အကြမ်းထည်မုသား

မကြာသေးခင်က ကုမ္ပဏီ တစ်ခုရဲ့ ၀န်ထမ်းတွေ လျှော့ချလိုက်တော့ မိတ်ဆွေလင်မယားနှစ်ယောက် လောလော ဆယ်မှာ အလုပ်လက်မဲ့ဖြစ်သွားတယ်. . . ပညာတတ်တွေပါ. . . ယောက်ျားကတော့ ခပ်အေးအေးသမား . . မိန်းမက ပစိပစပ် အလွန်များတယ်. . . နေရာတကာ ဟိုစပ်စပ် သည်စပ်စပ်.. . ပါးစပ်ကလည်း ဖွာသလားမမေးနဲ့ စကားတွေကလည်း ကျွံ့သလားမမေးနဲ့. . . လင်မယားနှစ်ယောက်ကို မြင်ရတာ အပူနဲ့ အအေး ဒွန်တွဲ ပြီးမြင်နေရသလိုပဲ . . .

ယောက်ျားကတော့ ကိုယ့်ဝင်ငွေနဲ့ကိုယ် အခြေအနေကြည့်ပြီး သားသမီးတွေကို နီးစပ်ရာ စာသင်ကျောင်းကလေးမှာပဲ ဆက်ထားချင်တယ်... မိန်းမဖြစ်တဲ့သူက သားသမီးတွေကို သူအလုတ်မပြုတ်ခင်က ကတိပေးထားတဲ့ အတိုင်း ကောင်းပေ့ ညွန့်ပေ့လို့ နာမည်သိပ်ကြီးတဲ့ အထက်တန်းကျောင်းကြီး တစ်ကျောင်းမှာ ပြောင်းထားချင်တယ်. . . ကျွန်တော့ အသိကျောင်းဆရာကြီးတစ်ယောက် အဲဒီကျောင်းမှာ ရှိတာ သိတော့ အဲဒီ့မိန်းမက ဆရာကြီးအိမ် ပို့ပေးဖို့ပြောတာနဲ့လိုက်ပို့ရတယ်.

သူတို့လင်မယားရယ် ကျွန်တော်ရယ် ဆရာမအိမ်ရောက်သွားတော့ ကျောင်းအပ်ဖို့ ကိစ္စက အဆင်မပြေပါဘူး . . ချက်ချင်းမပြန်ဘဲ ထွေထွေလီလီ စကားတွေ ဆက်ပြောရင်း သူတို့ လင်မယား အလုပ်လုပ်ခဲ့တဲ့ ကုမ္ပဏီက မန်နေဂျာတစ်ယောက် မကောင်းကြောင်းကို စကားလမ်းကြောင်းပြောင်းသွားတယ်. . . မကြာသေးခင်က ငွေကြေးကိစ္စနဲ့ အဲဒီမန်နေဂျာဟာ ပြသာနာ တစ်ခုဖြစ်လို့ အလုပ်ပြုတ်သွားတဲ့ သတင်းကြားရတယ်တဲ့. .

သူတို့ကို ဒုက္ခပေးလိုက်တဲ့ မန်နေဂျာ အခုလို ပြသာနာ ဖြစ်ပြီး ဒုက္ခတွေ ရောက်တာကြားရတော့ ၀မ်းလည်းမသာ ၀မ်းလည်းမနည်းမိပါဘူးလို့ အဲဒီမိန်းမကပြောနေတယ်. . . . ပြီးတော့ပြန်လာကြတယ်. . .
ကျွန်တော့ရင်ထဲမှာ ဘ၀င်မကျတာက ဆရာကြီးနဲ့ ဘာမှမဆိုင်တဲ့ ကိုယ်ရေးကိုယ်တာ ကိစ္စတွေ ဘာလို့ စကား ဆက်ကျွံနေရတာလဲ. . .

"လူတစ်ယောက်ဒုက္ခရောက်တာကို ၀မ်းလည်းမသာ ၀မ်းလည်းမနည်းပါဘူးလို့ ပြောတာ မုသားပါ..."

"၀မ်းသာရင် သာတယ်" . . . "၀မ်းနည်းရင် နည်းတယ်." . . ဒီနှစ်မျိုး ပဲရှိရမယ်. . . ကျွန်တော်ကတော့ သူဝမ်းသာနေရတယ် ဆိုတာ သိနေတယ်. . . . ဘာကြောင့်လည်းဆိုတော့ သူ့ကို အလုပ်ဖြုတ်လိုက်တဲ့ လူမဟုတ်လား . . . သူ့မုသားက မသေသပ်ပါဘူး . . . . လူတိုင်း မှန်ကန်သော စိတ်ထားရှိတာ အကောင်းဆုံး မဟုတ်ပါလား . . .

ဆောင်းဝင်းလတ် (ရသအတွေး)

အားလုံးကိုချစ်ခင်လေးစားလျှက်...
ပန်းကဗျာ