ပြုံးအလှပိုင်ရှင်

လောကမှာ ပြုံးနေတဲ့မျက်နှာပိုင်ရှင်ကို လူချစ်လူခင် ပေါတာတော့ သေချာပါတယ်... စကားမပြောတတ်တဲ့ ကလေးတောင် ပြုံးနေရင် ဟိုလူကခေါ်ချင် ဒီလူကခေါ်ချင်ပါပဲ. . . မှုန်ကုပ်ပြီး တင်းနေတဲ့မျက်နာပိုင်ရှင် ဆိုရင်တော့ မြင်တာနဲ့မျက်နှာလွှဲသွားကြမှာပေါ. . .
မျက်နှာကြောတင်းတာနဲ့ က္တုနြေ္ဒ ရှိတာကလည်း ကွဲလွဲပါသေးတယ်. . . အလကားနေရင်း မျက်နှာကြောတင်းနေလို့ " တစ်လောကလုံး သူ့လုပ်စာထိုင်စားနေတယ်များ မှတ်နေသလား မသိဘူး . . . "ဆိုတဲ့ မှတ်ချက်မျိုးပေါ်လာ ရတာပေါ. . .
အပြုံးမှာလည်း အမျိုးမျိုးရှိတာပါပဲ. . . စိတ်ကကြည်လင်သန့်ရှင်းနေရင် အဲဒီအပြုံးဟာလည်း ကြည်လင်သန့်ရှင်း နေတာပဲ. . . . စိတ်အပေါ်မှာလိုက်ပြီး အပြုံးတွေကို ခွဲခြားနိုင်တယ်. . . စိတ်ရဲ့ခံစားမှုဟာ အပြုံးပေါ်မှာ ထင်ဟပ်ပါတယ်. . .

" ရှက်ပြုံး "
" မလိုတမာအပြုံး "
" အောင့်သက်သက်အပြုံး "
" ပမာမခန့် အပြုံး "
"အားငယ်တဲ့ အပြုံး "

စသည်ဖြင့်ပေါ့. . ကြည်လင်တဲ့ အပြုံး ၊ သန့်ရှင်းတဲ့ အပြုံး ကတော့ လူတိုင်းရဲ့ အရည်အချင်း ၊ ရင်းနှီးမှုရဲ့ သော့ချက်လို့သတ်မှတ်ရမှာပါ. . . ဟာသဓာတ်ခံရှိမှ အပြုံးကလည်း ပိုပြီး အသက်ဝင်ပါတယ်. . . ဖုန်းလက်ခံစကားပြောရင်တောင် ပြုံးပြီးပြောဖို့လိုတယ် လို့ အကြံပေးတာဖတ်ဖူးပါတယ်. .. တစ်ဖက်လူမှမမြင်တာ ပြုံးပြီးပြောဖို့မလိုဘူးလို့မထင်ပါနဲ့ ပြုံးပြီးပြောကြည့်ပါ. . . အသံကချိုနေပါတယ် ဒါကြောင့်နားဝင်ချိုတယ်ဆိုတဲ့စကား ပေါ်လာတာပါ. . .
ဒီနေ့စီးပွားရေးနဲ့ပတ်သက်တဲ့စာအုပ်များတွင်လည်း . . . ခေါင်းဆောင်ကောင်း၏ အရည်အချင်းများတွင် "ဟာသနှင့်လက်ခံတတ်ခြင်း၊ ဟာသနှင့်ပေးအပ်တတ်ခြင်း " ဆိုတဲ့ သဘောတရားကို ထည့်ထားပါသည် . . ဟာသဦးဆောင်သူရဲ့ နောက်တွင် ၀န်ထမ်းများပျော်တဲ့အတွက် အလုပ်လည်း ပိုတွင်ကျယ်ပါတယ်. . .
ဟာသဟာ ဆက်ဆံရေးမှာ အရေးပါတယ်လို့ရှေးမြန်မာယောကျာ်းကောင်းတို့ တတ်အပ်သော အတတ် ၁၈ရပ်မှာ ဟာသကို ထည့်ခဲ့တာပါ.. ခရီးတစ်ခုသွားကြမယ်ဆိုရင်တောင် ကားနှစ်စီး ခွဲသွားရမယ်လို့ကြုံလာရင် ပျော်ပျော်နေတတ်သူ၊ ဟာသဖန်တီးတတ်သူပါတဲ့ ကားကိုစီးချင်သူတွေ များတာပါပဲ. . . ရန်သူများခြင်း၊ နည်းခြင်း ၊ မိတ်ဆွေနည်းခြင်း၊ များခြင်း ဆိုတာလည်း ကိုယ့်မျက်နှာပေါ်မှာ အတိုင်း အတာတစ်ခုအထိ အရေးပါပါတယ်. . .
"အလိုမကျမှု၊ စိတ်မရှည်မှု သည်းမခံနိုင်မှု" . . . စသည့် မလိုလားသော ခံစားမှုများရှိသူများ ရဲ့မျက်နှာပေါ်တွင် ကြည်လင်တဲ့ အပြုံးကိုမတွေ့နိုင်ပါဘူး. . . အဲလိုခံစားမှုတွေကြားက ကြည်လင်တဲ့ အပြုံးကို ပြုံးနိုင်ပြီဆိုရင်တော့ အကောင်းဆုံးပေါ့ရှင်. . .

အားလုံး ကြည်ကြည်လင်လင်ပြုံးနိုင်ပါစေ...

အားလုံးကိုချစ်ခင်လေးစားလျှက်...
ပန်းကဗျာ