ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

ကိုယ့်ကိုယ်ကိုသိပါ

ဂရိပညာရှိကြီးဆိုကရေးတီး၏သွန်သင်ချက်များတွင်ကိုယ့်ကိုယ်ကိုသိပါဆိုသောစကားသည် တိုတောင်းဆုံးနှင့် အဓိပ္ပာယ်အလေးနက်ဆုံးအကျယ်ဝန်းဆုံး ဖြစ်၏။ ထိုစကားသည် မိမိတစ်ဦးတည်းသာ ၀ကွက်ပြီး သိနေဖို့ မဟုတ်။ မိမိနှင့်ပတ်သက်သမျှကသိအ်ေင်ကြိုးစားရန်တိုက်တွန်း ထားခြင်းဖြစ်၏။

မိမိဘာလုပ်နေသည် ၊ဘာတွေစိတ်ကူးနေသည်၊ မိမိဘ၀စားဝတ်နေရေးအတွက် ဘယ်လိုလုပ်ကိုင် ရှာဖွေနေသည်၊ မိမိဘ၀တိုးတက်နေသည်၊ မိမိပြောဆိုကြံစည်နေသမျှသည် မှားယွင်းနေသည်၊သို့မဟုတ် မှန်ကန်နေသည် စသည်ဖြင့် မိမိဘ၀တစ်ခုလုံးကို လွှမ်းခြုံ သိရှိခြင်းဖြစ်၏။

မိမိဘာဖြစ်နေသည်ကို သိမှသာလျှင် မိမိဘ၀ရပ်တည်နိုင်ရေးအတွက် ဖြည့်ဆည်းလမ်းညွှန်ပေးနိုင်မည်ဖြစ်၏။ မိမိဘ၀ကို ပဲ့ကိုင်ထိန်းသိမ်းထားခြင်းမရှိဘဲ ဖြစ်ချင်သလိုလွှတ်ထားသူသည် တကယ်စင်စစ် မိမိဘာဖြစ်သည်ကို မသိသောကြောင့် ဖြစ်၏။

စောလူးမင်းသည် မိမိ၏အံကစားခြင်းစသော လောင်းကစားပျော်ရွှင်ခြင်း၌ စွဲမက်လွန်းသည့်အဖြစ်ကို မသိသောကြောင့် ငရန်ကန်း၏ လက်ချက်ဖြင့် ရာဇပလ္လင်ထက်မှ ပျေက်ကွယ်သွားရ၏။

တပင်ရွှေထီးသည် သေရည်သောက်စားခြင်း၌ ၀ါသနာထုံလွန်းသဖြင့် တိုင်းရေးပြည်ရေးကို လျစ်လျူပြုနိုင်အောင် တွေဝေမိုက်မဲနေသည့်အဖြစ်ကို မသိသောကြောင့် စစ်တောင်းစား၏ ဓားချက်ဖြင့်ခန္ဒာအိုးစားကွဲခဲ့ရ၏။

မိမိဘာဖြစ်နေသည်ကို မိမိကိုယ်တိုင် မသိသောကြောင့် သူတို့သည် ဘ၀နွံအိုင်ထဲတွင် နစ်မွန်းသွားကြ၏။ မသိခြင်း၏ ဆိုးကျိုးကား နှိုင်းတု၍မရအောင် ကြီးမားလှ၏။

ဥာဏာပညာသည် မှာဒသည်၊မှန်သည်၊ အကျိုးမဲ့သည်ကို ရှင်းလင်းပီပြင်စွာ ခွဲခြားနိုင်သော လူစွမ်းရည် တစ်ရပ်ဖြစ်၏။ မိမိကိုယ်ကိုယ် ဥာဏ်ပညာဖြင့် ထိန်းအုပ်ထားရာ၏။သတိသည် မိမိဘာဖြစ်နေသည်ကို ချက်ချင်းသိနိုင်သော စွမ်းရည်ဖြစ်သည်။ သမာဓိသည် မိမိ၏စိတ်ကို တည်တဲ့ခိုင်မြဲနေအောင် ထောက်ကူ ထိန်းကွပ်ထားနိုင်သော စွမ်းရည်ဖြစ်သည်။ မိမိစိတ်ကို မယိမ်းမယိုင် တည်မြဲနေအောင် သမာဓိဖြင့် ထိန်းချပ်ထားရာ၏။

ဥာဏ်ပညာ၊ သတိနှင့် သမာဓိတို့သည် ဘ၀နွံတွင်းသို့ မသက်ဆင်းသွားနိုင်အောင် ကာရံထားအပ်သည့် တံတိုင်းကြီးများဖြစ်၏။လှပတင့်တယ်သော ဘ၀တစ်ခုကို ထုပ်ပိုးဝန်းရံထားသော ကြိုးများလည်းဖြစ်၏။ ထိုတံတိုင်းများ ၊ကြိုးများဖြင့် မိမိကိုယ်ကိုယ် ကောင်းစွာ ၀န်းရံချည်နှောင်ထားနိုင်လျှင် အတ္တသမ္မာပဏီဓိစ ဟူသော မိမိကိုယ်ကိုယ် ကောင်းစွာ ထိန်းမတ်ထားနိုင်မည်မှာ သေချာနေပေတော့သည်။

ဦးဝမ်ထိန်

အားလုံးကိုချစ်ခင်လေးစားလျှက်. . . .

1 comment:

  1. ကိုယ့်ကိုကိုယ် သိအောင် ကြိုးစားကြပါစို့ ။ ဗဟုသုတ ပေးတဲ့ ပို့စ်လေးပါ ...

    ReplyDelete

အကြံပြုပေးခဲ့သူများ အားလုံးကို အထူးကျေးဇူးတင်လျှက်ပါ. . . .


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။