ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

နှုတ်ကလုပ်နေတဲ့ကံ

"၀စီဗေဒ-ထိတိုင်းရှ"သတဲ့
နှုတ်က လုပ်နေတဲ့ကံ ကတော့ ၀စီကံပါပဲ။ လောက လူသားတွေဟာ မပြောမပြီး၊ မတီးမမြည်မို့ ပြောစရာ ရှိတာပြောကိုပြောရပါတယ်။ အချို့က အမှန်ပြောတယ်။ အချို့ကတော့ လိုအပ်မှုအပေါ် အကြောင်းပြပြီး လိမ်လည်ပြောတယ်။ မုသားမပါ လကာင်္မချောရယ်လို့ သဘောပိုက်ပြီး ပြောလိုက်ကြတယ်။

မုသားစွက်လို့ သူများဘက် ကနစ်နာသွားရင်ဝစီကံအပြစ်ကိုကျူးလွန်မိတာပါပဲ။အချို့ကလွယ်လွယ်ပြောပြီး လွယ်လွယ်ကျူးလွန်နေကြတယ်။ စကားပြောတယ်ဆိုတာ ကာယကံမြောက် လုပ်ကိုင်ပေးရတာလောက် မပင်ပန်းဘူး။နှုတ်ကနေပဲစိုက်ထုတ်ရတယ်။

သိပ်မပင်ပန်းတော့စိတ်ထင်တိုင်း မှန်းပြီး ကိုယ်ပြောချင်ရာ မုသားပြောတာပဲ။ကိုယ့်အကျိုးအတွက် အပိုတွေ တိုးစွက်လို့ မဟုတ်မှန်တာတွေ ပြောတော့တာပါပဲ။ စကားမှာ အမှားပါရင် ငါးပါးသီလထဲက တစ်ပါးပျက်တာပါပဲ။
ဝစီကံအမှုမှာကို မထိန်းသိမ်းလို့ စီးပွားရေးနဲ့ ကြီးပွားရေးမှာ မဖြစ်ထွန်းမအောင်မြင်သူတွေ ရှိကြပါတယ်။ အပြောမမှန်သူဆိုတာ လောကမှာ ဘေးဖယ်ခံရတတ်တာအမှန်ပါပဲ။ လိမ်ညာ ပြောတတ်မှန်း သိလာတဲ့အခါ အမှန်ပြောလည်း လက်မခံမယုံကြည်ချင်ကြတော့ဘူး။

စကားအယုတ်အညံ့တွေနဲ့ တအားနှုတ်မဆန့်အောင် ပြောနေတတ်သူတွေဟာလည်း ၀စီဗေဒထိတိုင်းရှ နေတာပါပဲ။

ဖရုသ၀ါစာ ဖြစ်တဲ့ယုတ်ယုတ်မာမာ၊ ကြမ်းကြမ်းတမ်းတမ်း ပြောဆိုတဲ့စကားမျိုးဟာ ငရဲသွားရအောင် ပြောတဲ့စကားမျိုး။ ငရဲမသွားရသေးချိန်မှာလည်း လူမုန်းခံရပါတယ်။

ပိသုဏ၀ါစာဖြစ်တဲ့ ကုန်းတိုက်စကားမျိုးဟာလည်း ငရဲသွားရမဲ့ စကားမျိုးပါပဲ။ ကိုယ်ကုန်းတိုက်လို့ သူများကွဲကွဲ၊မကွဲကွဲ ကိုယ့်မှာတော့ အပြစ်ရသွားပြီဖြစ်တယ်။ (ပိသုဏ၀ါစာ ဟာ ကုန်းချောခံရတဲ့ လူနှစ်ဦး ကွဲပြားမှသာ ကမပထမြောက်တယ်)။

သမ္မပ္ပလာပဖြစ်တဲ့ သူများအကျိုး ထိခိုက်တဲ့ စကားကလည်း ငရဲသွားရမယ့် စကားမျိုးပါပဲ။

မုသာဝါဒဖြစ်တဲ့ မဟုတ်မမှန် လုပ်ကြံပြောတဲ့ စကားကလည်း ငရဲသွားရမယ့် စကားမျိုး။ ကိုယ်လိမ်ပြောလို့အလိမ်ခံရသူ အကျိုးစီးပွား ထိခိုက်ရင် ကမ္မပ္ပထမြောက်တယ်။ မုသာဝါဒကို ယုံလို့ ပုံမိသူတွေရဲ့ ဒုက္ခဟာ ကြီးမားသလို ပြင်းထန်စွာ ခံစားရတတ်ပါတယ်။

ဝစီကံအမှားဟာ အကုသိုလ်ကံကိုသွားပါတယ်။အကုသိုလ်ဖြစ်ပါတယ်။ လွယ်လွယ်နှုတ်က ပြောပြီးဖြစ်တဲ့ အကုသိုလ်ပါပဲ။
အကုသိုလ်ဖြစ်တဲ့ အကုသလကမ္မပ္ပထ တရား(၁၀)ပါးထဲမှာ…………..
၁။ မဟုတ်မမှန်ပြောတာ၊
၂။ ကုန်းစကားပြောတာ၊
၃။ ယုတ်မာကြမ်းတမ်းတဲ့ စကားပြောတာ၊
၎။ အကျိုးမရှိ သိမ်ဖျင်းတဲ့စကားပြောတာ၊
အဲ့သည် ( ၄ )မျိုးပါဝင်ပါတယ်။

ဝစီကံအမှုကို စောင့်စည်းထိန်းသိမ်းနိုင်မှသာ ငရဲလွတ်မယ်။ မှန်ကန်ချစ်ခင်နှစ်သက်ဖွယ် အလိမာ ပါတဲ့ ပုလဲသွယ် စကားမျိုး ပြောနိုင်အောင် အမြဲတကယ် ကြိုးစားပြောကြရမယ်။

ငရဲစကားမပြောဘဲ ပုလဲစကား ပြောရမှာဖြစ်တယ်။


အားလုံးကိုချစ်ခင်လေးစားလျှက်. . . .

2 comments:

  1. မုသားမပါဘဲ လွတ်ကင်းအောင် ပြောဆိုနေထိုင်ဖို့တော့
    ဒီခေတ်မှာ ပိုပြီးခက်ခဲလာတယ် ထင်မိပါတယ်။
    တပါးသူ မနစ်နာအောင် သတိထားပြီး ပြောဆိုဖို့တော့ ဂရုစိုက်ဖြစ်ပါတယ်။

    ReplyDelete
  2. အရမ်းကိုမှတ်သားစရာကောင်းတဲ့ စာစုလေးပါပဲ...။
    ခုခေတ်မှာ ဝစီကံကို လွတ်အောင်ထိန်းနိုင်တဲ့သူ တော်တော်ကိုရှာရခက်လိမ့်မယ်ထင်ပါတယ်။

    ReplyDelete

အကြံပြုပေးခဲ့သူများ အားလုံးကို အထူးကျေးဇူးတင်လျှက်ပါ. . . .


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။