ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

မြွေဆိပ်ပမာ အရက်သေစာ



ဗန်းမော်ဆရာတော်ကြီး အား ဒကာတစ်ဦးမှ အရက်သေစာနှင့်ပတ်သက်၍ သူငယ်ချင်း ၂ ဦး အငြင်း အခုံ ဖြစ်သဖြင့် မေးလျှောက်ခွင့်တောင်း ရာ ဆရာတော် က ခွင့်ပြုတော်မူပါသည်. . .

"အရက်သေစာကို ရေအဖြစ်နဲ့ စိတ်က ပြဌာန်းသောက်ရင် အပြစ်ရှိမရှိဘူးဆိုပြီး အငြင်းအခုံဖြစ်တာပါ ဘုရား ဆရာတော်ကပဲ ဆုံးဖြတ်ပေးတော်မူပါဘုရား . . " ဟု ဒကာ ဖြစ်သူ က လျှောက်ထားပန်ကြားအပ်ပါသည်. . .

ဆရာတော် က. . . . "ဒကာ က ဘယ်ဘက်ကလဲ. . အပြစ်ရှိတဲ့ ဘက်ကလား ၊ အပြစ်မရှိတဲ့ဘက်ကလား . . "

" အရက်ကို ရေ အဖြစ်နဲ့ စိတ်က ပြဌာန်းပြီး သောက်ရင် အပြစ်မရှိဘူးလို့ "တပည့်တော် ကထင်ကြောင်းပါဘုရား . . ဟုလျှောက်ထားလေသည်. . . .

ဆရာတော် က " ဘာကြောင့် ဒီလိုထင်ရသတုံးကွယ့်. . ဒကာ "

ဒကာက " စိတ်သာရှင်စော ဘုရား ဟော၊ စိတ်သာ ပဓာန ဆိုတဲ့ စကားများရှိတယ် မဟုတ်လား ဘုရား . . . "

"ကောင်းပါလေ့ကွယ် " ဟုပြောပြီး . . . . .

ဆရာတော် မှ ဥပမာဖြင့်ရှင်းပြလေသည်. . .

"မြွေပွေးတစ်ကောင်ကို မြက်လျှော တစ်ကောင်လို့ အမှတ်ထားပြီး အမြီးကို ကိုင်ရင် ဘာဖြစ်မလဲကွယ်. . "

"မြွေပွေး က ပေါက်မှာပါ ဘုရား "

"ကိုက်မိရင်ရော အဆိပ်မတက်ဘူးလား "

"တက်မှာပါ ဘုရား "

"အဲဒီတက်တဲ့ အဆိပ်ဟာ ဒကာကြီး အမှတ်ထားတဲ့ မြက်လျှောအဆိပ်ဖြစ်မလား ၊ မြွေပွေးအဆိပ်ဖြစ်မလား . . "

"မြွေပွေး အဆိပ်ပဲ ဖြစ်မှာပါ ဆရာတော်. . "

"မြွေပွေးအဆိပ်ဆိုရင် သေနိုင်မလား ၊ မသေနိုင်ဘူးလား . . . ."

"သေနိုင်ပါတယ် ဘုရား . . . "

"အဆိပ်သတ္တိကို စိတ်နဲ့မှတ်ပြီး လောင်းလို့ရနိုင်ပါ့မလား . . . "

"မရနိုင်ကြောင်းပါ. . ဘုရား "

"ဒါဆို မြွေပွေးဆိုတာ အဆိပ်တက်မှန်းသိရက်နဲ့ မြွေပွေးကို မြက်လျှောဆိုပြီး ကိုင်ရဲပါ့မလား ဒကာကြီး . . . "

"မကိုင်ဝံ့ပါဘူး ဘုရား . . . "

"ဒီသဘောပဲ ဒကာကြီး အရက်ကို ရေအမှတ်နဲ့ သောက်တော့ အရက်ရဲ့သတ္တိပြမလား ၊ ရေရဲ့ သတ္တိပြမလား . . . "

"အရက်ကို သောက်ရင် အရက်သတ္တိပြမှာပါ ဘုရား . . . "

"အရက်သတ္တိပြရင် မူးမလား ၊ မမူးဘူးလား . . . . "

"မူးမှာပါ ဘုရား . . . . . "

"မူးပြီး . . . မသင့်မလျော် မဖွယ်မရာတွေ ဖြစ်တော့ အပြစ်ဖြစ်တော့မပေ့ါ ဒီတော့ အရက်ကို ဘာအမှတ်နဲ့ သောက်သောက် အရက်ဟာ အရက်ပါပဲ . . အပြစ်ဟာ အပြစ်ပါ ပဲ ဒကာ. . . . "

ဟု ဆရာတော် က မိန့်တော် မူလေသည်. . . .

နေဘုန်းဝေ (ဗန်းမော်ဆရာတော်စွယ်စုံပုံပြင်များ)

အားလုံးကိုချစ်ခင်လေးစားလျှက်...





7 comments:

  1. မှတ်ထားဦးမှ.. နောင်ငြင်းရင် ပြောလို့ရမှာ..း)

    ReplyDelete
  2. မီးဟာ မီးဘဲ မဟုတ်လား။
    ရွှေတောင်လို့ ထင်လို့မှမရတာ။

    အရက်သမားတွေ ဆင်ခြေများလို့ ဒီပုံပြင်ပေါ်လာတာ ထင်တယ်။

    ReplyDelete
  3. ပညာရှိသူတောကောင်း စကားနဲ့ ဥပမာဟာ တော်တော်ကို အနှစ်သာရနဲ့
    “ပြည့်စုံ ပြီး မှတ်သားစရာကောင်းလိုက်တာနော်..
    ဝေမျှပေးတာ ကျေးဇူးပါခင်ဗျာ
    လေးစားစွာ

    ReplyDelete
  4. ဆရာတော်ကြီးရဲ့ ဥပမာပေး ရှင်းလင်းချက်က အဖိုးတန်လိုက်တာ။ ပြန်ဝေမျှပေးတာ ကျေးဇူးတင်ပါတယ် ညီမလေး flowerpoem ရေ...

    ReplyDelete
  5. ကောင်းလိုက်တဲ့ ဥပမာတွေ၊
    အမူးသမားတွေကို ပြောပြရအောင်၊
    မှတ်သွား ယူသွားပါတယ်။

    ကျေးဇူးတင်ပါတယ်။ ဒီ

    ReplyDelete
  6. တော်တော် စကားကပ်တဲ့လူနော်...
    ဖတ်ဖူးတယ် ကြာတော့မေ့နေပြီ ခုမှ ပြန်သတိရသွားတာ....
    ကျေးဇူးပါ

    ReplyDelete
  7. Good job

    ဥပမာပေး ရော.. ဖြေရှင်းနည်းပါ.. ကောင်းတယ်ဗျာ.။

    ReplyDelete

အကြံပြုပေးခဲ့သူများ အားလုံးကို အထူးကျေးဇူးတင်လျှက်ပါ. . . .


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။