မြန်မာထမင်းဝိုင်း

မနက်စောစော ...
သမီးရေထတော့ အာရုံဆွမ်း ကပ်မယ်ဆို ဆွမ်းချက်ရအောင် တဲ့...မေမေရဲ့သတိပေးနိုးသံလေးကြာတော့မှ ကမန်းကတန်းထ ၊ မျက်နှာသစ်သွားတိုက် ကိုယ်လက်သုတ်သင်ပြီး ဆွမ်းချက်ရန်ပြင်ဆင်၍ မြတ်စွာဘုရားအား အာရုံဆွမ်းကပ်ဖြစ်ခဲ့ပါတယ်။ မနက်အာရုံမတက်ခင် ကျေးငှက်လေးများ အသံနှင့် အေးမြတဲ့ မနက်ခင်းသစ်နဲ့အတူ ဘုရားအား ပူဇော်ဆက်ကပ်ရသော အာရုံပီတီမှာ အတိုင်းမသိ ကြည့်နှုးရပါတယ်။

ဘုရားရှိခိုးပုတီးစိပ်အပြီးမှာ...မေမေက သမီးဒီနေ့ ဘာဟင်းစားမလဲ ဈေးသွားတော့မယ်....။ ဟင်းစားတွေ စဉ်းစားရတာ လဲ ခေါင်းခြောက်တယ်လို့ပြောပါတယ်။ အင်း....မေရေ...ညကတည်းက စားချင်တာ တစ်မျိုးတော့ရှိတယ်။ ချဉ်ပေါင်ရွက် ချဉ်ရည်ဟင်းလေး စားချင်တယ်။ ကျန်တာတော့ မေ ပါသာ အဆင်ပြေတာ ၀ယ်ခဲ့ ပါလို့ပြောလိုက်တယ်။ ချဉ်ပေါင်ရွက် ချဉ်ရည်ဟင်းလေး စားချင်စိတ်နှင့်အတူ သတိရ သွားတာကတော့ ကျမ ပထမနှစ် မြန်မာစာ ဘာသာရပ်တွင်သင်ကြားခဲ့ရသော မြန်မာထမင်းဝိုင်းကဗျာလေးများ ဖြစ်ပါတယ်။

ဦးဆောင်းရေးတဲ့ ချဉ်ပေါင်ညို....

ဖျဉ်းနားတိုတွင် ၊ ချဉ်ပေါင်ညို ပေါ်စဖူးရယ်နဲ့၊ ငါးလူးရယ်မျှင်မျှင် ၊ကြေးမသင် ရေလုံပြုတ်ပါလို့၊ အင်ကုတ် ကယ်ကျယ်ကျယ်နှင့်..... ဆိုတဲ့ ကဗျာလေးမှာ ကဗျာစာဆို ဦးဆောင်းက ချဉ်ပေါင်ညို နဲ့ ငါးသေးသေးလေးတွေ ရောချက်ထားတဲ့ ချဉ်ပေါင်ညိုဟင်း ကို ရေးဖွဲ့ထားပါတယ်။ ဘယ်လောက်စားကောင်းလိုက်မလဲနော်။

နောက်...သာဝတ္တိဦးကြီး ရဲ့ မောင်ကြီးတို့ပျော်စံရာ...
ဟင်းချဉ်ပေါင်ဘက်၊ ပြုတ်ဘူးရွက် နှင့် ပိချက်ရေ ရပြီးလျှင်၊ ဆန်ထမင်း ရဲကျော်ကို ၊ ၀န်ကတော်ပုံလောက်ပြေးအောင်၊ ကျွေးပါမယ့်လေး...တဲ့ ကဲကြည့်ပါဦး ချည်ပေါင်ဟင်း ၊ ငါးပိ နဲ့ ဘူးရွက်ပြုတ် ဟင်းစပ်တည့် တယ်နော်။

နောက်ရှိသေးတယ် ပျော်ပုံကသစ်သနဲ့
ကိုက်ညွန့်ငယ်ဖူးစီ ချဉ်ပေါင်နီကို ၊ ရာသီဓလေ့ ၊ ပုဇွန်လုံး ခွံဖုံးထေ့လို့ ၊တော့ဓလေ့ ငယ်တဆင်၊ လယ်ကြွက်ကင် နှင့် တို့ဖရုံ အချိုချက် ဟင်းဘက်စုံလှတဲ့။
ပုဇွန်လုံးနဲ့ချက်ထားတဲ့ ချဉ်ပေါင်နီဟင်းရယ်...လယ်ကြွက်ကင်ရယ်။သူတို့ ယာထဲကထွက်တဲ့ ဖရုံသီး အချိုချက်ရယ် စားရတဲ့ သူဘယ်လောက် ခံတွင်းတွေ့ပြီး လျှာလည်လိုက်မလဲနော်။

မြန်မာလူမျိုး များ... မြန်မာ အစားအစာကို ခုံမင်စွဲလမ်းတတ်တာ.... စာဆိုတွေရဲ့ ကဗျာ မှာ အထင်းသားမြင်တွေ့ ရပါတယ်။ အခုနေများ ကဗျာစာဆို ဦးကြီးနဲ့ ဦးဆောင်း တို့ရှိနေခဲ့လျှင် ဟမ်ဘာဂါ နှင့် မြန်အစားအစာ ဘယ်ဟာပိုပြီး မြိန်လဲ လို့ ကျွေးလဲကျွေးရင်း မေးလိုက်ချင်မိပါတော့တယ်။

အားလုံးကိုချစ်ခင်လေးစားလျှက်...
may16