လူမစွမ်း၍ နတ်မခြင်းပါ ဘုရား

ဘိုးတော်ဦးဝိုင်း၏ ကောင်းမှုတော်များသည် များပြားလာသည်။ မျက်မှောက်ခေတ်တိုင် အထင်အရှား ပင်ဖြစ် ပါသည်။ မင်းကွန်းပုထိုးတော်ကြီး၊ မင်းကွန်းခေါင်းလောင်းတော်ကြီးတို့မှာ အထင်အရှား ပင်ဖြစ်ပါသည်။ ဘိုးတော်ဦးဝိုင်းသည် ၎င်း၏ ကောင်းမှုများအတွက် ပီတိဖြစ်သည်။ ကျေနပ်သည်။

မင်းကွန်းပုထိုးတော်ကြီး၏ ဥာဏ်တော်မှာ မြင့်သည်။ ၅၂၀ တောင်၊၂ မိုက်၊ ၄ သစ်မျှထိ တည်ဆောက် သော်လည်း ပြီးနိုင်ခဲသည်။ ပြီးမြောက်စေချင်လှပြီ။

''ပေါ်ဦး''

''ဘုရား''

''ငါကိုယ်တော်မြတ်ရဲ့ ဘေးလောင်းတော်၊ ဘိုးလောင်းတော်များ တည်ထားကိုးကွယ်ခဲ့ကြတဲ့ ရွေတိဂုံစေတီတော်၊ ရွေစည်းဂုံစေတီတော်တို့ကို……..လူတစ်ရစ် နတ်တစ်ရစ် တည်တယ်လို့ ဆိုတာ ကြားဖူးမို့လား ပေါ်ဦးရဲ့''

''မှန်လှပါ ……..ကြားဖူးကြောင်းပါ ဘုရား''

''ငါကိုယ်တော်မြတ်တည်ထားကိုးကွယ်တဲ့ ပုထိုးတော်ကြီး ကျတော့ဘယ်နတ်ကမှ လာပြီး မကူညီပါလားကွယ့်''

''မှန်လှပါ……..ဘုန်းတန်ခိုးချင်း မတူလို့ပါဘုရား''

''အလို……..လျှောက်စမ်းပါအုံးကွယ့်''

'' ရှေးပညာရှိများ မိန့်ဆိုခဲ့တဲ့ စကားပုံရှိကြောင်းပါဘုရား………''

'' ဘာများတုံးကွယ့် ''

'' လူမစွမ်းနတ်မ ဆိုတဲ့ စကားပုံပါဘုရား၊ ရွှေတိဂုံစေတီတော်၊ ရွှေစည်းဂုံစေတီတော်တို့ကို တည်ခဲ့သောဒါယကာမင်းတို့မှာ …….ဘဝရှင်မင်းတရားကြီးလောက် ဘုန်းတန်ခိုးမစွမ်းသည့်အတွက် နတ်များက မ ရ ခြင်းဖြစ်ပါတယ်ဘုရား……..အရှင်မင်းကြီးကတော့……..ဘုန်းတန်ခိုးအစွမ်းထက်သည့်အတွက် နတ်များမှာမရန်မလိုပါဘုရား……..ထို့ကြောင့် မ မကြခြင်းပါဘုရား…….. ''

''မောင်မင်း တင်လျှောက်ပုံအရ ဆိုရင်တော့ ………..ငါကိုယ်တော် စွမ်းလို့ နတ် မ မတာပဲပေါ့လေ''

'' မှန်လှပါဘုရား''

ဘိုးတော်ဦးဝိုင်းမှ ဦးပေါ်ဦး၏ လျှောက်တင်ပုံကြောင့် စိတ်ကျေနပ်မိတယ်။

ဦးပေါ်ဦး၏ လျှောက်တင်ပုံက အရှင်သခင်၏ စိတ်ကို ချမ်းမြေ့စေသည်။

လူမစွမ်း၍ နတ်မ ခြင်း……..ပါတဲ့။

ဦးပေါ်ဦးလျှောက်ထုံးပုံပြင်များ

အားလုံးကိုချစ်ခင်လေးစားလျှက်. . . .

အလုပ်နှစ်မျိုး

"လုပ်သင့်တဲ့အလုပ်ကို လုပ်တဲ့သူဟာ
မလုပ်သင့်တဲ့အလုပ်ကို
ရှောင်ကြဉ်ပြီးသား ဖြစ်သွားပါတယ်. . . "

လူ့ဘဝမှာ အလုပ်နှစ်မျိုးရှိပါတယ်။

တစ်မျိုးက အောင်မြင်တဲ့သူ တွေရဲ့ အလုပ်ဖြစ်ပြီး နောက်တစ်မျိုးကတော့ မအောင်မြင်တဲ့သူတွေရဲ့အလုပ်ပါ။
လူငယ်တွေနားမရှုပ်စေချင်ပါဘူး။

အလုပ်နှစ်ခုကို လူနှစ်ယောက်က နှစ်မျိုးနှစ်စားလုပ်တာမဟုတ်ဘူး။ အလုပ်တစ်ခုတည်းကို လူတစ်ယောက် တည်းက ရွေးချယ်ပြီးတော့လုပ်တာပါ။ လုပ်သင့်တဲ့အလုပ်နဲ့ မလုပ်သင့်တဲ့ အလုပ်ပေါ့။

ကိုယ့်ဘဝတိုးတက်ကြီးပွားဖို့ ကိုယ်ရွးချယ်တဲ့အလုပ်ကို မဆုတ်မနစ် လုံးလကြီးစွာနဲ့ ကြိုးစားပြီး အကောင်း ဆုံးဖြစ်အောင် လုပ်တတ်တဲ့သူတွေဟာ လုပ်သင့်တဲ့ အလုပ်ကိုလုပ်တဲ့ သူတွေဖြစ်ပါတယ်။

လုပ်သင့်လုပ်ထိုက်တဲ့အလုပ်ကို ကြိုးစားပြီး လုပ်တဲ့သူတွေဟာ မလုပ်သင့်မလုပ်ထိုက်တဲ့ အလုပ်တွေကို အလိုလို ရှောင်ရှားပြီးသား ဖြစ်သွားတယ်။

ဘာဖြစ်လို့လဲဆိုတော့ မကောင်းတာကိုလုပ်ဖို့ အချိန်မရတော့လို့ပါ။

မလုပ်သင့်တဲ့အလုပ်တွေကို အချိန်ပြည့် ပြုလုပ်တဲ့သူမှာတော့ ဘယ်ဟာ အကောင်းဆုံးလဲဆိုတာကို မသိလို့ မကောင်းတာတွေ လုပ်ရင်းနဲ့ အချိန်တွေကုန်သွားတတ်တယ်။

ကဲ……..ကျွန်ုပ်တို့ဘာကိုရွေးချယ်မလဲ။

အိန်ဂျယ်လ်

အားလုံးကိုချစ်ခင်လေးစားလျှက်. . . .

အားကိုးစရာ

ယုန်ကလေးတစ်ကောင်က စဉ်းစားပါတယ်။

ငါက ခွန်အားနည်းတယ်……..ဒီတော့……လောကမှာ ခွန်အားအကြီးဆုံးသော တစ်စုံတစ်ယောက်ကို အဖော်ပြုဖို့ရှာမှပဲ။

ဒီလိုနဲ့ခရီးထွက်ခဲ့ပါတယ်။

အင်အားအကြီးဆုံးကိုရှာရင်းရှာရင်း တောထဲက တိရီစ္ဆာန်တွေလည်းကုန်သလောက်ရှိနေပါပြီ။

နောက်ဆုံး…….တောဘုရင်ခြင်္သေ့ကြီးဆီ ရောက်ပါတယ်။

တစ်နေ့မှာတော့ အဲ့ဒီခြင်္သေ့ကြီးကို လူမုဆိုးတွေက အနိုင်ယူလိုက်ပါတယ်။

ဒါနဲ့ပဲ ယုန်ကလေးက လောကမှာ အင်အားအကြီးဆုံးလို့ ယူဆရတဲ့ မုဆိုးတွေနား အဖော်ပြုဖို့ သွားလိုက်တာ…….လူမုဆိုးတွေက ဝမ်းသာအားရနဲ့ ချက်စားလိုက်ပါလေရော။

သဲအောင်


အားလုံးကိုချစ်ခင်လေးစားလျှက်. . . .

ပျိုးနုတ်သမားနှင့်တူသော

မင်းတုန်းမင်းသည် မင်းစည်းစိမ်ကို ခံစားရင်း တိုင်းပြည်တာဝန်ကို ထမ်းဆောင်ရင်းကာ သာသနာ့တာဝန်ကို အတတ်နိုင်ဆုံး ကျေပွန်အောင် ထမ်းဆောင်သည်. . . ထို့ကြောင့် ဗန်းမော်ဆရာတော်ကြီးနှင့် တွေ့ဆုံတိုင်း တရားအားထုတ်လိုကြောင်း လျှောက်ထားလေ့ရှိပါသည်. .

တစ်ခါသော် နန်းတော်သို့ ဗန်းမော်ဆရာတော်အား ဆွမ်းကပ်ပြီး လျှောက်ထားရာမှာ. .

"တပည့်တော်မှာ မင်းစည်းစိမ်နဲ့တာဝန်က တစ်ဖက်ရှိနေလို့သာပါ. . ဘုရား တာဝန်သာမရှိရင် တရားဘာဝနာ စီးဖြန်းနေလိုတော့ကြောင်းပါ ဘုရား. ." ဟု မင်းတုန်းမင်းကြီးကလျှောက်ထားပါသည်. . .


"ဒကာတော်မင်းမြတ်ဟာ ဘုန်းကြီးနဲ့ တွေ့တိုင်း တောပဲထွက်တော့မလို၊ ဘုန်းကြီးပဲ ၀တ်တော့မလိုနဲ့ ပြောတာကြာပြီ. . . . . ဒကာတော့ကို ကြည့်ရတာ ပျိုးနုတ်သမားနဲ့ တူနေပြီဟု . ." ဆရာတော်က မိန့်ပါသည်. .

"ရှင်းလင်းဟောကြားတော်မူပါဦးဘုရား . . ."

ဆရာတော်က ပုံပြင်ကိုစပြောပါတယ်. . . .

"တို့များခေတ်က ပျိုးနုတ်သမားကောင်းဆိုရင် ဂုဏ်ရှိတယ်. . . . တစ်နေ့သော် ပန်းသည်ကြီးတစ်ဦးသည် ပန်းရောင်းရင်း ပျိုးခင်းကြီးတစ်ခုအနီးသို့ ရောက်သွားသည်. . . . ထိုအချိန်တွင်. . ခါးပုံစတွင်း ၌ နှီးတစ်စည်း ကို ညှပ်ထားသော ပျိုးနုတ်သမားတစ်ယောက်လည်း ပျိုးခင်းသို့ရောက်လာသည်.. .

ထို့ကြောင့်ပန်းသည်ကြီးသည် အပန်းလည်းဖြေရင်း ပျိုးနုတ်သည်ကို ကြည့်မည်ဟု သစ်ပင်ကြီး တစ်ပင်အောက်တွင် ၀င်ရောက်နားလေသည်. . . . ပျိုးနုတ်သမား က ဦးစွာ နှီးစည်းကို ရေစိမ်ထားလိုက်သည်. . . . "ထမင်းစားပြီးမှ နုတ်လဲ ခဏပါပဲ လေ. . ."

ထိုသူရေရွတ်လိုက်သော အသံကို ပန်းသည်ကြီးက ကြားကာ ထိုသူ ထမင်းစားပြီးနောက် ပျိုးနုတ်သည်ကို စောင့်ကြည့် ဦးမည်ဟု စိတ်ကူးကာ ဆက်စောင့်နေသည်. . . . ပျိုးနုတ်မည့်သူသည်. . . . ဆေးလိပ်တစ်လိပ်ကို မီးညှိရှိုက်ဖွာလိုက်သည်. . .ထို့နော်က ပုဆိုးကု ခေါင်းအုံးကာ အညောင်းဆန့်လှဲအိပ်နေလိုက်သည်. . .

"ဒီပျိုးခင်းလေးလောက်များ နေအေးမှ နုတ်လဲခဏပဲ . . မှိန်းလိုက်ဦးမည်. . . . " ဟိုက အိပ်သည်. . ပန်းသည်လည်း "ကြားရတာ ပျိုးနုတ်တော်တော် တော်မည့်သူပဲ စောင့်လက်စနဲ့ ဆက်စောင့်လိုက်ပါ့မယ်လေ. . . " ဟု တွေးက အညောင်းဆန့်က စောင့်လေသည်. .

ပျိုးနုတ်မည့်သူ အိပ်ရာမှ နိုးလာသည်. . . ပန်းသည်လည်း စောင့်ဆဲ. . . "နေကလည်း တယ်အကျမြန်တာကိုး . . .ခုမှ နုတ်လဲ အချိန်မမှီတော့ပါဘူး. . . .မနက်ကျမှပဲ နုတ်ပါတော့မယ်. .." . . ဟု ပျိုးနုတ်သများက ရေရွတ်ပြောဆိုသည်. . .

ပန်းသည်ခမျာ ပျိုးနုတ်သည်ကို ကြည့်ရန် အားခဲထားသည်. . .ယခုတော့ နေကလည်း ညိုပြီ. . . ပန်းအချို့လည်းညှိုးပြီ. . . . ဆက်မရောင်းနိုင်တော့ ပဲ အိမ်သို့သာ ပြန်ခဲ့ရတော့သည်. . .

"ဒီသဘောပါပဲ ဒကာတော် ရေမြေ့ရှင်. . ၊ဒကာတော် တောထွက်နိုး၊ တရားဘာဝနာ စီးဖြန်းနိုးနဲ့ စောင့်ခဲ့တာကြာပါပေကော. . . အချိန်ကုန် စာကြည့်ပျက်တာပါပဲ. . . . ."

ပုံပြင်ကို အဆုံးသတ်ပြီးနောက် ဆရာတော်လည်း ဗန်းမော်ကျောင်းတိုက်သို့ ပြန်လည်၍ ကြွခဲ့လေသည်. . . . မင်းတုန်းမင်းမှာ မည်သို့မျှ မလျှောက်သာ. . . . ဆရာတော်ကို မျက်စိတစ်ဆုံး ဖူးမျှော်ဦးတင်ကာ ကျန်ခဲ့လေသည်. . . .

ဗန်းမော်ဆရာတော် ပုံပြင်များ


အားလုံးကိုချစ်ခင်လေးစားလျှက်. . . .

သားဖေဖေ

သားရယ်……………..

အောင်မြင်ချင်တဲ့သူဟာ
ကိုယ့်ကိုကိုယ် ယု့ကြည်မှုရှိဖို့
အမှန်တကယ်လိုအပ်ပါတယ်။
အဲ့ဒီယုံကြည်မှုရအောင်
ကိုယ်ဘာသာကိုယ် ပြု စုပျိုးထောင်ရပါတယ်။

အလကားကောင်လို့ သူများကပြောတာနဲ့
စိတ်အားငယ်ပြီး ဘာမှမလုပ်ဘဲနေရင်
အလကားကောင် တကယ်ဖြစ်သွားမှာပေါ။့

သူများတကာရဲ့စကားလုံးတွေကြောင့်
ကိုယ့်ဘ၀ဆုံးရှုံးသွားရတာ
ကံကြမ္မာကြောင့်မဟုတ်ပါဘူး သားရယ်။

ကိုယ့် ရဲ့ဘ၀ အမြင်
ချွတ်ချော်တိမ်းစောင်းနေလို့ပါ။

အမြန်ဆုံးပြုပြင်လိုက်ပါကွယ်။
အောင်မြင်မှုတွေကသားကို
စောင့်ကြိုနေပါလိမ့်မယ်

ကောင်းသန့်

အားလုံးကိုချစ်ခင်လေးစားလျှက်. . . .

မီးတင်းကုပ်တွင်နေသော နဂါးအား တန်ခိုးတော်ဖြင့် ငြိမ်သက်စေတော်မူပုံ

ဗုဒ္ဓမြတ်စွာသည် ရဟန်းများကို သာသနာပြုစေလွှတ်တော်မူပြီးမှ ကိုယ်တိုင်လည်း ဥရုဝေလာကဿပ၊ နဒီကဿပ၊ ဂယာကဿပ၊အမည်ရသော ကဿပညီနောင် (၃)ဦးခေါင်းဆောင်သော ရသေ့တစ်ထောင်ကို ချွတ်တော်မူရန် ဥရုဝေလာသို့ ကြွတော်မူလေသည်။ထိုနေရာရှိနဂါး မီးတင်းကုပ်၌ နဂါးမင်းအား တန်ခိုးအမျိုးမျိုးဖြင့် နှိမ်နင်းပြ၍ ဆုံးမတော်မူရာအားလုံးရဟန်းပြုလေသည်။

ထို့နောက် ထိုရဟန်းတစ်ထောင်နှင့်အတူ ဂယာသီသသို့ ကြွ၍ တရားဟောတော်မူပြန်ရာ အားလုံးရဟန္တာဖြစ်လေသည်။ထိုရဟန်းများနှင့်အတူ ရာဇဂြိုလ်မြို့သို့ ကြွတော်မူ၍ ထန်းတောဥယျာဉ်၌ သီတင်းသုံးတော်မူစဉ် တစ်သိန်းနှစ်သောင်းသော လူတို့နှင့်တစ်ကွ ဗိမ္ဗသာရမင်း အဖူးမြော်လာလေရာ ရှင်ကဿပက ဆရာလေလား၊ရဟန်းဂေါတမက ဆရာလေလား ဟု ယုံမှားဖြစ်ကြသည်ကို အရှင်ကဿပ သိ၍ ဘုရားရှင်၏ခြေတော်ပေါ်၌ ဦးခေါင်းကို တိုက်ပြီးလျှင် ဘုရားရှင်သည် ဆရာ၊ မိမိကတပည့်ဖြစ်ပါကြောင်း ကို အကြိမ်ကြိမ် လျှောက်လေသည်။

THE BUDDHA TAMING THE DRAGON IN THE FIRE- SHED WITH HIS SUPERNATURAL POWER

After sending forth the Arahants to preach, the Blessed One went to Uruvela to convert a thousand hermits headed by the three Kassapa brothers known as Uruvela Kassapa , Nadi Kassapa and Gaya Kassapa. The Buddha tamed the King of the Dragons in a fire –shed by using a variety of his supernatural powers. The thousand hermits became monks and with this retinue, the Blessed One proceeded to Gayasisa. On arrival three the he preached to them again and they all became arahants.

The Buddha went from there to Rajagaha accompanied by those monks and dwelt in the Toddy Palm Grove. King Bimbisara went there with a large following of 120,000 persons to pay his respects to Buddha. As the ascetic Kassapa was held in high esteem by his people, he was at a loss to understand whether the Buddha was a disciple of Kassapa or the latter was a disciple of the former. The venerable Kassapa knew this and placing his head upon the Buddha’s feet acknowledged the Buddha’s superiority, saying . “My teacher , Lord , I’m the disciple” repeatedly.

အားလုံးကိုချစ်ခင်လေးစားလျှက်. . . .

သမီလေးဖတ်ဖို့

သမီး. . .

ဖေဖေ့ရဲ့ အောင်မြင်မှု လှို့ဝှက်ချက်တစ်ခု ကို
သမီးလေးကို တိုးတိုးတိတ်တိတ် ပြောရဦးမယ်. .

များများလိုချင် များများပေး
ပေးလေလေ များလေလေပဲ

အဲ့ဒီစကားကို သေချာ စဉ်းစား
လက်တွေ့အကောင်အထည် ဖော်ကြည့်
အကျိုးရှိကြောင်း သိလာလိမ့်မယ်

ဘာတွေပေးရမှာလဲလို့
ဖေဖေ့ကို ပြန်မေးမလိုကလား
ရှိတာတွေ ပေးလိုက်ပါ သမီးရယ်. .

မေတ္တာ၊စေတနာ၊ အကြင်နာ၊ ကရုဏာတွေ
သမီးမှာ အလုံအလောက်ရှိပါတယ်. .
လိုအပ်နေတဲ့သူတွေ ပေးလိုက်ပါ. .

အ၀တ်အထည် ပစ္စည်းရွှေငွေတွေ
သမီးဘ၀မှာ ပိုလျှံလာတဲ့အခါ
ပေးသင့်တဲ့နေရာကို သွားပေးလိုက်ပါကွယ်.

ပေးလိုက်လို့ နည်းပါးသွားမှာ မပူပါနဲ့
ပေးလေလေ များလေလေပဲဆိုတာ
ယုံပါသမီးရယ်. . .
ဖေဖေ ညာမပြောပါဘူး

ကောင်းသန့်


အားလုံးကိုချစ်ခင်လေးစားလျှက်. . . .

အိပ်မပျော်ခြင်း

ညဖက် အိပ်ရာဝင်ချိန် မတိုင်မီ လေးနာရီမှ ခြောက်နာရီအတွင်း ကဖိန်းဓာတ်ပါသော အစာ၊ အရည်များ ကို သောက်သုံး လျှင် အိပ်မပျော်နိုင် ဖြစ်တတ်ပါတယ်. . . .အရက်၊ ယမကာ စသည်တို့သည် အိပ်ပျော်စေရန် မကူညီနိုင်ပါ. . . . အရက် စသည် မူးယစ်စေတတ်သော အရာများ မှာ အစဦးပိုင်းတွင် အိပ်ပျော်စေသယောင် ဖြစ်သော်လည်း ရေရှည်တွင် အိပ်မပျော်ရုံမက စိတ်ကို ပါ ကစဥ့်ကလျား ဖြစ်စေတတ်ပါသည်.

အိပ်ရာမ၀င်ခင် ကဖိန်းဓာတ် ၅၀ရာ ခိုင် နှုန်းပါသော အစာများကို ည ၇ နာရီမအချိန်တွင် စားသုံးမိပါက ည ၁၁ နာရီ ခန့်အထိ ခန္ဓာကိုယ်က လန်းဆန်းမှုကို ရရှိနေနိုင်ပါသည်. . အဖျော်ယမကာနှင့် ဆေးဝါး တော်တော်များများတွင် ကဖိန်းဓာတ်ပါဝင်နေသောကြောင့် ၄င်းတို့ကို အိပ်ရာမ၀င်မီ မသုံးစွဲရပါ.

အိပ်ရာဝင်ချိန် မတိုင်မီ မိနစ် ၉၀ အလိုတွင် မည်သည့် အရည်၊ ရေများကို မဆို သောက်သုံးခြင်းသည် ညလယ်ပိုင်းမှာ တရေးနိုး ဆီးသွားစေနိုင်ပါသည်. . အထူးသဖြင့် သက်ကြီးပိုင်း အရွယ်များမှာ အဓိကဖြစ်တတ်ပါသည်. . .

အိပ်ခါနီးတွင် ကာယ လေ့ကျင့်ခန်းများ ပြုလုပ်ခြင်းမှလည်း ရှောင်ကြဉ် ရပါမည်. . . အအိပ်မှီ သုံးနာရီအတွင်းကာယ လေ့ကျင့်ခန်းပြုလုပ်သူများသည်. . . အာရုံနိုးကြားခြင်းကို တိုးမြှင့်သကဲ့သို့ ဖြစ်ပြီး အိပ်၍ မပျော်သော ဆိုးကျိုးကိုသာ ရရှိပါလိမ့်ပါမည်. . .

အိပ်ရာဝင်ခါနီး အချိန်တွင် ကာဗိုဟိုက်ဒရိတ်ဓာတ် ကြွယ်ဝသော အစားအစာများဖြစ်သည့် ပေါင်မုန့်၊ ခေါက်ဆွဲ ၊ဂျုံစပါး ကောက်နှံနှင့် ဘီစကွတ် မုန့်များစသည်ကို စားသုံးသင့်ပါသည်

လွတ်လပ်စိုး

အားလုံးကိုချစ်ခင်လေးစားလျှက်. . . .

ရုပ်အဆင်းလှပခြင်း

"ရုပ်လှရင် အကုသိုလ်ကံ အကျိုးပေးခွင့်မသာတော့ဘူးဆိုတဲ့"

စကားဟာ သိပ်စိတ်စားဖို့ကောင်းတာပါ။ ဒါကိုထောက်ပြီး လူတစ်ယောက်ဟာ ရုပ်လှဖို့လည်းလိုနေပြန်ပါတယ်။

သီဟိုဠ်ကျွန်းမှာ ဘာတိကမင်းဆိုတာ ရှိပါတယ်။ ဘာတိကမင်းကပြည်သူတွေကို နွားသားမစားရဘူးလို့ အမိန့်ထုတ်ထားပါတယ်။ တကယ်လို့နွားသားစားတာမိခဲ့ရင် ဒဏ်ငွေတပ်ပါတယ်။ ဒဏ်ငွေမဆောင်နိုင်ရင် နန်းတော်ထဲခေါ်ပြီး အမှိုက်လှည်းတာစတဲ့ အလုပ်ဒဏ်ကိုပေးပါတယ်။

တစ်နေ့တော့နွားသားခိုးစားတဲ့သူတွေအများကြီးကိုမင်းချင်းတွေကမိပါတယ်။မိတဲ့သူ တွေကိုဘာတိမင်းကဒဏ် ငွေဆောင်နိုင်လားလို့မေးတော့ အားလုံးကမတတ်နိုင်တဲ့အကြောင်းလျှောက်ကြ ပါတယ်။ ဒိတော့ဘာတိမင်းက နွား သားစားတဲ့သူတွေကိုနန်းတော်ထဲမှာ အမှိုက်လှဲတာ၊သန့်ရှင်းရေးလုပ်တာ စသည်တွေကို ခိုင်းပါတယ်။

ဒဏ်ထမ်းနေတဲ့သူတွေထဲမှာ ရုပ်အလွန်လှတဲ့ အမျိုးသမီးကလေးတစ်ယောက် ပါလာပါတယ်။ အဲ့ဒီ အမျိုးသမီး လေးကိုဘာတိမင်းကမြင်သွားပါတယ်။ဘာတိမင်းက အမျိုးသမီးလေးကို ''သူ့ရုပ်ရည်လေးနဲ့ ဒီဒဏ်တွေကို မလုပ်သင့်ပါဘူးလေ'' ဒဏ်ကလွှတ်စေပါတယ်။

ပြီးတော့သူ့အနားကိုခေါ်ပြီးအကျွမ်းဝင်တဲ့နေရာကိုထားလိုက်ပါတယ်။တစ်ဆက်တည်း သာမာဒေ၀ီ ဆိုတဲ့ဘွဲ့ ကိုလည်း ပေးလိုက်ပါတယ်။ ဒါတင်မကပါဘူး။အမျိုးသမီးငယ်လေးရဲ့ အရှိန်အ၀ါနဲ့ပဲ သူနဲ့ ဆွေမျိုးတော်စပ် သူတွေကိုလည်းဒဏ်က လွှတ်စေပြီး ချမ်းချမ်းသာသာ အသက်မွေးနိုင်လောက်အောင် စီစဉ်ပေး လိုက်ပါသတဲ့။

ဒါ ဥပဓိသမ္ပတ္တိက အကျိုးပေးလိုက်တာပါ။ အမျိုးသမီးငယ်တင်မကပါဘူး။ အမျိုးသမီးငယ်နဲ့ဆက်နွယ်နေတဲ့ ဆွေမျိုးတွေပါအကျိုး ပေးသွားတာပါ။နွားသားစားချင်တာချင်းအတူတူ ရုပ်လှတဲ့သူက အကျိုးပေးသွားတာပါ။

ဥပမာ - ကုမ္ပဏီ တစ်ခုမှာ အမျိုးသမီးငယ်နှစ်ယောက် အလုပ်လာလျှောက်တယ်ဆိုပါစို့။ ပညာအရည်အချင်း လည်း အတူတူပဲဆိုပါစို့။ ဒါပေမဲ့တစ်ယောက် က ရုပ်အလွန်လှတယ်။ တစ်ယောက်ကရုပ်မလှဘူး။ ဒါဆို ဘယ်သူ့ကိုရွေးမလဲ?

ရုပ်လှရင်အခွင့် အရေးက သူများထက်သာနေတော့တာပေါ့ ။ရုပ်လှရင် ပြုခဲ့တဲ့အကုသိုလ်ကံတွေက အကျိုးပေးခွင့်မသာတော့ဘူးဆိုတော့ လူတစ်ယောက်ဟာ ရုပ်လှဖို့လဲလိုနေပြန်ပါတယ်။

ဒီတော့ ရုပ်လှအောင်ဘယ်လိုလုပ်မလဲ? အလှပြင်ဆိုင်သွားမလား?

ရုပ်လှရင်ပြုခဲ့တဲ့အကုသိုလ်ကံတွေက အကျိုးပေးခွင့်မသာတော့ဘူးဆိုတော့ အလှပြင်ဆိုင်ကိုသွားသာသွားပါ။
တကယ်လို့ ကိုယ့်အိမ်သား,မိဘတွေက အလှပြင်ဆိုင်သွားလို့ မြည်တွင်တောက်တီးလာရင် ပြန်ပြောလိုက်ပါ။
"ကျွန်မ သွားချင်လို့သွားတာမဟုတ်ဘူး။ရုပ်လှရင် အကုသိုလ်ကံတွေက အကျိုးပေးခွင့်မသာဘူးလို့ စာမှာဆိုထားလို့ အကုသိုလ်ကံတွေရဲ့ အကျိုးပေးခွင့်ကို တားတဲ့အနေနဲ့ သွားတာပါ။ သွားချင်လို့သွားတာ မဟုတ်ဘူး" လို့ပြောလိုက်ပါ။

ရုပ်လှဖို့ ခေတ်ပေါ်နည်းတွေနဲ့လည်းပြင်ပါ။ တရားသဘောနဲ့လည်းပြင်ပါ။

ဘုရားရှေ့မှာ အချိန်သီိးခြားယူပြီး ပွားရမှာဖြစ်သလို အလုပ်သွားတဲ့အခါ ကားပေါ်မှာပဲဖြစ်ဖြစ်၊ တစ်ခါတလေ အလုပ်အားနေတဲ့အခါလေးတွေမှာပဲဖြစ်ဖြစ် ပွားနေရမှာပါ။

"အရဟံ=ဆိပ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရား" အရဟံဂုဏ်တော် လေးကို ပွားနေလို့လည်း ရပါတယ်။ပုံမှန်အထုံဖြစ်အောင် ပွားနေလိုက်ရင် တစ်လပြည့်တဲ့အခါ ကိုယ့်မျက်နှာကိုမှန် ထဲပြန်ကြည့်ပါ။ ပြောင်းလဲလာတာကိုတွေ့ပါလိမ့်မယ်။ကိလေသာလျော့နည်းလာတာနဲ့အမျှ ရုပ်မှာ အအေးဓာတ် ပေါ်လာတော့တာပါ။

ဒါ့ကြောင့်ရုပ်လှဖို့ အလှပြင်ဆိုင်လည်းသွားပါ။ ဂုဏ်တော်လည်းပွားပါ။

ရဝေနွယ်(အင်းမ)

အားလုံးကိုချစ်ခင်လေးစားလျှက်. . . .

ခရမ်းသီးဝန် မဟုတ်သော ဦးပေါ်ဦး

"ပေါ်ဦး"

"ခစားလျှက်ရှိကြောင်းပါ ဘုရား"

"ဤရာသီတွင်……….ခရမ်းသီးကို ကြော်စားရသော်………မကောင်းပေဘူးလားကွယ်………"

ဘိုးတော်မင်းတရားကြီးက မေးသည်။ နိမိတ်ပြမေးခွန်းဖြစ်သည်။မင်းကြီးကိုယ်တိုင်က စားချင်သောဆန္ဒ ကရှိနေသည်။ ထို့ကြောင့်စကားဦးသမ်း၍မေးနေခြင်းဖြစ်သည်။

"သင့်မြတ်လှကြောင်းပါဘုရား"

စင်စစ်………ယင်းရာသီတွင်ခရမ်းသီးသည်ရာသီစာမဟုတ်။မသင့်လှ။သို့သော်ဦးပေါ်ဦးက အလိုက်သင့် ဖြေသည်။

နောက်တစ်နေ့ ညီလာခံတွင်ဖြစ်သည်။ ဘိုးတော်မင်းတရားကြီးသည် ချောင်းတဟွတ်ဟွတ် ဆိုးနေသည်။

"ဟဲ့………. ပေါ်ဦး"

"အမိန့်တော်သံ နာခံလျှက်ရှိကြောင်းပါ ဘုရား"

"ခရမ်းသီးကြော်ကို ပွဲတော်တည်တာ ချောင်ဆိုးးလှသကွယ်….၊ ညကလည်းကောင်းကောင်းမအိပ်ရဘူး. . . "

"မှန်လှပါ ။ဤရာသီတွင် ခရမ်းသီးကို ပွဲတော်တည်ပါက …….ချောင်းဆိုးတတ်ပါသည်ဘုရား……."

"ဟဲ့…….. ပေါ်ဦး၊မောင်မင်းပဲ မနေ့က သင့်မြတ်လှကြောင်းပါဆို……."

"မှန်လှပါ အရှင်ဘုရား၊ ကျွန်တော မျိုးသည် …….ရေမြေ့သခင် ဘ၀ရှင်မင်းတရားကြီး၏ကျေးဇူးကိုသာ စောင့်သိသည့် …အရှင်၏၀န်သာဖြစ်ပါသည်ဘုရား။ ခရမ်းသီးကျွန်တော်မျိုး၏အပေါ်တွင် ကျေးဇူးမရှိ၊ ခရမ်းသီး၏ကျေးဇူးကိုစောင့်သိစရာမလိုပါဘုရား၊ကျွန်တော်မျိုးဟာ ခရမ်းသီးဝန်မဟုတ်ပါဘုရား။ ထို့ကြောင့်… ကျေးဇူးရှင်မင်းတရားကြီး၏ဆန္ဒအလိုလိုက် လျှောက်ထားခြင်းဖြစ်ကြောင်းပါဘုရား။"

ဦးပေါ်ဦးက ၀ံ့စားစွာ လျှောက်ထားသည်။ ညီလာခံပရိတ်သတ်တို့မှာ တိတ်ဆိတ်စွာနားစွင့်နေကြသည်။ ဘိုးတော်မင်းတရားကြီးမှာ ကျိတ်ပြုံးလေးပြုံးမိရှာသည်။ဦးပေါ်ဦး လျှောက်လိုက်တိုင်း ချမ်းမြေ့စရာပင်။ ဦးပေါ်ဦးသည်ကား အရှင့်ကျေးဇူးကိုစောင့်သိသောကျွန်ဝန်။

ဦးပေါ်ဦးသည်ကားခရမ်းသီးဝန်မဟုတ်။

ဦးပေါ်ဦးလျှောက်ထုံးပုံပြင်များ

ပုံကို ဤနေရာမှယူပါတယ်

အားလုံးကိုချစ်ခင်လေးစားလျှက်. . . .

လူငယ်

ကျွန်တော်။ . . . . ယောက်ျားတွေဟာ ဦးနှောက်ရဲ့ ညာဖက်အခြမ်းကို ပိုအသုံးပြုတယ်. . . မိန်းမတွေက ဦးနှောက်ရဲ့ ဘယ်ဖက်အခြမ်းကို ပိုအသုံးပြုတယ်တဲ့. . . ဒီတော့ ဦးနှောက် တစ်ခုလုံး ပြည့်ပြည့်၀၀ အသုံးချနိုင်အောင် အိမ်ထောင်ပြုသင့်တယ်. . .

လူငယ်။. . . . .ဒါဆို နှစ်မျိုးစလုံးကို အသုံးချလို့ရအောင် မိန်းမလျာလုပ်ရင်ကော. . . . .

သူ့စကားက တော်တော်တင်းစရာပါ. . . အပြစ်တော့တင်လို့မဖြစ်ပါဘူး. . . .

လူငယ်ဆိတာ ဒီလိုပါပဲဆိုပြီး အံကြိတ်ပြီး စိတ်ဖြေလိုက်ရပါတယ်. .

ပြီးတော့မှ . . .

"စမ်းသပ်ကြည့်လေ. . . ဦးနှောက်တစ်ခုထဲမှာ အတွေးအခေါ်နှစ်မျိုး တစ်ပြိုင်နက်စဉ်းစားလို့ မရနိုင်တာတော့ သေချာတယ်. . . ."

လူငယ်လေး စမ်းသပ်ကြည့်မလား . . ကျွန်တော်ပြောပြတာကိုပဲ နားထောင်မလား . . . .

အဖြေကတော့ အချိန်ကိုစောင့်ရမှာပါ. .

သဲအောင်

အားလုံးကိုချစ်ခင်လေးစားလျှက်. . . .

အကောင်းဆုံးကံကြမ္မာ

ကံကောင်းအောင် ကံကြမ္မာက မဖန်တီးပေးဘူး လူကပဲ ဖန်တီးပေးတယ်. .

ကံပွင့်တယ် . . . ကံမြင့်တယ်ဆိုတဲ့ . . . အရာဝတ္တုတိုင်းဟာ ကိုယ့်ဘာသာ ကိုယ် လုပ်ယူရတဲ့ကိစ္စများဖြစ်ပါတယ်. .

မိမိရဲ့ အတိတ်ဘ၀ပေါင်းများစွာက ပြုခဲ့တဲ့ ကောင်းမှုတွေ . . . ပစ္စုပ္ပန်ဘ၀မှာ ပြုလုပ်ထားတဲ့ ကုသိုလ်ကောင်းမှုတွေ အမြဲတမ်း ပွင့်လန်းလာစေဖို့ရာ အမြဲတမ်း စေတနာကောင်းရှိရပါတယ်. . .

စေတနာကောင်းနဲ့ လုပ်နေတဲ့သူတွေဟာ ကံကောင်းတဲ့ သူတွေပါပဲ. . .

ဒါပေမယ့် . . . (တစ်ခါတစ်ခါ)

သစ်ပင်မျိုးစေ့ကောင်းကို မြေသြဇာကောင်းကျွေးပြီး စိုက်ပျိုးတာတောင်မှ ပေါင်းပင်များထွက်လာတာ ရှိသေးတာ ပိုးကျသလို အဖြစ်မျိုးတွေ ရှိတာကိုလည်း တွေ့ရလေ့ရှိပါတယ်. . .

အဲဒီအချိန်မှာ သစ်ပင်စိုက်တဲ့လူဟာ ပေါင်းသင်ပေးရပါတယ်. . . ပိုးသတ်ပေးရပါတယ်. . မြေသြဇာထည့်ပေးရပါတယ်. . . . .

သည်လိုပါပဲ . . ကုသိုလ်ကံကောင်း အကျိုးပေးနေတဲ့ အချိန်အခါမျိုးမှာလည်း သောကတွေ ဖိစီးမှုတွေ ပေါ်ပေါက်လာနိုင်ပါတယ်. . အဲဒီအခါမှာ သောကနဲ့ ဖိစီးမှုကို စေတနာကောင်းနဲ့ ပယ်သတ်ဖို့ ကြိုးစားပါ. . . .

အိန်ဂျယ်(လ်)

အားလုံးကိုချစ်ခင်လေးစားလျှက်. . . .

ခွင့်လွှတ်ခြင်း အနုပညာ

ခွင့်လွှတ်ခြင်းသည် အံ့ဖွယ်အပြောင်းအလဲကို ဖြစ်စေသည်. . လင်ကွန်းအား သူ့ရန်သူများကို အဘယ့်ကြောင့် မဖျက်ဆီးသနည်းဟု မေးသောအခါ လင်ကွန်းက "ကျွန်တော့အနေနဲ့ ကျွန်တော့ရန်သူတွေကို မိတ်ဆွေဖြစ်အောင် လုပ်နိုင်ရင် အဲဒါ သူတို့ကို ဖျက်ဆီးလိုက်တာပဲ မဟုတ်ဘူးလား. . . " ဟု ပြန်ဖြေပါသည်. .

ခွင့်လွှတ်သောအခါ သင်သည် သူတစ်ပါးကို ပြောင်းလဲစေပြီး သင့်ကိုယ်သင်လည်း ပြောင်းလဲစေပါသည်. .

ရှေးဦးစွာ ကိုယ့်အပေါ်နှင့် သူတစ်ပါးအပေါ် ကိုယ်ပြုခဲ့သော အမှားများအတွက် ကိုယ့်ကိုယ် ကိုခွင့်လွှတ်သင့်ပါသည်. . ထို့နောက် သင့်ဘ၀တာ ၌ သင့်အပေါ်တွင် အမှားပြုခဲ့သူများ အားလုံးကို ခွင့်လွှတ်ပြီး မေတ္တာပို့သင့်ပါသည်. . .

ဤသို့ဖြင့် သင်သည် သူတစ်ပါးကို လွတ်ငြိမ်းချမ်းသာခွင့် ပေးပြီး ကိုယ့်ကိုယ် ကိုလည်း လွတ်ငြိမ်းခွင့်ပေး လိုက် ပါသည် . . သင့်ကို နှောင်ဖွဲ့ထားသည့် နောင်တတစ်ဖန် ပူပန်ရခြင်းသည် သံကြိုးကိုလည်း ချိုးဖျက်လိုက်ပါသည်. . . အတိတ်၏ ၀န်ထုပ်ဝန်ပိုးမှ သင်၏စိတ်ကို လွတ်မြော်ကစေပြီ ဖြစ်၍ သင်သည် အနာဂတ်သို့အောင်မြင်စွာ လျှောက်လှမ်းသွားနိုင်ပြီ ဖြစ်သည်. .

ခွင့်လွတ်ခံရခြင်းသည် နှစ်နည်းနှစ်လမ်းအားဖြင့် အကျိုးရှိပါသည်. . . ခွင့်လွတ်ခြင်းကို ခံရဖို့ ကိုယ်ကလည်း ခွင့်လွှတ်ရပေမည်. .

"သူတစ်ပါးကို ခွင့်မလွှတ်နိုင်သူသည် . ကိုယ်ကိုယ်တိုင် ဖြတ်သန်းရမည့် တံတားကို ချိုးဖျက်ပစ်သူ ဖြစ်သည်. . အဘယ့်ကြောင့်ဆိုသော် လူတိုင်းသည် ခွင့်လွှတ်မှုကို ခံယူလိုသောကြောင့် ဖြစ်ပါသည်. . . "ဟု အက်ဒ၀ပ်ဟာ ၀က်က ဆိုခဲ့ပါသည်.

ခွင့်လွှတ်ခြင်းသည် အကျင့်ပင်ဖြစ်သင့်ပါသည်. . အကန့်အသတ်အတိုင်းအတာမဲ့ ခွင့်လွှတ်တတ်သူသည် မည်သည့်အခါမျှ မမုန်းတတ်ပါ. .ခွင့်လွှတ်ခြင်းကို ယခုပင် စတင်သင့်ပါသည်. . . ခွင့်လွှတ်ဖို့အချိန်ဆွဲခြင်းမှာ ဒဏ်ရာကို ပို၍နက်နဲစေပါသည်. . . ခါးသည်းမှုကို ဖက်တွယ်ထားခြင်း သည် ပျော်ရွှင်မှုကို ရွေ့ဆိုင်းရာရောက်ပါသည်. . ဘ၀က တိုတောင်းပါသည်. . . အချိန်က အလျင်အမြန် ကုန်ဆုံးလျက်ရှိသည်. . .ခွင့်လွှတ်ခြင်းကို ကျင့်သုံးရန်နေ့မှာ ယနေ့ပင်ဖြစ်သည်. .

ခွင့်လွှတ်ခြင်းသည် တစ်ကိုယ်ရည် ငြိမ်းချမ်းခြင်းသို့ ရှေးရှုရာလမ်းဖြစ်သည်. . . ခွင့်လွှတ်ခြင်းဆိုသည်မှာ မိမိ၏ စိတ်အတွင်းသို့ နက်နက်ထိုးနှိုက်၍ စိတ်အနာတရဖြစ်မှုများ ၊ အငြိုးဖွဲ့မှုများ ၊နာကျည်းမှုများကို ဖယ်ရှားပစ်သည့် စိတ်ကို ခွဲစိတ်မှုဖြစ်ပါသည်

ခွင့်လွှတ်ခြင်းဆိုသည် မှာ အမှားအယွင်းမျာကို ဘယ်တုန်းကမှ မဖြစ်ခဲ့ဖူးသလို မေ့ပျောက်ပစ်ခြင်းဖြစ်သလို သင်ဘယ်တုန်းကမှ မသိခဲ့သော တည်ငြိမ်အေးချမ်းမှုကို ရှာဖွေတွေ့ရှိခြင်းပင် ဖြစ်ပါသည်. . .

ဦးဝင်းတင်

အားလုံးကိုချစ်ခင်လေးစားလျှက်. . . .

နယုန်လ

ရိုက်ချိုန်းရယ်တဲ့ စည်ပုစွန်။
ငွေဝန်း စန္ဒာနှင့်
ကြယ်ဇေဠာ ယှဉ်ကာပြည့်တယ်
ထွန်းသည့်ရောင်ဝှန်။

နွေနယန် မေထုန်ရက်မှာလ
နဘေဘုံ ရေမှုန်တက်ပါလို့
လေဟုတ်စက် ထိန့်ထိန့်လွန်
ခြိမ့်ခြိမ့်သွန်ပါလို့ စွေကာသဲ။

ခါပျော်ရန်
စာတော်ပြန် သဘင်ခန်းမှာလ
ဆင်မြန်းရန် ရဝေမယ်လို့
ငွေစံပယ် ငုံမြတ်လေးကိုတဲ့
ထုံးမင်မှာ ကုံးဆင်ဖို့ရွေးကြလိမ့်
မွှေးတဲ့လပဲ။

နယုန်လသည် မိုးကျသောလဖြစ်သည်. . . ထိုလတွင် လယ်သမားတို့သည် ပျိုးကြဲကြသောကြောင့် စိန္တကျော်သူ ဦးသြက "နယုန်ဝါလ ကြဲကြ ပျိုးထောင်" ဟု စပ်ဆိုခဲ့သည်. . . ဤသို့ ပျိုးထောင်ပျိုးကြဲအလုပ်ကို တောင်သူလယ်သမားတို့ လုပ်ကြသောအခါ စိုက်ပျိုးရေး၌ အောင်မြင်စေကြောင်း ရည်စူး၍ ပုန်းမကြည်ပွဲကို ကျင်းပကြသည်. . . ပုန်းမကြည်ဟူသော ဝေါဟာရမှာ ပုဗ္ဗကြယ်ကို ပသခြင်းကြောင့် ပုန်းမကြည်ပွဲဟု ခေါ်သည် ဟု ဆိုသည်. . . ကောက်ညှင်းပေါင်းကို ဘဲဥပြုတ်နှင့် တကွ ပန်းကန်ထဲထည့်၍ သတ်မှတ်ထားသော လယ်မြေတ၀ိုက်၌ ပသပြီးလျှင် မြေပြင်ကို ရေသွန်းလောင်းရသည်. .

ထိုလတွင် အရေးကြီးဆုံးပွဲတော်မှာ ပထမပြန်စာမေးပွဲများ ကျင်းပခြင်းဖြစ်သည်. . .ရှေးခေတ်အလိုကို ပြောရသော် နယုန်လသည် စာဆိုတော်လဟူ၍ပင် မှတ်ယူသင့်သည်. . . . အဘယ့်ကြောင့်ဆိုသော် စာဆိုခြင်း ၊ စာပြန်ခြင်းတို့ကို ဤလ၌ ကျင်းပခြင်းသောကြောင့်ဖြစ်သည်. . သို့ရာတွင် လောကီနှင့်လောကုတ္တရာကိစ္စတို့ကို ခွဲခြားလိုက်သောအခါ ယခုခေတ်ကာလတွင် နတ်တော်လကို စာဆိုတော်လ သတ်မှန်ခဲ့ကြလေပြီ. .

ပထမပြန်စာမေးပွဲကို အင်းဝပြည့်ရျင်မင်းတရားကြီးလက်ထက် သက္ကရာဇ် ၁၀၀၀ ပြည့်နှစ်တွင် စတင်ကျင်းပသည် ဟု မြန်မာ ရာဇ၀င်တို့တွင်ဆိုသည် . . . ပထမပြန်စာမေးပွဲကျင်းပရခြင်း၏ ရည်ရွယ်ချက်မှာ ပရိယတ္တသာသနာ ထွင်းကားရေးဖြစ်သည်. . . ပထမပြန်စာမေးပွဲအတွက် ရှင်လောင်း ပဉ္ဖင်းလောင်းတို့ ဖြေဆိုရန် သဒ္ဒါ၊ သဂြိုလ်၊ ဆန်း ၊ အလင်္ကာ၊ အဘိဓာန်၊ သဒ္ဒတ္တဘေဒစိန္တာ၊ ကစ္စာယနသာရ၊ ၀ါစ္စ၀ါစက၊ ၀ိဘတျတ္ထ၊ ဒွေမာတိကာ၊ မာတိကာ၊ ဓာတုကထာ၊ ယမိုက်၊ ပဠာန်းကျမ်းတို့ကို ပထမငယ်၊ ပထမလတ်၊ ပထမကြီး၊ ပထမကျော်အဆင့်တို့အတွက် ပြဠာန်းသည်. . .

သီပေါမင်းတရားလက်ထက် သက္ကရာဇ် ၁၂၄၅ ခုနှစ်တွင် ပထမပြန် စာမေးပွဲဆိုင်ရာ စည်းကမ်းဥပဒေများကို ထုတ်ပြန်၍ စနစ်တကျ ကျင်းပသည်. . . စာမေးပွဲဝင်သူတို့သည်. . ပါဠိကို နှုတ်တက် အာဂုံပြန်ဆိုရသည်. . . . အနက်အဓိပ္ပါယ်ကို နှုတ်ဖြင့်မေး၍ နှုတ်ဖြင့် ဖြေဆိုရသည်. . အနက် အဓိပ္ပါယ်ကို ပုစ္ဆာထုတ်၍လည်း စာရွက်ဖြင့်မေး၊ စာရွက်ဖြင့် ဖြေရသည်. . .ပထမကြီးအောင် သူတို့တွင် အမှတ်အများဆုံးရသူကို ပထမကျော်ဘွဲ့ဖြင့် ချီးမြှင့်ပူဇော်သည်. . .

သီပေါမင်းပါတော်မူပြီးနောက် ပထမပြန်စာမေးပွဲများသည် ကိုးနှစ်ခန့်အဆက်ပြန်ခဲ့လေသည်. . . သက္ကရာဇ် ၁၂၅၇ ခုနှစ်(ခရစ်နှစ် ၁၈၉၄) တွင် ပထမပြန်စာမေးပွဲများ ပြန်လည်ကျင်းပရန် ဗြိတိသျှ အစိုးရတို့က ဆုံးဖြတ်ပြီးလျှင် ၁၂၅၇ ခုနှစ် (ခရစ်နှစ်၁၈၉၆) နယုန်လကစ၍ ပထမပြန်စာမေးပွဲများကို နှစ်စဉ်ကျင်းပသည်. . . သက္ကရာဇ် ၁၂၆၅ ခုနှစ်မှ စ၍ အစိုးရာပထမပြန်စာမေးပွဲများကို အစဉ်ကိုလိုက်၍ မြန်မာနိုင်ငံအတွင်းရှိ ဗုဒ္ဓဘာသာ အသင်းများက ပရိယတ္တိစာမေးပွဲများကို ကျင်းပလာကြရာ ယနေ့ထိ နှစ်စဉ်ကျင်းပခဲ့ပါသည်. . .

ယခုအခါ ပထမပြန်စာမေးပွဲနှင့် ဓမ္မာစရိယစာမေးပွဲများ အပြင် တိပိဋကဓရ ရွေးချယ်ပွဲကြီး၊ အဘိဓမ္မာ စာမေးပွဲနှင့် ၀ိသုဒ္ဓိမဂ်စာမေးပွဲတို့ ကိုလည်း နှစ်စဉ်ကျင်းပပေးခြင်း၊ အောင်ဆုလက်မှတ်များ ဆက်ကပ်လှူဒါန်းခြင်းတို့ဖြင့် သာသနာတော် တိုးတက်စည်ကား ပြန့်ပွားရေးကို ဆောင်ရွက်လျှက်ရှိသည်. .

ထို့အပြင် သုံးလူ့ထွတ်တင် ဘုရားရှင်သည် နယုန်လပြည့်နေ့၌ စကြ၀ဠာ တစ်သောင်းမှ နတ်ဗြဟ္မာ အပေါင်းတို့ အား မဟာသမယသုတ်တော် ဟောကြားတော်မူခဲ့ခြင်းကို အစွဲပြု၍ "မဟာသမယ အခါတော်နေ့" ပွဲတော်ကို အနှစ်သာရပြည့်စွာ ကျင်းပကြပါသည်. . .

မောင်ထင် (မြန်မာ့ဆယ့်နှစ်လအကြောင်း)


အားလုံးကိုချစ်ခင်လေးစားလျှက်. . . .

နှလုံးသားမှ မျက်ရည်စ

အပြစ်ငါ့တွင် ၊ ရှိသည်ထင်၍
နာကျင်စေနိုး၊ သူ့အငြိုးကို
စိတ်ဆိုးစိတ်မာန် ၊ မတုံ့ပြန်ဘဲ
သည်းခံလျက်ငါ ခွင့်လွှတ်ပါ၏။

အမှားင့ါတွင် ၊ ရှိသည်ထင်၍
ငြိုငြင်ဆူဆဲ၊ ပြင်းစွာမဲကာ
နင်ဘဲငဆ၊ သူရှုတ်ချလည်း
ဒေါသခက်ထန်၊ မတုံ့ပြန်ဘဲ
သည်းခံလျက်ငါ ခွင့်လွှတ်ပါ၏။

အပြစ်အမှား၊ ရှိလိမ့်လားဟု
ယုံမှားတွက်ဆ၊ သံသယဖြင့်
ငါ့ကို အငြိုး၊ ကြိမ်ကြိ်မ်ပျိုးလည်း
မိုးတိမ်လွင့်စင်၊ လစန်းရှင်သည်
ကြည်လင်ညံ့နု၊ရွှေရည်ဥသို့
သူ့တွင်ဒေါသ၊ မာန်မာနတို့
ကွယ်ပကင်းပျောက် ၊ အမှန်ရောက်သော်
ချောက်ချောက်ချားချား၊ နှုတ်စကားဖြင့်
ငါ့အားတစ်ဖန်၊ သူတောင်းပန်သော်
သည်းခံလျက်သာ ၊ခွင့်လွှတ်ပါ၏

သို့ပါသော်ငြား ၊နှလုံးသားမှ
လှုပ်ရှားဝေ့လည်၊ စမ်းနှယ်ကြည်သည့်
မျက်ရည်တစ်စက်၊ လွင့်ကြွေသက်၏
ရက်စက်သူတို့ မမြင်နိုင်။ ။

မြင်းမူမောင်နိုင်မိုး

အားလုံးကိုချစ်ခင်လေးစားလျှက်. . . .

နားလည်မှု

နေရာတကာတွင် ငါသာသိ၊ ငါသာတတ် ငါ တကော ကောနေတတ်သူတို့သည် မိမိကိုယ်ကိုယ် နားမလည်သူများ ဖြစ်ကြသည်. . . ထိုသူတို့သည် သူတစ်ပါးအပေါ် နားလည်နိုင်ရန်ခဲယဉ်းလှသည်. . . အရာရာတွင် ကိုယ်နှင့် နှိုင်းပြီး ဆင်ကန်းတောတိုး လုပ်တတ်ကြသည်. . .

စင်စစ်မှု နားလည်မှုသည်. . မိမိကိုယ်တိုင် အရင် ကျင့်သုံး လိုက်နာရမည့်. . . လူမှုရေး ကျင့်စဉ်တစ်ခုသာ ဖြစ်သည်. . အဘယ့်ကြောင့်ဆိုသော် မိမိကိုယ်တိုင် နားလည်မှသာ မိမိအပေါင်းအသင်း ၊ မိမိပတ်ဝန်းကျင်အပေါ်နားလည် နိုင်သောကြောင့် ဖြစ်သည်. . . ထို့ကြောင့် သူတစ်ပါးကို နားလည်လိုလျှင် ၊ နားလည်မှုကို ပေးလိုလျှင် မိမိကိုယ်ကို နားလည်အောင် အရင်လုပ်ရမည်ဖြစ်သည်..

ပေါင်းသင်းဆက်ဆံရေးနှင့် မကင်းသောသူသည်. . လူအချင်းချင်း ပြေလည်ချောမွေ့စွာ ပေါင်းသင်းနေထိုင်ရန် အရေးကြီးလှသည်. . တစ်ဦးသဘောကို တစ်ဦး သိမြင်နားလည်ကာ ပျော်ရွှင်ချမ်းမြေ့ဖွယ် လူမှု ပတ်ဝန်းကျင်ကို ဖန်တီးနိုင်ရန် လိုအပ်သည် . . . ထိုအခါ တစ်ဦးအပေါ်တစ်ဦး နားလည်မှုသည်. . မရှိမဖြစ် အရေးတကြီး လိုအပ်လာသည်. . .

ပေါင်းသင်းဆက်ဆံရေး ရှိသောလူသည် မိမိကိုယ်ကိုယ် နားလည်ထားရုံမျှနှင့် မပြီးသေးပါ. . ပတ်ဝန်းကျင်ရှိ မိမိဘ၀ခရီးဖော် အခြားလူများအပေါ် နားလည်အောင် လုပ်ရမည့် တာဝန်သည်. . . ယဉ်ကျေးသော လူသားတစ်ဦး၏မွေးရာပါ ဘ၀ပေးတာဝန်ဖြစ်သည်. . . သို့မှသာ မိမိအမြင်၊ မိမိသဘောနှင့် အခြားလူများ၏ အမြင်သဘောကို နှိုင်းချိန်ဆက်စပ်ကာ အများအကျိုး၊ လူ့လောက အကျိုးကို အောင်မြင်စွာ သယ်ပိုး ဆောင်ရွက်ကြမည်ဖြစ်သည်. . . .

အများအပေါ် နားလည်မှုရရှိနိုင်ရန် အောက်ပါနည်းလမ်းများကို ကျင့်သုံးနိုင်ပါသည်. .

၁. မိမိကိုယ်ကို ဝေဖန်၍ နားလည်သဘောပေါက်အောင် လေ့လာခြင်း။

၂. မိမိနှင့် ထိတွေ့ဆက်ဆံနေရသူတို့အပေါ် စိစစ်လေ့လာခြင်း။

၃. ကိုယ်ချင်းစာနာစိတ် မွေးမြူခြင်း၊

၎ အကောင်းမြင် ၊ အပြုသဘောကို ဆောင်ထားခြင်း။

တို့ဖြစ်ပါသည်. . .

ထို့ကြောင့် လူတိုင်းသည် မိမိကိုယ်ကိုယ် နားလည်အောင် ပထမဦးစွာ လေ့လာဆန်းစစ်ပြီး အခြားလူများ အပေါ်တွင် နားလည်သဘောပေါက်ရန် အားထုတ်သင့်ပါသည်. .

ဦးဝမ်ထိန်

အားလုံးကိုချစ်ခင်လေးစားလျှက်. . . .

သားဖေဖေ

သားကြီး

No man is perfect တဲ့။
အပြစ်ကင်းသူ ဘယ်သူမှ မရှိပါဘူးကွယ်။
လူမှန်ရင် ဘယ်သူမဆို
တစ်ကွေ့မဟုတ် တစ်ကွေ့တော့
မှားကြတာချည်းပါပဲ။

အမှား လုပ်မိတဲ့အတွက်
စိတ်ပျက် အားငယ်သွားဖို့ မဟုတ်ပါဘူး။
အမှားကိုမြင် အမှန်ပြင်ပြီး
လမ်းမှန်ကို ပြန်လျှောက်နိုင်ဖို့ပဲ လိုတယ်။

သားဘ၀ရဲ့ လမ်းမှန်ကို ပြန်လျှောက်ဖို့
ဖေဖေဟာ သားအတွက် အားဆေး
ပြီးတော့ သားရဲ့ လက်စွဲတောင်ဝှေး
အချိန်မရွေးဖြစ်နေမှာပါ။

အားမငယ်ပါနဲ့ သားရယ် ။
ဘ၀ အမှောင်လမ်းမှာ
သားက စမ်းတ၀ါးဝါး ဖြစ်နေခဲ့ရင
ဖေဖေက လမ်းပြကြယ်ပေါ့

ဖေဖေ ညွန်ပြတဲ့ လမ်းကို
အားကိုးယုံကြည်စွာ လိုက်ခဲ့တော့နော်။

ဖေဖေ

ကောင်းသန့်

အားလုံးကိုချစ်ခင်လေးစားလျှက်. . . .

လက်ဆောင်

ဘတ်စ်ကား တစ်စီးပေါ်မှာ. . .

အဘိုးကြီးတစ်ယောက် ပန်းလှလှတစ်စည်း ကိုင်လျက် လိုက်ပါလာသည်. .. သူနှင့် လူသွားလမ်းခြားလျက် တစ်ဖက် ထိုင်ခုံမှာ မိန်းကလေး တစ်ယောက် ထိုင်နေသည်. .

ကောင်မလေး မျက်လုံးတွေက ပန်းတွေဆီပဲ တရစ်ဝဲ၀ဲ ဖြစ်နေသည်. . .

ခဏနေတော့ မှတ်တိုင် တစ်တိုင်မှာ ဘတ်စ်ကား ရပ်သည်. . . .

အဘိုးကြီးက အလျင်စလို ထက ပန်းစည်းကို ကောင်မလေး လက်ထဲ ထိုးထည့်သည် . .

"ယူပါကွာ၊ မင်းကြည့်ရတာ ပန်းသိပ်ချစ်ပုံရတယ်. . . မင်းကိုပေးခဲ့တဲ့အကြောင်း သိရရင် အဘဇနီးကလဲ ၀မ်းသာမှာပါ. . . . အဘသူ့ကိုပြောပြလိုက်ပ့ါမယ်. . . . "

ကောင်မလေးက ပန်းစည်းကို ယူလိုက်ပြီး အဘိုးကြီး ကားပေါ်က ဆင်းသည်ကို လိုက်ကြည့်နေသည်. . . ဘတ်စ်ကား ရပ်သည့် နေရာက သုသာန်တံခါးဝ အနီးမှာ ဖြစ်သည်. . . သုသာန်ထဲသို့ အဘိုးကြီး ၀င်သွားတာ သူမြင်လိုက်ရသည်. .

ဖေမြင့်

နှလုံးသားအာဟာရ

အားလုံးကိုချစ်ခင်လေးစားလျှက်. . .

ခြောက်ကျိပ်သော ရဟန်းတော်များကို သာသနာပြု စေလွှတ်တော်မူပုံ

မိဂဒါဝုန်တော၌ ပထမ၀ါကပ်တော်မူ၍ ၀ါကျွတ်သောအခါ ဗုဒ္ဓမြတ်စွာမှတပါး ရဟန္တာ ရဟန်းတော်ပေါင်း ၆ ကျိပ် အတိရှိလေပြီ. . . ဗုဒ္ဓမြတ်စွာသည် ထိုခြောက်ကျိပ်သော ရဟန်းတော်တို့ကို ခေါ်တော်မူ၍ "ဘိက္ခုတို့. . . . ငါသည် လူနတ်တို့၌ ဖြစ်သော တဏှာရာဂကျော့ကွင်းမှ လွတ်ကင်းတော်မူခဲ့ပြီ ၊ အသင်တို့လည်း လူနတ်တို့၌ဖြစ်သော တဏှာ ရာဂကျော့ကွင်းမှ လွတ်ကင်းခဲ့ကြကုန်ပြီ. . " ဟု စကားစချီ မိန့်တော်မူသည်မှာ. .

"သင်တို့ထိုထိုဤဤ လှည့်လည်ကြချေ၊ အစ အလယ် အဆုံး ၃ပါးလုံး ကောင်းမြတ်၍ အနက် အဓိပ္ပါယ် ပြည့်စုံသော တရားတော်များကို ဟောကြချေ . . . ကိလေသာမြူနည်းပါး၍ ပညာမျက်စိအားကောင်းသော သတ္တ၀ါများ ရှိကြပေသည်. . . ထိုသတ္တ၀ါတို့သည် . တရားမနာရသောကြောင့် ရသင့်သော တရားထူးမှ ယုတ်လျော့နေကြသည် တရားကို သိလွယ်သူတွေ ရှိကြပေလိမ့်မည် . ." ဟု မိန့်တော်မူက သာသနာပြု လွှတ်တော်မူသည်. .

BUDDHA SENDING OUT A MISSION OF SIXTY ARAHANTS

After the Buddha had kept his retreat at the Deer Park at Isipatana during the first rainy season, there were fully sixty Arahants besides the Blessed One. He called them and said."Released am I, O Bhikkhu, from fetters both human and divine. Ye also are free from fetters both human and divine. Go ye, now O Bhikkus, and wander for the gain of the many, for the good of the many, for the gain and welfare of gods and men. Preach, O Bhikkus, the doctrine which is glorious in the beginning, glorious in the middle, glorious at the end in spirit and in letter. Proclaim the Holy life altogether perfect and pure. There are beings with a little dust in their eyes, who , not hearing the Doctrine will fall away. There will be thouse who will understand the Doctrine". With this exhortaiton the Buddha despatched His first sixyt disciples in various directions.

အားလုံးကိုချစ်ခင်လေးစားလျှက်. . . .

အချစ်

"အချစ်" လို့အမည်ရတဲ့ ပန်းချီပြပွဲလေးတစ်ခုမှာပါ. . .

အဲဒီခေါင်းစဉ်အောက်မှာ ရေးဆွဲထားကြတဲ့ ပန်းချီကားတွေကလည်း ဆွတ်ပျံ့ ကြည်နူးဖွယ်ရာ အန်မတန်ကောင်းပါတယ်. . .

နောက်ဆုံးတစ်နေရာမှာ ဘာမှ မရေးဆွဲရသေးတဲ့ ကင်းဗတ်စအဖြူကို ရွှေဘောင်ကွပ်ထားတဲ့ ပန်းချီကား တစ်ချပ်ကိုတွေ့ပါတယ်. . . . အဲဒီ ပန်းချီကားအောက်မှာ "ရောင်းရန်မဟုတ်ပါ " လို့လည်း စာတမ်းဆွဲထားပါတယ်. . . စိတ်ဝင်စားတာနဲ့ အဲဒီပန်းချီကားပိုင်ရှင်နဲ့ သွားတွေ့ပါတယ်. . .

ဘာမှ မရေးထားတဲ့ ပန်းချီကားတစ်ချပ်ကို ဘာဖြစ်လို့ ပြပွဲတင်ထားသလဲ လို့ သိချင်လို့ပါ .

အဲဒီပန်းချီဆရာ က ပြန်ဖြေလိုက်ပါတယ်. . . .

"ကျွန်တော် အချစ်ဆိုတဲ့ အရာကို ဘယ်လိုပုံဖော်ရမလဲလို့ . . . စဉ်းစားလိုက်တာ. . . နောက်ဆုံး ပြပွဲဖွင့်ရက် ရောက်တဲ့ အထိ စဉ်းစားလို့မရတာနဲ့ ဒီအတိုင်းထားလိုက်မိတာပါ. . ."

"မိတ်ဆွေတို့လည်း ၀င်ရောက် ပုံဖော်ကြည့်ပါအုံး. . . တဲ့"

အားလုံးကိုချစ်ခင်လေးစားလျှက်. . . .