ဘယ်လိုသဘောနဲ့မေးကြ ပြောကြပါလိမ့်

အခုအချိန်မှာ သတိပဌာန်တရား အားထုတ်တဲ့ အလုပ်ကို နိုင်ငံတကာကလူများ စိတ်ဝင်စားလာကြပါပြီ. . . တစ်ချို့ က မဟာယနနည်းနဲ့သမထအားထုတ်တယ် . . . သတိပဌာန်တရားမျာလည်း သမထပါပါတယ် . . . တကယ်ရည်မှန်းတာကတော့ ၀ိပသာနာ သမာဓိရရှိရေး ၊ နောက်လောကုတ္တရာပညာ ရရှိရေးဖြစ်ပါတယ်. . .
တရားအားထုတ်တာနဲ့ပတ်သက်ပြီး လုပ်နေတဲ့သူများအပေါ်မှာ အမြင်မကြည်လင်တဲ့ သူတွေရှိတတ်ကြတာ ကိုယ်တွေ့ကြုံလာလို့ ဆွေးနွေးချင်တာကြောင့် သည်ဆောင်းပါးကို ရေးရတာဖြစ်ပါတယ်. . . အထူးသဖြင့် ကျွန်မတို့လို အငြိမ်းစားများကို ဘာမှလုပ်စရာမရှိလို့ ရိပ်သာသွားတယ်လို့ ပြောတတ်ကြတဲ့သူများလည်း ရှိပါတယ်. . . ပင်စင်နာများ စိတ်ဓာတ်ကျလို့ ၊ စိတ်ငယ်လို့ နောက်ဘ၀အတွက် ပြင်ဆင်တဲ့ရည်ရွယ်ချက်နဲ့ ဖြစ်စေ၊ ကွန်းခိုတဲ့သဘောနဲ့ဖြစ်စေ. . . ရိပ်သာသွားနေတာလို့ မသွားသေးတဲ့သူများက ပြောချင် တတ်ကြပါတယ်. . .
လူအမျိုးမျိုး နတ်အထွေထွေဆိုတော့ အဲသည်လို လူတွေမရှိဘူးလို့ မဆိုနိုင်ပါဘူး ရှိမှာပါပဲ. . သို့သော်လည်း . အဲသည်လို စိတ်ဓာတ်ကျကျနဲ့ သွားစရာကလည်း တရားရိပ်သာပဲရှိလို့ တရားရိပ်သာကို ပဲသွားတယ်လို့ ကိုယ့်ကို ထင်ရင်တော့ မမှန်ပါဘူးလို့ ပြောချင်ပါတယ်. . . ပင်စင်နာဆိုတာကို မေ့လောက်အောင်ကို အလုပ်များပါတယ်. . . . ဒီကြားထဲက မသေခင်မှာလုပ်ရမယ့် အလုပ်ကိုလုပ်ချင်လို့ ရိပ်သာကို သွားပါတယ်. . . ရိပ်သာကို ရောက်တဲ့နေ့ကစပြီး သီလစင်အောင်ထိန်းပါတယ်. .... အကြည့်ကိုသိမ်းထားပါတယ် . . .
အဲသည်ကြားထဲက ဆွမ်းကျွေးလာတဲ့ သူတွေထဲက ကိုယ့်ကို သိတဲ့သူများနဲ့ ကြုံရင်. . အနည်းနဲ့အများ အနှောင့်အယှက် ဖြစ်တတ်ပါတယ်. . . တချို့က တရားဝင်နေမှန်း၊ အကြည့်ကိုသိမ်းထားမှန်း သိပါလျှက် တည့်တည့်တိုးကာ တရားဝင်နေသလားလို့ မေးတတ်ပါတယ်. . ယောဂီမှာတော့ အမှတ်ပျက်သွားလို့ အနှောင့်အယှက် ဖြစ်ပါတယ်. . . .
တချို့ကတော့ ရင်း၂နှီး၂မေးပါတယ်. . . အေးအေးဆေးဆေးပဲလားတဲ့. . . . တကယ်တော့ ဘယ်လိုအဓိပ္ပါယ်ကိုမှ ဆောင်လှတယ်မဟုတ်ပါဘူး . . . နောက်မေးခွန်းတစ်ခုကတော့ အိမ်မှာ ဘယ်သူရှိလည်းတဲ့. . . အငှားပူ၊ အလကားပူပေးတတ်ကြရှာတယ် . . . . သူ့အိမ်သူပစ်ထားနိုင်လို့ ပစ်ထားတာ ဘယ်သူပဲစောင့်စောင့်ပေါ့နော်. . .
ယောဂီအိမ်ပြန်ရောက်ပါပြီ. . . . တယ်လီဖုန်းတွေလာ၊ ဧည့်သည်တွေလာနဲ့ တော်၂ကို အလုပ်များပါတယ်. . . . . အဲသည်လိုဆက်တဲ့ အခါမှာ တရားတော်တော် ပေါက်ခဲ့လား . . . နည်းနည်းလောက်မျှပါဦးလို့ ပြောတာဖြင့်လွန်ပါတယ်. . တရားပေါက်တယ် မပေါက်တယ်ကို ဘယ်လိုတိုင်းတာမှာပါလည်း . . . ကျွန်တော်တို့ဖြင့် ကျွန်မတို့ဖြင့် တရားပေါက်ပါ့လို့ ဘယ်သူကမှ ပြောမှာမဟုတ်ပါဘူး . . . မြတ်စွာဘုရားလက် ထက်တော်ကတည်းက တကယ့် အရဟတ္တဖိုလ်ပေါက် ရောက်နေတဲ့သူများတောင်မှာ လုံလောက်တဲ့ အကြောင်းမရှိဘဲနဲ့ ပြောလေ့မရှိပါဘူး . . . .
အဲသည်လိုမျိုး အခြေခံသာသနာရေး နဲ့ပတ်သက်တဲ့ အကြောင်းအရာများကို သိထားရင် တရားပေါက်နေပြီလား လို့ မေးကြမယ် မဟုတ်ပါဘူး . . . တရား အားထုတ်တဲ့သူကို မလေးစားသော်လည်း တရားကို လေးစားကြရပါမယ်. . . . ဘယ်သူ့ဘယ်သူ့ကိုမှာ သီလသမာဓိ ပညာနဲ့ပတ်သက်လို့ ဘယ်လောက်အဆင့်ကို ရောက်နေပြီလို့ပြေလာလို့မရနိုင်ပါဘူး. . . တကယ်တော့ တရားပေါက်ခဲ့သလား ၊ တရားကိုနည်း၂မျှပါအုံး ပြောတဲ့ သူဟာ တရားကိုရော တရားအားထုတ်သူကို မလေးစားသလို ဖြစ်နေပါတယ်. . . .
အဲသည်လိုမရည်ရွယ်ပါဘူး ဆိုရင်လည်း နောက်နောင်ကို မလိုရင် မပြောပါနဲ့လို့ စေတနာကောင်းနဲ့ သတိပေးလိုက်ပါတယ် . . . သတိပေးတယ် ဆိုတာ လောကမှာ အကောင်းဆုံး လက်ဆောင်ကို ပေးတာဖြစ်ပါတယ်. . .

ဒေါက်တာမတင်ဝင်း

အားလုံးကိုချစ်ခင်လေးစားလျှက်...
ပန်းကဗျာ