ပညာဒါနအတွက် ဧရာဝတီစာကြည့်တိုက်သို့ စာအုပ် စာတမ်းများ၊ အလှူငွေများ၊ ပရိဘောဂများ လှူဒါန်းလိုပါက ၊ ဧရာဝတီစာကြည့်တိုက် မြို့တော်ခန်းမ ကမ်းနားလမ်း ပုသိမ်မြို့သို့ ပေးပို့ လှူဒါန်းနိုင်ပါသည်။

ခွေးမြီးပညာရှင်

"ပေါ်ဦး "

"ခစားလျှက်ရှိကြောင်းပါ ဘုရား . . "

"မိုးတားစား အမတ်ကြီးသည် လွန်စွာ ပညာဂုဉ်မောက်ပြီး ၊ မာန်စွယ်ပြသည် ဟု. . . ငါကိုယ်တော်မြတ် ယူဆတော် မူတယ်. . . . "

ဘ၀ရှင်မင်းတရားကြီးက မိုးတားစား အမတ်ကြီးနှင့် ပတ်သက်၍ ဦးပေါ်ဦးအား မိန့်တော်မူလေသည်. . .

"မှန်လှပါ အရှင်ဘုရား. . . . မိုးတားစား အမတ် ခွေးမြီးနှင့် တူသော ပညာအမြီး ပေါက်ခြင်း ဖြစ်ကြောင်းပါ ဘုရား. . . . "

ဦးပေါ်ဦးက ဘ၀ရှင်မင်းတရားကြီး စိတ်ချမ်းမြေ့ဖွယ်ကို လျှောက်ထားသည်. . .

"ရှင်းလင်း လျှောက်ထားစမ်းပါဦး. . . . ပေါ်ဦးရဲ့ "

"မှန်လှပါ . . အခြားသူတို့၌ ပေါက်သော အမြီးမှာ ဆင်၊ မြင်း၊ ခြင်္သေ့ဟူသော သတ္တာဝါတို့တွင် ပေါက်သော အမြီးနှင့် တူပါပေသည် ဘုရား . . . "

"ဆန်းလှချည်လား ပေါ်သီးရဲ့. . . . "

"မှန်လှပါ အရှင်ဘုရား . . . ဆင်၊မြင်း၊ ခြင်္သေ့ဟူသော သတ္တ၀ါတို့တွင် ပေါက်သော အမြီးသည် မှက်၊ ခြင်၊ယင် . . . တို့ကိုလည်း ခြောက်ရတသည်. . . မိမိအင်္ဂါဇာတ်ကိုလည်း ဖုံးလွှမ်းရပါသည်. . . . . ဘုရား . . .ခွေးမြီးမှာမူကား . . မှတ်၊ခြင်၊ ယင်တို့ကိုလည်း မခြောက်ရ . . မိမိအင်္ဂါဇာတ်ကိုလည်း မဖုံးလွမ်းရ ရှိပါသည်. . . . မိုးတားစားသည်လည်း ထို့အတူပင် ဖြစ်ပါသည် . . "

"ပမာ နှိုင်းပုံကတော့ . . . ထူးသကွယ်. . ."

"မှန်လှပါ အရှင်ဘုရား ၊ မိုးတားစား အမတ်သည်. . ပညာဖြင့် လုံလောက်သူ ဧကန် ဖြစ်သော်လည်း မိမိ၏ အရှက်ကိုလည်း မဖုံးလွှမ်း၊ သူတစ်ပါးထံမှာ လာအံ့သော အရေးကိုလည်း ကာကွယ်တားဆီးခြင်း မပြုနိုင်ပါ ဘုရား. . . . ထို့အပြင်. . . ခွေးမြီးနှယ် ပညာမာန် တစ်ထောင်ထောင်ဖြင့် နေခြင်းသည်. . . ပညာရှိတို့အတွက် ရယ်ဖွယ်ရာသာ ဖြစ်ပါတော့သည်. . ဘုရား . . . ယင်းကြောင့် ခွေးမြီးပညာရှင်ဟု သာ ၄င်းအား ဆိုထိုက်ပါကြောင်း ဘုရား. . . . . "

ပိဿလေးနှင့် ဘေးပစ်သည့် နှယ် ဦးပေါ်ဦး၏ ခိုင်းနှိုင်းလျှောက်ထားပုံက ပြင်းထန်လှပါသည်. . . . . ဘ၀ရှင်မင်းတရားကြီးလည်း အလွန်ပင် သဘောတွေ့ပါသည်. . . ကြားရသူ မင်းပရိသတ်အားလုံးမှာလည်း တပြုံး ပြုံး တဝေါ ဝေါ တသောသော ရယ်မောကြလေသည်. . .


ဦးပေါ်ဦး လျှောက်ထုံးပုံပြင်များ

အားလုံးကိုချစ်ခင်လေးစားလျှက်. . . .

4 comments:

  1. ခိုင်းနှိုင်းပုံကိုက ပြုံးချင်စရာ :)

    ReplyDelete
  2. မဖတ်ရတာကြာတဲ့ ဦးပေါ်ဦးရဲ့ လျှောက်ထုံးလေး ဖတ်သွားပါတယ်
    ဘယ်ခါဖတ်ဖတ် ပြုံးချင်စရာမို့ သဘောကျမိပါတယ်။

    ReplyDelete
  3. ကြယ်ပြာFebruary 28, 2012 at 9:05 AM

    မိုက်၏။း)

    ReplyDelete
  4. အင်္ဂါဟူးFebruary 28, 2012 at 11:32 AM

    သူမို့တွေးတတ်ပလေတယ်...

    ReplyDelete

အကြံပြုပေးခဲ့သူများ အားလုံးကို အထူးကျေးဇူးတင်လျှက်ပါ. . . .


ဧရာဝတီစာကြည့်တိုက်(ပုသိမ်မြို့)ဘလော့လေးမှ နှုတ်ခွန်းဆက်သပါသည်။ ရွှင်လန်းချမ်းမြေ့ကြပါစေ။