်. . . .

သိက္ခာ

သိက္ခာ


ဤလူ့ရွာ ကိုယ်ကျင့်တရား
သီလအား ဖြူစင်စွာ
ထိန်းကြရမှာ
တည်ကြည်မှု ရိုးသားစွာ
လေးစားစရာ သမာဓိ တရား
အသိယှဉ်ကာ အတတ်ပွား
ပညာ အရာ ဆင့်မြင့်မား
သိက္ခာသုံးပါး

ရဟန်းနဲ့ ဥပါသကာ
ပြည့်စုံရာ အနှစ်အသား
ထင်ရှား သိက္ခာ
ဘ၀ရဲ့ ဆင်းအင်္ဂါ
လူတကာ ခန့်ညား၊
လက္ခဏာ မထိပါးဖို့
စောင့်ထိန်းသည့်တရား ။

ကျော်ဇောဟန်

အားလုံးကိုချစ်ခင်လေးစားလျှက်. . . .

ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။